Aṇguttara Nikāya
VIII. Aṭṭhaka Nipāta
IV. Dāna Vagga
Sutta 37
Sappurisa-Dāna Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][bodh] Evaṃ me sutaṃ:|| ||
Ekaṃ samayaṃ Bhagavā Sāvatthiyaṃ viharati
Jetavane Anāthapiṇḍikassa ārāme.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti te bhikkhū Bhagavato paccassosuṃ.|| ||
Bhagavā etad avoca:|| ||
Aṭṭh'imāni bhikkhave, sappurisa-dānāni.|| ||
Katamāni aṭṭha?|| ||
[244] 2. Suciṃ deti,||
paṇītaṃ detī,||
kālena deti,||
kappiyaṃ deti,||
viceyya deti,||
abhiṇhaṃ deti,||
dadaṃ cittaṃ pasādeti||
datvā atta-mano hoti.|| ||
Imāni kho bhikkhave, aṭṭha sappurisa-dānānī ti.|| ||
Suciṃ paṇītaṃ kālena kappiyaṃ pānabhojanaṃ||
Abhiṇhaṃ dadāti dānani sukhette Brahmacārīsu.|| ||
Na ca vippaṭisāri'ssa cajitvā āmisaṃ bahuṃ,||
Evaṃ dinnāni dānāni vaṇṇayanti vipassino.|| ||
Evaṃ yajitvā medhāvī saddho muttena cetasā,||
Akhyāpajjhaṃ sukhaṃ lokaṃ paṇḍito upapajjatī ti.|| ||
