Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Chakka Nipāta
VI. Mahā Vagga

Sutta 64

Sīha-Nāda Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[417]

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati||
Jetavane Anāthapiṇḍikassa ārāme.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

2. Cha yimāni bhikkhave Tathāgatassa Tathāgata-balāni,||
yehi balehi samannāgato Tathāgato āsa-bhaṇṭhānaɱ paṭipānāti,||
parisāsu sīha-nādaɱ nadati,||
brahma-cakkaɱ pavanteti.|| ||

Katamāni cha?|| ||

3. Idha, bhikkhave, Tathāgato ṭhānañ ca ṭhānato aṭṭhānañ ca aṭṭhānato yathā-bhūtaɱ pajānāti.|| ||

Yam pi bhikkhave Tathāgato ṭhānañ ca ṭhānato aṭṭhānañ ca aṭṭhānato yathā-bhūtaɱ pajānāti,||
idam pi bhikkhave Tathāgatassa Tathāgata-balaɱ hoti,||
yaɱ balaɱ āgamma Tathāgato āsabhaɱ ṭhānaɱ paṭijānāti,||
parisāsu sīha-nādaɱ nadati,||
brahma-cakkaɱ pavatteti.|| ||

4. Puna ca paraɱ bhikkhave Tathāgato atītān-ā-gata-pacc'uppannānaɱ kamma-samā-dānānaɱ ṭhānaso hetuso vipākaɱ yathā-bhūtaɱ pajānāti.|| ||

Yam pi bhikkhave Tathāgato atītān-ā-gata-pacc'uppannānaɱ kamma-samā-dānānaɱ ṭhānaso hetuso vipākaɱ yathā-bhūtaɱ pajānāti,||
idam pi bhikkhave Tathāgatassa Tathāgata-balaɱ hoti,||
yaɱ balaɱ āgamma Tathāgato āsabhaɱ ṭhānaɱ paṭijānāti,||
parisāsu sīha-nādaɱ nadati,||
brahma-cakkaɱ pavatteti.|| ||

5. Puna ca paraɱ bhikkhave Tathāgato jhāna-vimokkha- [418] samādhi-samāpattinaɱ saŋkilesaɱ vodānaɱ vuṭṭhānaɱ yathā-bhūtaɱ pajānāti.|| ||

Yam pi bhikkhave Tathāgato jhāna-vimokkha-samādhi-samāpattinaɱ saŋkilesaɱ vodānaɱ vuṭṭhāna yathā-bhūtaɱ pajānāti,||
idam pi bhikkhave Tathāgatassa Tathāgata-balaɱ hoti,||
yaɱ balaɱ āgamma Tathāgato āsabhaɱ ṭhānaɱ paṭijānāti,||
parisāsu sīha-nādaɱ nadati,||
brahma-cakkaɱ pavatteti.|| ||

6. Puna ca paraɱ bhikkhave Tathāgato aneka-vihitaɱ pubbe-nivāsaɱ anussarati.|| ||

Seyyath'idaɱ:|| ||

Ekam pi jātiɱ,||
dve pi jātiyo||
tisso pi jātiyo||
vatasso pi jātiyo||
pañca pi jātiyo||
dasa pi jātiyo,||
vīsam pi jātiyo||
tiɱsam pi jātiyo||
cattārīsam pi jātiyo||
paññāsami pi jātiyo||
jāti-satam pi jāti-sahassam pi||
jāti-sata-sahassam pi||
aneke pi saɱvaṭṭa-kappe||
aneke pi vivaṭṭa-kappe||
aneke pi saɱvaṭṭa-vivaṭṭa-kappe.|| ||

Amutrāsiɱ evaɱ-nāmo,||
evaɱ-gotto||
evaɱ-vaṇṇo||
evam-āhāro||
evaɱ-sukha-dukkha-paṭisaɱvedī||
evam-āyu-pariyanto.|| ||

So tato vuto amutra upapādiɱ,||
tatrāpāsiɱ||
evaɱ-nāmo||
evaɱ-gotto||
evaɱ vaṇaṇo||
evam-āhāro||
evaɱ-sukha-dukkha-paṭisaɱvedī||
evam-āyu-pariyanto.|| ||

So tato vuto idhūpapanno ti.|| ||

Iti sākāraɱ sa-uddesaɱ aneka-vihitaɱ pubbe-nivāsaɱ anussarati.|| ||

Yam pi bhikkhave Tathāgato aneka-vihitaɱ pubbe-nivāsaɱ anussarati,||
seyyath'idaɱ:|| ||

Ekam pi jātiɱ,||
dve pi jātiyo||
tisso pi jātiyo||
vatasso pi jātiyo||
pañca pi jātiyo||
dasa pi jātiyo,||
vīsam pi jātiyo||
tiɱsam pi jātiyo||
cattārīsam pi jātiyo||
paññāsami pi jātiyo||
jāti-satam pi jāti-sahassam pi||
jāti-sata-sahassam pi||
aneke pi saɱvaṭṭa-kappe||
aneke pi vivaṭṭa-kappe||
aneke pi saɱvaṭṭa-vivaṭṭa-kappe.|| ||

Amutrāsiɱ evaɱ-nāmo,||
evaɱ-gotto||
evaɱ-vaṇṇo||
evam-āhāro||
evaɱ-sukha-dukkha-paṭisaɱvedī||
evam-āyu-pariyanto.|| ||

So tato vuto amutra upapādiɱ,||
tatrāpāsiɱ||
evaɱ-nāmo||
evaɱ-gotto||
evaɱ vaṇaṇo||
evam-āhāro||
evaɱ-sukha-dukkha-paṭisaɱvedī||
evam-āyu-pariyanto.|| ||

So tato vuto idhūpapanno ti.|| ||

Iti sākāraɱ sa-uddesaɱ aneka-vihitaɱ pubbe-nivāsaɱ anussarati,||
idam pi bhikkhave Tathāgatassa Tathāgata-balaɱ hoti,||
yaɱ balaɱ āgamma Tathāgato āsabhaɱ ṭhānaɱ paṭijānāti,||
parisāsu sīha-nādaɱ nadati,||
brahma-cakkaɱ pavatteti.|| ||

7. Puna ca paraɱ bhikkhave Tathāgato dibbena cakkhūnā visuddhena atikkanta-mānusa-kena satate passati cavamāne,||
uppajjamāne hīne paṇīte suvaṇṇe dubbaṇṇe sugate duggate yathā-kammupage satte pajānāti.|| ||

Yam pi bhikkhave Tathāgato dibbena cakkhūnā visuddhena atikkanta-mānusa-kena satate passati cavamāne,||
uppajjamāne hīne paṇīte suvaṇṇe ndubbaṇṇe sugate duggate yathā-kammūpage satte pajānāti,||
idam pi bhikkhave Tathāgatassa Tathāgata-balaɱ hoti,||
yaɱ balaɱ āgamma Tathāgato āsabhaɱ ṭhānaɱ paṭijānāti,||
parisāsu sīha-nādaɱ nadati,||
brahma-cakkaɱ pavatteti.|| ||

8. Puḍa ca paraɱ bhikkhave Tathāgato āsavānaɱ khayā anāsavaɱ ceto-vimuttiɱ paññā-vimuttiɱ diṭṭhe'va dhamme yaɱ abhiññā sacchi-katvā upasampajja viharati.|| ||

Yam pi bhikkhave Tathāgato āsavānaɱ khayā anāsavaɱ ceto-vimuttiɱ paññā-vimuttiɱ diṭṭhe'va dhamme yaɱ abhiññā sacchi-katvā upasampajja viharati,||
idam pi bhikkhave Tathāgatassa Tathāgata-balaɱ hoti,||
yaɱ balaɱ āgamma Tathāgato āsabhaɱ ṭhānaɱ paṭijānāti,||
parisāsu sīha-nādaɱ nadati,||
brahma-cakkaɱ pavatteti.|| ||

[419] Imāni kho bhikkhave cha Tathāgatassa Tathāgata-balāni,||
yehi balehi samannāgato Tathāgato āsabhaɱ ṭhānaɱ paṭijānāti,||
parisāsu sīha-nādaɱ nadati,||
brahma-cakkaɱ pavatteti.|| ||

9. Tatra ce bhikkhave pare Tathāgataɱ ṭhānañ ca ṭhānato aṭṭhānañ ca aṭṭhānato yathā-bhūtaɱ ñāṇena upasankamitvā pañhaɱ pucchanti,||
yathā yathā bhikkhave Tathāgatassa ṭhānañca ṭhānato aṭṭhānañ ca aṭṭhānato yathā-bhūtaɱ ñāṇaɱ viditaɱ,||
tatha tathā tesaɱ Tathāgato ṭhānañ ca ṭhānato aṭṭhānañ ca aṭṭhānato yathā-bhūtaɱ ñāṇena pañhaɱ puṭṭho vyākaroti.|| ||

10. Tatra ce bhikkhave pare Tathāgataɱ atītān-ā-gata-pacc'uppannānaɱ kamma-samā-dānānaɱ ṭhānaso hetuso vipākaɱ yathā-bhūtaɱ ñāṇena upasankamitvā pañhaɱ pucchanti,||
yathā yathā bhikkhave Tathāgatassa atītān-ā-gata-pacc'uppannānaɱ kamma-samā-dānānaɱ ṭhānaso heteso vipākaɱ yathā-bhūtaɱ ñāṇaɱ viditaɱ,||
tathā tathā tesaɱ Tathāgato atītān-ā-gata-pacc'uppannānaɱ kamma-samā-dānānaɱ ṭhānaso hetuso vipākaɱ yathā-bhūtaɱ ñāṇena pañhaɱ puṭṭho vyākaroti.|| ||

11. Tatra ce bhikkhave pare Tathāgataɱ jhāna-vimokkha-samādhi-samāpattinaɱ saŋkilesā vodānaɱ vuṭṭhānaɱ yathā-bhūtaɱ ñāṇena upasankamitvā pañhaɱ pucchanti,||
yathā yathā bhikkhave Tathāgatassa jhāna-vimokkha-samādhi-samāpattīnaɱ saŋkilesaɱ vodānaɱ vuṭṭhānaɱ yathā-bhūtaɱ ñāṇaɱ viditaɱ,||
tathā tathā tesaɱ Tathāgato jhāna-vimokkha-samādhi-samāpattīnaɱ saŋkilesaɱ vodānaɱ vuṭṭhānaɱ yathā-bhūtaɱ ñāṇena pañhaɱ puṭṭho vyākaroti.|| ||

12. Tatra ce bhikkhave pare Tathāgataɱ pubbe-nivāsānussatiɱ yathā-bhūtaɱ ñāṇena upasankamitvā pañhaɱ pucchanti,||
yathā yathā bhikkhave Tathāgatassa pubbe-nivāsānussatiɱ yathā-bhūtaɱ ñāṇena viditaɱ,||
tathā tathā [420] tesaɱ Tathāgato pubbe-nivāsānussatiɱ yathā-bhūtaɱ ñāṇena pañhaɱ puṭṭho vyākaroti.|| ||

13. Tatra ce bhikkhave pare Tathāgataɱ sattānaɱ cut'upapātaɱ yathā-bhūtaɱ ñāṇena upasankamitvā pañhaɱ pucchanti,||
yathā yathā bhikkhave Tathāgatassa sattānaɱ cūtupapapātaɱ yathā-bhūtaɱ ñāṇaɱ viditaɱ,||
tathā tathā tesaɱ Tathāgato sattānaɱ cut'upapātaɱ yathā-bhūtaɱ ñāṇena pañhaɱ puṭṭho vyākaroti.|| ||

14. Tatra ce bhikkhave pare Tathāgataɱ āsavānaɱ khayā yathā-bhūtaɱ ñāṇena upasankamitvā pañhaɱ pucchanti,||
yathā yathā bhikkhave Tathāgatassa āsavānaɱ khayā yathā-bhūtaɱ ñāṇaɱ viditaɱ,||
tathā tathā tesaɱ Tathāgato āsavānaɱ khayaɱ yathā-bhūtaɱ ñāṇena pañhaɱ puṭṭo vyākaroti.|| ||

15. Tatra, bhikkhave, yam idaɱ ṭhānañ ca ṭhānato aṭṭhānañ ca aṭraṭhānato yathā-bhūtaɱ ñānaɱ,||
tam pi samāhitassa vadāmi,||
no asamāhitassa.|| ||

Yam p'idaɱ atītān-ā-gata-pacc'uppannānaɱ kamma-samā-dānānaɱ ṭhānaso hetuso vipākaɱ yathā-bhūtaɱ ñāṇaɱ,||
tampi samāhitassa vadāmi,||
no asamāhitassa.|| ||

Yam p'idaɱ jhāna-vimokkha-samādhi-samāpattīnaɱ saŋkilesaɱ vodānaɱ vuṭṭhānaɱ yathā-bhūtaɱ ñāṇaɱ,||
tam pi samāhitassa vadāmi,||
no asamāhitassa.|| ||

Yam p'idaɱ pubbe-nivāsānussatiɱ yathā-bhūtaɱ ñāṇaɱ,||
tam pi samāhitassa vadāmi,||
no asamāhitassa.|| ||

Yam p'idaɱ sattānaɱ cut'upapātaɱ yathā-bhūtaɱ ñāṇaɱ,||
tam pi samāhitassa vadāmi,||
no asamāhitassa.|| ||

Yam p'idaɱ āsavānaɱ khayā yathā-bhūtaɱ ñāṇaɱ,||
tam pi samāhitassa vadāmi,||
no asamāhitassa.|| ||

Iti kho bhikkhave samādhi Maggo,||
asamādhi kummaggo ti.|| ||

 


Contact:
E-mail
Copyright Statement