Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
X. Dasaka-Nipāta
VII. Yamaka Vagga

Sutta 65

Paṭhama Sukha Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[120]

[1][pts][than] Evaɱ me sutaɱ:|| ||

Ekaɱ samayaɱ Sāriputto Magadhesu, viharati Nālakagāmake.|| ||

Atha kho Sāmaṇḍakāni paribbājako [121] yen'āyasmā Sāriputto ten'upasankami.|| ||

Upasaɱkamitvā āyasmatā Sāriputtena saddhiɱ sammodi.|| ||

Sammodanīyaɱ kathaɱ sārāṇīyaɱ vīti-sāretvā eka-m-antaɱ nisīdi.|| ||

Eka-m-antaɱ nisinno kho Sāmaṇḍakāni paribbājako āyasmantaɱ Sāriputtaɱ etad avoca:|| ||

"Kin nu kho āvuso Sāriputta sukhaɱ||
kiɱ dukkhan" ti.|| ||

2. "Abhinibbatti kho āvuso dukkhā,||
anabhinibbatti sukhā.|| ||

 

§

 

Abhinibbattiyā āvuso sati||
idaɱ dukkhaɱ pāṭikaŋkhaɱ:|| ||

Sītaɱ,||
uṇhaɱ,||
jighacchā,||
pipāsā,||
uccāro,||
passāvo,||
aggi-samphasso,||
daṇḍa-samphasso,||
sattha-samphasso,||
ñāti pi nam mittā pi saŋgamma samāgamma rosenti.|| ||

Abhinibbattiyā āvuso sati idaɱ dukkhaɱ pāṭikaŋkhaɱ.|| ||

3. Anabhinip-phattiyā āvuso sati idaɱ sukhaɱ pāṭikaŋkhaɱ:|| ||

Na sītaɱ,||
na uṇhaɱ,||
na jighacchā,||
na pipāsā,||
na uccāro,||
na passāvo,||
na aggi-samphasso,||
na daṇḍa-samphasso,||
na sattha-samphasso,||
ñāti pi nam mittā pi saŋgamma samāgamma na rosenti.|| ||

Anabhinip-phattiyā āvuso sati idaɱ sukhaɱ pāṭikaŋkhan" ti.|| ||


Contact:
E-mail
Copyright Statement