Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Chakka Nipāta
VI. Mahā Vagga

Sutta 61

Majjhe Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[399]

[1][pts][olds] EVAṂ ME SUTAṂ

Ekaɱ samayaɱ Bhagavā Bārāṇasiyaɱ viharati Isipatane Migadāye.|| ||

Tena kho pana samayena sambahulānaɱ therānaɱ bhikkhunaɱ pacchā-bhattaɱ piṇḍa-pāta-paṭikkantānaɱ maṇḍala-māle sanni-sinnānaɱ sanni-patitānaɱ ayam antarā-kathā udapādi:|| ||

"Vuttam idaɱ āvuso Bhagavatā pārāyane Metteyya-pañhe:|| ||

"Yo ubh'ante vidit'vāna majjhe mantā na limpati,||
taɱ brūmi mahā puriso ti, so'dha sibbanim accagā" ti|| ||

Katamo nu kho āvuso eko anto,||
katamo dutiyo anto,||
kiɱ majjhe,
kā sibbanī ti?|| ||

 

§

 

[2][pts][olds] Evaɱ vutte aññataro bhikkhu there bhikkhū etad avoca:|| ||

"Phasso kho āvuso eko anto,||
phassa-samudayo dutiyo [400] anto,||
phassa-nirodho majjhe,||
taṇhā sibbanī.|| ||

Taṇhā hī naɱ sibbati tassa tass'eva bhavassa abhinip-phattiyā.|| ||

Ettāvatā kho avuso bhikkhu abhiññeyyaɱ abhijānāti,||
pariññeyyaɱ parijānāti.|| ||

Abhiññeyyaɱ abhijānanto pariññeyyaɱ parijānanto diṭṭhe'va dhamme dukkhassa antakaro hotī," ti.|| ||

[3][pts][olds] Evaɱ vutte aññataro bhikkhu there bhikkhū etad avoca:|| ||

"Atītaɱ kho āvuso eko anto,||
anāgataɱ dutiyo anto,||
paccuppannaɱ majjhe,||
taṇhā sibbanī.|| ||

Taṇhā hī naɱ sibbati tassa tass'eva bhavassa abhinip-phattiyā.|| ||

Ettāvatā kho avuso bhikkhu abhiññeyyaɱ abhijānāti,||
pariññeyyaɱ parijānāti.|| ||

Abhiññeyyaɱ abhijānanto pariññeyyaɱ parijānanto diṭṭhe'va dhamme dukkhassa antakaro hotī," ti.|| ||

[4][pts][olds] Evaɱ vutte aññataro bhikkhu there bhikkhū etad avoca:|| ||

"Sukhā kho āvuso vedanā eko anto,||
dukkhā vedanā dutiyo anto,||
adukkha-m-asukhā vedanā majjhe,||
taṇhā sibbanī.|| ||

Taṇhā hī naɱ sibbati tassa tass'eva bhavassa abhinip-phattiyā.|| ||

Ettāvatā kho avuso bhikkhu abhiññeyyaɱ abhijānāti,||
pariññeyyaɱ parijānāti.|| ||

Abhiññeyyaɱ abhijānanto pariññeyyaɱ parijānanto diṭṭhe'va dhamme dukkhassa antakaro hotī," ti.|| ||

[5][pts][olds] Evaɱ vutte aññataro bhikkhu there bhikkhū etad avoca:|| ||

"Nāmaɱ kho āvuso eko anto,||
rūpaɱ dutiyo anto,||
viññāṇaɱ majjhe,||
taṇhā sibbanī.|| ||

Taṇhā hī naɱ sibbati tassa tass'eva bhavassa abhinip-phattiyā.|| ||

Ettāvatā kho avuso bhikkhu abhiññeyyaɱ abhijānāti,||
pariññeyyaɱ parijānāti.|| ||

Abhiññeyyaɱ abhijānanto pariññeyyaɱ parijānanto diṭṭhe'va dhamme dukkhassa antakaro hotī," ti.|| ||

[6][pts][olds] Evaɱ vutte aññataro bhikkha) there bikku etavoca:|| ||

"Cha kho āvuso ajjhattikāni āyatanāni eko anto,||
bāhirāni āyatanāni dutiyo anto,||
viññāṇaɱ majjhe,||
taṇhā sibbanī.|| ||

Taṇhā hī naɱ sibbati tassa tass'eva bhavassa abhinip-phattiyā.|| ||

Ettāvatā kho avuso bhikkhu abhiñ- [401] ñeyyaɱ abhijānāti,||
pariññeyyaɱ parijānāti.|| ||

Abhiññeyyaɱ abhijānanto pariññeyyaɱ parijānanto diṭṭhe'va dhamme dukkhassa antakaro hotī," ti.|| ||

[7][pts][olds] Evaɱ vutte aññataro bhikkhu there bhikkhū etad avoca:|| ||

"Sakkāyo kho āvuso eko anto,||
sakkāya-samudayo dutiyo anto,||
sakkāya-nirodho majjhe,||
taṇhā sibbanī.|| ||

Taṇhā hī naɱ sibbati tassa tass'eva bhavassa abhinip-phattiyā.|| ||

Ettāvatā kho avuso bhikkhu abhiññeyyaɱ abhijānāti,||
pariññeyyaɱ parijānāti.|| ||

Abhiññeyyaɱ abhijānanto pariññeyyaɱ parijānanto diṭṭhe'va dhamme dukkhassa antakaro hotī," ti.|| ||

[8][pts][olds] Evaɱ vutte aññataro bhikkhu there bhikkhū etad avoca:|| ||

"Vyākataɱ kho āvuso amhesi sabbeh'eva yathā-sakaɱ paṭihānaɱ.|| ||

Āyām-āvuso yena Bhagavā ten'upasankamissāma,||
upasankamitvā Bhagavato etam atthaɱ āroce-s-sāma.|| ||

Yathā no Bhagavā vyākarissati,||
tathā naɱ dhāressāmā" ti.|| ||

'Evam āvuso' ti kho therā bhikkhū tassa bhikkhuno paccassosuɱ.|| ||

 

§

 

Atha kho therā bhikkhū yena Bhagavā ten'upasankamiɱsu, upasankamitvā Bhagavantaɱ abhivādetvā eka-m-antaɱ nisidiɱsu.|| ||

Eka-m-antaɱ nisinnā kho therā bhikkhu yāvatako ahosi sabbeh'eva saddhiɱ kathā-sallāpo,||
taɱ sabbaɱ Bhagavato ārocesuɱ:|| ||

'Kassa nu kho bhante su-bhāsitan' ti?|| ||

'Sabbesaɱ vo bhikkhave su-bhāsitaɱ pariyāyena,||
api ca yaɱ mayā sandhāya bhāsitaɱ pārāyane Mettayya-pañhe:|| ||

"Yo ubh'ante vidit'vāna majjhe mantā na lippati,||
taɱ brūmi mahā puriso ti, so'dha sibbanim accagā" ti|| ||

Taɱ suṇātha,||
sādhukaɱ manasi-karotha,||
bhāsissāmi' ti.|| ||

'Evaɱ bhante' ti kho therā bhikkhū Bhagavato paccassosuɱ.|| ||

Bhagavā etada voca:|| ||

Phasso kho bhikkhave eko [402] anto,||
phassa-samudayo dutiyo anto,||
phassa-nirodho majjhe,||
taṇhā sibbanī.|| ||

Taṇhā hī naɱ sibbati tassa tass'eva bhavassa abhinip-phattiyā.|| ||

Ettāvatā kho avuso bhikkhu abhiññeyyaɱ abhijānāti,||
pariññeyyaɱ parijānāti.|| ||

Abhiññeyyaɱ abhijānanto pariññeyyaɱ parijānanto diṭṭhe'va dhamme dukkhassa antakaro hotī,' ti.|| ||

 


Copyright Statement