Aṅguttara Nikāya
Chakka Nipāta
X. Ānisaṃsa Vagga
Suttas 102-104
Adapted from the 1995 edition of the digital version of the Sri Lanka Buddha Jayanti Tripitaka Series.
Sutta 102
Ānisaṃsa Suttaṃ
[102.1][pts][than] Evaṃ me sutaṃ:|| ||
Ekaṃ samayaṃ Bhagavā Sāvatthiyaṃ viharati||
Jetavane Anāthapiṇḍikassa ārāme.|| ||
Tatra kho Bhagavā bhikkhu āmantesi:|| ||
"Bhikkhavo" ti.|| ||
"Bhadante" ti te bhikkhū Bhagavato paccassosuṃ.|| ||
Bhagavā etad avoca:|| ||
2. "Cha bhikkhave ānisaṃse sampassamānena alam eva bhikkhunā sabba-saṅkhāresu anodhiṃ karitvā anicca-saññaṃ upa-ṭ-ṭh-ā-petuṃ.|| ||
Katame cha?|| ||
Sabba-saṅkhārā ca me anavatthikato khāyissanti;|| ||
■
sabba-loke ca me mano nābhiramissati;|| ||
■
sabba-lokā ca me mano vuṭṭhahissati;|| ||
■
Nibbāna-poṇaṃ ca me mānasaṃ bhavissati;|| ||
■
saṃyojanā ca me pahāṇaṃ gacchanti;|| ||
■
paramena ca sāmaññena samannāgato bhavissatī ti.|| ||
Ime kho bhikkhave cha ānisaṃse sampassamānena alam eva bhikkhunā sabba-saṅkhāresu anodhiṃ karitvā anicca-saññaṃ upa-ṭ-ṭh-ā-petun ti.|| ||
§
Sutta 103
Ukkhittā-sika Suttaṃ
[103.1][pts][than] Evaṃ me sutaṃ:|| ||
Ekaṃ samayaṃ Bhagavā Sāvatthiyaṃ viharati||
Jetavane Anāthapiṇḍikassa ārāme.|| ||
Tatra kho Bhagavā bhikkhu āmantesi:|| ||
"Bhikkhavo" ti.|| ||
"Bhadante" ti te bhikkhū Bhagavato paccassosuṃ.|| ||
Bhagavā etad avoca:|| ||
2. "Cha bhikkhave ānisaṃse sampassamānena alam eva bhikkhūnā sabba-saṅkhāresu anodhiṃ karitvā dukkha-saññaṃ upa-ṭ-ṭh-ā-petuṃ.|| ||
Katame cha?|| ||
Sabba-saṅkhāresu ca me nibbida-saññā pacc'upaṭṭhitā bhavissati seyyathā pi ukkhittā-sike vadhake.|| ||
■
Sabba-lokā ca me mano vuṭṭhahissati.|| ||
■
Nibbāne ca santa-dassāvī bhavissāmi.|| ||
■
Anusayā ca me samugghātaṃ gacchanti.|| ||
■
Kiccakārī ca bhavissāmi.|| ||
■
Satthā ca me pariciṇṇo bhavissati mettā-vatāyātī.|| ||
[444] Ime kho bhikkhave cha ānisaṃse sampassamānena alam eva bhikkhunā sabba-saṅkhāresu anodhiṃ karitvā dukkha-saññaṃ upa-ṭ-ṭh-ā-petun ti.
§
Sutta 104
Atammaya Suttaṃ
[104.1][pts][than] Evaṃ me sutaṃ:|| ||
Ekaṃ samayaṃ Bhagavā Sāvatthiyaṃ viharati||
Jetavane Anāthapiṇḍikassa ārāme.|| ||
Tatra kho Bhagavā bhikkhu āmantesi:|| ||
"Bhikkhavo" ti.|| ||
"Bhadante" ti te bhikkhū Bhagavato paccassosuṃ.|| ||
Bhagavā etad avoca:|| ||
2. "Cha bhikkhave ānisaṃse sampassamānena alam eva bhikkhunā sabba-saṅkhāresu anodhiṃ karitvā anatta-saññaṃ upa-ṭ-ṭh-ā-petuṃ|| ||
Katame cha?|| ||
Sabba-loke ca atammayo bhavissāmi.|| ||
■
Ahaṅkārā ca me uparujjhissanti.|| ||
■
Mamaṅkārā ca me uparujjhissanti.|| ||
■
Asādhāraṇena ca ñāṇena samannāgato bhavissāmi.|| ||
■
Hetuca me su-diṭṭho bhavissati,||
hetu-samuppannā ca dhammā.|| ||
Ime kho bhikkhave cha ānisaṃse sampassamānena alam eva bhikkhunā sabba-saṅkhāresu anodhiṃ karitvā anatta-saññaṃ upa-ṭ-ṭh-ā-petun ti.|| ||
