Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
VIII. Aṭṭhaka Nipāta
VI. Gotamī Vagga aka Sa-ādhāna-Vagga

Sutta 53

Sankhitta Gotami-y-Ovāda Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[280]

[1][pts][than] Evaɱ me sutaɱ:|| ||

Ekaɱ samayaɱ Bhagavā Vesāliyaɱ viharati Mahāvane Kūṭāgāra-sālāyaɱ.|| ||

Atha kho Mahā-Pajāpatī Gotamī yena Bhagavā ten'upasankami.|| ||

Upasaŋkamitvā Bhagavantaɱ abhivādetvā eka-m-antaɱ aṭṭhāsi.|| ||

Eka-m-antaɱ ṭhitā kho Mahā-Pajāpatī Gotamī Bhagavantaɱ etad avoca:|| ||

"Sādhu me bhante,||
Bhagavā saŋkhittena dhammaɱ desetu,||
yam ahaɱ Bhagavato dhammaɱ sutvā ekā vūpakaṭṭhā appamattā ātāpinī pahit'attā vihareyyan" ti.|| ||

 

§

 

2. "Ye kho tvaɱ Gotamī,||
dhamme jāneyyāsi:|| ||

'Ime dhammā sarāgāya saŋvattanti||
no virāgāya;||

saɱyogāya saŋvattanti||
no visaɱyogāya;||

acayāya saŋvattanti||
no apacayāya;||

mah'icchatāya saŋvattanti||
no appicchatāya;||

a-santuṭṭhiyā saŋvattanti||
no santuṭṭhiyā;||

sangaṇ'ikāya saŋvattanti||
no pavivekāya;||

kosajjāya saŋvattanti||
no viriy'ārambhāya;||

dubharatāya saŋvattanti||
no subharatāya' ti.|| ||

Ekaɱsena Gotami, dhāreyyāsi:|| ||

'N'eso Dhammo||
n'eso Vinayo||
n'etaɱ Satthu sāsanan' ti.|| ||

 

§

 

3. Ye ca kho tvaɱ Gotamī,||
dhamme jāneyyāsi:|| ||

'Ime dhammā virāgāya saŋvattanti||
no sārāgāya;||

visaɱyogāya saŋvattanti||
no saɱyogāya;||

apacayāya saŋvattanti||
no ācayāya;||

appicchatāya saŋvattanti||
no mah'icchatāya;||

santuṭṭhiyā saŋvattanti||
no a-santuṭṭhiyā;||

pavivekāya saŋvattanti||
no [281] sangaṇ'ikāya;||

viriy'ārambhāya saŋvattanti||
no kosajjāya;||

subharatāya saŋvattanti||
no dubharatāyā' ti.|| ||

Ekaɱsena Gotamī, dhāreyyāsi:|| ||

'Eso Dhammo||
eso Vinayo||
etaɱ Satthu sāsanan'" ti.|| ||

 


Contact:
E-mail
Copyright Statement