Aṅguttara Nikāya


[Home]  [Sutta Indexes]  [Glossology]  [Site Sub-Sections]


 

Aṅguttara Nikāya
Navaka Nipāta
Pañcāla Vagga

Sutta 51

Diṭṭha-Dhamma-Nibbānaɱ Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[454]

[1][pts][olds] Evaɱ me sutaɱ:|| ||

"'Diṭṭha-dhamma-Nibbānaɱ, diṭṭha-dhamma-Nibbānaɱ' ti āvuso vuccati,||
kittāvatā nu kho āvuso diṭṭha-dhamma-Nibbānaɱ vutto Bhagavatā" ti?|| ||

"Idh'āvuso bhikkhu||
vivicca akusalehi dhammehi||
sa-vitakkaɱ||
sa-vicāraɱ||
viveka-jaɱ pīti-sukhaɱ||
paṭhamaɱ-jhānaɱ upasampajja viharati.|| ||

Yathā yathā ca tad āyatanaɱ||
tathā tathā naɱ kāyena phassitvā viharati,||
paññāya ca naɱ pajānāti.|| ||

Ettāvatā pi kho āvuso||
diṭṭha-dhamma-Nibbānaɱ||
vutto Bhagavatā pariyāyena.|| ||

Puna ca paraɱ āvuso bhikkhu||
vitakka-vicārānaɱ vūpasamā||
ajjhattaɱ sampasādanaɱ||
cetaso ekodi-bhāvaɱ||
avitakkaɱ||
avicāraɱ||
samādhi-jaɱ pīti-sukhaɱ||
dutiyaɱ-jhānaɱ upasampajja viharati.|| ||

Yathā yathā ca tad āyatanaɱ||
tathā tathā naɱ kāyena phassitvā viharati,||
paññāya ca naɱ pajānāti.|| ||

Ettāvatā pi kho āvuso||
diṭṭha-dhamma-Nibbānaɱ||
vutto Bhagavatā pariyāyena.|| ||

Puna ca paraɱ āvuso bhikkhu||
pītiyā ca virāgā||
upekkhako ca viharati||
sato ca sampajāno,||
sukhañ ca kāyena paṭisaɱvedeti||
yan taɱ ariyā āci-k-khanti:||
'Upekkhako satimā sukha-vihārī' ti||
tatiyaɱ-jhānaɱ upasampajja viharati.|| ||

Yathā yathā ca tad āyatanaɱ||
tathā tathā naɱ kāyena phassitvā viharati,||
paññāya ca naɱ pajānāti.|| ||

Ettāvatā pi kho āvuso||
diṭṭha-dhamma-Nibbānaɱ||
vutto Bhagavatā pariyāyena.|| ||

Puna ca paraɱ āvuso bhikkhu||
sukhassa ca pahānā||
dukkhassa ca pahānā||
pubb'eva somanassa-domanassānaɱ attha-gamā||
adukkha-ɱ-asukhaɱ||
upekkhā-sati-pārisuddhiɱ||
catutthaɱ-jhānaɱ upasampajja viharati.|| ||

Yathā yathā ca tad āyatanaɱ||
tathā tathā naɱ kāyena phassitvā viharati,||
paññāya ca naɱ pajānāti.|| ||

Ettāvatā pi kho āvuso||
diṭṭha-dhamma-Nibbānaɱ||
vutto Bhagavatā pariyāyena.|| ||

Puna ca paraɱ āvuso bhikkhu||
sabbaso rūpa-saññānaɱ samati-k-kamma||
paṭigha-saññānaɱ attha-gamā||
nānatta-saññānaɱ amanasi-kārā||
'Ananto ākāso' ti||
Ākāsanañ-c'āyatanaɱ upasampajja viharati.|| ||

Yathā yathā ca tad āyatanaɱ||
tathā tathā naɱ kāyena phassitvā viharati,||
paññāya ca naɱ pajānāti.|| ||

Ettāvatā pi kho āvuso||
diṭṭha-dhamma-Nibbānaɱ||
vutto Bhagavatā pariyāyena.|| ||

Puna ca paraɱ āvuso bhikkhu||
sabbaso Ākāsanañ-c'āyatanaɱ samati-k-kamma||
'Anantaɱ viññāṇan' ti||
Viññāṇañ-c'āyatanaɱ upasampajja viharati.|| ||

Yathā yathā ca tad āyatanaɱ||
tathā tathā naɱ kāyena phassitvā viharati,||
paññāya ca naɱ pajānāti.|| ||

Ettāvatā pi kho āvuso||
diṭṭha-dhamma-Nibbānaɱ||
vutto Bhagavatā pariyāyena.|| ||

Puna ca paraɱ āvuso bhikkhu||
sabbaso Viññāṇañ-c'āyatanaɱ samati-k-kamma||
'N'atthi kiñcī' ti||
Ākiñcaññ'āyatanaɱ upasampajja viharati.|| ||

Yathā yathā ca tad āyatanaɱ||
tathā tathā naɱ kāyena phassitvā viharati,||
paññāya ca naɱ pajānāti.|| ||

Ettāvatā pi kho āvuso||
diṭṭha-dhamma-Nibbānaɱ||
vutto Bhagavatā pariyāyena.|| ||

Puna ca paraɱ āvuso bhikkhu||
sabbaso Ākiñcaññ'āyatanaɱ samati-k-kamma||
N'eva-saññā-nā-saññ'āyatanaɱ upasampajja viharati.|| ||

Yathā yathā ca tad āyatanaɱ||
tathā tathā naɱ kāyena phassitvā viharati,||
paññāya ca naɱ pajānāti.|| ||

Ettāvatā pi kho āvuso||
diṭṭha-dhamma-Nibbānaɱ||
vutto Bhagavatā pariyāyena.|| ||

Puna ca paraɱ āvuso bhikkhu||
sabbaso N'eva-saññā-nā-saññ'āyatanaɱ samati-k-kamma||
Saññā-Vedayita-Nirodhaɱ upasampajja viharati.|| ||

Paññāya c'assa disvā āsavā parikkhīṇā honti.|| ||

Yathā yathā ca tad āyatanaɱ||
tathā tathā naɱ kāyena phassitvā viharati,||
paññāya ca naɱ pajānāti.|| ||

Ettāvatā pi kho āvuso||
diṭṭha-dhamma-Nibbānaɱ||
vutto Bhagavatā nippariyāyena" ti.|| ||

 


Contact:
E-mail
Copyright Statement