Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
VIII. Aṭṭhaka Nipāta
V. Uposatha Vagga

Sutta 46

Anuruddha-Manāpa-Kāyika Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[262]

[1][pts][bodh] Evaɱ me sutaɱ:|| ||

Ekaɱ samayaɱ Bhagavā Kosambīyaɱ viharati Ghosit-ā-rāme.|| ||

Tena kho pana samayen'āyasmā Anuruddho divā-vihāraɱ gato hoti paṭisallīno.|| ||

Atha kho sambahūlā manāpa-kāyikā devatā yen'āyasmā Anuruddho ten'upasankamiɱsu.|| ||

Upasaŋkamitvā āyasmantaɱ Anuruddhaɱ abhivādetvā eka-m-antaɱ aṭṭhaɱsu.|| ||

Eka-m-antaɱ ṭhitā kho tā devatā āyasmantaɱ Anuruddhaɱ etad avocuɱ:|| ||

Mayaɱ [263] bhante Anuruddha,||
manāpa-kāyikā nāma devatā tīsu ṭhānesu issariyaɱ kārema vasaɱ vattema.|| ||

Mayaɱ bhante Anuruddha,||
yādisakaɱ vaṇṇaɱ ākaŋkhāma||
tādisakaɱ vaṇṇaɱ ṭhānaso paṭilabhāma.|| ||

Mayaɱ bhante Anuruddha,||
yādīsakaɱ saraɱ ākaŋkhāma||
tādisakaɱ saraɱ ṭhānaso paṭilabhbhāma.|| ||

Mayaɱ bhante Anuruddha,||
yādisakaɱ sukhaɱ ākkhaŋkhāma||
tādisakaɱ sukhaɱ ṭhānaso paṭilabhāma.|| ||

Mayaɱ bhante Anuruddha,||
manāpa-kāyikā nāma devatā imesu tisu ṭhānesu issariyaɱ kārema vasaɱ vattemā' ti.|| ||

 

§

 

2. Atha kho āyasmato Anurudassa etad ahosi:|| ||

'Aho vat'imā devatā sabbā'va nīlā assu nīla-vaṇṇā nīla-vatthā nīl-ā-laɱkārā' ti.|| ||

Atha kho tā devatā āyasmato Anuruddhassa cittam aññāya sabbā'va nīlā ahesuɱ nīla-vaṇṇā nīla-vatthā nīl-ā-laɱkārā.|| ||

Atha kho āyasmato Anuruddassa etad ahosi:|| ||

'Aho vat'imā devatā sabbā'va pītā assu pītā-vaṇṇā pītā-vatthā pīt-ā-laɱkārā' ti.|| ||

Atha kho tā devatā āyasmato Anuruddhassa citta maññāya sabbā'va pītā ahesuɱ pītā-vaṇṇā pītā-vatthā pīt-ā-laɱkārā.|| ||

Atha kho āyasmato Anuruddassa etad ahosi:|| ||

'Aho vat'imā devatā sabbā'va lohitakā assu lohitakā vaṇṇā lohitakā-vatthā lohitālaɱkārā' ti.|| ||

Atha kho tā devatā āyasmato Anuruddhassa citta maññāya sabbā'va lohita ahesuɱ lohitakā-vaṇṇā lohitakā-vatthā lohitak-ā-laɱkārā.|| ||

Atha kho āyasmato Anuruddassa etad ahosi:|| ||

'Aho vat'imā devatā sabbā'va odātā assu odāta-vaṇṇā odāta-vatthā odāt-ā-laɱkārā' ti.|| ||

Atha kho tā devatā āyasmato Anuruddhassa citta maññāya sabbā'va odātā ahesuɱ odāta-vaṇṇā odāta-vatthā odāt-ā-laɱkārā.|| ||

 

§

 

Atha kho tā devatā ekā'va gāyi,||
ekā'va nacci,||
eka'va accharikaɱ vādesi.|| ||

Seyyathā pi nāma pañc'aŋgikassa turiyassa suvinītassa suppaṭi-patāḷitassa kusalehi su-samann-ā-gatassa saddo hoti vaggu ca rajaniyo ca kamaniyo ca pemaniyo ca madaniyo ca,||
[264] evam eva tāsaɱ devatānaɱ alaɱkārānaɱ saddo hoti vaggu ca rajaniyo ca kamaniyo ca pemaniyo ca madaniyo ca.|| ||

Atha kho āyāsmā Anuruddho indriyāni okkhipi.|| ||

Atha kho tā devatā|| ||

'Na khv ayyo Anuruddho sādiyatī' ti tatth'ev'antara-dhāyiɱsu.|| ||

 

§

 

3. Atha kho āyasmā Anuruddho sāyaṇha-samayaɱ patisallānā vuṭṭhi yena Bhagavā ten'upasankami.|| ||

Upasaŋkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho āyasmā Anuruddho Bhagavantaɱ etad avoca:|| ||

Idh'āhaɱ bhante, divā-vihāraɱ gato homi patisallīno.|| ||

Atha kho bhante, sambahūlā manāpa-kāyikā devatā yen'āhaɱ ten'upasankamiɱsu.|| ||

Upasaŋkamitvā maɱ abhivādetvā eka-m-antaɱ aṭṭhaɱsuɱ.|| ||

Eka-m-antaɱ ṭhitā kho bhante,||
tā devatā maɱ etad avocuɱ:|| ||

Mayaɱ bhante Anuruddha,||
manāpa-kāyikā nāma devatā tīsu ṭhānesu issariyaɱ kārema vasaɱ vattema.|| ||

Mayaɱ bhante Anuruddha,||
yādisakaɱ vaṇṇaɱ ākaŋkhāma||
tādisakaɱ vaṇṇaɱ ṭhānaso paṭilabhāma.|| ||

Mayaɱ bhante Anuruddha,||
yādīsakaɱ saraɱ ākaŋkhāma||
tādisakaɱ saraɱ ṭhānaso paṭilabhbhāma.|| ||

Mayaɱ bhante Anuruddha,||
yādisakaɱ sukhaɱ ākkhaŋkhāma||
tādisakaɱ sukhaɱ ṭhānaso paṭilabhāma.|| ||

Mayaɱ bhante Anuruddha,||
manāpa-kāyikā nāma devatā imesu tisu ṭhānesu issariyaɱ kārema vasaɱ vattemā' ti.|| ||

Tassa mayhaɱ bhante etad ahosi:|| ||

'Aho vat'imā devatā sabbā'va nīlā assu nīla-vaṇṇā nīla-vatthā nīl-ā-laɱkārā' ti.|| ||

Atha kho tā devatā mama cittam aññāya sabbā'va nīlā ahesuɱ nīla-vaṇṇā nīla-vatthā nīl-ā-laɱkārā.|| ||

Tassa mayhaɱ bhante etad ahosi:|| ||

'Aho vat'imā devatā sabbā'va pītā assu pītā-vaṇṇā pītā-vatthā pīt-ā-laɱkārā' ti.|| ||

Atha kho tā devatā mama citta maññāya sabbā'va pītā ahesuɱ pītā-vaṇṇā pītā-vatthā pīt-ā-laɱkārā.|| ||

Tassa mayhaɱ bhante etad ahosi:|| ||

'Aho vat'imā devatā sabbā'va lohitakā assu lohitakā vaṇṇā lohitakā-vatthā lohitālaɱkārā' ti.|| ||

Atha kho tā devatā mama citta maññāya sabbā'va lohita ahesuɱ lohitakā-vaṇṇā lohitakā-vatthā lohitak-ā-laɱkārā.|| ||

Tassa mayhaɱ bhante etad ahosi:|| ||

'Aho vat'imā devatā sabbā'va odātā assu odāta-vaṇṇā odāta-vatthā odāt-ā-laɱkārā' ti.|| ||

Atha kho tā devatā [265] mama citta maññāya sabbā'va odātā ahesuɱ odāta-vaṇṇā odāta-vatthā odāt-ā-laɱkārā.|| ||

Atha kho bhante tā devatā ekā'va gāyi,||
ekā'va nacci,||
eka'va accharikaɱ vādesi.|| ||

Seyyathā pi nāma pañc'aŋgikassa turiyassa suvinītassa suppaṭi-patāḷitassa kusalehi su-samann-ā-gatassa saddo hoti vaggu ca rajaniyo ca kamaniyo ca pemaniyo ca madaniyo ca,||
evam eva tāsaɱ devatānaɱ alaɱkārānaɱ saddo hoti vaggu ca rajaniyo ca kamaniyo ca pemaniyo ca madaniyo ca.|| ||

Atha khv āhaɱ bhante indriyāni okkhipi.|| ||

Atha kho bhaṇte tā devatā|| ||

'Na khv āyyo Anuruddho sādiyatī ti tatth'ev'antara-dhāyiɱsu.|| ||

 

§

 

Katihi nū kho bhante,||
dhammehi samannāgato mātu-gāmo kāyassa bhedā param maraṇā manāpa-kāyikānaɱ devānaɱ saha-vyataɱ upapajjatī' ti?|| ||

4. Aṭṭhahi kho Anuruddha, dhammehi samannāgato mātu-gāmo kāyassa bhedā param maraṇā manāpa-kāyikānaɱ devānaɱ saha-vyataɱ uppajjati.|| ||

Katamehi aṭṭhahi?|| ||

5. Idha Anuruddha, mātu-gāmo yassa mātā-pitaro bhattuno denti,||
attha-kāmā hitesino anukampakā anukampaɱ upādāya,||
tassa hoti pubb'uṭṭhāyinī pacchā-nipātinī kiŋkārapaṭissāvinī manāpacārinī piyavādinī.|| ||

6. Ye te bhattu garuno honti,||
'mātā' ti vā 'pitā' ti vā 'samaṇa-brāhmaṇā' ti vā,||
te sakkaroti garukaroti māneti pūjeti abbhāgate ca āsanodakena paṭipūjeti.|| ||

7. Ye te bhattu abbhantara kammantā 'uṇṇā' ti vā 'kappāsā' ti vā||
tattha dakkhā hoti analasā tatrupāyāya vīmaɱsāya samannāgatā alaŋ kātuɱ alaɱ saɱvidhātuɱ.|| ||

8. Yo so bhatatu abbhantaro anto- [266] jano 'dāsā' ti vā 'pessā' ti vā,||
'kamma-karā' ti vā,||
tesaɱ katañ ca katato jānāti,||
akatañ ca akatato jānāti,||
gilāna-kānañ ca bal-ā-balaɱ jānāti,||
khādanīyaɱ bhojanīyañ c'assa paccaɱsena saɱvibhajati.|| ||

Yaɱ hattu āharati dhanaɱ vā dhaññaɱ vā rajataɱ vā jāta-rūpaɱ vā,||
taɱ ārakkhena guttiyā sampādeti,||
tattha ca hoti adhuttī athenī asonḍī avināsikā.|| ||

Upāsikā kho pana hoti Buddhaɱ saraṇaɱ gatā,||
dhammaɱ saraṇaɱ gatā||
Saŋghaɱ saraṇaɱ gatā.|| ||

Sīla-vatī kho pana hoti pāṇāti-pātā paṭiviratā,||
adinn'ādānā paṭiviratā||
kāmesu micchā-cārā paṭiviratā||
musā-vādā paṭiviratā||
surā-mera-yamajja-pamā-daṭṭhānā paṭiviratā.|| ||

Cāgavatī kho pana hoti vigata-mala-maccherena cetasā agāraɱ ajjhāvasati mutta-cāgā payata-pāṇī vossagga-ratā yā cayogā dānasaɱvihāragaratā.|| ||

Imehi kho Anuruddha, aṭṭhahi dhammehi samangato mātu-gāmo kāyassa bhedā param maraṇā manāpa-kāyikānaɱ devānaɱ saha-vyataɱ upapajjatī ti.|| ||

 


 

Yo naɱ bharati sabbadā niccaɱ ātāpī ussuko,||
Taɱ sabba-kāmadaɱ posaɱ bhattāraɱ nātimaññati.|| ||

Na cāpi sotthī bhattāraɱ issāvādena rosaye,||
Bhattu ca garuno sabbe patipūjeti paṇḍitā.|| ||

Uṭṭhāyikā analasā saŋgahitaparijjanā,||
Bhattu manāpaɱ carati sambhataɱ anurakkhati.|| ||

Yā evaɱ vattatī nārī bhattu chandavasānugā,||
Manāpā nāma te devā yattha sā upapajjatī ti.|| ||

 


Contact:
E-mail
Copyright Statement