Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Chakka Nipāta
VIII. Arahatta Vagga

Sutta 81

Paṭhama Niraya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[432]

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati||
Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

2. "Chahi bhikkhave dhammehi samannāgato yath'ābhataɱ nikkhitto evaɱ Niraye.|| ||

Katamehi chahi?|| ||

Pāṇāti-pāti hoti,||
adinn'ādāyī hoti,||
kāmesu micchā-cārī hoti,||
musā-vādi hoti,||
pāpiccho ca,||
micchā-diṭṭhī ca.|| ||

Imehi kho bhikkhave chahi dhammahi samannāgato yath'ābhataɱ nikkhitto evaɱ Niraye.|| ||

 

§

 

Chahi bhikkhave dhammehi samannāgato yath'ābhataɱ nikkhitto evaɱ sagge.|| ||

Katamehi chahi?|| ||

Pāṇāti-pātā paṭivirato hoti,||
adinn'ādānā paṭivirato hoti,||
kāmesu micchā-cārā paṭivirato hoti,||
musā-vādā paṭivirato hoti,||
appiccho ca||
sammā-diṭṭhī ca.|| ||

Imehi kho bhikkhave chahi dhammehi samannāgato yath'ābhataɱ nikkhitto evaɱ sagge.|| ||

 


Copyright Statement