Aŋguttara Nikāya
Chakka Nipāta
X. Ānisaŋsa Vagga

Sutta 98

Anicca Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[441]

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati||
Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

2. "So vata bhikkhave bhikkhu kañci sankhāraɱ niccato samanupassanto||
anulomikāya khantiyā samannāgato bhavissatī,||
ti n'etaɱ ṭhānaɱ vijjati.|| ||

■

Anulomikāya khantiyā asamannāgato,||
sammatta-niyāmaɱ okkamissatī,||
ti n'etaɱ ṭhānaɱ vijjati.|| ||

■

Sammattaniyāmaɱ anokkamamāno sot'āpatti-phalaɱ vā||
Sakad-āgāmi-phalaɱ vā||
Anāgāmi-phalaɱ vā||
Arahattaɱ vā sacchi-karissatī,||
ti n'etaɱ ṭhānaɱ vijjati.|| ||

 

§

 

[442] So vata bhikkhave bhikkhū sabba sankhāraɱ aniccato samanupassanto||
anulomikāya khantiyā samannāgato bhavissatī,||
ti ṭhāname taɱ vijjati.|| ||

■

Anulomikāya khantiyā samannāgato||
sammatta-niyāmaɱ okkamissatī,||
ti ṭhāname taɱ vijjati.|| ||

■

Sammattaniyāmaɱ okkamamāno sot'āpatti phalaɱ vā||
Sakad-āgāmi-phalaɱ vā||
Anāgāmi-phalaɱ vā||
Arahattaɱ vā sacchi-karissatī||
ti ṭhāname taɱ vijjatī" ti.|| ||