Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Chakka Nipāta
IX. Sīti Vagga

Sutta 95

Catuttha Abhabba-ṭ-Ṭhāna Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[440]

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati||
Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

2. "Cha yimānī bhikkhave abhabba-ṭ-ṭhānāni.|| ||

Katamāni cha?|| ||

Abhabbo diṭṭhi-sampanno puggalo||
sayaŋ-kataɱ sukha-dukkhaɱ paccāgantuɱ;||
abhabbo diṭṭhi-sampanno puggalo||
paraɱ-kataɱ sukha-dukkhaɱ paccāgantuɱ;||
abhabbo diṭṭhi-sampanno puggalo||
sayaŋ-katañ ca paraɱ-katañ ca sukha-dukkhaɱ paccāgantu;||
abhabbo diṭṭhi-sampanno puggalo||
asayaŋ-kāraɱ adhicca-samuppannaɱ sukha-dukkhaɱ paccāgantuɱ;||
abhabbo diṭṭhi-sampanno puggalo||
aparaŋ-kāraɱ adhicca-samūppannaɱ sukha-dukkhaɱ paccāgantu;||
abhabbo diṭṭhi-sampanno puggalo||
asayaŋ-kārañ ca aparaŋ-kārañ ca adhicca-samumpannaɱ sukha-dukkhaɱ paccāgantuɱ.|| ||

Taɱ kissa hetu?|| ||

Tathā hi'ssa bhikkhave diṭṭhi-sampannassa puggalassa hetu ca su-diṭṭho.||
hetu-samuppannā ca dhammā.|| ||

Imānī kho bhikkhave cha abhabba-ṭ-ṭhānānī" ti.|| ||

 


Copyright Statement