Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
VI. Aṭṭhaka Nipāta
VI. Gotamī Vagga

Sutta 51

Gotamī Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[274]

[1][pts] Evaɱ me sutaɱ:|| ||

Ekaɱ samayaɱ Bhagavā Sakkesu viharati Kapilavatthusmiɱ Nīgrodhārāme.|| ||

Atha kho Mahā-Pajāpatī Gotamī yena Bhagavā ten'upasankami,||
upasankamitvā Bhagavantaɱ abhivādetvā eka-m-antaɱ aṭṭhāsi.|| ||

Eka-m-antaɱ ṭhitā kho Mahā-Pajāpatī Gotamī Bhagavantaɱ etad avoca:|| ||

'Sādhu bhante, labheyya mātu-gāmo Tathāgata-p-pavedite Dhamma-Vinaye agārasmā anagāriyaɱ pabbajjan' ti.|| ||

'Alaɱ Gotamī, mā te rucci mātu-gāmassa Tathāgata-p-pavedite Dhamma-Vinaye agārasma anagāriyaɱ pabbajjā' ti.|| ||

2. Dutiyam pi kho Mahā-Pajāpatī Gotama Bhagavantaɱ etad avoca:|| ||

'Sādhu bhante, labheyya mātu-gāmo Tathāgata-p-pavedite Dhamma-Vinaye agārasmā anagāriyaɱ pabbajjan' ti.|| ||

'Alaɱ Gotami, mā te rucci mātu-gāmassa Tathāgata-p-pavedite Dhamma-Vinaye agārasmā anagāriyaɱ pabbajjā' ti.|| ||

3. Tatiyam pi kho Mahā-Pajāpatī Gotamī Bhagavantaɱ etad avoca:|| ||

'Sādhu bhante, labheyya mātu-gāmo Tathāgata-p-pavedite Dhamma-Vinaye agārasmā anagāriyaɱ pabbajjan' ti.

Alaɱ Gotami, mā te rucci mātu-gāmassa Tathāgata-p-pavedite Dhamma-Vinaye agārasmā anagāriyaɱ pabbajjā' ti.|| ||

Atha kho Mahā-Pajāpatī Gotamī 'na Bhagavā anujānāti mātu-gāmassa Tathāgata-p-pavedite Dhamma-Vinaye agārasmā anagāriyaɱ pabbajjan' ti dukkhi dummanā assumukhī rudamānā Bhagavantaɱ abhivādetvā padakkhiṇaɱ katvā pakkāmi.|| ||

 

§

 

4. Atha kho Bhagavā Kapilavatthusmiɱ yath-ā-bhirantaɱ viharitvā yena Vesālī tena cārikaɱ pakkāmi.|| ||

Anupubbena cārikaɱ cara-māno yena Vesālī tad avasari.|| ||

Tatra sudaɱ Bhagavā Vesālīyaɱ viharati Mahāvane Kūṭāgāra-sālāyaɱ.|| ||

Atha kho Mahā-Pajāpatī Gotamī keke chedapetvā kāsāyāni vatthāni acchādetvā sambahulābhi Sākiyānīhi saddhiɱ yena [275] Vesālī tena pakkāmi.|| ||

Anupubbena yena Vesālī Mahāvane Kūṭāgārasālaɱ ten'upasankami.|| ||

Atha kho Mahā-Pajāpatī Gotamī sunehi pādehi rajokiṇṇena gattena dukkhī dummanā assumukhī rudamānā bahi dvāra-koṭṭhake aṭṭhāsi.|| ||

Addasā kho āyasmā Ānando Mahā-Pajāpatiɱ Gotamiɱ sunehi pādehi rajokiṇṇena gattena dukkhiɱ dummanaɱ assumikhiɱ rudamānaɱ bahi dvāra-koṭṭhake ṭhitaɱ,||
disvā Mahā-Pajāpatiɱ Gotamiɱ etad avoca:|| ||

'Kin nu tvaɱ Gotami, sunehi pādehi rajokiṇṇena gattena dukkhī dummanā assumukhī rudamānā bahi dvāra-koṭṭhake ṭhita' ti?

'Tathā hi pana bhante Ānanda, Bhagavā na anujānāti mātu-gāmassa Tathāgata-p-pavedite Dhamma-Vinaye agārasmā anagāriyaɱ pabbajjan' ti.

'Tena hi Gotamī, idh'eva tāva hohi, yāvāhaɱ Bhagavantaɱ yācāmi mātu-gāmassa Tathāgata-p-pavedite Dhamma-Vinaye agārasmā anagāriyaɱ pabbajjan' ti.|| ||

5. Atha kho āyasmā Ānando yena Bhagavā ten'upasankami,||
upasankamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho āyasmā Ānando Bhagavantaɱ etad avoca:|| ||

'Esā bhante, Mahā-Pajāpatī Gotamī sunehi pādehi rajokiṇṇena gattena dukkhī dummanā assumukhī rudamānā bahi dvāra-koṭṭhake ṭhitā,||
'na Bhagavā anujānāti mātu-gāmassa Tathāgata-p-pavedite Dhamma-Vinaye agārasmā anagāriyaɱ pabbajjan' ti.|| ||

'Sādhu bhante, labheyya mātu-gāmo Tathāgata-p-pavedite Dhamma-Vinaye agārasmā anagāriyaɱ pabbajjan'ti.|| ||

Alaɱ Ānanda, mā te rucci mātu-gāmassa Tathāgata-p-pavedite Dhamma-Vinaye agārasmā anagāriyaɱ pabbajjā' ti.|| ||

Dutiyam pi kho āyasmā Ānando Bhagavantaɱ etad avoca:|| ||

'Sādhu bhante, labheyya mātu-gāmo Tathāgata-p-pavedite Dhamma-Vinaye agārasmā anagāriyaɱ pabbajjan' ti.

'Alaɱ Ānanda, mā te rucci mātu-gāmassa Tathāgata-p-pavedite Dhamma-Vinaye agārasmā anagāriyaɱ pabbajjā' ti.|| ||

Tatiyam pi kho āyasmā Ānando Bhagavantaɱ etad avoca:|| ||

'Sādhu bhante, labheyya mātu-gāmo Tathāgata-p-pavedite Dhamma-Vinaye agārasmā anagāriyaɱ pabbajjan' ti.|| ||

'Alaɱ Ānanda, māte rucci mātu-gāmassa Tathāgata-p-pavedite dhamma vinaye agārasmā anagāriyaɱ pabbajjan' ti.|| ||

[276] 6. Atha kho āyasmato Ānandassa etad ahosi:|| ||

'Na Bhagavā anujānāti mātu-gāmassa Tathāgata-p-pavedite Dhamma-Vinaye agārasmā anagāriyaɱ pabbajjaɱ.|| ||

Yan nūnnāhaɱ aññena pi pariyāyena Bhagavantaɱ yāceyyaɱ mātu-gāmassa Tathāgata-p-pavedite Dhamma-Vinaye agārasmā anagāriyaɱ pabbajjan' ti.|| ||

Atha kho āyasmā Ānando Bhagavantaɱ etad avoca:|| ||

'Bhabbo nu kho bhante, mātu-gāmo Tathāgata-p-pavedite Dhamma-Vinaye agārasmā anagāriyaɱ pabba-jitvā||
Sot'āpatti-phalaɱ vā||
Sakad-āgāmi-phalaɱ vā||
Anāgāmi-phalaɱ vā||
Arahatta-phalaɱ vā sacchi-kātun' ti?|| ||

'Bhabbo Ānanda mātu-gāmo Tathāgata-p-pavedite Dhamma-Vinaye agārasmā anagāriyaɱ pabba-jitvā||
Sot'āpatti-phalam pi||
Sakad-āgāmi-phalam pi||
Anāgāmi-phalam pi||
Arahatta-phalam pi sacchi-kātun' ti.|| ||

'Sace bhante, bhabbo mātu-gāmo Tathāgata-p-pavedite Dhamma-Vinaye agārasmā anagāriyaɱ pabba-jitvā||
Sot'āpatti-phalam pi||
Sakad-āgāmi-phalam pi||
Anāgāmi-phalam pi||
Arahatta-phalam pi||
Arahatta-phalam pi sacchi-kātuɱ,||
bahu-pakārā Bhante, Mahā-Pajāpatī Gotamī Bhagavato mātucchā āpādikā posikā,||
Bhagavantaɱ janettiyā kāla-katāya thaññaɱ pāyesi.

Sādhu bhante, labheyya mātu-gāmo Tathāgata-p-pavedite Dhamma-Vinaye agārasmā anagāriyaɱ pabbajjan' ti.|| ||

 

§

 

7. 'Sace Ānanda, Mahā-Pajāpatī Gotamī aṭṭha garu-dhamme patigaṇhāti,||
sā'v'assā hotu upasampadā.|| ||

#1. "Vassa-sat'upasampannāya bhikkhuniyā tadah'upasampannassa bhikkhuno abhivādanɱ pacc'u'ṭ-ṭhānaɱ añjali-kammaɱ sāmīci-kammaɱ kattabbaɱ.|| ||

Ayam pi dhammo sakkatvā garukatvā mānetvā pūchetvā yāva-jīvaɱ anati-k-kamanīyo.|| ||

#2. Na bhikkhuniyā abhikkhuke āvāse vassaɱ upagantabbaɱ.|| ||

Ayam pi dhammo sakkatvā garukatvā mānetvā pūchetvā yāva-jīvaɱ anati-k-kamanīyo.|| ||

#3. Anvaddhamāsaɱ bhikkhuniyā bhikkhu-Saŋghato uposatha pucchakañ ca ovad'ūpasaŋkamanañ [277] ca pariyesitabbaɱ.|| ||

Ayam pi dhammo sakkatvā garukatvā mānetvā pūchetvā yāva-jīvaɱ anati-k-kamanīyo.|| ||

#4. Vassaɱ vutthāya bhikkhuniyā ubhato saŋghe tīhi ṭhānehi pavāretabbā:||
diṭṭhena sutena parisaŋkāya.|| ||

Ayam pi dhammo sakkatvā garukatvā mānetvā pūchetvā yāva-jīvaɱ anati-k-kamanīyo.|| ||

#5. Garudhammaɱ ajjhāpannāya bhikkhuniyā ubhato saŋghe pakkha-mānattaɱ caritabbaɱ.|| ||

Ayam pi dhammo sakkatvā garukatvā mānetvā pūchetvā yāva-jīvaɱ anati-k-kamanīyo.|| ||

#6. Dve vassāni chasu dhammesu sikhkhita-sikkhāya sikkhamānāya ubhato saŋghe upasampadā pariyesitabbā.|| ||

Ayam pi dhammo sakkatvā garukatvā mānetvā pūchetvā yāva-jīvaɱ anati-k-kamanīyo.|| ||

#7. Na kenaci pariyāyena bhikkhuniyā bhikkhū akkositabbo paribhāsitabbo.|| ||

Ayam pi dhammo sakkatvā garukatvā mānetvā pūchetvā yāva-jīvaɱ anati-k-kamanīyo.|| ||

#8. Ajja-t-agge Ānanda, ovaṭo bhikkhunīnaɱ bhikkhūsu vacana-patho, anovaṭo bhikkhūnaɱ bhikkhunīsu vacana-patho.|| ||

Ayam pi dhammo sakkatvā garukatvā mānetvā pūchetvā yāva-jīvaɱ anati-k-kamanīyo.|| ||

Sace Ānanda, Mahā-Pajāpatī Gotamī ime aṭṭha garu-dhamme patigaṇhāti,||
sā'v'assā hotu upasampadā' ti.|| ||

 

§

 

8. Atha kho āyasmā Ānando Bhagavato santike ime aṭṭha garu-dhamme uggahetvā yena Mahā-Pajāpatī Gotamī ten'upasankami.|| ||

Upasaŋkamitvā Mahā-Pajāpatiɱ Gotamiɱ etad avoca:|| ||

'Sace kho tvaɱ Gotami, aṭṭha garu-dhamme patigaṇheyyāsi,||
sā'va te bhavissati upasampadā.

#1. "Vassa-sat'upasampannāya bhikkhuniyā tadah'upasampannassa bhikkhuno abhivādanɱ pacc'u'ṭ-ṭhānaɱ añjali-kammaɱ sāmīci-kammaɱ kattabbaɱ.|| ||

Ayam pi dhammo sakkatvā garukatvā mānetvā pūchetvā yāva-jīvaɱ anati-k-kamanīyo.|| ||

#2. Na bhikkhuniyā abhikkhuke āvāse vassaɱ upagantabbaɱ.|| ||

Ayam pi dhammo sakkatvā garukatvā mānetvā pūchetvā yāva-jīvaɱ anati-k-kamanīyo.|| ||

#3. Anvaddhamāsaɱ bhikkhuniyā bhikkhu-Saŋghato uposatha pucchakañ ca ovad'ūpasaŋkamanañ ca pariyesitabbaɱ.|| ||

Ayam pi dhammo sakkatvā garukatvā mānetvā pūchetvā yāva-jīvaɱ anati-k-kamanīyo.|| ||

#4. Vassaɱ vutthāya bhikkhuniyā ubhato saŋghe tīhi ṭhānehi pavāretabbā:||
diṭṭhena sutena parisaŋkāya.|| ||

Ayam pi dhammo sakkatvā garukatvā mānetvā pūchetvā yāva-jīvaɱ anati-k-kamanīyo.|| ||

#5. Garudhammaɱ ajjhāpannāya bhikkhuniyā ubhato saŋghe pakkha-mānattaɱ caritabbaɱ.|| ||

Ayam pi dhammo sakkatvā garukatvā mānetvā pūchetvā yāva-jīvaɱ anati-k-kamanīyo.|| ||

#6. Dve vassāni chasu dhammesu sikhkhita-sikkhāya sikkhamānāya ubhato saŋghe upasampadā pariyesitabbā.|| ||

Ayam pi dhammo sakkatvā garukatvā mānetvā pūchetvā yāva-jīvaɱ anati-k-kamanīyo.|| ||

#7. Na kenaci pariyāyena bhikkhuniyā bhikkhū akkositabbo paribhāsitabbo.|| ||

Ayam pi dhammo sakkatvā garukatvā mānetvā pūchetvā yāva-jīvaɱ anati-k-kamanīyo.|| ||

#8. Ajja-t-agge, ovaṭo bhikkhunīnaɱ bhikkhūsu vacana-patho,||
[278] anovaṭo bhikkhūnaɱ bhikkhunīsu vacana-patho.|| ||

Ayam pi dhammo sakkatvā garukatvā mānetvā pūchetvā yāva-jīvaɱ anati-k-kamanīyo.|| ||

Sace ko tvaɱ Gotamī, ime aṭṭha garu-dhamme patigaṇhayyāsi,||
sāva te bhavissati upasampadā' ti.|| ||

 

§

 

'Seyyathā pi bhante Ānanda, itthi vā puriso vā daharo yuvā manḍanaka-jātiko sīsaɱ nahāto uppalamālaɱ vā vassikamālaɱ vā atimuttakamālaɱ vā lahitvā ubhohi hatthehi paṭiggahetvā uttamaŋge sirasmiɱ patiṭṭhāpeyya.|| ||

Evam eva kho ahaɱ bhante, ime aṭṭha garu-dhamme patigaṇhissāmi yāva-jīvaɱ anati-k-kamanīye' ti.|| ||

9. Atha kho āyasmā Ānando yena Bhagavā ten'upasankami,||
upasankamitvā Bhagavantaɱ abhivādetvā eka-m-antaɱ nisīdi,||
eka-m-antaɱ nisinno kho āyasmā Ānando Bhagavantaɱ etad avoca:|| ||

'Paṭiggahītā bhante, Mahā-Pajāpatiyā Gotamiyā aṭṭha garu-dhammā yāva-jīvaɱ anati-k-kamanīyā' ti.|| ||

'Sace Ānanda, nālabhissa mātu-gāmo Tathāgata-p-pavedite Dhamma-Vinaye agārasmā anagāriyaɱ pabbajjaɱ,||
cira-ṭ-ṭhitikaɱ Ānanda, Brahma-cariyaɱ abhavissa,||
vassa-sahassam eva Sad'Dhammo tiṭṭheyya.|| ||

Yato ca kho Ānanda, mātu-gāmo Tathāgata-p-pavedite Dhamma-Vinaye agārasmā anagāriyaɱ pabba-jito,||
na dāni Ānanda, Brahma-cariyaɱ cira-ṭ-ṭhitikaɱ bhavissati,||
pañc'eva dāni Ānanda, vassa-satāni Sad'Dhammo ṭhassati.|| ||

Seyyathā pi Ānanda, yāni kānici kulāni bahukitthikāni appurisakāni,||
tāni suppadhaɱsiyāni honti corehi kumbhatthenakehi.|| ||

Evam eva kho Ānanda, yasmiɱ Dhamma-Vinaye labhati mātu-gāmo agārasmā anagāriyaɱ pabbajjaɱ,||
na taɱ Brahma-cariyaɱ cira-ṭ-ṭhitikaɱ hoti.|| ||

Seyyathā pi Ānanda, sampanne sālikkhette [279] setaṭṭhikā nāma rogajāti nipatati,||
evaɱ taɱ sālikkhettaɱ na cira-ṭ-ṭhitikaɱ hoti.|| ||

Evam eva kho Ānanda, yasmiɱ Dhamma-Vinaye labhati mātu-gāmo agārasmā anagāriyaɱ pabbajjaɱ,||
na taɱ Brahma-cariyaɱ cira-ṭ-ṭhitikaɱ hoti.|| ||

Seyyathā pi Ānanda, sampanne ucchukhette mañjeṭṭhikā nāma rogajāti nipatti,||
evaɱ taɱ ucchukhettaɱ na cira-ṭ-ṭhitikaɱ hoti.|| ||

Evam eva kho Ānanda, yasmiɱ Dhamma-Vinaye labhati mātu-gāmo agārasmā anagāriyaɱ pabbajjaɱ,||
na taɱ Brahma-cariyaɱ cira-ṭ-ṭhitikiɱ hoti.|| ||

Seyyathā pi Ānanda, puriso mahato taḷākassa paṭigacc'eva āḷiɱ bandheyya yāva-d'eva udakassa anati-k-kamanāya,||
evam eva kho Ānanda mayā paṭigacc'eva bhikkhunīnaɱ aṭṭha garu-dhammā paññattā yāva-jīvaɱ anati-k-kamanīyā' ti.|| ||

 


Contact:
E-mail
Copyright Statement