Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara Nikāya
VIII. Aṭṭhaka Nipāta
II: Mahā Vagga

Sutta 16

Dūteyya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[196]

[1][pts][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati
Jetavane Anāthapiṇḍikassa ārāme.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

2. Aṭṭhahi bhikkhave dhammehi samannāgato bhikkhu dūteyyaɱ gantum arahati.|| ||

Katamehi aṭṭhahi?|| ||

3. Idha, bhikkhave, bhikkhu sotā ca hoti sāvetā ca,||
uggahetā ca dhāretā ca,||
viññātā ca viññāpetā ca,||
kusalo ca sahit-ā-sahitassa,||
no ca kalahakārako.|| ||

Imehi kho bhikkhave, aṭṭhahi dhammehi samannāgato bhikkhu duteyyaɱ gantum arahati.|| ||

4. Aṭṭhahi bhikkhave dhammehi samannāgato Sāriputto duteyyaɱ gantum arahati.|| ||

Katamehi aṭṭhahi?|| ||

Idha, bhikkhave, Sāriputto sotā ca hoti sāvetā ca,||
uggahetā ca dhāretā ca,||
viññātā ca viññāpetā ca,||
kusalo ca sahit-ā-sahitassa,||
no ca kalahakārako.|| ||

Imehi kho bhikkhave aṭṭhahi dhammehi samannāgato Sāriputto duteyyaɱ gantum arahatī ti.|| ||

 


 

Yo ve na byadhati patvā parisaɱ uggahavā-diniɱ||
Na ca hāpeti vacanaɱ na ca cchādeti sāsanaɱ,||
Asandiṭṭhañ ca bhaṇati pucchito na ca kuppati,||
Sa ve tādisako bhikkhu duteyyaɱ gantum arahatī ti.|| ||

 


Copyright Statement