Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
VIII. Atthaka Nipāta
IX. Sati-Vagga

Sutta 86

Nāgita Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[340]

[1][pts][than] Evaɱ me sutaɱ:|| ||

Ekaɱ samayaɱ Bhagavā Kosalesu cārikaɱ cara-māno mahatā bhikkhu-saŋghena saddhiɱ yena Icchānangalaɱ nāma Kosalānaɱ brāhmaṇa-gāmo tad avasari.|| ||

Tatra sudaɱ Bhagavā Icchānaŋgale viharati Icchānangalavana-saṇḍe.|| ||

2. Assosuɱ kho Icchānangalakā brāhmaṇa-gahapatikā:|| ||

"Samaṇo khalū bho Gotamo Sakya-putto Sakya-kulā pabba-jito Icchānangalaɱ anupatto Icchānaŋgale viharati Icchā- [341] nangalavana-saṇḍe.|| ||

Taɱ kho pana Bhagavantaɱ Gotamaɱ evaɱ kalyāṇo kitti-saddo abbhu-g-gato:|| ||

'Iti pi so Bhagavā||
arahaɱ||
Sammā-Sam-Buddho||
vijjā-caraṇā sampanno||
Sugato||
loka-vidū||
anuttaro purisa-damma-sārathī||
Satthā deva-manussānaɱ||
Buddho||
Bhagavā' ti.|| ||

Sādhu kho pana tathā-rūpānaɱ arahataɱ dassanaɱ hotī" ti.|| ||

Atha kho Icchānangalakā brāhmaṇa-gahapatikā tassā rattiyā accayena pahūtaɱ khādanīyaɱ bhojanīyaɱ ādāya yena Icchānaŋgalā-vana-saṇḍo ten'upasankamiɱsu.|| ||

Upasaŋkamitvā bahi dvāra-koṭṭhake aṭṭhaɱsu uccā-saddā mahā-saddhā.|| ||

3. Tena kho pana samayen'āyasmā Nāgito Bhagavato upaṭṭhāko hoti.|| ||

Atha kho Bhagavā āyasmantaɱ Nāgitaɱ āmantesi:|| ||

"Ke pana te Nāgita,||
uccā-saddā mahā-saddā kevaṭṭā maññe maccha vilope" ti?|| ||

"Ete bhante Icchānangalakā brāhmaṇa-gahapatikā pahutaɱ khādanīyaɱ bhojanīyaɱ ādāya bahi dvāra-koṭṭhake ṭhitā Bhagavantaɱ yeva uddissa bhikkhu-saŋgañvā" ti.|| ||

"Māhaɱ Nāgita,||
yasena samāgamaɱ,||
mā ca mayā yaso,||
yo kho Nāgita,||
na yimassa nekkhamma-sukhassa||
paviveka-sukhassa||
upasama-sukhassa||
sambodha-sukhassa||
nikāma-lābhī assa||
akiccha-lābhī||
akasira-lābhī,||
yassāhaɱ nekkhamma-sukhassa||
paviveka-sukhassa||
upasama-sukhassa||
sambodha-sukhassa||
nikāma-lābhī||
assaɱ akiccha-lābhi||
akasira-lābhi.|| ||

So taɱ mīḷha-sukhaɱ||
middha-sukaɱ||
lābha-sakkāra-siloka-sukhaɱ sādiyeya" ti.|| ||

"Adhivāsetu dāni bhante,||
Bhagavā adhivāsetu Sugato,||
adhivāsana-kālo-dāni bhante,||
Bhagavato.|| ||

Yena yen'eva dāni bhante,||
Bhagavā gamssati,||
tantinnā'va bhavissati brāhmaṇa-gahapatikā negamā c'eva jāna-padā ca.|| ||

Seyyathā [342] pi bhante,||
thulla-phusitake deve vassante yathā-ninnaɱ udakāni pavattanti,||
evam eva kho bhante,||
yena yen'eva dāni Bhagavā gamissati,||
tanninnā'va bhavissati brāhmaṇā-gahapatikā negamā c'eva jāna-padā ca.|| ||

Taɱ kissa hetu?|| ||

Tathā hi bhante, Bhagavato sīla-paññāṇan" ti.|| ||

"Māhaɱ Nāgita,||
yasena samāgamaɱ,||
mā ca mayā yaso,||
yo kho Nāgita,||
na yimassa nekkhamma-sukhassa||
paviveka-sukhassa||
upasama-sukhassa||
sambodha-sukhassa||
nikāma-lābhī assa||
akiccha-lābhī||
akasira-lābhī,||
yassāhaɱ nekkhamma-sukhassa||
paviveka-sukhassa||
upasama-sukhassa||
sambodha-sukhassa||
nikāma-lābhī||
assaɱ akiccha-lābhi||
akasira-lābhi.|| ||

So taɱ mīḷha-sukhaɱ||
middha-sukaɱ||
lābha-sakkāra-siloka-sukhaɱ sādiyeya.|| ||

Devatā pi kho Nāgita,||
ekaccā na yimassa nekkhamma-sukhassa||
paviveka-sukhassa||
upasama-sukhassa||
sambodha-sukhassa||
nikāma-lābhiniyo assu||
akiccha-lābhiniyo||
akasira-lābhiniyo.|| ||

Yassāhaɱ nekkhamma-sukhassa||
paviveka-sukhassa||
upasama-sukhassa||
sambodha-sukhassa||
nikāma-lābhī assaɱ||
akiccha-lābhī||
akasira-lābhī.|| ||

Tumhākam pi kho Nāgita,||
saŋgamma samāgamma sangaṇ'ikavihāraɱ anuyuttānaɱ viharataɱ evaɱ hoti:||
na ha nūna me āyasmanto imassa||
nekkhamma-sukhassa||
paviveka-sukhassa||
upasama-sukhassa||
sambodha-sukhassa||
nikāma-lābhino assu,||
akiccha-lābhino||
akasira-lābhino,||
yassāhaɱ nekkhamma-sukhassa||
paviveka-sukhassa||
upasama-sukhassa||
sambodha-sukhassa||
nikāma-lābhī||
assaɱ akiccha-lābhī||
akasira-lābhī.|| ||

Tathā hi'me [343] āyasmanto saŋgamma samāgamma saŋgaṇika vihāraɱ anuyuttā viharanti.|| ||

4. Idh'āhaɱ Nāgita,||
bhikkhu passāmi añña-maññaɱ aŋguli-patodakehi sañjagghante sankīlante.|| ||

Tassa mayhaɱ Nāgita,||
evaɱ hoti:|| ||

Na ha nūna'me āyasmanto imassa||
nekkhamma-sukhassa||
paviveka-sukhassa||
upasama-sukhassa||
sambodha-sukhassa||
nikāma-lābhino||
akiccha-lābhino assu||
akasira-lābhino||
yassāhaɱ nekkhamma-sukhassa||
paviveka-sukhassa||
upasama-sukhassa||
sambodha-sukhassa||
nikāma-lābhī assaɱ||
akiccha-lābhī||
akasira-lābhī||
tathā hi paname.|| ||

Āyasmanto añña-maññaɱ aŋgulipatodakehi sañjagghanti sankīlanti.|| ||

5. Idh'āhaɱ Nāgita,||
bhikkhu passāmi yāvadatthaɱ udarāvadehakaɱ bhuñjitvā seyya-sukhaɱ phassa-sukhaɱ,||
middha-sukhaɱ anuyutte viharante.|| ||

Tassa mayhaɱ Nāgita,||
evaɱ hoti:|| ||

Na ha nūna'me āyasmanto imassa||
nekkhamma-sukhassa||
paviveka-sukhassa||
upasama sukhassa||
sambodha-sukhassa||
nikāma-lābhino assu||
akiccha-lābhino||
akasira-lābhīno||
yassāhaɱ nekkhamma sukhassa||
paviveka-sukhassa||
upasama-sukhassa||
sambodha-sukhassa||
nikāma-lābhī assaɱ,||
akiccha-lābhī||
akasira-lābhī||
tathā hi me āyasmanto yāva-datthaɱ udarāvadehakaɱ bhuñjitvā seyya-sukhaɱ phassa-sukhaɱ||
middha-sukhaɱ anuyuttā viharanti.|| ||

6. Idh'āhaɱ Nāgita,||
bhikkhuɱ passāmi gāmanta-vihāriɱ samāhitaɱ nisinnaɱ.|| ||

Tassa mayhaɱ Nāgita evaɱ hoti:|| ||

"Idāni imaɱ āyasmantaɱ ārāmiko vā paccessati samaṇ'uddeso vā,||
taɱ tamhā samādhimhā cāvessatī" ti.|| ||

[344] Tenāhaɱ Nāgita tassa bhikkhuno na atta-mano homi gāmanta-vihārena.|| ||

7. Idha pan'āhaɱ Nāgita bhikkhuɱ passāmi āññakaɱ āraññe pavalāyamānaɱ nisinnaɱ.|| ||

Tassa mayhaɱ Nāgita evaɱ hoti:|| ||

"Idāni ayaɱ āyasmā imaɱ niddā-kilamathaɱ paṭivinodetvā arañña-saññaɱ yeva mana-sikarissati ekattan" ti.|| ||

Ten'āhaɱ Nāgita tassa bhikkhuno atta-mano homi arañña-vihārena.|| ||

8. Idha pan'āhaɱ Nāgita bhikkhuɱ passāmi āraññakaɱ araññe asamāhitaɱ nisinnaɱ.|| ||

Tassa mayhaɱ Nāgita evaɱ hoti:|| ||

"Idāni āyamāyasmā asamāhitaɱ vā cittaɱ samādahi'ssati,||
samāhitaɱ vā cittaɱ anurakkhi's-satī" ti.|| ||

Tenāhaɱ Nāgita tassa bhikkhuno atta-mano homi arañña-vihārena.|| ||

9. Idha pan'āhaɱ Nāgita bhikkhuɱ passāmi āraññakaɱ araññe samāhitaɱ nisinnaɱ.|| ||

Tassa mayhaɱ Nāgita evaɱ hoti:|| ||

"Idāni āyasmāyasmā avimuttaɱ vā cittaɱ vimuccissati,||
vimuttaɱ vā cittaɱ anurakkhi's-satī" ti.|| ||

Tenāhaɱ Nāgita tassa bhikkhuno atta-mano homi arañña-vihārena.|| ||

8. Yasmāhaɱ Nāgita samaye addhāna-magga-paṭi-panno na kañci passāmi purato vā pacchato vā,||
phāsu me Nāgita tasmiɱ samaye hoti annamaso uccāra-passāva-kammāyā" ti.|| ||

 


Contact:
E-mail
Copyright Statement