Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
VIII. Atthaka Nipāta
IX. Sati-Vagga

Sutta 84

Mahā Coraŋga Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[339]

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

2. "Aṭṭhahi bhikkhave, aŋgehi samannāgato mahā-coro khippaɱ pariyāpajjati,||
na cira-ṭ-ṭhitiko hoti.|| ||

Katamehi aṭṭhahi?|| ||

Appaharantassa paharati,||
anavasesaɱ ādiyati,||
itthiɱ bhanati,||
kumāriɱ dūseti,||
pabba-jitaɱ vilumpati,||
rājakosaɱ vilumpati,||
accāsante kammaɱ karoti,||
na ca nidhāna-kusalo hoti.|| ||

Imehi kho bhikkhave, aṭṭhabhaŋgehi samannāgato mahā-coro khippaɱ pariyāpajjati,||
na cira-ṭ-ṭhitiko hoti.|| ||

 

§

 

Aṭṭhahi bhikkhave, aŋgehi samannāgato mahā-coro na khippaɱ pariyāpajjati,||
cira-ṭ-ṭhitiko hoti.|| ||

Katamehi aṭṭhahi?|| ||

Na appaharantassa paharati,||
na anavasesaɱ ādiyati,||
na itthiɱ bhanati,||
na kumāriɱ dūseti,||
na pabba-jitaɱ vilumpati,||
na rājakosaɱ vilumpati,||
na accāsante kammaɱ karoti,||
nidhāna-kusalo ca hoti.|| ||

Imehi kho bhikkhave, aṭṭhahi aŋgehi samannāgato mahā-coro na khippaɱpariyāpajjati,||
cira-ṭ-ṭhitiko hoti" ti.|| ||

 


Contact:
E-mail
Copyright Statement