Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
VIII. Aṭṭhaka Nipāta
VII. Bhūmi-Cāla Vagga

Sutta 68

Ariya-Vohāra Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[307]

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Aṭṭh'ime bhikkhave, ariya-vohārā.|| ||

Katame aṭṭha?|| ||

Adiṭṭhe adiṭṭha-vāditā,||
asute asuta-vāditā,||
amute amuta-vāditā,||
aviññāte aviññāta-vāditā,||
diṭṭhe diṭṭha-vāditi,||
sute suta-vāditā,||
mute muta-vāditā,||
viññāte viññāta-vāditā.|| ||

Imā kho bhikkhave, aṭṭha ariya-vohārā" ti.|| ||

 


Contact:
E-mail
Copyright Statement