Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
X. Dasaka-Nipāta
X: Upāsaka-Vagga

Sutta 96

Kokanada Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[196]

[1][pts][than] Evaɱ me sutaɱ:|| ||

Ekaɱ samayaɱ āyasmā Ānando Rājagahe viharati Tapodārāme.|| ||

Atha kho āyasmā Ānando rattiyā paccūsa-samayaɱ paccu-ṭṭhāya yena Tapodā ten'upasankami gattāni parisiñcītuɱ.|| ||

Tapodāya gattāni parisiñcitvā pacc'uttaritvā eka-cīvaro aṭṭhāsi gattāni pubb-ā-paya-māno.|| ||

Kokanudo pi kho paribbājako rattiyā paccūsa-samayaɱ paccu-ṭṭhāya yena Tapodā ten'upasankami gattāni parisiñcītuɱ.|| ||

Addasā kho Kokanudo paribbājako āyasmantaɱ Ānandaɱ dūrato'va āga-c-chantaɱ,||
disvāna āyasmantaɱ Ānandaɱ etad avoca:|| ||

"Kvattha āvuso" ti?|| ||

"Amhāvuso, bhikkhū" ti.|| ||

"Katamesaɱ āvuso bhikkhunan" ti?|| ||

"Samaṇānaɱ āvuso Sakya-puttiyānan" ti.|| ||

"Puccheyyāma mayaɱ āyasmantaɱ kiñci'd'eva desaɱ,
sace āyasmā okāsaɱ karoti pañhassa veyyā-karaṇāyā" ti.|| ||

"Pucch'āvuso,||
sutvā vedissāmā" ti.|| ||

 

§

 

2. "Kin nu kho bho||
sassato loko,||
idam eva saccaɱ, mogham aññan ti||
evaɱ diṭṭhi bhavan" ti?|| ||

"Na kho ahaɱ āvuso||
evaɱ diṭṭhi:||
sassato loko||
idam eva saccaɱ, mogham aññan" ti.|| ||

"Kim pana bho||
asassato loko,||
idam eva saccaɱ, mogham aññan ti||
evaɱ diṭṭhi bhavan" ti?|| ||

"Na kho ahaɱ āvuso||
evaɱ diṭṭhi:||
asassato loko||
idam eva saccaɱ, mogham aññan" ti.|| ||

"Kin nu kho bho,||
antavā loko,||
idam eva saccaɱ, mogham aññan ti||
evaɱ diṭṭhi bhavan" ti?|| ||

"Na kho ahaɱ āvuso||
evaɱ diṭṭhi:||
antavā loko||
idam eva saccaɱ, mogham aññan" ti.|| ||

"Kim pana bho||
anantavā loko,||
idam eva saccaɱ, mogham aññan ti||
evaɱ diṭṭhi bhavan" ti?|| ||

"Na kho ahaɱ āvuso||
evaɱ diṭṭhi:||
anantavā loko||
idam eva saccaɱ, mogham aññan" ti.|| ||

"Kim pana bho||
taɱ jīvaɱ taɱ sarīraɱ,||
idam eva saccaɱ, mogham aññan ti||
evaɱ diṭṭhi bhavan" ti?|| ||

"Na kho ahaɱ āvuso||
evaɱ diṭṭhi:||
taɱ jīvaɱ taɱ sarīraɱ,||
idam eva saccaɱ, mogham aññan" ti.|| ||

"Kim pana bho||
aññaɱ jīvaɱ aññaɱ sarīraɱ,||
idam eva saccaɱ, mogham aññan ti||
evaɱ diṭṭhi bhavan" ti?|| ||

"Na kho ahaɱ āvuso||
evaɱ diṭṭhi:||
aññaɱ jīvaɱ aññaɱ sarīraɱ,||
idam eva saccaɱ, mogham aññan" ti.|| ||

"Kim pana bho||
hoti Tathāgato param maraṇā,||
idam eva saccaɱ, mogham aññan ti||
evaɱ diṭṭhi bhavan" ti?|| ||

"Na kho ahaɱ āvuso||
evaɱ diṭṭhi:||
hoti Tathāgato param maraṇā,||
idam eva saccaɱ, mogham aññan" ti.|| ||

"Kim pana bho||
na hoti Tathāgato param maraṇā,||
idam eva saccaɱ, mogham aññan ti||
evaɱ diṭṭhi bhavan" ti?|| ||

"Na kho ahaɱ āvuso||
evaɱ diṭṭhi:||
na hoti Tathāgato param maraṇā,||
idam eva saccaɱ, mogham aññan" ti.|| ||

"Kim pana bho||
hoti ca na ca [197] hoti ca Tathāgato param maraṇā,||
idam eva saccaɱ, mogham aññan ti||
evaɱ diṭṭhi bhavan" ti?|| ||

"Na kho ahaɱ āvuso||
evaɱ diṭṭhi:||
hoti ca na ca hoti ca Tathāgato param maraṇā,||
idam eva saccaɱ, mogham aññan" ti.|| ||

"Kim pana bho||
n'eva hoti na na hoti Tathāgato param maraṇā,||
idam eva saccaɱ, mogham aññan ti||
evaɱ diṭṭhi bhavan" ti?|| ||

"Na kho ahaɱ āvuso||
evaɱ diṭṭhi:||
n'eva hoti na na hoti Tathāgato param maraṇā,||
idam eva saccaɱ, mogham aññan" ti.|| ||

"Tena hi bhavaɱ na jānāti na passatī" ti?|| ||

"Na kho ahaɱ āvuso na jānāmi,||
na passāmi,||
jānām'ahaɱ āvuso||
passāmī" ti.|| ||

 

§

 

3. "Kin nu kho bho||
'sassato loko,||
idam eva saccaɱ, mogham aññan ti||
evaɱ diṭṭhi bhavan' ti||
iti puṭṭho samāno||
'na kho ahaɱ āvuso evaɱ diṭṭhi:||
sassato loko,||
idam eva saccaɱ, mogham aññan' ti vadesi.|| ||

Kin nu kho bho||
'asassato loko,||
idam eva saccaɱ, mogham aññan ti||
evaɱ diṭṭhi bhavan' ti||
iti puṭṭho samāno||
'na kho ahaɱ āvuso evaɱ diṭṭhi:||
asassato loko||
idam eva saccaɱ, mogham aññan' ti vadesi.|| ||

Kin nu kho bho||
'antavā loko,||
idam eva saccaɱ, mogham aññan ti||
evaɱ diṭṭhi bhavan' ti||
iti puṭṭho samāno||
'na kho ahaɱ āvuso evaɱ diṭṭhi:||
antavā loko,||
idam eva saccaɱ, mogham aññan' ti vadesi.|| ||

Kin nu kho bho||
'anantavā loko,||
idam eva saccaɱ, mogham aññan ti||
evaɱ diṭṭhi bhavan' ti||
iti puṭṭho samāno||
'na kho ahaɱ āvuso evaɱ diṭṭhi:||
anantavā loko,||
idam eva saccaɱ, mogham aññan' ti vadesi.|| ||

'Kin nu kho bho||
'taɱ jīvaɱ taɱ sarīraɱ,||
idam eva saccaɱ, mogham aññan ti||
evaɱ diṭṭhi bhavan' ti||
iti puṭṭho samāno||
'na kho ahaɱ āvuso evaɱ diṭṭhi:||
taɱ jīvaɱ taɱ sarīraɱ,||
idam eva saccaɱ, mogham aññan' ti vadesi.|| ||

Kin nu kho bho||
'aññaɱ jīvaɱ aññaɱ sarīraɱ,||
idam eva saccaɱ, mogham aññan ti||
evaɱ diṭṭhi bhavan' ti||
iti puṭṭho samāno||
'na kho ahaɱ āvuso evaɱ diṭṭhi:||
aññaɱ jīvaɱ aññaɱ sarīraɱ,||
idam eva saccaɱ, mogham aññan' ti vadesi.|| ||

Kin nu kho bho||
'hoti Tathāgato param maraṇā,||
idam eva saccaɱ, mogham aññan ti||
evaɱ diṭṭhi bhavan' ti||
iti puṭṭho samāno||
'na kho ahaɱ āvuso evaɱ diṭṭhi:||
hoti Tathāgato param maraṇā,||
idam eva saccaɱ, mogham aññan' ti vadesi.|| ||

Kin nu kho bho||
'na hoti Tathāgato param maraṇā,||
idam eva saccaɱ, mogham aññan ti||
evaɱ diṭṭhi bhavan' ti||
iti puṭṭho samāno||
'na kho ahaɱ āvuso evaɱ diṭṭhi:||
na hoti Tathāgato param maraṇā,||
idam eva saccaɱ, mogham aññan' ti vadesi.|| ||

Kin nu kho bho||
'hoti ca na hoti ca Tathāgato param maraṇā,||
idam eva saccaɱ, mogham aññan ti||
evaɱ diṭṭhi bhavan' ti||
iti puṭṭho samāno||
'na kho ahaɱ āvuso evaɱ diṭṭhi:||
hoti ca na hoti ca Tathāgato param maraṇā,||
idam eva saccaɱ, mogham aññan' ti vadesi.|| ||

Kin nu kho bho||
'n'eva hoti,||
na na hoti Tathāgato param maraṇā,||
idam eva saccaɱ, mogham aññan ti||
evaɱ diṭṭhi bhavan' ti||
iti puṭṭho samāno||
'na kho ahaɱ āvuso evaɱ diṭṭhi:||
n'eva hoti,||
na na hoti Tathāgato param maraṇā,||
idam eva saccaɱ, mogham aññan' ti vadesi.|| ||

'Tena hi bhavaɱ na jānāti na passatī' ti||
iti puṭṭho samāno||
'na kho ahaɱ āvuso na jānāmi na passāmi,||
jānām'ahaɱ āvuso passāmī'" ti vadesi.|| ||

Yathā kathampan'āvuso imassa bhāsitassa attho daṭṭhabbo" ti?|| ||

"'Sassato loko,||
idam eva saccaɱ, mogham aññan' ti||
kho āvuso diṭṭhi-gatam etaɱ.|| ||

'Asassato loko,||
idam eva saccaɱ, mogham aññan' ti||
kho āvuso diṭṭhi-gatam etaɱ.|| ||

'Antavā loko,||
idam eva saccaɱ, mogham aññan' ti||
kho āvuso diṭṭhi-gatam etaɱ.|| ||

'Anantavā loko,||
idam eva saccaɱ, mogham aññan' ti||
kho āvuso diṭṭhi-gatam etaɱ.|| ||

'Taɱ jīvaɱ taɱ sarīraɱ,||
idam eva saccaɱ, mogham aññan' ti||
kho āvuso diṭṭhi-gatam etaɱ.|| ||

'Aññaɱ jīvaɱ aññaɱ sarīraɱ,||
idam eva saccaɱ, mogham aññan' ti||
kho āvuso diṭṭhi-gatam etaɱ.|| ||

'Hoti Tathāgato param maraṇā,||
idam eva saccaɱ, mogham aññan' ti||
kho āvuso diṭṭhi-gatam etaɱ.|| ||

'Na hoti Tathāgato param maraṇā,||
idam eva saccaɱ, mogham aññan' ti||
kho āvuso diṭṭhi-gatam etaɱ.|| ||

'Taɱ hoti ca na hoti ca Tathāgato param maraṇā,||
idam eva saccaɱ, mogham aññan' ti||
kho āvuso diṭṭhi-gatam etaɱ.|| ||

'N'eva hoti na na hoti Tathāgato param maraṇā,||
idam eva saccaɱ, [198] mogham aññan' ti||
kho āvuso diṭṭhi-gatam etaɱ.|| ||

 

§

 

Yāvatā āvuso diṭṭhi-gatā||
yāvatā diṭṭhi-ṭ-ṭhānaɱ||
diṭṭh-ā-dhiṭṭhānaɱ||
diṭṭhi pariyuṭṭhānaɱ||
diṭṭhi-samuṭṭhānaɱ||
diṭṭhi-samugghāto,||
tam ahaɱ jānāmi,||
tam ahaɱ passāmi||
tam ahaɱ jānanto||
tam ahaɱ passanto||
kyāhaɱ vakkhāmī||
'na jānāmi,||
na passāmī' ti?|| ||

Jānām'ahaɱ āvuso||
passāmī" ti.|| ||

 

§

 

"Ko nāmo āyasmā?|| ||

Kathañ ca panāyasmantaɱ sabrahma-cārī jānantī" ti?|| ||

"'Ānando' ti kho me āvuso nāmaɱ,||
'Ānando' ti ca pana maɱ sabrahma-cārī jānantī" ti.|| ||

"Mahācariyena vata kira bhotā saddhiɱ mantayamānā na jānimha:|| ||

'Āyasmā Ānando' ti.|| ||

Sace hi mayaɱ sañjāneyyāma:||
'Āyasmā Ānando' ti ettakam pi no na ppaṭibhāseyya.|| ||

Khamatu ca me āyasmā Ānando" ti.|| ||

 


Contact:
E-mail
Copyright Statement