Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Chakka Nipāta
XI. Tika Vagga

Sutta 114

Asantuṭṭhi Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[448]

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati||
Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

2. "Tayo me bhikkhave dhammā.|| ||

Katame tayo?|| ||

Asantuṭṭhitā,||
asampajañññaɱ,||
mah'icchatā.|| ||

Ime kho bhikkhave tayo dhammā.|| ||

 

§

 

Imesaɱ kho bhikkhave tiṇṇaɱ dhammānaɱ pahānāya tayo dhammā bhāvetabbā.|| ||

Katame tayo?|| ||

Asantuṭṭhitāya pahānāya santuṭṭhitā bhāvetabbā.|| ||

Asampajaññassa pahānāya sampajaññaɱ bhāvetabbaɱ.|| ||

Mah'icchatāya pahānāya appicchatā bhāvetabbā.|| ||

Imesaɱ kho bhikkhave tiṇṇaɱ dhammānaɱ pahānāya||
ime tayo dhammā bhāvetabbā" ti.|| ||

 


Copyright Statement