Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
VIII. Aṭṭhaka Nipāta
VII. Bhūmi-Cāla Vagga

Sutta 70

Bhumi-Cāla Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[308]

[1][pts] Evaɱ me sutaɱ:|| ||

Ekaɱ samayaɱ Bhagavā Vesāliyaɱ viharati Mahāvane Kūṭāgāra-sālāyaɱ.|| ||

Atha kho Bhagavā pubbaṇha-samayaɱ nivāsetvā patta-cīvaraɱ ādāya Vesāliyaɱ piṇḍāya pāvisi.|| ||

Vesāliyā piṇḍāya caritvā pacchā-bhattaɱ piṇḍa-pāta-paṭikkanto āyasmantaɱ Ānandaɱ āmantesi:|| ||

2. "Gaṇhāhi Ānanda nisīdanaɱ,||
yena Cāpālaɱ cetiyaɱ.|| ||

Ten'upasankamissāma divā-vihārāyā" ti.|| ||

"Evaɱ bhante" ti kho āyasmā Ānando Bhagavato paṭissutvā nisīdanam ādāya Bhagavantaɱ piṭṭhito piṭṭhito anubandhi.|| ||

3. Atha kho Bhagavā yena Cāpālaɱ cetiyaɱ ten'upasankami.|| ||

Upasaŋkamitvā paññatte āsane nisīdi.|| ||

Nisajja kho Bhagavā āyasmantaɱ Ānanda āmantesi:|| ||

[309] 4. "Ramaṇīyā Ānanda Vesālī,||
ramaṇīyaɱ Udenaɱ cetiyaɱ,||
ramaṇīyaɱ Gotamakaɱ cetiyaɱ,||
ramaṇīyaɱ Bahuputtakacetiyam,||
ramaṇīyaɱ Sattambaɱ cetiyaɱ,||
ramaṇīyaɱ Sārandaɱ cetiyaɱ,||
ramaṇīyaɱ Cāpālaɱ cetiyaɱ.|| ||

Yassa kassaci Ānanda cattāro iddhi-pādā bhāvitā bahulī-katā,||
yānī-katā,||
vatthu-katā anuṭṭhitā paricitā susamāraddhā,||
ākaŋkha-māno so, Ānanda kappaɱ vā tiṭṭheyya,||
kappāvasesaɱ vā.|| ||

Tathāgatassa kho Ānanda cattāro iddhipodā bhāvitā bahulī-katā,||
yānī-katā,||
vatthu-katā anuṭṭhitā paricitā susamāraddhā,||
ākaŋkha-māno Ānanda Tathāgato kappaɱ vā tiṭṭheyya,||
kappāvasesaɱ vā" ti.|| ||

Evam pi kho āyasmā Ānando Bhagavatā||
oḷārike nimitte kayiramāne||
oḷārike obhāse kayiramāne nāsakkhi paṭivijajhajituɱ,||
na Bhagavantaɱ yāci:|| ||

'Tiṭṭhatu bhante, Bhagavā kappaɱ,||
tiṭṭhatu bhante, Sugato kappaɱ||
bahu-jana-hitāya bahu-jana-sukhāya lokānukampāya atthāya hitāya sukhāya deva-manussānan' ti.|| ||

Yathā taɱ Mārena pariyuṭṭhita-citto.|| ||

5. Dutiyam pi kho Bhagavā āyasmantaɱ Ānandaɱ āmantesi: ramaṇīyā Ānanda, Vesāli,||
ramaṇīyaɱ Udenaɱ cetiyaɱ,||
ramaṇīyaɱ Gotamakaɱ cetiyaɱ,||
ramaṇīyaɱ Bahuputtakacetiyam,||
ramaṇīyaɱ Sattambaɱ cetiyaɱ,||
ramaṇīyaɱ Sārandaɱ cetiyaɱ,||
ramaṇīyaɱ Cāpālaɱ cetiyaɱ.|| ||

Yassa kassaci Ānanda cattāro iddhi-pādā bhāvitā bahulī-katā yānī-katā vatthu-katā anuṭṭhitā paricitā susamāraddhā,||
ākaŋkha-māno so, Ānanda kappaɱ vā tiṭṭheyya,||
kappāvasesaɱ vā.|| ||

Tathāgatassa kho Ānanda cattāro iddhipodā bhāvitā bahulī-katā yānī-katā vatthu-katā anuṭṭhitā paricitā susamāraddhā,||
ākaŋkha-māno Ānanda Tathāgato kappaɱ vā tiṭṭheyya,||
kappāvasesaɱ vā ti.|| ||

Evam pi kho āyasmā Ānando Bhagavatā oḷārike nimitte kayiramāne oḷārike obhāse kayiramāne nāsakkhi paṭivijajhajituɱ,||
na Bhagavantaɱ yāci:|| ||

'Tiṭṭhatu bhante, Bhagavā kappaɱ,||
tiṭṭhatu bhante, Sugato kappaɱ||
bahu-jana-hitāya bahu-jana-sukhāya lokānukampāya atthāya hitāya sukhāya deva-manussānan' ti.|| ||

Yathā taɱ Mārena pariyuṭṭhita-citto.|| ||

6. Tatiyam pi kho Bhagavā āyasmantaɱ Ānandaɱ āmantesi: ramaṇīyā Ānanda, Vesāli,||
ramaṇīyaɱ Udenaɱ cetiyaɱ,||
ramaṇīyaɱ Gotamakaɱ cetiyaɱ,||
ramaṇīyaɱ Bahuputtakacetiyam,||
ramaṇīyaɱ Sattambaɱ cetiyaɱ,||
ramaṇīyaɱ Sārandaɱ cetiyaɱ,||
ramaṇīyaɱ Cāpālaɱ cetiyaɱ.|| ||

Yassa kassaci Ānanda cattāro iddhi-pādā bhāvitā bahulī-katā yānī-katā vatthu-katā anuṭṭhitā paricitā susamāraddhā,||
ākaŋkha-māno so, Ānanda kappaɱ vā tiṭṭheyya,||
kappāvasesaɱ vā.|| ||

Tathāgatassa kho Ānanda cattāro iddhipodā bhāvitā bahulī-katā yānī-katā vatthu-katā anuṭṭhitā paricitā susamāraddhā,||
ākaŋkha-māno Ānanda Tathāgato kappaɱ vā tiṭṭheyya,||
kappāvasesaɱ vā ti.|| ||

Evam pi kho āyasmā Ānando Bha- [310] gavatā oḷārike nimitte kayiramāne oḷārike obhāse kayiramāne nāsakkhi paṭivijajhajituɱ,||
na Bhagavantaɱ yāci:|| ||

'Tiṭṭhatu bhante, Bhagavā kappaɱ,||
tiṭṭhatu bhante, Sugato kappaɱ||
bahu-jana-hitāya bahu-jana-sukhāya lokānukampāya atthāya hitāya sukhāya deva-manussānan' ti.|| ||

Yathā taɱ Mārena pariyuṭṭhita-citto.|| ||

7. Atha kho Bhagavā āyasmantaɱ Ānandaɱ āmantesi:|| ||

"Gaccha tvaɱ Ānanda, yassa dāni kālaɱ maññasī" ti.|| ||

"Evaɱ bhante" ti kho āyasmā Ānando Bhagavato paṭissutvā uṭṭhāy āsanā Bhagavantaɱ abhivādetvā padakkhiṇaɱ katvā Bhagavato avidūre aññatarasmiɱ rukkha-mūle nisīdi.|| ||

8. Atha kho Māro pāpimā acira-pakkhante āyasmante Ānando Bhagavantaɱ etad avoca;|| ||

"Parinibbātu dāni bhante, Bhagavā||
parinibbātu Sugato.|| ||

PariNibbānakālo dāni bhante,||
Bhagavato,||
bhāsitā kho pan'esā bhante Bhagavatā vācā:|| ||

'Na tāvāhaɱ pāpima, parinibbāyissāmi,||
yāva me bhikkhu na sāvakā bhavissanti viyattā vinītā visāradā pattayogakkhemā bahu-s-sutā dhamma-dharā dhamm-ā-nudhamma-paṭipannā sāmīci-paṭipannā anudhammacārino sakaɱ ācariyakaɱ uggahetvā ācikkhissanti desissanti paññāpessanti paṭṭhapessanti vivarissanti vibhajissanti uttānikarissanti,||
uppannaɱ parappavādaɱ saha-dhammena suniggahītaɱ niggahetvā sappāṭihāriyaɱ dhammaɱ desissantī' ti.|| ||

Etarahi bhante bhikkhu Bhagavato sāvakā viyattā vinītā visāradā pattayogakkhemā bahu-s-sutā dhamma-dharā dhamm-ā-nudhamma-paṭipannā sāmīci-paṭipannā anudhammacārino sakaɱ ācariyakaɱ uggahetvā ācikkhanti desenti paññā-penti paṭṭhapenti vivaranti vibhajanti uttānikaronti, uppannaɱ parappavādaɱ saha-dhammena suniggahītaɱ niggahetvā sappāṭihāriyaɱ dhammaɱ desenti.|| ||

Parinibbātu dāni bhante Bhagavā parinibbātu Sugato.|| ||

PariNibbānakālo dāni bhante,||
Bhagavato bhāsitā kho pan'esā bhante Bhagavatā vācā:|| ||

'Na tāvāhaɱ pāpima, parinibbāyissāmi,||
yāva me bhikkhuniyo na sāvakā bhavissanti viyattā vinītā visāradā pattayogakkhemā bahu-s-sutā dhamma-dharā dhamm-ā-nudhamma-paṭipannā sāmīci-paṭipannā anudhammacārino sakaɱ ācariyakaɱ uggahetvā ācikkhissanti desissanti paññāpessanti paṭṭhapessanti vivarissanti vibhajissanti uttānikarissanti,||
uppannaɱ parappavādaɱ saha-dhammena suniggahītaɱ niggahetvā sappāṭihāriyaɱ dhammaɱ desissantī' ti.|| ||

Etarahi bhante bhikkhuniyo Bhagavato sāvakā viyattā vinītā visāradā pattayogakkhemā bahu-s-sutā dhamma-dharā dhamm-ā-nudhamma-paṭipannā sāmīci-paṭipannā anudhammacārino sakaɱ ācariyakaɱ uggahetvā ācikkhanti desenti paññā-penti paṭṭhapenti vivaranti vibhajanti uttānikaronti, uppannaɱ parappavādaɱ saha-dhammena suniggahītaɱ niggahetvā sappāṭihāriyaɱ dhammaɱ desenti.|| ||

Parinibbātu dāni bhante Bhagavā parinibbātu Sugato.|| ||

PariNibbānakālo dāni bhante,||
Bhāsitā khopan'esā bhante Bhagavatā vācā:|| ||

'Na tāvāhaɱ pāpima, parinibbāyissāmi,||
yāva me upāsakā [311] na sāvakā bhavissanti viyattā vinītā visāradā pattayogakkhemā bahu-s-sutā dhamma-dharā dhamm-ā-nudhamma-paṭipannā sāmīci-paṭipannā anudhammacārino sakaɱ ācariyakaɱ uggahetvā ācikkhissanti desissanti paññāpessanti paṭṭhapessanti vivarissanti vibhajissanti uttānikarissanti,||
uppannaɱ parappavādaɱ saha-dhammena suniggahītaɱ niggahetvā sappāṭihāriyaɱ dhammaɱ desissantī' ti.|| ||

Bhāsitā khopan'esā bhante Bhagavatā vācā:|| ||

'Na tāvāhaɱ pāpima, parinibbāyissāmi,||
yāva me upāsikā na sāvakā bhavissanti viyattā vinītā visāradā pattayogakkhemā bahu-s-sutā dhamma-dharā dhamm-ā-nudhamma-paṭipannā sāmīci-paṭipannā anudhammacārino sakaɱ ācariyakaɱ uggahetvā ācikkhissanti desissanti paññāpessanti paṭṭhapessanti vivarissanti vibhajissanti uttānikarissanti,||
uppannaɱ parappavādaɱ saha-dhammena suniggahītaɱ niggahetvā sappāṭihāriyaɱ dhammaɱ desissantī' ti.|| ||

Etarahi bhante upāsikā Bhagavato sāvakā viyattā vinītā visāradā pattayogakkhemā bahu-s-sutā dhamma-dharā dhamm-ā-nudhamma-paṭipannā sāmīci-paṭipannā anudhammacārino sakaɱ ācariyakaɱ uggahetvā ācikkhanti desenti paññā-penti paṭṭhapenti vivaranti vibhajanti uttānikaronti, uppannaɱ parappavādaɱ saha-dhammena suniggahītaɱ niggahetvā sappāṭihāriyaɱ dhammaɱ desenti.|| ||

Parinibbātu dāni bhante Bhagavā parinibbātu Sugato.|| ||

PariNibbānakālo dāni bhante,||
Bhāsitā khopan'esā bhante Bhagavatā vācā:|| ||

'Na tāvāhaɱ pāpima parinibbāyissāmi,||
yāva me idaɱ Brahma-cariyaɱ na iddhaɱ c'eva bhavissati phitañ ca vitārikaɱ bāhu-jaññaɱ puthubhutaɱ yāva deva-manussehi suppakāsitan' ti.|| ||

Etarahi bhante Bhagavato Brahma-cariyaɱ iddhañ c'eva phitañ ca vitthārikaɱ bāhu-jaññaɱ puthubhutaɱ yāva deva-manussehi suppakāsitaɱ.|| ||

Parinibbātu dāni bhante Bhagavā,||
parinibbātu Sugato.|| ||

PariNibbānakālo dāni bhante Bhagavato" ti.|| ||

"Appo-s-sukko tvaɱ pāpima hohi,||
naciraɱ Tathāgatassa pari-Nibbānaɱ bhavissati,||
ito tiṇṇaɱ māsānaɱ accayena Tathāgato parinibbāyissatī" ti.|| ||

9. Atha kho Bhagavā Cāpāle cetiye sato sampajāno āyusankhāraɱ ossaji.|| ||

Ossaṭṭhe ca Bhagavatā āyusankhāre mahā-bhumā-cālo ahosi bhiɱsanako salomahaɱso,||
deva-dundubhiyo ca phaliɱsu.|| ||

Atha kho Bhagavā etam atthaɱ viditvā tāyaɱ velāyaɱ imaɱ udānaɱ udānesi.|| ||

[312] "Tulam atulañ ca sambhavaɱ||
Bhavasankhāram avassaji Munī,||
Ajjhattarato samāhito||
Abhindi kavacam iv'attasambhavan" ti.|| ||

 

§

 

10. Atha kho āyasmato Ānandassa etad ahosi:|| ||

"Mahā vatāyaɱ bhumi-cālo,||
sumahā vatāyaɱ bhumi-cālo bhiɱsanako salomahaɱso,||
deva-dundubhiyo ca phaliɱsu.|| ||

Ko nukho hetu?|| ||

Ko paccayo mahato bhumi-cālassa pātu-bhāvāyā" ti?|| ||

Atha kho āyasmā Ānando yena Bhagavā ten'upasankami.|| ||

Upasaŋkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho āyasmā Ānando Bhagavantaɱ etad avoca:|| ||

"Mahā vatāyaɱ bhante bhumi-cālo,||
sumahā vatāyaɱ bhante bhumi-cālo bhiɱsanako salomahaɱso,||
deva-dundubhiyo ca phaliɱsu.|| ||

Ko nukho bhante hetu?|| ||

Ko paccayo mahato bhumi-cālassa pātu-bhāvāyā" ti?|| ||

11. "Aṭṭhi me Ānanda hetu,||
aṭṭha paccayā||
mahato bhumi-cālassa pātu-bhāvāya.|| ||

Katame aṭṭha?|| ||

12. Yaɱ Ānanda mahā-paṭhavi udake patiṭṭhitā,||
udakaɱ vāte patiṭṭhitaɱ,||
vāto ākāsaṭṭho hoti.|| ||

So Ānanda samayo,||
yaɱ mahāvātā vāyanti,||
mahāvātā vāyantā udakaɱ kampenti,||
udakaɱ kampitaɱ paṭhaviɱ kampeti.|| ||

Ayaɱ Ānanda paṭhamo hetu,||
paṭhamo paccayo mahato bhumi-cālassa pātu-bhāvāya.|| ||

13. Puna ca paraɱ Ānanda samaṇo vā brāhmaṇo vā iddhimā ceto va sippatto,||
devatā mahiddhikā mah-ā-nubhāvā.|| ||

Tassa parittā paṭhavisaññā bhāvitā hoti,||
appamāṇā āposaññā.|| ||

So imaɱ paṭhaviɱ kampeti||
saŋkampeti, sampakampeti.|| ||

Ayaɱ Ānanda dutiyo hetu,||
dutiyo paccayo mahato bhumi-cālassa pātu-bhāvāya.|| ||

14. Puna ca paraɱ Ānanda yadā bodhisatto Tusitā kāyā cavitvā sato sampajāno mātu-kucchiɱ okkamati,||
tadāyaɱ [313] paṭhavī kampati saŋkampati sampakampati.|| ||

Ayaɱ Ānanda tatiyo hetu,||
tatiyo paccayo mahato bhumi-cālassa pātu-bhāvāya.|| ||

15. Puna ca paraɱ Ānanda yadā bodhisatto sato sampajāno mātu kucchismā ni-k-khamati,||
tadāyaɱ paṭhavi kampati saŋkampati sampakampati.|| ||

Ayaɱ Ānanda catuttho hetu,||
catuttho paccayo mahato bhūmicālassa pātu-bhāvāya.|| ||

16. Puna ca paraɱ Ānanda yadā Tathāgato anuttaraɱ sammā-sambodhiɱ abhisambujjhati,||
tadāyaɱ paṭhavi kampati, saŋkampati sampakampati.|| ||

Ayaɱ Ānanda pañcamo hetu,||
pañcamo paccayo mahato bhumi-cālassa pātu-bhāvāya.|| ||

17. Puna ca paraɱ Ānanda yadā Tathāgato anuttaraɱ Dhamma-cakkaɱ pavatteti,||
tadāyaɱ paṭhavi kampati, saŋkampati sampakampati.|| ||

Ayaɱ Ānanda chaṭṭho hetu,||
chaṭṭho paccayo mahato bhumi-cālassa pātu-bhāvāya.|| ||

18. Puna ca paraɱ Ānanda yadā Tathāgato sato sampajāno āyusankhāraɱ ossajati,||
tadāyaɱ paṭhavi kampati, saŋkampati, sampakampati.|| ||

Ayaɱ Ānanda sattamo hetu,||
sattamo paccayā mahato bhumi-cālassa pātu-bhāvāya.|| ||

19. Puna ca paraɱ Ānanda yadā Tathāgato anupādisesāya Nibbānadhātuyā parinibkhāyati,||
tadāyaɱ paṭhavī kampati, saŋkampati, sampakampati.|| ||

Ayaɱ Ānanda aṭṭhamo hetu,||
aṭṭhamo paccayo mahato bhumi-cālassa pātu-bhāvāya.|| ||

Ime kho Ānanda aṭṭha hetu,||
aṭṭha paccayā mahato bhumi-cālassa pātu-bhāvāyā" ti.|| ||

 


Contact:
E-mail
Copyright Statement