Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
X. Dasaka-Nipāta
IV. Upāli Vagga

Sutta 38

Dutiya Ānanda Sangha-Bheda Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[75]

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Atha kho āyasmā Ānanda yena Bhagavā ten'upasankami.|| ||

Upasaɱkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho āyasmā Ānanda Bhagavantaɱ etad avoca:|| ||

2. "Samaggaɱ pana bhante Sanghaɱ bhetvā kiɱ so pasavatī" ti?|| ||

"Kappaṭṭhiyaɱ Ānanda kibbisaɱ pasavatī" ti.|| ||

"Kiɱ pana bhante kappaṭṭhiyaɱ kibbisan" ti?|| ||

"Kappaɱ Ānanda Nirayamhi paccatī" ti.|| ||

[76] Āpāyiko Nerayiko kappaṭṭho Sangha-bhedako||
Vaggarato adhammaṭṭho yoga-k-khemāato dhaɱsati||
Sanghaɱ samaggaɱ bhetvāna kappaɱ Nirayamhi paccatī ti.|| ||

 


Contact:
E-mail
Copyright Statement