Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
X. Dasaka-Nipāta
IX: Thera-Vagga

Sutta 86

Adhimāna Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[161]

[1][pts] Evaɱ me sutaɱ:|| ||

Ekaɱ samayaɱ āyasmā Mahā-Kassapo Rājagahe viharati Veḷuvane Kalandakanivāpe.|| ||

Tatra kho āyasmā [162] Mahā-Kassapo bhikkhū āmantesi:|| ||

"Āvuso bhikkhavo" ti.|| ||

"Āvuso" ti kho te bhikkhu āyasmato Mahā-Kassapassa paccassosuɱ.|| ||

Āyasmā Mahā-Kassapo etad avoca:|| ||

"Idh'āvuso bhikkhu aññaɱ vyākaroti|| ||

'Khīṇā jāti,||
vusitaɱ Brahma-cariyaɱ,||
kataɱ karaṇīyaɱ,||
"nāparaɱ itthattāyā" ti pajānāmī' ti.|| ||

 

§

 

Tam enaɱ Tathāgato vā Tathāgata-sāvako vā jhāyī samāpatti-kusalo para-citta-kusalo para-citta-pariyāya-kusalo sam'anuyuñjati sam'anugāhati sam'anubhāsati.|| ||

So Tathāgatena vā||
Tathāgata-sāvakena vā||
jhāyinā samāpatti-kusalena||
para-citta-kusalena||
para-citta-pariyāya-kusalena||
sam'anuyuñjiyamāno||
samanugāhiyamāno||
sam'anubhāsiyamāno||
irīṇaɱ āpajjati,||
vijinaɱ āpajjati,||
anayaɱ āpajjati,||
vyasanaɱ āpajjati,||
anaya-vyasanaɱ āpajjati.|| ||

Tam enaɱ Tathāgato vā||
Tathāgata-sāvako vā||
jhāyī samāpatti-kusalo||
para-citta-kusalo||
para-citta-pariyāya-kusalo||
evaɱ cetasā ceto paricca mana-sikaroti,|| ||

'Kiɱ nu kho ayam āyasmā aññaɱ vyākaroti:|| ||

"Khīṇā jāti,||
vusitaɱ Brahma-cariyaɱ,||
kataɱ karaṇīyaɱ,||
'nāparaɱ itthattāyā' ti pajānāmī"' ti?|| ||

 

§

 

Tam enaɱ Tathāgato vā||
Tathāgata-sāvako vā||
jhāyī samāpatti-kusalo||
para-citta-kusalo||
para-citta-pariyāya-kusalo||
evaɱ cetasā ceto paricca pajānāti.|| ||

Adhimāniko kho ayam āyasmā adhimāna-sacco appatte pattasaññī akate katasaññī anadhigate adhigata-saññī adhimānena aññaɱ vyākarot:|| ||

"Khīṇā jāti,||
vusitaɱ Brahma-cariyaɱ,||
kataɱ karaṇīyaɱ,||
'nāparaɱ itthattāyā' ti pajānāmī" ti.|| ||

Tam enaɱ Tathāgato vā||
Tathāgata-sāvako vā||
jhāyī samāpatti-kusalo||
para-citta-kusalo||
para-citta-pariyāya-kusalo||
evaɱ cetasā ceto paricca mana-sikaroti|| ||

'Kin nu kho ayam āyasmā nissāya adhimāniko adhimāna-sacco appatte pattasaññī akate katasaññī anadhigate adhigata-saññī adhimānena aññaɱ vyākaroti:|| ||

"Khīṇā [163] jāti,||
vusitaɱ Brahma-cariyaɱ,||
kataɱ karaṇīyaɱ,||
'nāparaɱ itthattāyā' ti pajānāmī" ti.|| ||

Tam enaɱ Tathāgato vā||
Tathāgata-sāvako vā||
jhāyī samāpatti-kusalo||
para-citta-kusalo||
para-citta-pariyāya-kusalo||
evaɱ cetasā ceto paricca pajānāti.|| ||

Bahu-s-suto kho pana ayam āyasmā||
suta-dharo suta-sanni-cayo,||
ye te dhammā ādi-kalyāṇā,||
majjhe-kalyāṇā,||
pariyosāna-kalyāṇā||
sātthaɱ savyañ janaɱ kevala-paripuṇṇaɱ||
parisuddhaɱ Brahma-cariyaɱ abhivadanti.|| ||

Tathārūpāssa dhammā bahu-s-sutā honti||
dhatā vacasā paricitā manas-ā-nupekkhitā diṭṭhiyā suppaṭi-viddhā.|| ||

Tasmā ayam āyasmā adhimāniko adhimāna-sacco appatte pattasaññī akate katasaññī anadhigate adhigata-saññī adhimānena aññaɱ vyākaroti:|| ||

"Khīṇā jāti,||
vusitaɱ Brahma-cariyaɱ,||
kataɱ karaṇīyaɱ,||
'nāparaɱ itthattāyā' ti pajānāmī" ti.|| ||

Tam enaɱ Tathāgato vā||
Tathāgata-sāvako vā||
jhāyī samāpatti-kusalo||
para-citta-kusalo||
para-citta-pariyāya-kusalo||
evaɱ cetasā ceto paricca pajānāti,||
abhijjhālū kho pana ayam āyasmā||
abhijjhā-pariyuṭṭhitena cetasā bahulaɱ viharati,||
abhijjhā-pariyuṭṭhānaɱ kho pana||
Tathāgata-p-pavedite Dhamma-Vinaye parihānam etaɱ.|| ||

Vyāpanno kho pana ayam āyasmā||
vyāpāda-pariyuṭṭhitena cetasā bahulraɱ viharati,||
vyāpāda-pariyuṭṭhānaɱ kho pana||
Tathāgata-p-pavedite Dhamma-Vinaye parihānam etaɱ.|| ||

Thīna-middho kho pana ayam āyasmā||
thīna-middha-pariyuṭṭhitena cetasā bahulaɱ viharati,||
thīna-middha-pariyuṭṭhānaɱ kho pana||
Tathāgata-p-pavedite Dhamma-Vinaye parihānam etaɱ.|| ||

Uddhato kho pana ayam āyasmā||
uddhacca-pariyuṭṭhitena cetasā bahulaɱ viharati,||
uddhacca-pariyuṭṭhānaɱ kho pana||
Tathāgata-p-pavedite Dhamma-Vinaye parihānam etaɱ.|| ||

Vici-kiccho kho pana ayam āyasmā||
vicikicchā-pariyuṭṭhitena cetasā bahulaɱ viharati,||
vicikicchā-pariyuṭṭhānaɱ kho pana||
Tathāgata-p-pavedite Dhamma-Vinaye parihānam etaɱ.|| ||

Kammārāmo kho pana ayam āyasmā||
kamma-rato kamm'ārāmataɱ anuyutto||
[164] kamm-ā-rāmatā kho pana||
Tathāgata-p-pavedite Dhamma-Vinaye parihānam etaɱ.|| ||

Bhassārāmo kho pana ayam āyasmā||
bhassa-rato bhass-ā-rāmataɱ anuyutto,||
bhass-ā-rāmatā kho pana||
Tathāgata-p-pavedite Dhamma-Vinaye parihānam etaɱ.|| ||

Niddārāmo kho pana ayam āyasmā||
niddā-rato nidd-ā-rāmataɱ anuyutto||
nidd-ā-rāmatā kho pana||
Tathāgata-p-pavedite Dhamma-Vinaye parihānam etaɱ.|| ||

Saŋgaṇikārāmo kho pana ayam āyasmā||
sangaṇ'ikarato sangaṇ'ik-ā-rāmataɱ anuyutto,||
sangaṇ'ik-ā-rāmatā kho pana||
Tathāgata-p-pavedite Dhamma-Vinaye parihānam etaɱ.|| ||

Muṭṭha-s-sati kho pana ayam āyasmā||
uttariɱ karaṇīye oramatta-kena visesādhi-gamena antarā-vosānaɱ āpanno||
antarā-vosāna-gamanaɱ kho pana||
Tathāgata-p-pavedite Dhamma-Vinaye parihānam etaɱ.|| ||

So vat'āvuso bhikkhu ime dasa-dhamme a-p-pahāya imasmiɱ Dhamma-Vinaye vuḍḍhiɱ virūḷhiɱ vepullaɱ āpajjissatī ti n'etaɱ ṭhānaɱ vijjati.|| ||

So vat'āvuso bhikkhu ime dasa-dhamme pahāya imasmiɱ Dhamma-Vinaye vuḍḍhiɱ virūḷhiɱ vepullaɱ āpajjissatī ti ṭhāname taɱ vijjatī" ti.|| ||

 


Contact:
E-mail
Copyright Statement