Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Chakka Nipāta
IX. Sīti Vagga

Sutta 92

Abhabba-ṭ-Ṭhāna Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[438]

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati||
Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

2. "Cha yimānī bhikkhave abhabba-ṭ-ṭhānāni.|| ||

Katamāni cha?|| ||

Abhabbo diṭṭhi-sampanno puggalo satthari agāravo viharituɱ appatisso,||
abhabbo diṭṭhi-sampanno puggalo dhamme agāravo viharituɱ appatisso,||
abhabbo diṭṭhi-sampanno puggalo saŋghe agāravo viharituɱ appatisso,||
abhabbo diṭṭhi-sampanno puggalo sikkhāya agāravo viharituɱ appatisso,||
abhabbo diṭthisampanno puggalo anāgamanīyaɱ vatthuɱ paccāgantuɱ,||
abhabbo diṭṭhi-sampanno puggalo aṭṭhamaɱ bhavaɱ nibbattetuɱ.|| ||

Imānī kho bhikkhave cha abhabba-ṭ-ṭhānānī" ti.|| ||

 


Copyright Statement