Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Chakka Nipāta
VII. Devatā Vagga

Sutta 70

Samādhi Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[425]

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati||
Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

2. "So vata bhikkhave bhikkhū||
na santena samādhinā||
na paṇītena||
na paṭi-p-passaddh-laddhena||
na ekodī-bhāvādhi-gatena -|| ||

Aneka-vihitaɱ iddhi-vidhaɱ paccanubhoti:||
eko, pi hutvā bahudhā hoti,||
bahudhā pi hutvā eko hoti,||
āvībhāvaɱ tiro-bhāvaɱ tiro-kuḍḍaɱ tiro-pākāraɱ tiro-pabbataɱ asajja-māno gacchati seyyathā pi ākāse.|| ||

Paṭhaviyā pi ummujjani-mujjaɱ karoti seyyathā pi udake.|| ||

Udake pi abhejjamāne gacchati seyyathā pi paṭhaviyaɱ.|| ||

Ākāse pi pallaŋkena kamati seyyathā pi pakkhīsakuṇo.|| ||

Ime pi candima-suriye evaɱ mahiddhike evaɱ mah-ā-nubhāve pāṇinā parāma-sati parimajjati.|| ||

Yāva Brahma-lokā, pi kāyena vasaɱ vatteti,|| ||

n'etaɱ ṭhānaɱ vijjati;|| ||

Dibbāya sota-dhātuyā visuddhāya atikkanta mānusa-kāya ubho sadde suṇāti dibbe ca mānuse ca yeca dure santike ca,|| ||

n'etaɱ ṭhānaɱ vijjati;|| ||

Parasattānaɱ para-puggalānaɱ cetasā ceto paricca pajānāti:|| ||

"Sarāgaɱ vā cittaɱ,||
sarāgaɱ cittanti pajānāti;||
vīta-rāgaɱ vā cittaɱ,||
vīta-rāgaɱ cittanti pajānāti;||
sadosaɱ vā cittaɱ,||
sadosaɱ cittanti pajānāti;||
vīta-dosaɱ vā cittaɱ,||
vīta-dosaɱ cittanti pajānāti;||
samohaɱ vā cittaɱ,||
samohaɱ cittanti pajānāti;||
vīta-mohaɱ vā cittaɱ,||
vīta-mohaɱ cittanti pajānāti;||
sankhittaɱ vā cittaɱ,||
sankhittaɱ cittanti pajānāti;||
vikkhittaɱ vā cittaɱ,||
vikkhittaɱ cittanti pajānāti;||
mahaggataɱ vā cittaɱ,||
mahaggataɱ cittanti pajānāti;||
amahaggataɱ vā cittaɱ,||
amahaggataɱ cittanti pajānāti;||
sa-uttaraɱ vā cittaɱ,||
sa-uttaraɱ cittanti pajānāti;||
anuttaraɱ vā cittaɱ,||
anuttaraɱ cittanti pajānāti;||
samāhitaɱ vā cittaɱ,||
samāhitaɱ cittanti pajānāti;||
asamāhitaɱ vā cittaɱ,||
asamāhitaɱ cittanti pajānāti;||
vimuttaɱ vā cittaɱ,||
vimuttaɱ cittanti pajānāti;||
avimuttaɱ vā cittaɱ,||
avimuttaɱ cittanti pajānāti;|| ||

n'etaɱ ṭhānaɱ vijjati;|| ||

Aneka vihitaɱ pubbe-nivāsaɱ anussarati||
seyyath'īdaɱ:||
ekam pi jātiɱ||
dve pi jātiyo||
tisso pi jātiyo||
catasso pi jātiyo||
pañca pi jātiyo||
dasa pi jātiyo||
vīsam pi jātiyo||
tiɱsam pi jātiyo||
cattārīsam pi jātiyo||
paññāsam pi jātiyo,||
jāti satam pi jāti-sahassam pi jāti-sata-sahassam pi,||
aneke pi saɱvaṭṭa-kappe,||
aneke pi vivaṭṭa-kappe,||
aneke pi saɱvaṭṭa-vivaṭṭa-kappe:||
amutrāsiɱ evaɱ-nāmo||
evaɱ gotto||
evaɱ-vaṇṇo||
evam-āhāro||
evaɱ suka-dukkha-paṭisaɱvedī||
evam-āyu-pariyanto,||
so tato cuto idhūpapanno' ti.|| ||

Iti sākāraɱ sa-uddesaɱ [426] aneka-vihitaɱ pubbe-nivāsaɱ anussara" ti,|| ||

n'etaɱ ṭhānaɱ vijjati;|| ||

Dibbena cakkhunā visuddhena atikkanta-mānusa-kena satte passati cavamāne upapajjamāne hīne paṇīte suvaṇṇe dubbaṇṇe sugate duggate,||
yathā-kammupage satte pajānāti:|| ||

'Ime vata bhonto sattā kāya-du-c-caritena samannāgatā vacī-du-c-caritena samannāgatā mano-du-c-caritena samannāgatā ariyānaɱ upavādakā micchā-diṭṭhikā micchā-diṭṭhi-kamma-samādānā,||
te kāyassa bhedā param maraṇā apāyaɱ duggatiɱ vinipātaɱ Nirayaɱ upapannā.|| ||

Ime vā pana bhonto sattā kāya sucaritena samannāgatā vavīsucaritena samannāgatā mano-sucaritena samannāgatā ariyānaɱ anupavādakā sammā-diṭṭhikā sammā-diṭṭhi-kamma-samādānā,||
te kāyassa bhedā param maraṇā sugatiɱ saggaɱ lokaɱ upapannā' ti.|| ||

Iti dibbena cakkhunā visuddhena atikkanta-mānusa-kena satte passati cavamāne upapajjamāne hīne paṇīte suvaṇṇe dubbaṇṇe sugate duggate,||
yathā-kammūpage satte pajānāti,|| ||

n'etaɱ ṭhānaɱ vijjati;|| ||

Āsavānaɱ khayā anāsavaɱ ceto-vimuttiɱ paññā-vimuttiɱ diṭṭhe'va dhamme sayaɱ abhiññā sacchi-katvā upasampajja viharati,|| ||

n'etaɱ ṭhānaɱ vijjati.|| ||

 

§

 

2. "So vata bhikkhave bhikkhū||
santena samādhinā||
paṇītena||
paṭi-p-passaddh-laddhena||
ekodī-bhāvādhi-gatena -|| ||

Aneka-vihitaɱ iddhi-vidhaɱ paccanubhoti:||
eko, pi hutvā bahudhā hoti,||
bahudhā pi hutvā eko hoti,||
āvībhāvaɱ tiro-bhāvaɱ tiro-kuḍḍaɱ tiro-pākāraɱ tiro-pabbataɱ asajja-māno gacchati seyyathā pi ākāse.|| ||

Paṭhaviyā pi ummujjani-mujjaɱ karoti seyyathā pi udake.|| ||

Udake pi abhejjamāne1 gacchati seyyathā pi paṭhaviyaɱ.|| ||

Ākāse pi pallaŋkena kamati seyyathā pi pakkhīsakuṇo.|| ||

Ime pi candima-suriye evaɱ mahiddhike evaɱ mah-ā-nubhāve pāṇinā parāma-sati parimajjati.|| ||

Yāva Brahma-lokā, pi kāyena vasaɱ vatteti,|| ||

ṭhāna me taɱ vijjati;

Dibbāya sota-dhātuyā visuddhāya atikkanta mānusa-kāya ubho sadde suṇāti dibbe ca mānuse ca yeca dure santike ca,|| ||

ṭhāna me taɱ vijjati;

Parasattānaɱ para-puggalānaɱ cetasā ceto paricca pajānāti:|| ||

"Sarāgaɱ vā cittaɱ,||
sarāgaɱ cittanti pajānāti;||
vīta-rāgaɱ vā cittaɱ,||
vīta-rāgaɱ cittanti pajānāti;||
sadosaɱ vā cittaɱ,||
sadosaɱ cittanti pajānāti;||
vīta-dosaɱ vā cittaɱ,||
vīta-dosaɱ cittanti pajānāti;||
samohaɱ vā cittaɱ,||
samohaɱ cittanti pajānāti;||
vīta-mohaɱ vā cittaɱ,||
vīta-mohaɱ cittanti pajānāti;||
sankhittaɱ vā cittaɱ,||
sankhittaɱ cittanti pajānāti;||
vikkhittaɱ vā cittaɱ,||
vikkhittaɱ cittanti pajānāti;||
mahaggataɱ vā cittaɱ,||
mahaggataɱ cittanti pajānāti;||
amahaggataɱ vā cittaɱ,||
amahaggataɱ cittanti pajānāti;||
sa-uttaraɱ vā cittaɱ,||
sa-uttaraɱ cittanti pajānāti;||
anuttaraɱ vā cittaɱ,||
anuttaraɱ cittanti pajānāti;||
samāhitaɱ vā cittaɱ,||
samāhitaɱ cittanti pajānāti;||
asamāhitaɱ vā cittaɱ,||
asamāhitaɱ cittanti pajānāti;||
vimuttaɱ vā cittaɱ,||
vimuttaɱ cittanti pajānāti;||
avimuttaɱ vā cittaɱ,||
avimuttaɱ cittanti pajānāti;|| ||

ṭhāna me taɱ vijjati;

Aneka vihitaɱ pubbe-nivāsaɱ anussarati||
seyyath'īdaɱ:||
ekam pi jātiɱ||
dve pi jātiyo||
tisso pi jātiyo||
catasso pi jātiyo||
pañca pi jātiyo||
dasa pi jātiyo||
vīsam pi jātiyo||
tiɱsam pi jātiyo||
cattārīsam pi jātiyo||
paññāsam pi jātiyo,||
jāti satam pi jāti-sahassam pi jāti-sata-sahassam pi,||
aneke pi saɱvaṭṭa-kappe,||
aneke pi vivaṭṭa-kappe,||
aneke pi saɱvaṭṭa-vivaṭṭa-kappe:||
amutrāsiɱ evaɱ-nāmo||
evaɱ gotto||
evaɱ-vaṇṇo||
evam-āhāro||
evaɱ suka-dukkha-paṭisaɱvedī||
evam-āyu-pariyanto,||
so tato cuto idhūpapanno' ti.|| ||

Iti sākāraɱ sa-uddesaɱ aneka-vihitaɱ pubbe-nivāsaɱ anussara" ti,|| ||

ṭhāna me taɱ vijjati;

Dibbena cakkhunā visuddhena atikkanta-mānusa-kena satte passati cavamāne upapajjamāne hīne paṇīte suvaṇṇe dubbaṇṇe sugate duggate,||
yathā-kammupage satte pajānāti:|| ||

'Ime vata bhonto sattā kāya-du-c-caritena samannāgatā vacī-du-c-caritena samannāgatā mano-du-c-caritena samannāgatā ariyānaɱ upavādakā micchā-diṭṭhikā micchā-diṭṭhi-kamma-samādānā,||
te kāyassa bhedā param maraṇā apāyaɱ duggatiɱ vinipātaɱ Nirayaɱ upapannā.|| ||

Ime vā pana bhonto sattā kāya sucaritena samannāgatā vavīsucaritena samannāgatā mano-sucaritena samannāgatā ariyānaɱ anupavādakā sammā-diṭṭhikā sammā-diṭṭhi-kamma-samādānā,||
te kāyassa bhedā param maraṇā sugatiɱ saggaɱ lokaɱ upapannā' ti.|| ||

Iti dibbena cakkhunā visuddhena atikkanta-mānusa-kena satte passati cavamāne upapajjamāne hīne paṇīte suvaṇṇe dubbaṇṇe sugate duggate,||
yathā-kammūpage satte pajānāti,|| ||

ṭhāna me taɱ vijjati;

Āsavānaɱ khayā anāsavaɱ ceto-vimuttiɱ paññā-vimuttiɱ diṭṭhe'va dhamme sayaɱ abhiññā sacchi-katvā upasampajja viharati,|| ||

ṭhāna me taɱ vijjati.

 


Contact:
E-mail
Copyright Statement