Nissaya-Sampanna Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts][upal][olds] Evaṃ me sutaṃ.|| ||

Ekaṃ samayaṃ Bhagavā Sāvātthiyaṃ viharati||
Jetavane Anāthapiṇḍikassa ārāme.|| ||

Atha kho aññataro bhikkhu||
yena Bhagavā ten'upasaṅkami.|| ||

Upasaṅkamitvā Bhagavantaṃ||
abhivādetvā||
eka-m-antaṃ nisidi.|| ||

Eka-m-antaṃ nisinno kho||
so bhikkhu Bhagavantaṃ etad avoca:|| ||

"'Nissaya-sampanno. Nissaya-sampanno' ti
bhante vuccati.|| ||

Kittāvatā nu kho bhante bhikkhu||
'nissaya-sampanno hotī" ti?"|| ||

"Saddhañ ce bhikkhu,||
bhikkhu nissāya||
akusalaṃ pajahati||
kusalaṃ bhāveti||
pahīnam ev'assa taṃ akusalaṃ hoti.|| ||

Hiriñ ce bhikkhu,||
bhikkhu nissāya||
akusalaṃ pajahati||
kusalaṃ bhāveti||
pahīnam ev'assa taṃ akusalaṃ hoti.|| ||

Ottappañ ce bhikkhu,||
bhikkhu nissāya||
akusalaṃ pajahati||
kusalaṃ bhāveti||
pahīnam ev'assa taṃ akusalaṃ hoti.|| ||

Viriyañ ce bhikkhu,||
bhikkhu nissāya||
akusalaṃ pajahati||
kusalaṃ bhāveti||
pahīnam ev'assa taṃ akusalaṃ hoti.|| ||

Paññañ ce bhikkhu,||
bhikkhu nissāya||
akusalaṃ pajahati||
kusalaṃ bhāveta||
pahīnam ev'assa taṃ akusalaṃ hoti.|| ||

Taṃ hī'ssa bhikkhuno||
akusalaṃ pahīnaṃ hoti suppahīnaṃ,||
yaṃsa ariyāya paññāya disvā pahīnaṃ.|| ||

Tena ca pana bhikkhū, bhikkhunā
imesu pañcasu dhammesu patiṭṭhāya cattāro dhammā upanissāya vihātabbā.|| ||

Katame cattāro?|| ||

Idha bhikkhu, bhikku||
saṅkhāy'ekaṃ paṭisevati,||
saṅkhāy'ekaṃ adhivāseti,||
saṅkhāy'ekaṃ parivajjeti,||
saṅkhāy'ekaṃ vinodeti.|| ||

Evaṃ kho bhikkhu, bhikkhu
'nissaya-sampanno hotī' ti."|| ||