Sekha Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts][than] Evaṃ me sutaṃ:|| ||

Ekaṃ samayaṃ Bhagavā Sāvatthiyaṃ viharati||
Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṃ.|| ||

Bhagavā etad avoca:|| ||

2. "Cha yime bhikkhave dhammā sekhassa bhikkhuno parihānāya saṃvaṭṭanti.|| ||

Katame cha?|| ||

[330] Kamm'ārāmatā,||
bhassārāmatā,||
niddārāmatā,||
saṅgaṇ'ikārāmatā,||
indriyesu agutta-dvāratā,||
bhojane amatt'aññutā.|| ||

Ime kho bhikkhave cha dhammā sekhassa bhikkhuno parihānāya saṃvaṭṭanti.|| ||

Cha yime bhikkhave dhammā sekhassa bhikkhuno aparihānāya saṃvaṭṭanti.|| ||

Katame cha?|| ||

Na kammārāmatā,||
na bhassārāmatā||
na niddārāmatā,||
na saṅgaṇ'ikārāmatā,||
indriyesu gutta-dvāratā,||
bhojane matt'aññutā.|| ||

Ime kho bhikkave cha dhammā sekhassa bhikkhuno aparihānāya saṃvaṭṭanti" ti.|| ||