Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Chakka Nipāta
VI. Mahā Vagga

Sutta 56

Phagguṇa Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[379]

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

2. Tena kho pana samayen'āyasmā Phagguṇo ābādhiko hoti dukkhito bāḷha-gilāno.|| ||

Atha kho āyasmā Ānando yena Bhagavā ten'upasankami,||
upasankamitvā bhavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho āyasmā Ānando Bhagavantaɱ etad avoca:|| ||

"Āyasmā bhante Phagguṇo ābādhiko dukkhito bāḷha-gilāno,||
sādhū bhante Bhagavā yen'āyasmā Phagguṇo ten'upasankamatu anukampaɱ upādāyā" ti.|| ||

Adhivāsesi Bhagavā tuṇhī-bhāvena.|| ||

Atha kho Bhagavā sāyaṇha-samayaɱ patisallānā vuṭṭhito yen'āyasmā Phagguṇo ten'upasankami.|| ||

Addasā kho āyasmā Phagguṇo Bhagavantaɱ dūrato va āga-c-chantaɱ,||
disvāna mañcake samañco pi.|| ||

Atha kho Bhagavā āyasmantaɱ Phagguṇaɱ etad avoca:|| ||

"Alaɱ Phagguṇa,||
mā tvaɱ mañcake samañco pi.|| ||

San'imāni āsanāni pure paññattāni,||
tatthāhaɱ nisidissāmi" ti.|| ||

Nisidi Bhagavā paññatte āsane.|| ||

Nisajja kho Bhagavā āyasmantaɱ Phagguṇaɱ etad avoca:|| ||

"Kacci te Phagguṇa khamanīyaɱ,||
kacci yāpanīyaɱ,||
kacci dukkhā vedanā paṭi-k-kamanti,||
no abhi-k-kamanti,||
paṭikkamosānaɱ paññāyati,||
no abhi-k-kamo" ti?|| ||

"Na me bhante khamanīyaɱ,||
na yāpanīyaɱ,||
bāḷhā me dukkhā vedanā abhi-k-kamanti,||
no paṭi-k-kamantī,||
abhi-k-kam'osānaɱ paññāyati,||
no paṭikkamo.|| ||

Seyyathā pi bhante,||
balavā puriso tiṇhena sikharena muddhānaɱ abhimattheyya,||
evam eva kho me bhante,||
adhimattā vātā mud- [380] dhānaɱ hananti,||
na me bhante khamanīyaɱ,||
na yāpanīyaɱ,||
bāḷhā me dukkhā vedanā abhi-k-kamanti,||
no paṭi-k-kamanti,||
abhi-k-kam'osānaɱ paññāyati,||
no paṭikkamo.|| ||

Seyyathā pi bhante||
balavā puriso daḷhena varatta-bandhena sīse sīsa-veṭhanaɱ dadeyya,||
evam eva kho me bhante,||
adhimattā sīse sīsa vdenā,||
na me bhante khamanīyaɱ,||
na yāpanīyaɱ,||
bāḷhā me dukkhā vedanā abhi-k-kamanti,||
no paṭi-k-kamanti,||
abhi-k-kam'osānaɱ paññāyati,||
no paṭikkamo.|| ||

Seyyathā pi bhante,||
dakkho goghātako vā go-ghātak'antevāsi vā tiṇhena govikantanena kucchiɱ parikanteyya,||
evam eva kho me bhante,||
adhimattā vātā kucchiɱ parikantanti,||
na me bhante khamanīyaɱ,||
na yāpanīyaɱ,||
bāḷhā me dukkhā vedanā abhi-k-kamanti,||
no paṭi-k-kamanti,||
abhi-k-kam'osānaɱ paññāyati,||
no paṭikkamo.|| ||

Seyyathā pi bhante,||
dvi balavanto purisā dubbalataraɱ purisaɱ nānā-bāhāsu gahetvā aŋg'ārakāsuyā santāpeyyuɱ paritāpeyyuɱ,||
evam eva kho me bhante,||
adhimatto kāyasmiɱ ḍāho,||
na me bhante khamanīyaɱ,||
na yāpanīyaɱ,||
bāḷhā me dukkhā vedanā abhi-k-kamanti,||
no paṭi-k-kamanti,||
abhi-k-kam'osānaɱ paññāyati,||
no paṭikkamo" ti.|| ||

Atha kho Bhagavā āyasmantaɱ Phagguṇaɱ dhammiyā kathāya sanda-s-setvā samāda-petvā samutte-chetvā sampahaɱ-setvā uṭṭhāy āsanā pakkāmi.|| ||

2. Atha kho āyasmā Phagguṇo acira-pakkantassa Bhagavato kālamakāsi.|| ||

Tamhi c'assa samaye maraṇa-kāle indriyāni vippasidiɱsu.|| ||

Atha kho āyasmā Ānando yena [381] Bhagavā ten'upasankami.|| ||

Upasaŋkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho āyasmā Ānando Bhagavantaɱ etad avoca:|| ||

"Āyasmā bhante Phagguṇo acira-pakkantassa Bhagavato kālamakāsi.|| ||

Tamhi c'assa samaye maraṇa-kāle indriyāni vippasidiɱsū" ti.|| ||

"Kiɱ h'Ānanda Phagguṇassa bhikkhuno indriyāni nappasīdissanti?|| ||

Phagguṇassa Ānanda bhikkhuno pañcahi oramhāgiyehi saŋyojanehi cittaɱ avimuttaɱ ahosi.|| ||

Tassa taɱ Dhamma-desanaɱ sutvā pañcahi oramhāgiyehi saŋyojanehi cittaɱ vimuttaɱ.|| ||

 


 

Cha yime Ānanda ānisaɱsā kālena Dhamma-savaṇe,||
kālena atth'upapari-k-khāya.|| ||

Katame cha?|| ||

3. Idh'Ānanda bhikkhuno pañcahi oramhāgiyehi saŋyojanehi cittaɱ avimuttaɱ hoti.|| ||

So tamhi samaye maraṇa-kāle labhati Tathāgataɱ dassanāya.|| ||

Tassa Tathāgato dhammaɱ deseti:||
ādi-kalyāṇaɱ||
majjhe-kalyāṇaɱ||
pariyosāna-kalyāṇaɱ||
sātthaɱ savyañ janaɱ kevala-paripuṇṇaɱ parisuddhaɱ,||
Brahma-cariyaɱ pakāseti.|| ||

Tassa taɱ Dhamma-desanaɱ sutvā pañcahi oramhāgiyehi saŋyojanehi cittaɱ vimuccati.|| ||

Ayaɱ Ānanda paṭhamo ānisaɱso kālena Dhamma-savaṇe.|| ||

4. Puna ca paraɱ Ānanda bhikkhuno pañcahi oramhāgiyehi saŋyojanehi cittaɱ avimuttaɱ hoti.|| ||

So tamhi saye maraṇa-kāle na h'eva kho labhati Tathāgataɱ dassanāya,||
api ca kho Tathāgata-sāvakaɱ labhati dassanāya.|| ||

Tassa Tathāgata-sāvako dhammaɱ deseti:||
ādi-kalyāṇaɱ||
majjhe-kalyāṇaɱ||
pariyosāna-kalyāṇaɱ||
sātthaɱ savyañ janaɱ kevala-paripuṇṇaɱ parisuddhaɱ,||
Brahma-cariyaɱ pakāseti.|| ||

Tassa taɱ dhammadenaɱ sutvā pañcahi oramhāgiyehi saŋyojanehi cittaɱ vimuccati.|| ||

Ayaɱ Ānanda dutiyo ānisaɱso kālena Dhamma-savaṇe.|| ||

5. Puna ca paraɱ Ānanda bhikkhuno pañcahi oram- [382] hāgiyehi saŋyojanehi cittaɱ avimuttaɱ hoti.|| ||

So tamhi samaye maraṇa-kāle na h'eva kho labhati Tathāgataɱ dassanāya,||
na pi Tathāgata-sāvakaɱ labhati dassanāya,||
api ca kho yathā-sutaɱ yathā-pariyattaɱ dhammaɱ cetasā anuvitakketi,||
anuvicāreti,||
manas-ā-nupekkhati.|| ||

Tassa yathā-sutaɱ yathā-pariyattaɱ dhammaɱ cetasā anuvitakkayato||
anuvicārayato||
manas-ā-nupekkhato||
pañcahi oramhāgiyehi saŋyojanehi cittaɱ vimuccati.|| ||

Ayaɱ Ānanda tatiyo ānisaɱso kālena Dhamma-savaṇe kālena atth'ūpapari-k-khāya.|| ||

6. Idh'Ānanda bhikkhuno pañcahi oramhāgiyehi saŋyojanehi cittaɱ vimuttaɱ hoti,||
anuttare ca kho upadhi-sankhaye cittaɱ avimuttaɱ hoti.|| ||

So tamhi samaye maraṇa-kāle labhati Tathāgataɱ dassanāya.|| ||

Tassa Tathāgato dhamma deseti:||
ādi-kalyāṇaɱ||
majjhe-kalyāṇaɱ||
pariyosāna-kalyāṇaɱ||
sātthaɱ savyañ janaɱ kevala-paripuṇṇaɱ parisuddhaɱ,||
Brahma-cariyaɱ pakāseti.|| ||

Tassa taɱ Dhamma-desanaɱ sutvā anuttare kho upadhi-sankhaye cittaɱ vimuccati.|| ||

Ayaɱ Ānanda catuttho ānisaɱso kālena Dhamma-savaṇe.|| ||

7. Puna ca paraɱ Ānanda bhikkhuno pañcahi oramhāgiyehi saŋyojanehi cittaɱ vimuttaɱ hoti||
anuttare ca kho upadhi-sankhaye cittaɱ avimuttaɱ hoti.|| ||

So tamhi samayehi maraṇa-kāle na h'eva kho labhati Tathāgataɱ dassanāya,||
api ca kho Tathāgata-sāvakaɱ labhati dassanāya.|| ||

Tassa Tathāgata sāvako dhammaɱ deseti:||
ādi-kalyāṇaɱ||
majjhe-kalyāṇaɱ||
pariyosāna-kalyāṇaɱ||
sātthaɱ savyañ janaɱ kevala-paripuṇṇaɱ parisuddhaɱ,||
Brahma-cariyaɱ pakāseti.|| ||

Tassa taɱ Dhamma-desanaɱ sutvā anuttare upadhi-sankhaye cittaɱ vimuccati.|| ||

Ayaɱ Ānanda pañcamo ānisaɱso kālena Dhamma-savaṇe.|| ||

8. Puna ca paraɱ Ānanda bhikkhuno pañcahi oramhāgiyehi sayojanehi cittaɱ vimuttaɱ hoti,||
anut- [383] tare ca kho upadhi-sankhaye cittaɱ avimuttaɱ hoti.|| ||

So tamhi samaye maraṇa-kāle na h'eva kho labhati Tathāgataɱ dassanāya,||
na pi Tathāgata-sāvakaɱ labhati dassanāya,||
api ca kho yathā-sutaɱ yathā-pariyattaɱ dhammaɱ cetasā||
anuvitakketi||
anuvicāreti||
manas-ā-nupekkhati.|| ||

Tassa yathā-sutaɱ yathā-pariyattaɱ dhammaɱ cetasā||
anuvitakkayato||
anuvicārayato||
manas-ā-nupekkhato||
anuttare upadhi-sankhaye cittaɱ vimuccatī.|| ||

Ayaɱ Ānanda chaṭṭo ānisaɱso kālena Dhamma-savaṇe kālena atth'upapari-k-khāya.|| ||

Ime kho Ānanda cha ānisaɱsā kālena Dhamma-savaṇe kālena atth'upapari-k-khāyā" ti.

 


Contact:
E-mail
Copyright Statement