Dīgha Nikāya


[Home]  [Sutta Indexes]  [Glossology]  [Site Sub-Sections]


 

Dīgha Nikāya

Sutta 8

Kassapo-Sīhanāda Suttaɱ

Adapted from the digital version of the Sri Lanka Buddha Jayanti Tripitaka Series

 


[161]

[1][pts] Evaɱ me sutaɱ:|| ||

Ekaɱ samayaɱ Bhagavā ujuññāyaɱ viharati kaṇṇakatthale Migadāye.|| ||

Atha kho acelo Kassapo yena Bhagavā ten'upasankami.|| ||

Upasaŋkamitvā Bhagavatā saddhiɱ sammodi.|| ||

Sammodanīyaɱ kathaɱ sārāṇīyaɱ vīti-sāretvā eka-m-antaɱ aṭṭhāsi.

2. Eka-m-antaɱ ṭhito kho acelo Kassapo Bhagavantaɱ etad avoca:|| ||

"Sutamme taɱ bho Gotama,||
'Samaṇo Gotamo sabbaɱ tapaɱ garaha' ti.|| ||

Sabbaɱ tapassiɱ lukhājīviɱ ekaɱ-sena upakkosati upavadatī' ti.|| ||

Ye te bho Gotama evam āhaɱsu 'Samaṇo Gotamo sabbaɱ taɱ garahati,||
sabbaɱ tapassiɱ lukhājīviɱ ekaɱ-sena upakkosati upavadatī' ti.|| ||

Kacci te bhoto Gotamassa vutta-vādino?|| ||

Na ca bhavantaɱ Gotamaɱ abhūtena abbh'ācikkhanti?|| ||

Dhammassa c'ānudhammaɱ vyākaronti?|| ||

Na ca koci saha-dhammiko vād'ānuvādo gārayhaɱ ṭhānaɱ āgacchati?|| ||

Anabbhakkhātukāmā hi mayaɱ bhavantaɱ Gotaman" ti.|| ||

3. Ye te Kassapo evam āhaɱsu:|| ||

'Samaṇo Gotamo sabbaɱ tapaɱ garaha' ti.|| ||

'Sabbaɱ tapassiɱ lukhājīviɱ ekaɱ-sena upakkosati upavadatī' ti||
na me te vutta-vādino.|| ||

Abbhācikkhanti ca pana maɱ te asatā abhūtena.|| ||

Idāhaɱ Kassapo ekaccaɱ tapassiɱ lukhājīviɱ passāmi dibbena [162] cakkhunā visuddhena atikkanta-mānusakena kāyassa bhedā param maraṇā apāyaɱ duggatiɱ vinipātaɱ Nirayaɱ upapannaɱ.|| ||

Idha pan'āhaɱ Kassapo ekaccaɱ tapassiɱ lukhājīviɱ passāmi dibbena cakkhunā visuddhena atikkanta-mānusakena kāyassa bhedā param maraṇā sugatiɱ saggaɱ lokaɱ upapannaɱ.|| ||

Idāhaɱ Kassapo ekaccaɱ tapassiɱ appadukkhavihāriɱ passāmi dibbena cakkhunā visuddhena atikkanta-mānusakena kāyassa bhedā param maraṇā apāyaɱ duggatiɱ vinipātaɱ Nirayaɱ upapannaɱ.|| ||

*. Kassapo sīhanāta suttaɱ,||
kesuci.|| ||

Khuddhasīha-nādasuttantipi.|| ||

Aṭṭhakathā.|| ||

Mahāsīha-nādasuttaɱ,||
machasaɱ.|| ||

Idhapan'āhaɱ Kassapo ekaccaɱ tapassiɱ appadukkhavihāriɱ passāmi dibbena cakkhunā visuddhena atikkanta-mānusakena kāyassa bhedā param maraṇā sugatiɱ saggaɱ lokaɱ upapannaɱ.|| ||

Yo'haɱ Kassapo imesaɱ tapassīnaɱ evaɱ āgatiñca gatiñca cutiñca upapattiñca yathā-bhūtaɱ pajānāmi.|| ||

So'haɱ kiɱ sabbaɱ tapaɱ garahissāmi,||
sabbaɱ vā tapassiɱ lukhājīviɱ ekaɱ-sena upakkosissāmi upavadissāmi?

4. Santi Kassapo eke samaṇa-brāhmaṇā paṇḍitā nipuṇā kata-parappavādā vāḷavedhirūpā vobhindantā1 maññe caranti paññā-gatena diṭṭhi-gatāni.|| ||

Tehi'pi me saddhiɱ ekaccesu ṭhānesu sameti ekaccesu ṭhānesu na sameti.|| ||

Yante ekaccaɱ vadenti sādhū' ti,||
mayam pi taɱ ekaccaɱ vadema sādhū' ti.|| ||

Yante ekaccaɱ vadenti na sādhū' ti,||
mayam pi taɱ ekaccaɱ vadema na sādhū' ti.|| ||

Yante ekaccaɱ vadenti sādhū' ti,||
mayaɱ taɱ ekaccaɱ vadema na sādhū' ti.|| ||

Yante ekaccaɱ vadenti na sādhū' ti,||
mayaɱ taɱ ekaccaɱ vadema sādhū' ti.|| ||

Yaɱ mayaɱ ekaccaɱ vadema sādhū' ti,||
pare'pi taɱ ekaccaɱ vadenti na sādhū' ti.|| ||

Yaɱ mayaɱ ekaccaɱ vadema na sādhū' ti,||
pare'pi taɱ ekaccaɱ vadenti na sādhū' ti.|| ||

[163] yaɱ mayaɱ ekaccaɱ vadema na sādhū' ti,||
pare'pi taɱ ekaccaɱ vadenti sādhū' ti.|| ||

Yaɱ mayaɱ ekaccaɱ vadema sādhū' ti.|| ||

Pare'pi taɱ ekaccaɱ vadenti na sādhū' ti.|| ||

Tyāhaɱ upasankamitvā evaɱ vadāmi: yesu no Kassapo ṭhānesu na sameti,||
tiṭṭhantu tāni ṭhānāni.|| ||

Yesu ṭhānesu sameti,||
tattha viññū samanuyuñjantaɱ samanugāhantaɱ samanubhāsantaɱ Satthārā vā Satthāraɱ saŋghena vā Sanghaɱ: "ye imesaɱ bhavataɱ dhammā akusalā akusala-sankhātā sāvajjā sāvajja-sankhātā asevitabbā asevitabba-sankhātā na alamariyā na alam-ariya-sankhātā kaṇhā kaṇhasankhātā,||
ko ime dhamme anavasesaɱ pahāya vattati,||
samaṇo vā Gotamo pare vā pana bhonto gaṇācariyā" ti?

Ṭhānaɱ kho pan'etaɱ Kassapo vijjati yaɱ viññū samanuyuñjantā samanugāhantā samanubhāsantā evaɱ vadeyyuɱ: "ye imesaɱ bhavataɱ dhammā akusalā akusala-sankhātā sāvajjā sāvajja-sankhātā asevitabbā asevitabba-sankhātā na alamariyā na alam-ariya-sankhātā kaṇhā kaṇhasankhātā,||
Samaṇo Gotamo ime dhamme anavasesaɱ pahāya vattati,||
yaɱ vā pana bhonto pare gaṇācariyā" ti.|| ||

Iti ha Kassapo viññū samanuyuñjantā samanugāhantā samanubhāsantā amheva tattha yebhuyyena pasaɱseyyuɱ.|| ||

5. Aparam pi no Kassapo viññū samanuyuñjantaɱ samanugāhantaɱ samanubhāsantaɱ Satthāraɱ saŋghena vā Sanghaɱ: "ye imesaɱ bhavataɱ dhammā kusal-ā-kusala-sankhātā anavajjā anavajja-sankhātā sevitabbā sevitabba-sankhātā alamariyā alam-ariya-sankhātā sukkā sukkasankhātā,||
ko ime dhamme anavasesaɱ samādāya vattati samaṇo vā Gotamo pare vā pana bhonto gaṇācariyā" ti?

Ṭhānaɱ kho pan'etaɱ Kassapo vijjati yaɱ viññū samanuyuñjantā samanugāhantā samanubhāsantā evaɱ [164] vadeyyuɱ: "ye imesaɱ bhavataɱ dhammā kusal-ā-kusala-sankhātā anavajjā anavajja-sankhātā sevitabbā sevitabba-sankhātā alamariyā alam-ariya-sankhātā sukkā sukkasankhātā,||
Samaṇo Gotamo ime dhamme anavasesaɱ samādāya vattati yaɱ vā pana bhonto pare gaṇācariyā" ti.|| ||

Iti ha Kassapo viññū samanuyuñjantā samanugāhantā samanubhāsantā amheva tattha yebhuyyena pasaɱseyyuɱ.|| ||

6. Aparam pi no Kassapo viññū samanuyuñjantaɱ samanugāhantaɱ samanubhāsantaɱ Satthārā vā Satthāraɱ saŋghena vā Sanghaɱ: "ye imesaɱ bhavataɱ dhammā akusalā akusala-sankhātā sāvajjā sāvajja-sankhātā asevitabbā asevitabba-sankhātā na alamariyā na alam-ariya-sankhātā kaṇhā kaṇhasankhātā ko ime dhamme anavasesaɱ pahāya vattati Gotamasāvaka-saŋgho vā pare vā pana bhonto gaṇācariya-sāvaka-saŋghā" ti?

Ṭhānaɱ kho pan'etaɱ Kassapo vijjati yaɱ viññū samanuyuñjantā samanugāhantā samanubhāsantā evaɱ vadeyyuɱ: "ye imesaɱ bhavataɱ dhammā akusalā akusala-sankhātā sāvajjā sāvajja-sankhātā asevitabbā asevitabba-sankhātā na alamariyā na alam-ariya-sankhātā kaṇhā kaṇhasankhātā,||
Gotamasāvaka-saŋgho ime dhamme anavasesaɱ pahāya vattati,||
yaɱ vā pana bhonto pare gaṇācariya-sāvaka-saŋghā" ti.|| ||

Iti ha Kassapo viññū samanuyuñjantā samanugāhantā samanubhāsantā amheva tattha yebhuyyena pasaɱseyyuɱ.|| ||

7. Aparam pi no Kassapo viññū samanuyuñjantaɱ samanugāhantaɱ samanubhāsantaɱ Satthārā vā Satthāraɱ saŋghena vā Sanghaɱ: "ye imesaɱ bhavataɱ dhammā kusal-ā-kusala-sankhātā anavajjā anavajja-sankhātā sevitabbā sevitabba-sankhātā alamariyā alam-ariya-sankhātā sukkā sukkasankhātā,||
ko ime dhamme anavasesaɱ samādāya vattati?|| ||

Gotamasāvaka-saŋgho vā,||
pare vā pana bhonto gaṇācariya-sāvaka-saŋghā" ti?

Ṭhānaɱ kho pan'etaɱ Kassapo vijjati yaɱ viññū samanuyuñjantā [165] samanugāhantā samanubhāsantā evaɱ vadeyyuɱ "ye imesaɱ bhavataɱ dhammā kusal-ā-kusala-sankhātā anavajjā anavajja-sankhātā sevitabbā sevitabba-sankhātā alamariyā alam-ariya-sankhātā sukkā sukkasankhātā,||
Gotamasāvaka-saŋgho ime dhamme anavasesaɱ samādāya vattati,||
yaɱ vā pana bhonto pare gaṇācariya-sāvaka-saŋgho" ti.|| ||

Iti ha Kassapo viññū samanuyuñjantā samanugāhantā samanubhāsantā amheva tattha yebhuyyena pasaɱseyyuɱ.|| ||

8. Atthi Kassapo Maggo atthi paṭipadā yathā paṭipanno sāmaɱ yeva ñassati sāmaɱ dakkhiti "samaṇo'va Gotamo kāla-vādī bhūta-vādī attha-vādī dhamma-vādī vinaya-vādī" ti.|| ||

Katamo ca Kassapo Maggo katamā paṭipadā yathā paṭipanno sāmaɱ yeva ñassati sāmaɱ dakkhiti "samaṇo'va Gotamo kāla-vādī bhūta-vādī attha-vādī dhamma-vādī vinaya-vādī" ti?

Ayam-eva Ariyo Aṭṭhaŋgiko Maggo.|| ||

Seyyath'īdaɱ: sammā-diṭṭhi sammā-saŋkappo sammā-vācā sammā-kammanto sammā ājīvo sammā-vāyāmo sammā-sati sammā-samādhi.|| ||

Ayaɱ kho Kassapo Maggo ayaɱ paṭipadā,||
yathā paṭipanno sāmaɱ yeva ñassati sāmaɱ dakkhiti 'samaṇo'va Gotamo kāla-vādī bhūta-vādī attha-vādī dhamma-vādī vinaya-vādī' ti.|| ||

9. Evaɱ vutte acelo Kassapo Bhagavantaɱ etad avoca:

"Ime pi kho Kassapo Gotama tapopakkamā ekesaɱ [166] samaṇa-brāhmaṇānaɱ sāmaññasankhātā ca brahmaññasankhātā ca: acelako hoti mutt'ācāro,||
hatth-ā-palekhano,||
na ehi-bhadantiko,||
na tiṭṭha-bhadantiko,||
nābhihaṭaɱ,||
na uddissa-kaṭaɱ,||
na nimantanaɱ sādiyati.|| ||

So na kumbhi-mukhā paṭiggaṇhāti,||
na kaḷopi-mukhā paṭiggaṇhāti,||
na eḷakamantaraɱ.|| ||

Na daṇḍa-mantaraɱ,||
na musalamantaraɱ,||
na dvinnaɱ bhuñjamānānaɱ,||
na gabbhiniyā,||
na pāyamānāya,||
na purisantaragatāya,||
na saɱkittīsu,||
na yattha sā upaṭṭhito hoti,||
na yattha makkhikā saṇḍasaṇḍacārinī,||
na macchaɱ na maɱsaɱ na suraɱ na merayaɱ na thusodakaɱ pivati.|| ||

So ekāgāriko vā hoti ekālopiko,||
dvāgāriko vā hoti dvālopiko,||
sattāgāriko vā hoti sattālopiko,||
ekissāpi dattiyā yāpeti,||
dvīhipi dattīpi yāpeti,||
sattahipi dattīhi yāpeti,||
ekāhikampi āhāraɱ āhāreti,||
dvāhikampi āhāraɱ āhāreti,||
sattāhikampi āhāraɱ āhāreti.|| ||

Iti eva-rūpaɱ addhamāsikampi pariyāyabhattabhojanānuyogamanuyutto viharati.|| ||

10. Ime pi kho Kassapo Gotama tapopakkamā ekesaɱ samaṇa-brāhmaṇānaɱ sāmaññasankhātā ca brahmaññasankhātā ca: sākabhakkho vā hoti,||
sāmākabhakkho vā hoti,||
nīvārabhakkho vā hoti,||
daddulabhakkho vā hoti,||
haṭabhakkho vā hoti,||
kaṇabhakkho vā hoti,||
ācāmabhakkho vā hoti,||
piññākabhakkho vā hoti,||
tiṇabhakkho vā hoti,||
gomayabhakkho vā hoti,||
vanamūlaphalāhāro yāpeti pavatta-phalabhojī.|| ||

11. Ime pi kho Kassapo Gotama tapopakkamā ekesaɱ samaṇa-brāhmaṇānaɱ sāmaññasankhātā ca brahmaññasankhātā ca: sāṇāni pi dhāreti,||
masāṇāni pi dhāreti,||
chavadussāni pi dhāreti,||
paɱsukūlāni pi dhāreti,||
tirīṭāni pi dhāreti,||
[167] ajinampi dhāreti,||
ajinakkhipampi dhāreti,||
kusa-cīrampi dhāreti,||
vākacīrampi dhāreti,||
elakacīrampi dhāreti,||
kesakam-balampi dhāreti,||
vālakam-balampi dhāreti,||
ulūkapakkhikampi dhāreti,||
kesa-massulocako pi hoti kesa-massulocanānuyogamanuyutto,||
ubbhaṭṭhako pi hoti āsanapaṭikkhitto,||
ukkuṭiko pi hoti ukkuṭikappadhānamanuyutto,||
kaṇṭakāpassayiko pi hoti,||
kaṇṭakāpassaye seyyaɱ kappeti,||
phalakaseyyampi kappeti,||
thaṇḍilaseyyampi kappeti,||
ekapassasayiko pi hoti,||
rajojalladharo abbhokāsiko pi hoti yathāsanthatiko,||
vekaṭiko pi hoti vikaṭabhojanānuyogamanuyutto,||
apānako pi hoti apānakatta-manuyutto,||
sāyatatiyakampi1 udakorohaṇānuyogamanuyutto viharatī" ti.|| ||

12. "Acelako ce pi Kassapo hoti muttacāro hatth-ā-palekhano,||
na ehi-bhadantiko,||
na tiṭṭha-bhadantiko,||
nābhihaṭaɱ,||
na uddissa-kaṭaɱ,||
na nimittanaɱ sādiyati.|| ||

So na kumbhi-mukhā paṭiggaṇhāti,||
na kaḷopi-mukhā paṭiggaṇhāti,||
na eḷakamantaraɱ.|| ||

Na daṇḍa-mantaraɱ,||
na musalamantaraɱ,||
na dvinnaɱ bhuñjamānānaɱ,||
na gabbhiniyā,||
na pāyamānāya,||
na purisantaragatāya,||
na saɱkittīsu,||
na yattha sā upaṭṭhito hoti,||
na yattha makkhikā saṇḍasaṇḍacārinī,||
na macchaɱ na maɱsaɱ.|| ||

Na suraɱ na merayaɱ na thusodakaɱ pivati.|| ||

So ekāgāriko vā hoti ekālopiko,||
dvāgāriko vā hoti dvālopiko,||
sattāgāriko vā hoti sattālopiko,||
ekissāpi dattiyā yāpeti,||
dvīhipi dattīpi yāpeti,||
sattahipi dattīhi yāpeti,||
ekāhikampi āhāraɱ āhāreti,||
dvāhikampi āhāraɱ āhāreti,||
sattāhikampi āhāraɱ āhāreti.|| ||

Iti eva-rūpaɱ addhamāsikampi pariyāyabhattabhojanānuyogamanuyutto viharati.|| ||

Tassa cāyaɱ sīla-sampadā citta-sampadā paññā-sampadā abhāvitā hoti asacchi-katā.|| ||

Atha kho so ārakā'va sāmaññā,||
ārakā'va brahmaññā.|| ||

Yato kho Kassapo bhikkhu averaɱ avyāpajjaɱ metta-cittaɱ bhāveti,||
āsavānañca khayā anāsavaɱ ceto-vimuttiɱ paññā-vimuttiɱ diṭṭh'eva [168] dhamme sayaɱ abhiññā sacchi-katvā upasampajja viharati.|| ||

Ayaɱ vuccati Kassapo bhikkhu samaṇo i' ti pi brāhmaṇo i' ti.i.|| ||

13. Sākabhakkho ce pi Kassapo hoti sāmākabhakkho ce pi Kassapo hoti nīvārabhakkho ce pi Kassapo hoti daddulabhakkho ce pi Kassapo hoti haṭabhakkho ce pi Kassapo hoti kaṇabhakkho ce pi Kassapo hoti ācāmabhakkho ce pi Kassapo hoti piññākabhakkho ce pi Kassapo hoti tiṇabhakkho ce pi Kassapo hoti gomayabhakkho ce pi Kassapo hoti vanamūlaphalāhāro yāpeti pavatta-phalabhojī.|| ||

Tassa cāyaɱ sīla-sampadā citta-sampadā paññā-sampadā abhāvitā hoti asacchi-katā.|| ||

Atha kho so ārakā'va sāmaññā ārakā'va brahmaññā.|| ||

Yato kho Kassapo bhikkhu averaɱ avyāpajjaɱ metta-cittaɱ bhāveti,||
āsavānañca khayā anāsavaɱ ceto-vimuttiɱ paññā-vimuttiɱ diṭṭhe'va dhamme sayaɱ abhiññā sacchi-katvā upasampajja viharati.|| ||

Ayaɱ vuccati Kassapo bhikkhu samaṇo i' ti pi brāhmaṇo itī'pi.|| ||

14. Sāṇāni ce pi Kassapo dhāreti,||
masāṇāni 'pi Kassapo dhāreti,||
chavadussāni 'pi Kassapo dhāreti,||
paɱsukūlāni 'pi Kassapo dhāreti,||
tirīṭāni 'pi Kassapo dhāreti,||
ajinampi Kassapo dhāreti,||
ajinakkhipampi Kassapo dhāreti,||
kusa-cīram pi Kassapo dhāreti,||
vākacīram pi Kassapo dhāreti,||
elakacīram pi Kassapo dhāreti,||
kesakam-balam pi Kassapo dhāreti,||
vālakam-balam pi Kassapo dhāreti,||
ulūkapakkhikam pi Kassapo dhāreti,||
kesa-massulocako pi hoti kesa-massulocanānuyogamanuyutto,||
ubbhaṭṭhako pi hoti āsanapaṭikkhitto,||
ukkuṭiko pi hoti ukkuṭikappadhānamanuyutto,||
kaṇṭakāpassayiko pi hoti,||
kaṇṭakāpassaye seyyaɱ kappeti,||
phalakaseyyam pi kappeti,||
thaṇḍilaseyyam pi kappeti,||
ekapassasayiko pi hoti,||
rajojalladharo abbhokāsiko pi hoti yathāsanthatiko,||
vekaṭiko pi hoti vikaṭabhojanānuyogamanuyutto,||
apānako pi hoti apānakatta-manuyutto,||
sāyatatiyakam pi udakorohaṇānuyogamanuyutto viharati,||
tassa cāyaɱ sīla-sampadā citta-sampadā paññā-sampadā abhāvitā hoti asacchi-katā,||
atha kho so ārakā'va sāmaññā ārakā'va brahmaññā.|| ||

Yato kho Kassapo bhikkhu averaɱ avyāpajjaɱ metta-cittaɱ bhāveti,||
āsavānañ ca khayā anāsavaɱ ceto-vimuttiɱ paññā-vimuttiɱ diṭṭhe'va dhamme sayaɱ abhiññā sacchi-katvā upasampajja viharati.|| ||

Ayaɱ vuccati Kassapo bhikkhu samaṇo i' ti pi brāhmaṇo i' ti.i.|| ||

15. Evaɱ vutte acelo Kassapo Bhagavantaɱ etad avoca: dukkaraɱ bho Gotama sāmaññaɱ dukkaraɱ brahmaññanti.|| ||

"Pakati kho esā Kassapo lokasmiɱ dukkaraɱ sāmaññaɱ dukkaraɱ brahmaññanti."|| ||

"Acelako ce pi Kassapo hoti mutt'ācāro hatth-ā-palekhano,||
na ehi-bhadantiko,||
na tiṭṭha-bhadantiko,||
nābhihaṭaɱ,||
na uddissa-kaṭaɱ,||
na nimantanaɱ sādiyati.|| ||

So na kumbhi-mukhā paṭiggaṇhāti,||
na kaḷopi-mukhā paṭiggaṇhāti,||
na eḷakamantaraɱ.|| ||

Na daṇḍa-mantaraɱ,||
na musalamantaraɱ,||
na dvinnaɱ bhuñjamānānaɱ,||
na gabbhiniyā,||
na pāyamānāya,||
na purisantaragatāya,||
na saɱkittīsu,||
na yattha sā upaṭṭhito hoti,||
na yattha makkhikā saṇḍasaṇḍacārinī,||
na macchaɱ na maɱsaɱ na suraɱ na merayaɱ na thusodakaɱ pivati.|| ||

So ekāgāriko vā hoti ekālopiko,||
dvāgāriko vā hoti dvālopiko,||
sattāgāriko vā hoti sattālopiko,||
ekissāpi dattiyā yāpeti,||
dvīhipi dattīpi yāpeti,||
sattahipi dattīhi yāpeti,||
ekāhikampi āhāraɱ āhāreti,||
dvāhikampi āhāraɱ āhāreti,||
sattāhikampi āhāraɱ āhāreti.|| ||

Iti eva-rūpaɱ addhamāsikampi pariyāyabhattabhojanānuyogamanuyutto viharati,||
imāya ca Kassapo mattāya iminā ca tapopakkamena sāmaññaɱ vā abhavissa brahmaññaɱ dukkaraɱ sudukkaraɱ,||
n'etaɱ abhavissa kallaɱ vacanāya dukkaraɱ sāmaññaɱ dukkaraɱ brahmaññan" ti.|| ||

16. Sakkā ca pan'etaɱ abhavissa ñātuɱ gahapatinā vā gahapati-puttena vā antamaso kumbhadāsiyā'pi: "handāhaɱ acelako homi mutt'ācāro hatth-ā-palekhano,||
na ehi-bhadantiko,||
na tiṭṭha-bhadantiko,||
nābhihaṭaɱ,||
na uddissa-kaṭaɱ,||
na nimantanaɱ sādiyati.|| ||

So na kumbhi-mukhā paṭiggaṇhāti,||
na kaḷopi-mukhā paṭiggaṇhāti,||
na eḷakamantaraɱ.|| ||

Na daṇḍa-mantaraɱ,||
na musalamantaraɱ,||
na dvinnaɱ bhuñjamānānaɱ,||
na gabbhiniyā,||
na pāyamānāya,||
na purisantaragatāya,||
na saɱkittīsu,||
na yattha sā upaṭṭhito hoti,||
na yattha makkhikā saṇḍasaṇḍacārinī,||
na macchaɱ na maɱsaɱ na suraɱ na merayaɱ na thusodakaɱ pivati.|| ||

So ekāgāriko vā hoti ekālopiko,||
dvāgāriko vā hoti dvālopiko,||
sattāgāriko vā hoti sattālopiko,||
ekissāpi dattiyā yāpeti,||
dvīhipi dattīpi yāpeti,||
sattahipi dattīhi yāpeti,||
ekāhikampi āhāraɱ āhāreti,||
dvāhikampi āhāraɱ āhāreti,||
sattāhikampi āhāraɱ āhāreti.|| ||

Iti eva-rūpaɱ addhamāsikampi pariyāyabhattabhojanānuyogamanuyutto viharāmī" ti.|| ||

Yasmā ca kho Kassapo aññatr'eva imāya mattāya aññatra iminā tapopakkamena sāmaññaɱ vā hoti.|| ||

Brahmaññaɱ vā dukkaraɱ sudukkaraɱ,||
tasmā etaɱ kallaɱ vacanāya dukkaraɱ sāmaññaɱ dukkaraɱ brahmaññanti.|| ||

Yato kho Kassapo bhikkhu averaɱ avyāpajjaɱ metta-cittaɱ bhāveti,||
āsavānañca khayā anāsavaɱ ceto-vimuttiɱ paññā-vimuttiɱ diṭṭhe'va dhamme sayaɱ abhiññā sacchi-katvā upasampajja viharati.|| ||

Ayaɱ vuccati Kassapo bhikkhu samaṇo i' ti pi brāhmaṇo [169] i' ti.i.|| ||

17. Sākabhakkho ce pi Kassapo hoti sāmākabhakkho ce pi Kassapo hoti nīvārabhakkho ce pi Kassapo hoti daddulabhakkho ce pi Kassapo hoti haṭabhakkho ce pi Kassapo hoti kaṇabhakkho ce pi Kassapo hoti ācāmabhakkho ce pi Kassapo hoti piññākabhakkho ce pi Kassapo hoti tiṇabhakkho ce pi Kassapo hoti gomayabhakkho ce pi Kassapo hoti vanamūlaphalāhāro yāpeti pavatta-phalabhojī.|| ||

Imāya ca Kassapo mattāya iminā tapopakkamena sāmaññaɱ vā abhavissa brahmaññaɱ vā dukkaraɱ sudukkaraɱ,||
n'etaɱ abhavissa kallaɱ vacanāya 'dukkaraɱ sāmaññaɱ dukkaraɱ brahmaññan' ti.|| ||

Sakkā ca pan'etaɱ abhavissa ñātuɱ gahapatinā vā gahapati-puttena vā antamaso kumbhadāsiyāpi: 'handāhaɱ sākabhakkho vā homi,||
sāmākabhakkho vā homi,||
nīvārabhakkho vā homi,||
daddulabhakkho vā homi,||
haṭabhakkho vā homi,||
kaṇabhakkho vā homi,||
ācāmabhakkho vā homi,||
piññākabhakkho vā homi,||
tiṇabhakkho vā homi,||
gomayabhakkho vā homi,||
vanamūlaphalāhāro yāpeti pavatta-phalabhojī' ti.|| ||

Yasmā ca kho Kassapo aññatr'eva imāya mattāya aññatra iminā tapopakkamena sāmaññaɱ vā hoti brahmaññaɱ vā dukkaraɱ sudukkaraɱ,||
tasmā etaɱ kallaɱ vacanāya 'dukkaraɱ sāmaññaɱ dukkaraɱ brahmaññan' ti.|| ||

Yato kho Kassapo bhikkhu averaɱ avyāpajjaɱ metta-cittaɱ bhāveti,||
āsavānañca khayā anāsavaɱ ceto-vimuttiɱ paññā-vimuttiɱ diṭṭhe'va dhamme sayaɱ abhiññā sacchi-katvā upasampajja viharati.|| ||

Ayaɱ vuccati Kassapo bhikkhu samaṇo i' ti pi brāhmaṇo i' ti.i.|| ||

18. Sāṇāni ce pi Kassapo dhāreti,||
masāṇāni 'pi Kassapo dhāreti,||
chavadussāni 'pi Kassapo dhāreti,||
paɱsukūlāni 'pi Kassapo dhāreti,||
tirīṭāni ce pi Kassapo dhāreti,||
ajinampi Kassapo dhāreti,||
ajinakkhipampi Kassapo dhāreti,||
kusa-cīrampi Kassapo dhāreti,||
vākacīrampi Kassapo dhāreti,||
elakacīrampi ce pi Kassapo dhāreti,||
kesakam-balampi Kassapo dhāreti,||
vālakam-balampi Kassapo dhāreti,||
ulūkapakkhikampi Kassapo dhāreti,||
kesa-massulocako 'pi hoti kesa-massulocanānuyogamanuyutto,||
ubbhaṭṭhako pi hoti āsanapaṭikkhitto,||
ukkuṭiko pi hoti ukkuṭikappadhānamanuyutto,||
kaṇṭakāpassayiko pi hoti,||
kaṇṭakāpassaye seyyaɱ kappeti,||
phalakaseyyampi kappeti,||
thaṇḍilaseyyampi kappeti,||
ekapassasayiko pi hoti,||
rajojalladharo abbhokāsiko pi hoti yathāsanthatiko,||
vekaṭiko pi hoti vikaṭabhojanānuyogamanuyutto,||
apānako pi hoti apānakatta-manuyutto,||
sāyatatiyakampi udakorohaṇānuyogamanuyutto viharati.|| ||

Imāya ca Kassapo mattāya iminā tapopakkamena sāmaññaɱ vā abhavissa brahmaññaɱ vā dukkaraɱ sudukkaraɱ,||
n'etaɱ abhavissa kallaɱ vacanāya 'dukkaraɱ sāmaññaɱ dukkaraɱ brahmaññan' ti.|| ||

Sakkā ca pan'etaɱ abhavissa ñātuɱ gahapatinā vā gahapati-puttena vā antamaso kumbhadāsiyāpi: 'handāhaɱ sāṇānipi dhāremi,||
māsāṇānipi Kassapo dhāremi,||
chavadussāni 'pi Kassapo dhāremi,||
paɱsukūlāni 'pi Kassapo dhāremi,||
tirīṭāni 'pi Kassapo dhāremi,||
ajinampi Kassapo dhāremi,||
ajinakkhipampi Kassapo dhāremi,||
kusa-cīrampi Kassapo dhāremi,||
vākacīrampi Kassapo dhāremi,||
elakacīrampi Kassapo dhāremi,||
kesakam-balampi Kassapo dhāremi,||
vālakam-balampi Kassapo dhāremi,||
ulūkapakkhikampi Kassapo dhāremi,||
kesa-massulocako 'pi hoti kesa-massulocanānuyogamanuyutto,||
ubbhaṭṭhako pi hoti āsanapaṭikkhitto,||
ukkuṭiko pi hoti ukkuṭikappadhānamanuyutto,||
kaṇṭakāpassayiko pi hoti,||
kaṇṭakāpassaye seyyaɱ kappeti,||
phalakaseyyampi kappeti,||
thaṇḍilaseyyampi kappeti,||
ekapassasayiko pi hoti,||
rajojalladharo abbhokāsiko pi hoti yathāsanthatiko,||
vekaṭiko pi hoti vikaṭabhojanānuyogamanuyutto,||
apānako pi hoti apānakatta-manuyutto,||
sāyatatiyakampi udakorohaṇānuyogamanuyutto viharāmī' ti.|| ||

Yasmā ca kho Kassapo aññatr'eva imāya mattāya aññatra iminā tapopakkamena sāmaññaɱ vā hoti brahmaññaɱ vā dukkaraɱ sudukkaraɱ,||
tasmā etaɱ kallaɱ vacanāya 'dukkaraɱ sāmaññaɱ dukkaraɱ brahmaññan' ti.|| ||

Yato kho Kassapo bhikkhu averaɱ avyāpajjaɱ metta-cittaɱ bhāveti,||
āsavānañca khayā anāsavaɱ ceto-vimuttiɱ paññā-vimuttiɱ diṭṭhe'va dhamme sayaɱ abhiññā sacchi-katvā upasampajja viharati.|| ||

Ayaɱ vuccati Kassapo bhikkhu samaṇo i' ti pi brāhmaṇo i' ti.īti.|| ||

19. [170] evaɱ vutte acelo Kassapo Bhagavantaɱ etad avoca: "dujjāno bho Gotama samaṇo dujjāno brāhmaṇo" ti.|| ||

"Pakati kho esā Kassapo lokasmiɱ 'dujjāno samaṇo dujjāno brāhmaṇo" ti.|| ||

20. "Acelako ce pi Kassapo hoti mutt'ācāro hatth-ā-palekhano,||
na ehi-bhadantiko,||
na tiṭṭha-bhadantiko,||
nābhihaṭaɱ,||
na uddissa-kaṭaɱ,||
na nimantanaɱ sādiyati.|| ||

So na kumbhi-mukhā paṭiggaṇhāti,||
na kaḷopi-mukhā paṭiggaṇhāti,||
na eḷakamantaraɱ,||
na daṇḍa-mantaraɱ,||
na musalamantaraɱ,||
na dvinnaɱ bhuñjamānānaɱ,||
na gabbhiniyā,||
na pāyamānāya,||
na purisantaragatāya,||
na saɱkittīsu,||
na yattha sā upaṭṭhito hoti,||
na yattha makkhikā saṇḍasaṇḍacārinī,||
na macchaɱ na maɱsaɱ na suraɱ na merayaɱ na thusodakaɱ pivati.|| ||

So ekāgāriko vā hoti ekālopiko,||
dvāgāriko vā hoti dvālopiko,||
sattāgāriko vā hoti sattālopiko,||
ekissā pi dattiyā yāpeti,||
dvīhi pi dattīpi yāpeti,||
sattahi pi dattīhi yāpeti,||
ekāhikam pi āhāraɱ āhāreti,||
dvāhikam pi āhāraɱ āhāreti,||
sattāhikam pi āhāraɱ āhāreti.|| ||

Iti eva-rūpaɱ addhamāsikam pi pariyāyabhattabho-janānuyoga-manuyutto viharati,||
imāya Kassapo mattāya iminā tapopakkamena samaṇo vā abhavissa brāhmaṇo vā dujjāno sudujjāno,||
n'etaɱ abhavissa kallaɱ vacanāya dujjāno samaṇo dujjāno brāhmaṇo' ti.|| ||

Sakkā ca pan'eso abhavissa ñātuɱ gahapatinā vā gahapati-puttena vā antamaso kumbha dāsiyā'pi: ayaɱ acelako hoti mutt'ācāro hatth-ā-palekhano,||
na ehi-bhadantiko,||
na tiṭṭha-bhadantiko,||
nābhihaṭaɱ,||
na uddissa-kaṭaɱ,||
na nimantanaɱ sādiyati.|| ||

So na kumbhi-mukhā paṭiggaṇhāti,||
na kaḷopi-mukhā paṭiggaṇhāti,||
na eḷakamantaraɱ||
na daṇḍa-mantaraɱ,||
na musalamantaraɱ,||
na dvinnaɱ bhuñjamānānaɱ,||
na gabbhiniyā,||
na pāyamānāya,||
na purisantaragatāya,||
na saɱkittīsu,||
na yattha sā upaṭṭhito hoti,||
na yattha makkhikā saṇḍasaṇḍacārinī,||
na macchaɱ na maɱsaɱ na suraɱ na merayaɱ na thusodakaɱ pivati.|| ||

So ekāgāriko vā hoti ekālopiko,||
dvāgāriko vā hoti dvālopiko,||
sattāgāriko vā hoti sattālopiko,||
ekissā pi dattiyā yāpeti,||
dvīhi pi dattīpi yāpeti,||
sattahi pi dattīhi yāpeti,||
ekāhikam pi āhāraɱ āhāreti,||
dvāhikam pi āhāraɱ āhāreti,||
sattāhikam pi āhāraɱ āhāreti.|| ||

Iti eva-rūpaɱ addhamāsikam pi pariyāyabhattabhojanānuyogamanuyutto viharatī ti.|| ||

Yasmā ca kho Kassapo aññatr'eva imāya mattāya aññatra iminā tapopakkamena samaṇo vā hoti.|| ||

Brāhmaṇo vā dujjāno sudujjāno,||
tasmā etaɱ kallaɱ vacanāya dujjāno samaṇo dujjāno brāhmaṇo' ti.|| ||

Yato kho Kassapo bhikkhu averaɱ avyāpajjaɱ metta-cittaɱ [171] bhāveti,||
āsavānañ ca khayā anāsavaɱ ceto-vimuttiɱ paññā-vimuttiɱ diṭṭhe'va dhamme sayaɱ abhiññā sacchi-katvā upasampajja viharati.|| ||

Ayaɱ vuccati Kassapo bhikkhu samaṇo iti pi brāhmaṇo itī ti.|| ||

21. Sākabhakkho ce pi Kassapo hoti sāmākabhakkho ce pi Kassapo hoti nīvārabhakkho ce pi Kassapo hoti daddulabhakkho ce pi Kassapo hoti haṭabhakkho ce pi Kassapo hoti kaṇabhakkho ce pi Kassapo hoti ācāmabhakkho ce pi Kassapo hoti piññākabhakkho ce pi Kassapo hoti tiṇabhakkho ce pi Kassapo hoti gomayabhakkho ce pi Kassapo hoti vanamūlaphalāhāro yāpeti pavatta-phalabhojī.|| ||

Imāya ca Kassapo|| ||

Mattāya iminā tapopakkamena sāmaññaɱ vā abhavissa brāhmaṇo vā dujjāno sudujjāno,||
n'etaɱ abhavissa kallaɱ vacanāya 'dujjāno samaṇo dujjāno brāhmaṇo' ti.|| ||

Sakkā ca pan'etaɱ abhavissa ñātuɱ gahapatinā vā gahapati-puttena vā antamaso kumbhadāsiyāpi:|| ||

'Ayaɱ sākabhakkho vā hoti,||
sāmākabhakkho vā hoti,||
nīvārabhakkho vā hoti,||
daddulabhakkho vā hoti,||
haṭabhakkho vā hoti,||
kaṇabhakkho vā hoti,||
ācāmabhakkho vā hoti,||
piññākabhakkho vā hoti,||
tiṇabhakkho vā hoti,||
gomayabhakkho vā hoti,||
vanamūlaphalāhāro yāpeti pavatta-phalabhojī' ti.|| ||

Yasmā ca kho Kassapo aññatr'eva imāya mattāya aññatra iminā tapopakkamena samaṇo vā hoti brāhmaṇo vā dujjāno sudujjāno,||
tasmā etaɱ kallaɱ vacanāya 'dujjāno samaṇo dujjāno brāhmaṇo' ti.|| ||

Yato kho Kassapo bhikkhu averaɱ avyāpajjaɱ metta-cittaɱ bhāveti,||
āsavānañca khayā anāsavaɱ ceto-vimuttiɱ paññā-vimuttiɱ diṭṭhe'va dhamme sayaɱ abhiññā sacchi-katvā upasampajja viharati.|| ||

Ayaɱ vuccati Kassapo bhikkhu samaṇo iti pi brāhmaṇo' ti.|| ||

22. Sāṇāni ce pi Kassapo dhāreti,||
masāṇāni ce pi Kassapo dhāreti,||
chavadussāni ce pi Kassapo dhāreti,||
paɱsukūlāni ce pi Kassapo dhāreti,||
tirīṭāni ce pi Kassapo dhāreti,||
ajinampi Kassapo dhāreti,||
ajinakkhipam pi Kassapo dhāreti,||
kusa-cīram pi Kassapo dhāreti,||
vākacīram pi Kassapo dhāreti,||
elakacīram pi ce pi Kassapo dhāreti,||
kesakam-balam pi ce pi Kassapo dhāreti,||
vālakam-balam pi ce pi Kassapo dhāreti,||
ulūkapakkhikam pi Kassapo dhāreti,||
kesa-massulocako pi hoti kesa-massulocanānuyoga-manuyutto,||
ubbhaṭṭhako pi hoti āsanapaṭikkhitto,||
ukkuṭiko pi hoti ukkuṭikappadhānamanuyutto,||
kaṇṭakāpassayiko pi hoti,||
kaṇṭakāpassaye seyyaɱ kappeti,||
phalakaseyyampi kappeti,||
thaṇḍilaseyyampi kappeti,||
ekapassasayiko pi hoti,||
rajojalladharo abbhokāsiko pi hoti yathā santhatiko,||
vekaṭiko pi hoti vikaṭabhojanānuyogamanuyutto,||
apānako pi hoti apānakatta-manuyutto,||
sāyatatiyakam pi udakorohaṇānuyoga-manuyutto viharati.|| ||

Imāya ca Kassapo mattāya iminā tapopakkamena samaṇo vā abhavissa brāhmaṇo vā dujjāno sudujjāno,||
n'etaɱ abhavissa kallaɱ vacanāya 'dujjāno samaṇo dujjāno brāhmaṇo' ti.

Yato kho Kassapo bhikkhu averaɱ avyāpajjaɱ metta-cittaɱ bhāveti,||
āsavānañca khayā anāsavaɱ ceto-vimuttiɱ paññā-vimuttiɱ diṭṭhe'va dhamme sayaɱ abhiññā sacchi-katvā upasampajja viharati.|| ||

Ayaɱ vuccati Kassapo bhikkhu samaṇo iti pi brāhmaṇo iti pi ti.

23. Evaɱ vutte acelo Kassapo Bhagavantaɱ etad avoca:

"Katamā pana sā bho Gotama sīla-sampadā,||
katamā citta-sampadā,||
katamā paññā-sampadā" ti?

 

§

 

"Idha Kassapo Tathāgato loke uppajjati||
arahaɱ,||
Sammā Sambuddho,||
vijjā-caraṇa-sampanno,||
Sugato,||
loka-vidū,||
anuttaro purisa-damma-sārathī,||
Satthā deva-manussānaɱ,||
Buddho,||
Bhagavā.|| ||

So imaɱ lokaɱ||
sa-devakaɱ||
sa-Mārakaɱ||
sa-brahmakaɱ||
sa-s-samaṇa-brāhmaṇiɱ pajaɱ||
sa-deva-manussaɱ||
sayaɱ abhiññā sacchi-katvā pavedeti.|| ||

So dhammaɱ deseti||
ādi kalyāṇaɱ||
majjhe kalyāṇaɱ||
pariyosāna-kalyāṇaɱ||
sātthaɱ savyañ janaɱ,||
kevala-paripuṇṇaɱ||
parisuddhaɱ Brahma-cariyaɱ pakāseti.|| ||

Taɱ dhammaɱ suṇāti gahapati vā||
gahapati-putto vā||
aññatarasmiɱ vā||
kule paccājāto.|| ||

So taɱ dhammaɱ sutvā Tathāgate saddhaɱ paṭilabhati.|| ||

So tena saddhā-paṭilābhena samannāgato iti paṭisañcikkhati:|| ||

'Sambādho gharāvāso rajo-patho,||
abbhokāso pabbajjā.|| ||

Na-y-idaɱ sukaraɱ agāraɱ ajjhāvasatā ekanta-paripuṇṇaɱ ekanta-parisuddhaɱ sankha-likhitaɱ Brahma-cariyaɱ carituɱ.|| ||

Yan nūn-ā-haɱ kesa-massuɱ ohāretvā kāsāyāni vatthāni acchādetvā agārasmā anagāriyaɱ pabbajeyyan' ti.|| ||

So aparena samayena appaɱ vā bhoga-k-khandhaɱ pahāya mahantaɱ vā bhoga-k-khandhaɱ pahāya,||
appaɱ vā ñāti-parivaṭṭaɱ pahāya mahantaɱ vā ñāti-parivaṭṭaɱ pahāya,||
kesa-massuɱ ohāretvā kāsāyāni vatthāni acchādetvā agārasmā anagāriyaɱ pabbajati.|| ||

So evaɱ pabba-jito samāno Pātimokkha-saŋvarat-saɱvuto viharati ācāra-gocara-sampanno aṇumattesu vajjesu bhaya-dassāvī.|| ||

Samādāya sikkhati sikkhā-padesu kāya-kamma-vacī-kammena samannāgato kusalena.|| ||

Parisuddhā-jīvo sīla-sampanno indriyesu gutta-dvāro bhojane matt'aññū sati-sampajaññena samannāgato santuṭṭho.|| ||

Kathañ ca Kassapo bhikkhu sīla-sampanno hoti?|| ||

Idha Kassapo bhikkhu pāṇ-ā-tipātaɱ pahāya pāṇ-ā-tipātā paṭivirato hoti,||
nihita-daṇḍo||
nihita-sattho||
lajjī dayā-panno,||
sabba-pāṇa-bhūta-hit-ā-nukampī viharati.|| ||

Idam pi'ssa hoti [172] sīla-sampadāya.|| ||

Adinn'ādānaɱ pahāya||
adinn'ādānā paṭivirato hoti||
dinn'ādāyī dinna-pāṭikankhī,||
athenena suci-bhūtena attanā virahati.|| ||

Idam pi'ssa hoti sīla-sampadāya.|| ||

Abrahma-cariyaɱ pahāya||
brahma-cārī hoti||
ārā-cārī virato methunā gāma-dhammā.|| ||

Idam pi'ssa hoti sīla-sampadāya.|| ||

Musā-vādaɱ pahāya||
musā-vādā paṭivirato hoti||
sacca-vādī||
sacca-sandho||
theto paccayiko avisaŋvādako lokassa.|| ||

Idam pi'ssa hoti sīla-sampadāya.|| ||

Pisuṇa-vācaɱ pahāya||
pisuṇāya vācāya paṭivirato hoti.|| ||

Ito sutvā na amutra akkhātā imesaɱ bhedāya,||
amutra vā sutvā na imesaɱ akkhātā amūsaɱ bhedāya.|| ||

Iti bhinnānaɱ vā||
sandhātā sahitānaɱ vā anuppadātā||
samagg'ārāmo||
samagga-rato||
samagga-nandī||
samagga-karaṇiɱ||
vācaɱ bhāsitā.|| ||

Idam pi'ssa hoti sīla-sampadāya.|| ||

Pharusā-vācaɱ pahāya||
pharusāya vācāya paṭivirato hoti||
yā sā vācā neḷā||
kaṇṇa-sukhā||
pemanīyā||
hadayaŋ-gamā||
porī||
bahu-jana-kantā||
bahujāna-manāpā,||
tathā-rūpaɱ vācaɱ bhāsitā hoti.|| ||

Idam pi'ssa hoti sīla-sampadāya.|| ||

Sampha-p-palāpaɱ pahāya||
sampha-p-palāpā paṭivirato hoti||
kāla-vādī||
bhūta-vādī||
attha-vādī||
dhamma-vādī||
vinaya-vādī,||
nidhāna-vatiɱ vācaɱ bhāsitā||
kālena sāpadesaɱ pariyanta-vatiɱ attha-sañhitaɱ.|| ||

Idam pi'ssa sīla-sampadāya.|| ||

Bīja-gāma-bhūta-gāma-samārambhā paṭivirato hoti.|| ||

Eka-bhatatiko hoti ratt'ūparato,||
virato vikāla-bhojanā.|| ||

Nacca-gīta-vādita-visūka-dassanā paṭivirato hoti.|| ||

Mālā-gandha-vilepana-dhāraṇa-maṇḍana-vibhusana-ṭ-ṭhānā paṭivirato hoti.|| ||

Uccā-sayana-mahā-sayanā paṭivirato hoti.|| ||

Jātarūpa-rajata-paṭi-g-gahaṇā paṭivirato hoti.|| ||

Āmaka-dhañña-paṭi-g-gahaṇā paṭivirato hoti.|| ||

Āmaka-maɱsa-paṭi-g-gahaṇā paṭivirato hoti.|| ||

Itthi-kumārika-paṭi-g-gahaṇā paṭivirato hoti.|| ||

Dāsi-dāsa-paṭi-g-gahaṇā paṭivirato hoti.|| ||

Aj-eḷaka-paṭi-g-gahaṇā paṭivirato hoti.|| ||

Kukkuṭa-sūkara-paṭi-g-gahaṇā paṭivirato hoti.|| ||

Hatthi-gavassa-vaḷavā-paṭi-g-gahaṇā paṭivirato hoti.|| ||

Khetta-vatthu-paṭi-g-gahaṇā paṭivirato hoti.|| ||

Dūteyya-paheṇa-gaman-ā-nuyogā paṭivirato hoti.|| ||

Kaya-vikkayā paṭivirato hoti.|| ||

Tulā-kūṭa-kaɱsa-kūṭa-māna-kūṭā paṭivirato hoti.|| ||

Ukkoṭana-vañcana-nikati-sāci-yogā paṭivirato hoti.|| ||

Chedana-vadha-bandhana-viparāmosa-ālopa-sahasākarā paṭivirato hoti.|| ||

Idam pi'ssa hoti sīla-sampadāya.|| ||

 

§

 

Yathā vā pan'eke bhonto samaṇa-brāhmaṇā saddhā-deyyāni bhojanāni bhuñjitvā te eva-rūpaɱ bījagāma-bhūta-gāma-samārambhaɱ anuyuttā viharanti,||
seyyath'īdaɱ:|| ||

Mūla-bījaɱ,||
khandha-bījaɱ,||
phalu-bījaɱ,||
agga-bījaɱ,||
bija-bījam eva pañcamaɱ.|| ||

Iti eva-rūpā bījagāma-bhūta-gāma-samārambhā paṭivirato hoti.|| ||

Idam pi'ssa hoti sīla-sampadāya.|| ||

Yathā vā pan'eke bhonto samaṇa-brāhmaṇā saddhā-deyyāni bhojanāni bhuñjitvā te eva-rūpaɱ sannidhi-kāra-paribhogaɱ anuyuttā viharanti,||
seyyath'īdaɱ:|| ||

Anna-sannidhiɱ,||
pāna-sannidhiɱ,||
vattha-sannidhiɱ,||
yāna-sannidhiɱ,||
sayana-sannidhiɱ,||
gandha-sannidhiɱ,||
āmisa-sannidhiɱ.|| ||

Iti vā iti eva-rūpā sannidhi-kāra-paribhogā paṭivirato hoti.|| ||

Idam pi'ssa hoti sīla-sampadāya.|| ||

Yathā vā pan'eke bhonto samaṇa-brāhmaṇā saddhā-deyyāni bhojanāni bhuñjitvā te eva-rūpaɱ visuka-dassanaɱ anuyuttā viharanti,||
seyyath'īdaɱ:|| ||

Naccaɱ,||
gītaɱ,||
vāditaɱ,||
pekkhaɱ,||
akkhātaɱ,||
pāṇissaraɱ,||
vetālaɱ,||
kumbha-thūnaɱ,||
Sobha-nagarakaɱ,||
caṇḍālaɱ,||
vaɱsaɱ,||
dhopanaɱ,||
hatthi-yuddhaɱ,||
assa-yuddhaɱ,||
mahisa-yuddhaɱ,||
usabha-yuddhaɱ,||
aja-yuddhaɱ,||
meṇḍaka-yuddhaɱ,||
kukkuṭa-yuddhaɱ,||
vaṭṭaka-yuddhaɱ,||
daṇḍa-yuddhaɱ,||
muṭṭhi-yuddhaɱ,||
nibbuddhaɱ||
uyyodhikaɱ||
balaggaɱ||
senā-byūhaɱ||
aṇīka-dassanaɱ.|| ||

Iti vā iti eva-rūpā visūka-dassanā paṭivirato hoti.|| ||

Idam pi'ssa hoti sīla-sampadāya.|| ||

Yathā vā pan'eke bhonto samaṇa-brāhmaṇā saddhā-deyyāni bhojanāni bhuñjitvā te eva-rūpaɱ jūta-p-pamāda-ṭ-ṭhān'ānuyogaɱ anuyuttā viharanti,||
seyyath'īdaɱ:|| ||

Aṭṭha-padaɱ,||
dasa-padaɱ,||
ākāsaɱ,||
parihāra-pathaɱ,||
sannikaɱ,||
khalikaɱ,||
ghaṭikaɱ,||
salāka-hatthaɱ,||
akkhaɱ,||
paŋgacīraɱ,||
vaŋkakaɱ,||
mokkha-cikaɱ,||
ciŋgulikaɱ,||
pattāḷhakaɱ,||
rathakaɱ,||
dhanukaɱ,||
akkharikaɱ,||
manesikaɱ,||
yathā-vajjaɱ.|| ||

Iti vā iti eva-rūpā jūta-ppamāda-ṭ-ṭhān'ānuyogā paṭivirato hoti.|| ||

Idam pi'ssa hoti sīla-sampadāya.|| ||

Yathā vā pan'eke bhonto samaṇa-brāhmaṇā saddhā-deyyāni bhojanāni bhuñjitvā te eva-rūpaɱ uccā-sayana-mahā-sayanaɱ anuyuttā viharanti,||
seyyath'īdaɱ:|| ||

Āsandiɱ,||
pallaŋkaɱ,||
gonakaɱ,||
cittakaɱ,||
paṭikaɱ,||
paṭalikaɱ,||
tūlikaɱ,||
vikatikaɱ,||
udda-lomiɱ,||
ekanta-lomiɱ,||
kaṭṭhissaɱ,||
koseyyaɱ,||
kuttakaɱ,||
hatth'attharaɱ,||
ass'attharaɱ,||
rath'attharaɱ,||
ajina-p-paveṇiɱ,||
kādali-miga-pavara-pacc'attharaṇaɱ,||
sa-uttara-c-chadaɱ,||
ubhato-lohita-kūpadhānaɱ.|| ||

Iti vā iti eva-rūpā uccā-sayana-mahā-sayanā paṭivirato hoti.|| ||

Idam pi'ssa hoti sīla-sampadāya.|| ||

Yathā vā pan'eke bhonto samaṇa-brāhmaṇā saddhā-deyyāti bhojanāni bhuñjitvā te eva-rūpaɱ maṇḍana-vibhusana-ṭ-ṭhān'ānuyogaɱ anuyuttā viharanti,||
seyyath'īdaɱ:|| ||

Ucchādanaɱ,||
parimaddanaɱ,||
nahāpanaɱ,||
sambāhanaɱ,||
ādāsaɱ,||
añjanaɱ,||
mālā-vilepanaɱ,||
mukkha-cuṇṇakaɱ,||
mukhale-panaɱ,||
hattha-bandhaɱ,||
sikhā-bandhaɱ,||
daṇḍakaɱ,||
nāḷikaɱ,||
khaggaɱ,||
chattaɱ,||
citrūpāhanaɱ,||
uṇahīsaɱ,||
maṇiɱ,||
vāla-vījaniɱ,||
odātāni,||
vatthāni,||
dīgha-dasāni.|| ||

Iti vā iti eva-rūpā maṇḍana-vibhusana-ṭ-ṭhān'ānuyogā paṭivirato hoti.|| ||

Idam pi'ssa hoti sīla-sampadāya.|| ||

Yathā vā pan'eke bhonto samaṇa-brāhmaṇā saddhā-deyyāti bhojanāni bhuñjitvā te eva-rūpaɱ tiracchāna-kathaɱ anuyuttā viharanti,||
seyyath'īdaɱ:|| ||

Rāja-kathaɱ,||
cora-kathaɱ,||
mahāmatta-kathaɱ,||
senā-kathaɱ,||
bhaya-kathaɱ,||
yuddha-kathaɱ,||
anna-kathaɱ,||
pāna-kathaɱ,||
vattha-kathaɱ,||
sayana-kathaɱ,||
mālā-kathaɱ,||
gandha-kathaɱ,||
ñāti-kathaɱ,||
yāna-kathaɱ,||
gāma-kathaɱ,||
nigama-kathaɱ,||
nagara-kathaɱ,||
jana-pada-kathaɱ,||
itthi-kathaɱ,||
purisa-kathaɱ,||
kumāra-kathaɱ,||
kumāri-kathaɱ,||
sūra-kathaɱ,||
visikhā-kathaɱ,||
kumbha-ṭ-ṭhāna-kathaɱ,||
pubba-peta-kathaɱ,||
nānatta-kathaɱ,||
loka-k-khāyikaɱ,||
samudda-khāyikaɱ,||
iti-bhav-ā-bhava-kathaɱ.|| ||

Iti vā iti eva-rūpāya tiracchāna-kathāya paṭivirato hoti.|| ||

Idam pi'ssa hoti sīla-sampadāya.|| ||

Yathā vā pan'eke bhonto samaṇa-brāhmaṇā saddhā-deyyāni bhojanāni bhuñjitvā te eva-rūpā viggāhika-kathaɱ anuyuttā viharanti,||
seyyath'īdaɱ:|| ||

'Na tvaɱ imaɱ Dhamma-Vinayaɱ ājānāsi.|| ||

Ahaɱ imaɱ Dhamma-Vinayaɱ ājānāmi.|| ||

Kiɱ tvaɱ imaɱ Dhamma-Vinayaɱ ājānissasi?|| ||

Micchā-paṭipanno tvam asi.|| ||

Aham asmi sammā-paṭipanno||
— Sahitaɱ me, asahitaɱ te —||
pure vacanīyaɱ pacchā avaca.|| ||

Pacchā vacanīyaɱ pure avaca.|| ||

Aviciṇṇan te viparāvattaɱ —||
āropito te vādo.|| ||

Niggahīto tvam asi —||
cara vāda-p-pamokkhāya.|| ||

Nibbeṭhehi vā sace pahosī' ti.|| ||

Iti vā iti eva-rūpāya viggahika-kathāya paṭivirato hoti.|| ||

Idam pi'ssa hoti sīla-sampadāya.|| ||

Yathā vā pan'eke bhonto samaṇa-brāhmaṇā saddhā-deyyāti bhojanāni bhuñjitvā te eva-rūpaɱ dūteyya-pahiṇa-gamanānuyogaɱ anuyuttā viharanti,||
seyyath'īdaɱ:|| ||

Raññaɱ,||
rāja-mahāmattāṇaɱ,||
khattiyānaɱ,||
brāhmaṇānaɱ,||
gahapatikānaɱ,||
kumārānaɱ:|| ||

'Idha gaccha.|| ||

Amutrā-gaccha.|| ||

Idaɱ hara.|| ||

Amutra idaɱ āharā' ti.|| ||

Iti vā iti eva-rūpā dūteyya-pahiṇa-gaman-ā-nuyogā paṭivirato hoti.|| ||

Idam pi'ssa hoti sīla-sampadāya.|| ||

Yathā vā pan'eke bhonto samaṇa-brāhmaṇā saddhā-deyyāni bhojanāni bhuñjitvā te kuhakā ca honti||
lapakā ca||
nemittikā ca||
nippesikā ca||
lābhena ca lābhaɱ nijigiɱsitāro.|| ||

Iti eva-rūpā kuhana-lapanā paṭivirato hoti.|| ||

Idam pi'ssa hoti sīla-sampadāya.|| ||

 

§

 

Yathā vā pan'eke bhonto samaṇa-brāhmaṇā saddhā-deyyāni bhojanāni bhuñjitvā te eva-rūpāya tiracchāna-vijjāya||
micchā ājīvena||
jīvikaɱ kappenti,||
seyyath'īdaɱ:|| ||

Aŋgaɱ,||
nimittaɱ,||
uppātaɱ,||
supiṇaɱ,||
lakkhaṇaɱ,||
mūsika-c-chinnaɱ,||
aggi-homaɱ,||
dabbi-homaɱ,||
thusa-homaɱ,||
kaṇa-homaɱ,||
taṇḍula-homaɱ,||
sappi-homaɱ,||
tela-homaɱ,||
mukha-homaɱ,||
lohita-homaɱ,||
aŋga-vijjā,||
vatthu-vijjā,||
khatta-vijjā,||
siva-vijjā,||
bhūta-vijjā,||
bhuri-vijjā,||
ahi-vijjā,||
visa-vijjā,||
vicchika-vijjā,||
mūsika-vijjā,||
sakuṇa-vijjā,||
vāyasa-vijjā,||
pakkajjhānaɱ,||
sara-parittānaɱ,||
miga-cakkaɱ.|| ||

Iti vā iti eva-rūpāya tiracchāna-vijjāya micchājīvā paṭivirato hoti.|| ||

Idam pi'ssa hoti sīla-sampadāya.|| ||

Yathā vā pan'eke bhonto samaṇa-brāhmaṇā saddhā-deyyāni bhojanāni bhuñjitvā te eva-rūpāya tiracchāna-vijjāya micchā ājīvena jīvikaɱ kappenti,||
seyyath'īdaɱ:|| ||

Maṇi-lakkhaṇaɱ,||
daṇḍa-lakkhaṇaɱ,||
vattha-lakkhaṇaɱ,||
asi-lakkhaṇaɱ,||
usu-lakkhaṇaɱ,||
dhanu-lakkhaṇaɱ,||
āyudha-lakkhaṇaɱ,||
itthi-lakkhaṇaɱ,||
purisa-lakkhaṇaɱ,||
kumāra-lakkhaṇaɱ,||
kumāri-lakkhaṇaɱ,||
dāsa-lakkhaṇaɱ,||
dāsi-lakkhaṇaɱ,||
hatthi-lakkhaṇaɱ,||
assa-lakkhaṇaɱ,||
mahisa-lakkhaṇaɱ,||
usabha-lakkhaṇaɱ,||
go-lakkhaṇaɱ,||
aja-lakkhaṇaɱ,||
meṇḍa-lakkhaṇaɱ,||
kukkuṭa-lakkhaṇaɱ,||
vaṭṭaka-lakkhaṇaɱ,||
godhā-lakkhaṇaɱ,||
kaṇṇikā-lakkhaṇaɱ,||
kacchapa-lakkhaṇaɱ,||
miga-lakkhaṇaɱ.|| ||

Iti vā iti eva-rūpāya tiracchāna-vijjāya micchājīvā paṭivirato hoti.|| ||

Idam pi'ssa hoti sīla-sampadāya.|| ||

Yathā vā pan'eke bhonto samaṇa-brāhmaṇā saddhā-deyyāni bhojanāni bhuñjitvā te eva-rūpāya tiracchāna-vijjāya||
micchā ājīvena||
jīvikaɱ kappenti,||
seyyath'īdaɱ:|| ||

Raññaɱ niyyānaɱ bhavissati.|| ||

Raññaɱ aniyyānaɱ bhavissati.|| ||

Abbhantarānaɱ raññaɱ upayānaɱ bhavissati.|| ||

Bāhirānaɱ raññaɱ apayānaɱ bhavissati.|| ||

Bāhirānaɱ raññaɱ upayānaɱ bhavissati.|| ||

Abbhantarānaɱ raññaɱ apayānaɱ bhavissati.|| ||

Abbhantarānaɱ raññaɱ jayo bhavissati.|| ||

Bāhirānaɱ raññaɱ parājayo bhavissati.|| ||

Bāhirānaɱ raññaɱ jayo bhavissati.|| ||

Abbhantarānaɱ raññaɱ parājayo bhavissati.|| ||

Iti imassa jayo bhavissati.|| ||

Imassa parājayo bhavissati.|| ||

Iti vā iti eva-rūpāya tiracchāna-vijjāya micchājīvā paṭivirato hoti.|| ||

Idam pi'ssa hoti sīla-sampadāya.|| ||

Yathā vā pan'eke bhonto samaṇa-brāhmaṇā saddhā-deyyāni bhojanāni bhuñjitvā te eva-rūpāya tiracchāna-vijjāya||
micchā ājīvena||
jīvikaɱ kappenti||
seyyath'īdaɱ:|| ||

Canda-g-gāho bhavissati.|| ||

Suriya-g-gāho bhavissati.|| ||

Nakkhatta-g-gāho bhavissati.|| ||

Candima-suriyānaɱ patha-gamanaɱ bhavissati.|| ||

Candima-suriyānaɱ uppatha-gamanaɱ bhavissati.|| ||

Nakkhattāṇaɱ patha-gamanaɱ bhavissati.|| ||

Nakkhattāṇaɱ uppatha-gamanaɱ bhavissati.|| ||

Ukkā-pāto bhavissati.|| ||

Disā-ḍāho bhavissati.|| ||

Bhūmi-cālo bhavissati.|| ||

Deva-dundubhi bhavissati.|| ||

Candima-suriya-nakkhattāṇaɱ||
uggamanaɱ||
ogamanaɱ||
sankilesaɱ||
vodānaɱ bhavissati.|| ||

Evaɱ-vipāko canda-g-gāho bhavissati.|| ||

Evaɱ-vipāko suriya-g-gāho bhavissati.|| ||

Evaɱ-vipāko nakkhatta-g-gāho bhavissati.|| ||

Evaɱ-vipākaɱ candima-suriyānaɱ patha-gamanaɱ bhavissati.|| ||

Evaɱ-vipākaɱ candima-suriyānaɱ uppatha-gamanaɱ bhavissati.|| ||

Evaɱ vipākaɱ nakkhattāṇaɱ patha-gamanaɱ bhavissati.|| ||

Evaɱ-vipākaɱ nakkhattāṇaɱ uppatha-gamanaɱ bhavissati.|| ||

Evaɱ-vipāko ukkā-pāto bhavissati.|| ||

Evaɱ-vipāko disā-ḍāho bhavissati.|| ||

Evaɱ-vipāko bhūmi-cālo bhavissati.|| ||

Evaɱ-vipāko deva-dundūbhi bhavissati.|| ||

Evaɱ-vipākaɱ candima-suriya-nakkhattāṇaɱ uggamanaɱ ogamanaɱ saŋkilesaɱ vodānaɱ bhavissati.'|| ||

Iti vā eva-rūpāya tiracchāna-vijjāya micchājīvā paṭivirato hoti.|| ||

Idam pi'ssa hoti sīla-sampadāya.|| ||

Yathā vā pan'eke bhonto samaṇa-brāhmaṇā saddhā-deyyāni bhojanāni bhuñjitvā te eva-rūpāya tiracchāna-vijjāya||
micchā ājīvena||
jīvikaɱ kappenti —||
seyyath'īdaɱ:|| ||

Su-b-buṭṭhikā bhavissati.|| ||

Du-b-buṭṭhikā bhavissati,||
subhikkhaɱ bhavissati.|| ||

Du-b-bhikkhaɱ bhavissati.|| ||

Khemaɱ bhavissati.|| ||

Bhayaɱ bhavissati.|| ||

Rogo bhavissati.|| ||

Ārogyaɱ bhavissati.|| ||

Muddā,||
gaṇanā,||
saŋkhānaɱ,||
kāveyyaɱ,||
lokāyataɱ.

Iti vā iti eva-rūpāya tiracchāna-vijjāya micchā ājīvena paṭivirato hoti.|| ||

Idam pi'ssa hoti sīla-sampadāya.|| ||

Yathā pana pan'eke bhonto samaṇa-brāhmaṇā saddhā-deyyāni bhojanāni bhuñjitvā te eva-rūpāya tiracchāna-vijjāya||
micchā ājīvena||
jīvikaɱ kappenti —||
seyyath'īdaɱ:|| ||

Āvāhanaɱ,||
vivāhanaɱ,||
saɱvadanaɱ,||
vivadanaɱ,||
saŋkiraṇaɱ,||
vikiraṇaɱ,||
subhaga-karaṇaɱ,||
dubbhaga-karaṇaɱ,||
viruddha-gabbha-karaṇaɱ,||
jivhā-nittha-d-danaɱ,||
hanu-saɱhananaɱ,||
hatth-ā-bhijappanaɱ,||
kaṇṇa-jappanaɱ,||
ādāsa-pañhaɱ,||
kumāri-pañhaɱ,||
deva-pañhaɱ,||
ādicc'upaṭṭhānaɱ,||
mahat'upaṭṭhānaɱ,||
abbhujjalanaɱ,||
Sir'avhāyanaɱ.|| ||

Iti vā iti eva-rūpāya tiracchāna-vijjāya micchājīvā paṭivirato hoti.|| ||

Idam pi'ssa hoti sīla-sampadāya.|| ||

Yathā vā pan'eke bhonto samaṇa-brāhmaṇā saddhā-deyyāni bhojanāni bhuñjitvā te eva-rūpāya tiracchāna-vijjāya||
micchā ājīvena||
jīvikaɱ kappenti —||
seyyath'īdaɱ:|| ||

Santi-kammaɱ,||
paṇidhi-kammaɱ,||
bhūta-kammaɱ,||
bhūri-kammaɱ,||
vassa-kammaɱ,||
vossa-kammaɱ,||
vatthu-kammaɱ,||
vatthu-parikiraṇaɱ,||
ācamanaɱ,||
nahāpanaɱ,||
juhanaɱ,||
vamanaɱ,||
virecanaɱ,||
uddha-virecanaɱ,||
adho-virecanaɱ,||
sīsa-virecanaɱ,||
kaṇṇa-telaɱ,||
netta-tappanaɱ,||
natthu-kammaɱ,||
añjanaɱ,||
paccañjanaɱ,||
sālākiyaɱ,||
salla-kattikaɱ,||
dāraka-tikicchā mūla-bhesajjānaɱ,||
anuppadānaɱ,||
osadhīnaɱ,||
paṭimokkho.|| ||

Iti vā iti eva-rūpāya tiracchāna-vijjāya micchājīvā paṭivirato hoti.|| ||

Idam assa hoti sīla-sampadāya.|| ||

Sa kho so Kassapo bhikkhu||
evaɱ sīla-sampanno||
na kuto ci bhayaɱ samanupassati||
yad idaɱ sīla-saŋvarato.|| ||

Seyyathā pi Kassapo rājā khattiyo muddhā-vasitto nihata-paccāmitto||
na kuto ci bhayaɱ samanupassati||
yad idaɱ pacca-t-thikato.|| ||

Evam eva kho Kassapo bhikkhu||
evaɱ sīla-sampanno||
na kuto ci bhayaɱ samanupassati||
yad idaɱ sīlasaŋvarato.|| ||

So iminā ariyena sīla-k-khandhena samannāgato ajjhattaɱ anavajja-sukhaɱ paṭisaŋvedeti.|| ||

Evaɱ kho Kassapo bhikkhu sīla-sampanno hoti.|| ||

 

§

 

25.(49) Kathañ ca Kassapo bhikkhu indriyesu gutta-dvāro hoti?|| ||

Idha Kassapo bhikkhu cakkhunā rūpaɱ disvā||
na nimitta-g-gāhī hoti||
n-ā-nu-vyañjana-g-gāhī.|| ||

Yatvādhi-karaṇam enaɱ cakkhu'ndriyaɱ asaɱvutaɱ viharantaɱ||
abhijjhā-domanassā||
pāpakā||
akusalā dhammā anvāssaveyyuɱ||
tassa saɱvarāya paṭipajjati,||
rakkhati cakkhu'ndriyaɱ||
cakkhu'ndriye saŋvaratɱ āpajjati.|| ||

Sotena saddaɱ sutvā||
na nimitta-g-gāhī hoti||
n-ā-nu-vyañjana-g-gāhī.|| ||

Yatvādhi-karaṇam enaɱ sot'indriyaɱ asaɱvutaɱ viharantaɱ abhijjhā-domanassā||
pāpakā||
akusalā dhammā anvāssaveyyuɱ||
tassa saɱvarāya paṭipajjati,||
rakkhati cakkhu'ndriyaɱ||
cakkhu'ndriye saŋvaratɱ āpajjati.|| ||

Ghāṇena gandhaɱ ghāyitvā||
na nimitta-g-gāhī hoti||
n-ā-nu-vyañjana-g-gāhī.|| ||

Yatvādhi-karaṇam enaɱ ghān'indriyaɱ asaɱvutaɱ viharantaɱ abhijjhā-domanassā||
pāpakā||
akusalā dhammā anvāssaveyyuɱ||
tassa saɱvarāya paṭipajjati,||
rakkhati ghān'indriyaɱ||
ghān'indriye saŋvaratɱ āpajjati.|| ||

Jivhāya rasaɱ sāyitvā||
na nimitta-g-gāhī hoti||
n-ā-nu-vyañjana-g-gāhī.|| ||

Yatvādhi-karaṇam enaɱ jivh'indriyaɱ asaɱvutaɱ viharantaɱ abhijjhā-domanassā||
pāpakā||
akusalā dhammā anvāssaveyyuɱ||
tassa saɱvarāya paṭipajjati,||
rakkhati jivh'indriyaɱ||
jivh'indriya saŋvaratɱ āpajjati.|| ||

Kāyena phoṭṭhabbaɱ phusitvā||
na nimitta-g-gāhī hoti||
n-ā-nu-vyañjana-g-gāhī.|| ||

Yatvādhi-karaṇam enaɱ kāy'indriyaɱ asaɱvutaɱ viharantaɱ abhijjhā-domanassā||
pāpakā||
akusalā dhammā anvāssaveyyuɱ||
tassa saɱvarāya paṭipajjati,||
rakkhati kāy'indriyaɱ||
kāy'indriye saŋvaratɱ āpajjati.|| ||

Manasā dhammaɱ viññāya||
na nimitta-g-gāhī hoti||
n-ā-nu-vyañjana-g-gāhī.|| ||

Yatvādhi-karaṇam enaɱ man'indriyaɱ asaɱvutaɱ viharantaɱ abhijjhā-domanassā||
pāpakā||
akusalā dhammā anvāssaveyyuɱ||
tassa saɱvarāya paṭipajjati,||
rakkhati man'indriyaɱ||
man'indriye saŋvaratɱ āpajjati.|| ||

So iminā ariyena indriya-saɱvarena samannāgato ajjhattaɱ abyāsekasukhaɱ paṭisaŋvedeti.|| ||

Evaɱ kho Kassapo bhikkhu indriyesu gutta-dvāro hoti.|| ||

 

§

 

Kathañ ca Kassapo bhikkhu sati-sampajaññena samannāgato hoti?|| ||

Idh'Kassapo bhikkhu abhikkante paṭikkante sampajāna-kārī hoti.|| ||

Ālokite vilokite sampajāna-kārī hoti.|| ||

Samiñjite1 pasārite sampajāna-kārī hoti.|| ||

Saŋghāṭi-patta-cīvara-dhāraṇe sampajāna-kārī hoti.|| ||

Asite pīte khāyite sāyite sampajāna-kārī hoti.|| ||

Uccāra-passā-vakamme sampajāna-kārī hoti.|| ||

Gate ṭhite nisinne sutte jāgarite bhāsite tuṇhī-bhāve sampajāna-kārī hoti.|| ||

Evaɱ kho Kassapo bhikkhu sati-sampajaññena samannāgato hoti.|| ||

 

§

 

Kathañ ca Kassapo bhikkhu santuṭṭho hoti||
kāya-parihāriyena cīvarena||
kucchi-parihāriyena piṇḍa-pātena,||
so yena yen'eva pakkamati samādāy'eva pakkamati.|| ||

Seyyathā pi Kassapo pakkhī sakuṇo||
yena yen'eva ḍeti sa-patta-bhāro va ḍeti,||
evam eva kho Kassapo bhikkhu santuṭṭho hoti||
kāya-parihāriyena cīvarena kucchi-parihāriyena piṇḍ-apātena,||
so yena yen'eva pakkamati samādāyeva pakkamati.|| ||

Evaɱ kho Kassapo bhikkhu santuṭṭho hoti.|| ||

 

§

 

So iminā ca ariyena sīla-k-khandhena samannāgato,||
iminā ca ariyena indriya-saɱvarena samannāgato,||
iminā ca ariyena sati-sampajaññena samannāgato,||
imāya ca ariyāya santuṭṭhiyā samannāgato,||
vivittaɱ sen'āsanaɱ bhajati,||
araññaɱ rukkha-mūlaɱ pabbataɱ kandaraɱ giri-guhaɱ susānaɱ vana-patthaɱ abbhokāsaɱ palāla-puñjaɱ.|| ||

So pacchā-bhattaɱ piṇḍa-pāta-paṭikkanto nisīdati pallaŋkaɱ ābhujitvā ujuɱ kāyaɱ paṇidhāya parimukhaɱ satiɱ upaṭṭha-petvā.|| ||

So abhijjhaɱ loke pahāya||
vigat-ā-bhijjhena cetasā viharati,||
abhijjhāya cittaɱ parisodheti.|| ||

Vyāpāda-padosaɱ pahāya||
avyāpanna-citto viharati,||
sabba-pāṇa-bhūta-hitānukampi,||
vyāpāda-padosā cittaɱ parisodheti.|| ||

Thina-middhaɱ pahāya||
vigata-thina-middho viharati,||
āloka-saññī sato sampajāno,||
thina-middhā cittaɱ parisodheti.|| ||

Uddhacca-kukkuccaɱ pahāya anuddhato viharati,||
ajjhattaɱ vūpasanna-citto,||
uddhacca-kukkuccā cittaɱ parisodheti.|| ||

Vici-kicchaɱ pahāya||
tiṇṇa-vici-kiccho viharati,||
akathaɱ-kathī kusalesu dhammesu,||
vicikicchāya cittaɱ parisodheti.|| ||

Seyyathā pi Kassapo puriso iṇaɱ ādāya kammante payojeyya,||
tassa te kammantā samijjheyyuɱ,||
so yāni ca porāṇāni iṇa-mūlāni||
tāni ca vyantī-kareyya,||
siyā c'assa uttariɱ avasiṭṭhaɱ dārabharaṇāya.|| ||

Tassa evam assa:|| ||

"Ahaɱ kho pubbe iṇaɱ ādāya kammante payojesiɱ.|| ||

Tassa me te kammantā samijjhiɱsu.|| ||

So'haɱ yāni ca poraṇāni iṇa-mūlāni||
tāni ca vyanti akāsiɱ,||
atthi ca me uttariɱ avasiṭṭhaɱ dārabharaṇāyā" ti.|| ||

So tato-nidānaɱ labhetha pāmujjaɱ,||
adhigacche somanassaɱ.|| ||

Seyyathā pi Kassapo puriso ābādhiko assa dukkhito bāḷha-gilāno,||
bhattaɱ c'assa na c-chādeyya,||
na c'assa kāye balamattā.|| ||

So aparena samayena tamhā ābādhā mucceyya,||
bhattañ c'assa chādeyya,||
siyā c'assa kāye balamattā.|| ||

Tassa evam assa:|| ||

"Ahaɱ kho pubbe ābādhiko ahosiɱ dukkhito bāḷha-gilāno,||
bhattaɱ ca me na c-chādesi,||
na ca me āsi kāye balamattā.|| ||

So'mhi etarahi tamhā ābādhā mutto bhattañ ca me chādeti.|| ||

Atthi ca me kāye balamattā" ti.|| ||

So tato nidānaɱ labhetha pāmojjaɱ,||
adhigaccheyya somanassaɱ.

Seyyathā pi Kassapo puriso bandhanāgāre baddho assa.|| ||

So aparena samayena tamhā bandhanā mucceyya sotthinā avyayena,||
na c'assa kiñ ci bhogānaɱ vayo.|| ||

Tassa evam assa:|| ||

"Ahaɱ kho pubbe bandhanāgāre baddho ahosiɱ,||
so'mhi etarahi tamhā bandhanā mutto sotthinā avyayena,||
n'atthi ca me kiñ ci bhogānaɱ vayo" ti.|| ||

So tato-nidānaɱ labhetha pāmujjaɱ,||
adhigacche somanassaɱ.|| ||

Seyyathā pi Kassapo puriso dāso assa anatta-dhīno parādhīno||
na yena kāmaŋ gamo.|| ||

So aparena samayena tamhā dāsavyā mucceyya attādhīno aparādhīno bhujisso||
yena kāmaŋ gamo.|| ||

Tassa evam assa:|| ||

"Ahaɱ kho pubbe dāso ahosiɱ anattādhīno parādhīno||
na yena kāmaŋ gamo,||
so'mhi etarahi tamhā dāsavyā mutto attādhīno aparādhīno bhujisso||
yena kāmaŋ gamo" ti.|| ||

So tato-nidānaɱ labhetha pāmojjaɱ,||
adhigacche somanassaɱ.|| ||

Seyyathā pi Kassapo puriso sadhano sabhogo kantāraddhāna-maggaɱ paṭipajjeyya dubbhikkhaɱ sappaṭi-bhayaɱ.|| ||

So aparena samayena taɱ kantāraɱ nitthareyya,||
sotthinā gāmantaɱ anupāpuṇeyya khemaɱ appaṭibhayaɱ.|| ||

Tassa evam assa:|| ||

"Ahaɱ kho pubbe sadhano sabhogo kantāraddhāna-maggaɱ paṭipajjiɱ dubbhikkhaɱ sappaṭi-bhayaɱ.|| ||

So'mhi etarahi taɱ kantāraɱ nitthiṇṇo,||
sotthinā gāmantaɱ anuppatto khemaɱ appaṭibhayan" ti.|| ||

So tato-nidānaɱ labhetha pāmojjaɱ adhigacche somanassaɱ.|| ||

Evam eva kho Kassapo bhikkhu,||
yathā iṇaɱ,||
yathā rogaɱ,||
yathā bandhanāgāraɱ,||
yathā dāsavyaɱ,||
yathā kantāraddhāna-maggaɱ,||
ime pañca nīvaraṇe appahīṇe attani samanupassati.|| ||

Seyyathā pi Kassapo ānaṇyaɱ,||
yathā ārogyaɱ,||
yathā bandhanā mokkhaɱ,||
yathā bhujissaɱ||
yathā khemanta-bhūmiɱ||
evam eva kho Kassapo bhikkhu||
ime pañca nīvaraṇe pahīṇe attani samanupassati.|| ||

Tass'ime pañca nīvaraṇe pahīṇe attani samanupassato pāmojjaɱ jāyati,||
pamuditassa pīti jāyati,||
pīti-manassa kāyo passambhati,||
pa-s-saddha-kāyo sukhaɱ vedeti,||
sukhino cittaɱ samādhiyati.|| ||

 

§

 

So vivicc'eva kāmehi||
vivicca akusalehi kammehi||
[173] sa-vitakkaɱ sa-vicāraɱ||
viveka-jaɱ pīti-sukhaɱ||
paṭhamaɱ-jhānaɱ upasampajja viharati.|| ||

So imam eva kāyaɱ viveka-jena pīti-sukhena||
abhisandeti||
parisandeti||
paripūreti||
parippharati,||
nāssa kiñci sabbā-vato kāyassa viveka-jena||
pīti-sukhena apphutaɱ hoti.|| ||

Seyyathā pi Kassapo dakkho nahāpako vā||
nahāpakantevāsī vā||
kaɱsa-thāle nahānīya-cuṇṇāni ākiritvā udakena paripphosakaɱ paripphosakaɱ sanneyya,||
sā'ssa nahānīya-piṇḍi||
sinehānugatā||
sineha-paretā||
santara-bāhirā phuṭā sinehena||
na ca paggharaṇīi;
evam eva kho Kassapo bhikkhu imam eva kāyaɱ viveka-jena pīti-sukhena abhisandeti parisandeti paripūreti parippharati.|| ||

Nāssa kiñci sabbā-vato kāyassa viveka-jena pīti-sukhena apphuṭaɱ hoti.|| ||

Puna ca paraɱ Kassapo bhikkhu vitakka-vicārānaɱ vūpasamā||
ajjhattaɱ sampasādanaɱ||
cetaso ekodi-bhāvaɱ||
avitakkaɱ avicāraɱ||
samādhi-jaɱ pīti-sukhaɱ||
dutiya-j-jhānaɱ upasampajja viharati.|| ||

So imam eva kāyaɱ samādhi-jaɱ pīti-sukhena||
abhisandeti||
parisandeti||
paripūreti||
parippharati,||
nāssa kiñci sabbā-vato kāyassa samādhi-jaɱ pīti-sukhena apphutaɱ hoti.|| ||

Seyyathā pi Kassapo udakarabhado ubbhidodako,||
tassa nev'assa puratthimāya disāya udakassa āya-mukhaɱ,||
na dakkhiṇāya disāya udakassa āya-mukhaɱ,||
na pacchi-māya disāya udakassa āya-mukhaɱ,||
na uttarāya disāya udakassa āya-mukhaɱ,||
devo ca na kālena kālaɱ sammā dhāraɱ anupaveccheyya,||
atha kho tamhā ca udaka-rahadā sītā vāridhārā ubbhijjitvā tam eva udaka-rahadaɱ sītena vārinā abhisandeyya parisandeyya paripūreyya paripphareyya,||
nāssa kiñci sabbā-vato udaka-rahadassa vārinā sītena apphuṭaɱ assa-

Evam eva kho Kassapo bhikkhu imam eva kāyaɱ samādhijena pīti-sukhena abhisandeti parisandeti paripūreti parippharati.|| ||

Nāssa kiñci sabbā-vato kāyassa samādhijena pīti-sukhena apphuṭaɱ hoti.|| ||

Puna ca paraɱ Kassapo bhikkhu pītiyā ca virāgā||
upekkhako ca viharati||
sato sampajāno||
sukhañ ca kāyena paṭisaŋvedeti||
yaɱ taɱ ariyā ācikkhanti:|| ||

'Upekkhako satimā sukha-vihārī' ti||

tatiyaɱ-jhānaɱ upasampajja viharati.|| ||

So imam eva kāyaɱ nippītikena-sukhena||
abhisandeti||
parisandeti||
paripūreti||
parippharati,||
nāssa kiñci sabbā-vato kāyassa nippītikena sukhena apphutaɱ hoti.|| ||

Seyyathā pi Kassapo||
uppaliniyaɱ vā paduminiyaɱ vā puṇḍarīkiniyaɱ vā||
appekaccāni uppalāni vā padumāni vā puṇḍarīkāni vā||
udake jātāni||
udake saŋvaddhāni||
udakānuggatāni||
anto-nimuggā-posīni tāni yāva caggā yāva ca mūlā||
sītena vārinā abhisannāni, parisannāni, paripūrāni, paripphuṭāni||
nāssā kiñci sabbā-vataɱ||
uppalānaɱ vā padumānaɱ vā puṇḍarīkānaɱ vā||
sītena vārinā apphuṭaɱ assa.

Evam eva kho Kassapo bhikkhu imam eva kāyaɱ nippītikena sukhena||
abhisandeti||
parisandeti||
paripūreti||
parippharati||
nāssa kiñci sabbā-vato kāyassa nippītikena sukhena apphuṭaɱ hoti.

Puna ca paraɱ Kassapo bhikkhu||
sukhassa ca pahānā||
dukkhassa ca pahānā||
pubb'eva somanassa-domanassānaɱ atthaŋ-gamā||
adukkha-m-asukhaɱ||
upekkhā-sati-pārisuddhiɱ||
catutthaɱ-jhānaɱ upasampajja viharati.|| ||

So imam eva kāyaɱ nippītikena-sukhena||
abhisandeti||
parisandeti||
paripūreti||
parippharati,||
nāssa kiñci sabbā-vato kāyassa nippītikena sukhena apphutaɱ hoti.|| ||

Seyyathā pi āvuso puriso odātena vatthena sasīsaɱ pārupitvā nisinno assa,||
nāssa kiñci sabbā-vato kāyassa odātena vatthena apphuṭaɱ assa.
|| ||

Evam eva kho āvuso bhikkhu imam'eva kāyaɱ parisuddhena cetasā pariyodātena pharitvā nisinno hoti,||
nāssa kiñci sabbā-vato kāyassa parisuddhena cetasā pariyodātena apphuṭaɱ hoti.

Idam pi'ssa hoti citta-sampadāya.|| ||

Ayaɱ kho sā Kassapo citta-sampadā.|| ||

■|| ||

So evaɱ samāhite citte parisuddhe||
pariyodāte||
an-aŋgaṇe vigatupakkilese mudu-bhūte kammaniye ṭhite ānejjappatte||
ñāṇa-dassanāya cittaɱ abhinīharati abhininnāmeti.|| ||

So evaɱ pajānāti:|| ||

"Ayaɱ kho me kāyo||
rūpī||
cātum-mahā-bhūtiko||
mātā-pettika-sambhavo||
odana-kummāsūpacayo||
anicc-ucchādana-parimaddana-bhedana-viddhaɱsana-dhammo.|| ||

Idaɱ ca pana me viññāṇaɱ||
ettha sitaɱ||
ettha paṭibaddhan" ti.|| ||

Seyyathā pi Kassapo maṇi veḷūriyo subho jātimā aṭṭhaɱso suparikamma-kato,||
accho vi-p-pasanno anāvilo sabbākāra-sampanno,||
tatra suttaɱ āvutaɱ nīlaɱ vā||
pītaɱ vā||
lohitaɱ vā||
odātaɱ vā||
paṇḍu-suttaɱ vā.|| ||

Tam eva cakkhumā puriso hatthe karitvā pacc'avekkheyya:|| ||

"Ayaɱ kho maṇi veḷūriyo subho jātimā aṭṭhaɱso suparikamma-kato,||
accho vi-p-pasanno anāvilo sabbākāra-sampanno,||
tatr'idaɱ suttaɱ āvutaɱ||
nīlaɱ vā,||
pītaɱ vā,||
lohitaɱ vā,||
odātaɱ vā,||
paṇḍu-suttaɱ vā" ti.|| ||

Evam eva kho Kassapo bhikkhu||
evaɱ samāhite citte parisuddhe||
pariyodāte||
an-aŋgaṇe vigatupakkilese mudu-bhūte kammaniye ṭhite ānejjappatte||
ñāṇa-dassanāya cittaɱ abhinīharati abhininnāmeti.|| ||

So evaɱ pajānāti:|| ||

"Ayaɱ kho me kāyo||
rūpī||
cātum-mahā-bhūtiko||
mātā-pettika-sambhavo||
odana-kummāsūpacayo||
anicc-ucchādana-parimaddana-bhedana-viddhaɱsana-dhammo.|| ||

Idaɱ ca pana me viññāṇaɱ||
ettha sitaɱ||
ettha paṭibaddhan" ti.|| ||

 

§

 

So evaɱ samāhite citte parisuddhe||
pariyodāte||
an-aŋgaṇe vigatupakkilese mudu-bhūte kammaniye ṭhite ānejjappatte||
ñāṇa-dassanāya cittaɱ abhinīharati abhininnāmeti.|| ||

So imamhā kāyā||
aññaɱ kāyaɱ abhinimmināti||
rūpiɱ||
mano-mayaɱ||
sabbaŋga-paccaŋgiɱ||
ahīnindriyaɱ.

Seyyathā pi Kassapo puriso||
muñjamhā isikaɱ pabbāheyya.|| ||

Tassa evam assa:|| ||

"Ayaɱ muñjo||
ayaɱ isikā,||
añño muñjo||
aññā isikā,||
muñjamhā tv'eva isikā pavāḷhā" ti.|| ||

Seyyathā pi vā pana Kassapo,||
puriso asi kosiyā pavāheyya.|| ||

Tassa evam assa:|| ||

"Ayaɱ asi||
ayaɱ kosi,||
añño asi||
aññā kosi,||
kosiyā tv'eva asi pabbāḷho" ti.|| ||

Seyyathā pi vā pana Kassapo puriso ahiɱ karaṇḍā uddhareyya.|| ||

Tassa evam assa:|| ||

"Ayaɱ ahi||
ayaɱ karaṇḍo,||
añño ahi||
añño karaṇḍo,||
karaṇḍā tv'eva ahi ubbhato" ti.|| ||

Evam eva kho Kassapo bhikkhu evaɱ samāhite citte parisuddhe||
pariyodāte||
an-aŋgaṇe vigatupakkilese mudu-bhūte kammaniye ṭhite ānejjappatte||
ñāṇa-dassanāya cittaɱ abhinīharati abhininnāmeti.|| ||

So imamhā kāyā||
aññaɱ kāyaɱ||
abhinimmināti rūpiɱ mano-mayaɱ sabbaŋga-paccaŋgiɱ ahīnindriyaɱ.|| ||

So evaɱ samāhite citte parisuddhe||
pariyodāte||
an-aŋgaṇe vigatupakkilese mudu-bhūte kammaniye ṭhite ānejjappatte||
ñāṇa-dassanāya cittaɱ abhinīharati abhininnāmeti.|| ||

So aneka-vihitaɱ iddhi-vidhaɱ pacc'anubhoti:|| ||

Eko pi hutvā bahudhā hoti,||
bahudhā pi hutvā eko hoti,||
āvībhāvaɱ tiro-bhāvaɱ,||
tiro-kuḍḍaɱ,||
tiro-pākāraɱ,||
tiro-pabbataɱ asajja-māno gacchati,||
seyyathā pi ākāse,||
paṭhaviyā pi ummujja-nimujjaɱ karoti,||
seyyathā pi udake,||
udake pi abhijja-māne gacchati,||
seyyathā pi paṭhaviyaɱ,||
ākāse pi pallankena kamati,||
seyyathā pi pakkhi sakuṇo.|| ||

Ime pi candima-suriye evaɱ mahiddhike,||
evaɱ mah-ā-nubhāve pāṇinā parāma-sati parimajjati,||
yāva brahma-lokā pi kāyena va saɱvatteti.|| ||

Seyyathā pi Kassapo dakkho kumbha-kāro vā||
kumbha-kārantevāsī vā||
suparikamma-katāya mattikāya||
yaɱ yad eva bhājana-vikatiɱ ākankheyya||
taɱ tad eva kareyya abhinipphādeyya.

Seyyathā pi vā pana Kassapo dakkho danta-kāro vā||
danta-kārantevāsī vā||
suparikamma-katasmiɱ dantasmiɱ||
yaɱ yad eva danta-vikatiɱ ākankheyya||
taɱ tad eva kareyya abhinipphādeyya.

Seyyathā pi vā pana Kassapo dakkho suvaṇṇa-kāro vā||
suvaṇṇa-kārantevāsī vā||
supari-kamma-katasmiɱ suvaṇṇasmiɱ||
yaɱ yad eva suvaṇṇa-vikatiɱ ākankheyya||
taɱ tad eva kareyya abhinipphādeyya.

Evam eva kho Kassapo||
bhikkhu evaɱ samāhite citte parisuddhe||
pariyodāte||
an-aŋgaṇe vigatupakkilese mudu-bhūte kammaniye ṭhite ānejjappatte||
ñāṇa-dassanāya cittaɱ abhinīharati abhininnāmeti.|| ||

So aneka-vihitaɱ iddhi-vidhaɱ pacc'anubhoti:|| ||

Eko pi hutvā bahudhā hoti||
bahudhā pi hutvā eko hoti.|| ||

Āvī-bhāvaɱ||
tiro-bhāvaɱ||
tiro-kuḍḍaɱ||
tiro-pākāraɱ||
tiro-pabbataɱ||
asajja-māno gacchati seyyathā pi ākāse.|| ||

Paṭhaviyā pi ummujja-nimujjaɱ karoti||
seyyathā pi udake.|| ||

Udake pi abhijja-māne gacchati||
seyyathā pi paṭhaviyaɱ.|| ||

Ākāse pi pallankena kamati,||
seyyathā pi pakkhi sakuṇo.|| ||

Ime pi candima-suriye evaɱ mahiddhike||
evaɱ mah-ā-nubhāve||
pāṇinā parāma-sati parimajjati,||
yāva Brahmalokā pi kāyena va saɱvatteti.|| ||

So evaɱ samāhite citte parisuddhe||
pariyodāte||
an-aŋgaṇe vigatupakkilese mudu-bhūte kammaniye ṭhite ānejjappatte||
ñāṇa-dassanāya cittaɱ abhinīharati abhininnāmeti.|| ||

So dibbāya sota-dhātuyā visuddhāya atikkanta-mānusi-kāya ubho sadde suṇāti,||
dibbe ca mānuse ca,||
ye dūre santike ca.

So Seyyathā pi Kassapo puriso addhāna-Magga-paṭipanno so suṇeyya bheri-saddam pi mudiŋga-saddam pi saŋkha-paṇava-deṇḍima-saddam pi.|| ||

Tassa evam assa:|| ||

Bheri-saddo iti pi,||
mudiŋga-saddo iti pi,||
saŋkha-paṇava-deṇḍima-saddo iti pi.|| ||

Evam eva kho Kassapo bhikkhu evaɱ samāhite citte parisuddhe||
pariyodāte||
an-aŋgaṇe vigatupakkilese mudu-bhūte kammaniye ṭhite ānejjappatte||
ñāṇa-dassanāya cittaɱ abhinīharati abhininnāmeti.|| ||

So dibbāya sota-dhātuyā visuddhāya atikkanta-mānusi-kāya ubho sadde suṇāti,||
dibbe ca mānuse ca ye dūre santike ca.

So evaɱ samāhite citte parisuddhe||
pariyodāte||
an-aŋgaṇe vigatupakkilese mudu-bhūte kammaniye ṭhite ānejjappatte||
ñāṇa-dassanāya cittaɱ abhinīharati abhininnāmeti.|| ||

So para-sattāṇaɱ para-puggalānaɱ cetasā ceto paricca pajānāti:|| ||

Sa-rāgaɱ vā cittaɱ 'sa-rāgaɱ cittan' ti pajānāti,||
Vīta-rāgaɱ vā cittaɱ 'vīta-rāgaɱ cittan' ti pajānāti,||
sa-dosaɱ vā cittaɱ 'sa-dosaɱ cittatan' ti pajānāti,||
Vīta-dosaɱ vā cittaɱ 'vīta-dosaɱ cittan' ti pajānāti,||
Sa-mohaɱ vā cittaɱ 'sa-mohaɱ cittan' ti pajānāti,||
Vīta-mohaɱ vā cittaɱ 'vīta-mohaɱ cittan' ti pajānāti,||
Sankhittaɱ vā cittaɱ 'sankhittaɱ cittan' ti pajānāti,||
Vikkhittaɱ vā cittaɱ 'vikkhittaɱ cittan' ti pajānāti,||
Mahaggataɱ vā cittaɱ 'mahaggataɱ cittan' ti pajānāti,||
Amahaggataɱ vā cittaɱ 'amahaggataɱ cittan' ti pajānāti,||
Sa-uttaraɱ vā cittaɱ 'sa-uttaraɱ cittan' ti pajānāti,||
Anuttaraɱ vā cittaɱ 'anuttaraɱ cittan' ti pajānāti,||
Samāhitaɱ vā cittaɱ 'samāhitaɱ cittan' ti pajānāti,||
Asamāhitaɱ vā cittaɱ 'asamāhitaɱ cittan' ti pajānāti,||
Vimuttaɱ vā cittaɱ 'vimuttaɱ cittan' ti pajānāti,||
Avimuttaɱ vā cittaɱ 'avimuttaɱ cittan' ti pajānāti.|| ||

Seyyathā pi Kassapo itthi vā,||
puriso vā,||
daharo vā,||
yuvā maṇḍan-jātiko ādāse vā,||
parisuddhe pariyodāte acche vā,||
udaka-patte sakaɱ mukha-nimittaɱ pacc'avekkha-māno sakaṇikaɱ vā sakaṇikan ti jāneyya,||
akaṇikaɱ vā akaṇikanti jāneyya-

Evam eva kho Kassapo bhikkhu evaɱ samāhite citte parisuddhe||
pariyodāte||
an-aŋgaṇe vigatupakkilese mudu-bhūte kammaniye ṭhite ānejjappatte||
ñāṇa-dassanāya cittaɱ abhinīharati abhininnāmeti.|| ||

So para-sattāṇaɱ para-puggalānaɱ cetasā ceto paricca pajānāti:|| ||

Sa-rāgaɱ vā cittaɱ 'sa-rāgaɱ cittan' ti pajānāti,||
Vīta-rāgaɱ vā cittaɱ 'vīta-rāgaɱ cittan' ti pajānāti,||
sa-dosaɱ vā cittaɱ 'sa-dosaɱ cittatan' ti pajānāti,||
Vīta-dosaɱ vā cittaɱ 'vīta-dosaɱ cittan' ti pajānāti,||
Sa-mohaɱ vā cittaɱ 'sa-mohaɱ cittan' ti pajānāti,||
Vīta-mohaɱ vā cittaɱ 'vīta-mohaɱ cittan' ti pajānāti,||
Sankhittaɱ vā cittaɱ 'sankhittaɱ cittan' ti pajānāti,||
Vikkhittaɱ vā cittaɱ 'vikkhittaɱ cittan' ti pajānāti,||
Mahaggataɱ vā cittaɱ 'mahaggataɱ cittan' ti pajānāti,||
Amahaggataɱ vā cittaɱ 'amahaggataɱ cittan' ti pajānāti,||
Sa-uttaraɱ vā cittaɱ 'sa-uttaraɱ cittan' ti pajānāti,||
[81] Anuttaraɱ vā cittaɱ 'anuttaraɱ cittan' ti pajānāti,||
Samāhitaɱ vā cittaɱ 'samāhitaɱ cittan' ti pajānāti,||
Asamāhitaɱ vā cittaɱ 'asamāhitaɱ cittan' ti pajānāti,||
Vimuttaɱ vā cittaɱ 'vimuttaɱ cittan' ti pajānāti,||
Avimuttaɱ vā cittaɱ 'avimuttaɱ cittan' ti pajānāti.|| ||

So evaɱ samāhite citte parisuddhe||
pariyodāte||
an-aŋgaṇe vigatupakkilese mudu-bhūte kammaniye ṭhite ānejjappatte||
ñāṇa-dassanāya cittaɱ abhinīharati abhininnāmeti.|| ||

So aneka-vihitaɱ pubbe-nivāsaɱ anussarati seyyath'īdaɱ:|| ||

Ekam pi jātiɱ,||
dve pi jātiyo,||
tisso pi jātiyo,||
catasso pi jātiyo,||
pañca pi jātiyo,||
dasa pi jātiyo,||
vīsam pi jātiyo,||
tīsaɱm pi jātiyo,||
cattārīsam pi jātiyo,||
paññāsam pi jātiyo,||
jāti-satam pi,||
jāti-sahassam pi,||
jāti-sata-sahassam pi,||
aneke pi,||
saŋvaṭṭa-kappe aneke pi,||
vivaṭṭa-kappe aneke pi,||
saŋvaṭṭa-vivaṭṭa-kappe.|| ||

Amutrāsiɱ evaɱ-nāmo,||
evaɱ-gotto,||
evaɱ-vaṇṇo,||
evam-āhāro,||
evaɱ sukha-dukkha-paṭisaŋvedī,||
evam-āyu-pariyanto.|| ||

So tato cuto amutra upapādiɱ.|| ||

Tatrāpāsiɱ evaɱ-nāmo,||
evaɱ-gotto,||
evaɱ-vaṇṇo,||
evam-āhāro,||
evaɱ-sukha-dukkha-paṭisaŋvedī,||
evam-āyu-pariyanto.|| ||

So tato cuto idh'ūpapanno" ti.|| ||

Iti sākāraɱ sa-uddesaɱ aneka-vihitaɱ pubbe-nivāsaɱ anussarati.|| ||

Seyyathā pi Kassapo puriso sakamhā gāmā aññaɱ gāmaɱ gaccheyya,||
tamhā pi gāmā aññaɱ gāmaɱ gaccheyya,||
tamhā pi gāmā sakaɱ yeva gāmaɱ paccāgaccheyya.|| ||

Tassa evam assa:|| ||

Ahaɱ kho sakamhā gāmā amuɱ gāmaɱ agacchiɱ,||
tatra evaɱ aṭṭhāsiɱ,||
evaɱ nisīdiɱ,||
evaɱ abhāsiɱ,||
evaɱ tuṇhī ahosi.|| ||

Tamhā pi gāmā amuɱ gāmaɱ āgañchiɱ,||
tatrā pi evaɱ aṭṭhāsiɱ,||
evaɱ nisīdiɱ,||
evaɱ abhāsiɱ,||
evaɱ tuṇhī ahosi.|| ||

So'mhi tamhā gāmā sakaɱ yeva gāmaɱ paccāgato" ti.

Evam eva kho Kassapo bhikkhu evaɱ samāhite citte parisuddhe||
pariyodāte||
an-aŋgaṇe vigatupakkilese mudu-bhūte kammaniye ṭhite ānejjappatte||
ñāṇa-dassanāya cittaɱ abhinīharati abhininnāmeti.|| ||

So aneka-vihitaɱ pubbe-nivāsaɱ anussarati seyyath'īdaɱ:|| ||

Ekam pi jātiɱ,||
dve pi jātiyo,||
tisso pi jātiyo,||
catasso pi jātiyo,||
pañca pi jātiyo,||
dasa pi jātiyo,||
vīsam pi jātiyo,||
tīsaɱm pi jātiyo,||
cattārīsam pi jātiyo,||
paññāsam pi jātiyo,||
jāti-satam pi,||
jāti-sahassam pi,||
jāti-sata-sahassam pi,||
aneke pi,||
saŋvaṭṭa-kappe aneke pi,||
vivaṭṭa-kappe aneke pi,||
saŋvaṭṭa-vivaṭṭa-kappe.|| ||

Amutrāsiɱ evaɱ-nāmo,||
evaɱ-gotto,||
evaɱ-vaṇṇo,||
evam-āhāro,||
evaɱ sukha-dukkha-paṭisaŋvedī,||
evam-āyu-pariyanto.|| ||

So tato cuto amutra upapādiɱ.|| ||

Tatrāpāsiɱ evaɱ-nāmo,||
evaɱ-gotto,||
evaɱ-vaṇṇo,||
evam-āhāro,||
evaɱ-sukha-dukkha-paṭisaŋvedī,||
evam-āyu-pariyanto.|| ||

So tato cuto idh'ūpapanno ti,||
iti sākāraɱ sa-uddesaɱ aneka-vihitaɱ pubbe-nivāsaɱ anussarati.

So evaɱ samāhite citte parisuddhe||
pariyodāte||
an-aŋgaṇe vigatupakkilese mudu-bhūte kammaniye ṭhite ānejjappatte||
ñāṇa-dassanāya cittaɱ abhinīharati abhininnāmeti.|| ||

So dibbena cakkhunā visuddhena atikkanta-mānusakena satte passati cavamāne upapajjamāne hīne paṇīte suvaṇṇe dubbaṇṇe sugate duggate yathā-kamm'ūpage satte pajānāti:|| ||

Ime vata bhonto sattā kāya-du-c-caritena samannāgatā||
vacī-du-c-caritena samannāgatā||
mano-du-c-caritena samannāgatā||
ariyānaɱ upavādakā micchā-diṭṭhikā||
micchā-diṭṭhi-kamma-samādānā.|| ||

Te kāyassa bhedā param maraṇā apāyaɱ duggatiɱ vinipātaɱ Nirayaɱ upapannā.|| ||

Ime vā pana bhonto sattā kāya-sucaritena samannāgatā||
vacī-sucaritena samannāgatā||
mano-sucaritena samannāgatā||
ariyānaɱ anupavādakā sammā-diṭṭhikā sammā-diṭṭhi-kamma-samādānā.|| ||

Te kāyassa bhedā param maraṇā sugatiɱ saggaɱ lokaɱ upapannā" ti.|| ||

Iti dibbena cakkhunā visuddhena atikkanta-mānusakena satte passati cavamāne upapajjamāne,||
hīne paṇite suvaṇṇe dubbaṇṇe sugate duggate yathā-kamm'ūpage satte pajānāti.

Seyyathā pi Kassapo majjhe siɱghāṭake pāsādo.|| ||

Tattha cakkhumā puriso ṭhito passeyya manusse gehaɱ pavisante pi||
rathiyā vīthiɱ sañcarante pi||
majjhe siɱghāṭake nisinne pi.|| ||

Tassa evam assa:|| ||

'Ete manussā gehaɱ pavisanti,||
ete ni-k-khamanti,||
ete rathiyā vīthiɱ sañcarante,||
ete majjhe siɱghāṭake nisinnā' ti.

Evam eva kho Kassapo bhikkhu evaɱ samāhite citte parisuddhe||
pariyodāte||
an-aŋgaṇe vigatupakkilese mudu-bhūte kammaniye ṭhite ānejjappatte||
ñāṇa-dassanāya cittaɱ abhinīharati abhininnāmeti.|| ||

So dibbena cakkhunā visuddhena atikkanta-mānusakena satte passati cavamāne upapajjamāne,||
hīne paṇite suvaṇṇe dubbaṇṇe sugate duggate yathā-kamm'ūpage satte pajānāti:|| ||

Ime vata bhonto sattā kāya-du-c-caritena samannāgatā,||
vacī-du-c-caritena samannāgatā,||
mano-du-c-caritena samannāgatā,||
ariyānaɱ upavādakā micchā-diṭṭhikā micchā-diṭṭhi-kamma-samā-dānā.|| ||

Te kāyassa bhedā param maraṇā apāyaɱ duggatiɱ vinipātaɱ Nirayaɱ upapannā.|| ||

Ime vā pana bhonto sattā kāya-sucaritena samannāgatā,||
vacī-sucaritena samannāgatā,||
mano-sucaritena samannāgatā,||
ariyānaɱ anupavādakā sammā-diṭṭhikā sammā-diṭṭhi-kamma-samādānā.|| ||

Te kāyassa bhedā param maraṇā sugatiɱ saggaɱ lokaɱ upapannā ti.|| ||

Iti dibbena cakkhunā visuddhena atikkanta-mānusakena satte passati cavamāne upapajjamāne hīne paṇīte suvaṇṇe dubbaṇṇe sugate duggate yathā-kamm'ūpage satte pajānāti.

So evaɱ samāhite citte parisuddhe||
pariyodāte||
an-aŋgaṇe vigatupakkilese mudu-bhūte kammaniye ṭhite ānejjappatte||
ñāṇa-dassanāya cittaɱ abhinīharati abhininnāmeti.|| ||

So 'Idaɱ dukkhan' ti yathā-bhūtaɱ pajānāti.|| ||

'Ayaɱ dukkha-samudayo' ti yathā-bhūtaɱ pajānāti.|| ||

'Ayaɱ dukkha-nirodho' ti yathā-bhūtaɱ pajānāti.|| ||

'Ayaɱ dukkha-nirodha-gāminī-paṭipadā' ti yathā-bhūtaɱ pajānāti.|| ||

'Ime āsavā' ti yathā-bhūtaɱ pajānāti.|| ||

'Ayaɱ āsava-samudayo' ti yathā-bhūtaɱ pajānāti.|| ||

'Ayaɱ āsava-nirodho' ti yathā-bhūtaɱ pajānāti.|| ||

'Ayaɱ āsava-nirodha-gāminī-paṭipadā' ti yathā-bhūtaɱ pajānāti.|| ||

Tassa evaɱ jānato,||
evaɱ passato,||
kām'āsavā pi cittaɱ vimuccati,||
bhav'āsavā pi cittaɱ vimuccati,||
avijj'āsavā pi cittaɱ vimuccati.|| ||

Vimuttasmiɱ vimuttam,||
iti ñāṇaɱ hoti.|| ||

'Khīṇā jāti,||
vusitaɱ Brahma-cariyaɱ,||
kataɱ karaṇiyaɱ,||
nāparaɱ,||
itthattāyā' ti pajānāti.

Seyyathā pi Kassapo pabbata-saŋkhepe udaka-rahado accho vi-p-pasanno anāvilo.|| ||

Tattha cakkhumā puriso tīre ṭhito passeyya sippi-sambūkam pi,||
sakkhara-kaṭhalam pi,||
maccha-gumbam pi,||
carantam pi,||
tiṭṭhantam pi.|| ||

Tassa evam assa:|| ||

'Ayaɱ kho udaka-rahado accho vi-p-pasanno anāvilo.|| ||

Tatr'ime sippi-sambūkā pi||
sakkhara-kaṭhalā pi||
maccha-gumbā pi||
caranti pi||
tiṭṭhanti pī ti.

Evam eva kho Kassapo bhikkhu evaɱ samāhite citte parisuddhe||
pariyodāte||
an-aŋgaṇe vigatupakkilese mudu-bhūte kammaniye ṭhite ānejjappatte||
ñāṇa-dassanāya cittaɱ abhinīharati abhininnāmeti.|| ||

So 'Idaɱ dukkhan' ti yathā-bhūtaɱ pajānāti.|| ||

'Ayaɱ dukkha-samudayo' ti yathā-bhūtaɱ pajānāti.|| ||

'Ayaɱ dukkha-nirodho' ti yathā-bhūtaɱ pajānāti.|| ||

'Ayaɱ dukkha-nirodha-gāminī-paṭipadā' ti yathā-bhūtaɱ pajānāti.|| ||

'Ime āsavā' ti yathā-bhūtaɱ pajānāti.|| ||

'Ayaɱ āsava-samudayo' ti yathā-bhūtaɱ pajānāti.|| ||

'Ayaɱ āsava-nirodho' ti yathā-bhūtaɱ pajānāti.|| ||

'Ayaɱ āsava-nirodha-gāminī-paṭipadā' ti yathā-bhūtaɱ pajānāti.|| ||

Tassa evaɱ jānato,||
evaɱ passato,||
kām'āsavā pi cittaɱ vimuccati,||
bhav'āsavā pi cittaɱ vimuccati,||
avijj'āsavā pi cittaɱ vimuccati.|| ||

Vimuttasmiɱ vimuttam,||
iti ñāṇaɱ hoti.|| ||

'Khīṇā jāti,||
vusitaɱ Brahma-cariyaɱ,||
kataɱ karaṇiyaɱ,||
nāparaɱ,||
itthattāyā' ti pajānāti.

 

§

 

[174] Imāya ca Kassapo sīla-sampadāya||
imāya ca citta-sampadāya||
imāya ca paññā-sampadāya||
aññā sīla-sampadā||
citta-sampadā||
paññā-sampadā||
uttarītarā vā||
paṇītatarā vā n'atthi.|| ||

33. Santi Kassapo eke samaṇa-brāhmaṇā sīlavādā.|| ||

Te aneka-pariyāyena sīlassa vaṇṇaɱ bhāsanti.|| ||

Yāvatā Kassapo ariyaɱ paramaɱ sīlaɱ,||
n-ā-haɱ tattha attano samasamaɱ samanupassāmi.|| ||

Kuto bhiyyo?|| ||

Atha kho ahameva tattha bhiyyo yad idaɱ adhisīlaɱ.|| ||

34. Santi Kassapo eke samaṇa-brāhmaṇā tapo-jigucchāvādā.|| ||

Te aneka-pariyāyena tapojigucchāya vaṇṇaɱ bhāsanti.|| ||

Yāvatā Kassapo ariyā paramā tapojigucchā,||
n-ā-haɱ tattha attano samasamaɱ samanupassāmi.|| ||

Kuto bhiyyo?|| ||

Atha kho ahameva tattha bhiyyo yad idaɱ adhijegucchaɱ.|| ||

35. Santi Kassapo eke samaṇa-brāhmaṇā paññāvādā.|| ||

Te aneka-pariyāyena paññāya vaṇaṇaɱ bhāsanti.|| ||

Yāvatā Kassapo ariyā paramā paññā,||
n-ā-haɱ tattha attano samasamaɱ samanupassāmi.|| ||

Kuto bhiyyo?|| ||

Atha kho ahameva tattha bhiyyo||
yad idaɱ adhipaññā.|| ||

36. Santi Kassapo eke samaṇa-brāhmaṇā vimuttivādā.|| ||

Te aneka-pariyāyena vimuttiyā vaṇaṇaɱ bhāsanti.|| ||

Yāvatā Kassapo ariyā paramā vimutti,||
n-ā-haɱ tattha attano samasamaɱ samanupassāmi.|| ||

Kuto bhiyyo?|| ||

Atha kho ahameva tattha bhiyyo yad idaɱ adhimutti.|| ||

37. [175] ṭhānaɱ kho pan'etaɱ Kassapo vijjati yaɱ añña-titthiyā paribbājakā evaɱ vadeyyuɱ: "sīha-nādaɱ kho Samaṇo Gotamo nadati.|| ||

Tañ ca kho suññāgāre nadati no parisāsū" ti.|| ||

Te 'mā hevan' ti.su vacanīyā.|| ||

"Sīhanādañca Samaṇo Gotamo nadati,||
parisāsu ca nadatī' ti.|| ||

Evamassu Kassapo vacanīyā.|| ||

38. Ṭhānaɱ kho pan'etaɱ Kassapo vijjati yaɱ añña-titthiyā paribbājakā evaɱ vadeyyuɱ: "sīha-nādañca Samaṇo Gotamo nadati,||
parisāsu ca nadati.|| ||

No ca kho visārado nadatī" ti.|| ||

Te 'mā hevan' ti.su vacanīyā.|| ||

"Sīhanādañca Samaṇo Gotamo nadati,||
parisāsu ca nadati,||
visārado ca nadatī" ti.|| ||

Evamassu Kassapo vacanīyā.|| ||

39. Ṭhānaɱ kho pan'etaɱ Kassapo vijjati yaɱ añña-titthiyā paribbājakā evaɱ vadeyyuɱ: "sīha-nādañca Samaṇo Gotamo nadati,||
parisāsu ca nadati,||
visārado ca nadati,||
no ca kho naɱ pañhaɱ pucchantī" ti.|| ||

Te 'mā hevan' ti.su vacanīyā "sīha-nādaɱ ca Samaṇo Gotamo nadati.|| ||

Parisāsu ca nadati,||
visārado ca nadati,||
pañhañca naɱ pucchantī" ti.|| ||

Evamassu Kassapo vacanīyā.|| ||

40. Ṭhānaɱ kho pan'etaɱ Kassapo vijjati yaɱ añña-titthiyā paribbājakā evaɱ vadeyyuɱ: "sīha-nādaɱ ca Samaṇo Gotamo nadati,||
parisāsu ca nadati,||
visārado ca nadati,||
pañhaɱ ca naɱ pucchanti,||
no ca kho n'esaɱ pañhaɱ puṭṭho vyākarotī" ti.|| ||

Te 'mā hevan' ti.su vacanīyā.|| ||

"Sīhanādañca Samaṇo Gotamo nadati,||
parisāsu ca nadati,||
visārado ca nadati,||
pañhaɱ ca naɱ pucchanti.|| ||

Pañhañca n'esaɱ puṭṭho vyākarotī" ti.|| ||

Evamassu Kassapo vacanīyā.|| ||

41. Ṭhānaɱ kho pan'etaɱ Kassapo vijjati yaɱ añña-titthiyā paribbājakā evaɱ vadeyyuɱ: "sīha-nādañca Samaṇo Gotamo nadati,||
parisāsu ca nadati.|| ||

Visārado ca nadati,||
pañhaɱ ca naɱ pucchanti,||
no ca kho pañhañca n'esaɱ puṭṭho vyākaroti,||
no ca kho pañhassa veyyākaraṇena cittaɱ ārādhetī" ti.|| ||

Te 'mā hevan' ti.su vacanīyā "sīha-nādaɱ ca Samaṇo Gotamo nadati,||
parisāsu ca nadati,||
visārado ca nadati,||
pañhaɱ ca naɱ pucchanti,||
no ca kho n'esaɱ pañhassa ca veyyākaraṇena cittaɱ ārādhetī" ti.evamassu Kassapo vacanīyā.|| ||

42. Ṭhānaɱ kho pan'etaɱ Kassapo vijjati yaɱ añña-titthiyā paribbājakā evaɱ vadeyyuɱ: "sīha-nādañca Samaṇo Gotamo nadati.|| ||

Parisāsu ca nadati,||
visārado ca nadati,||
pañhassa ca veyyākaraṇena cittaɱ ārādheti,||
no ca kho sotabbaɱ maññantī" ti.|| ||

Te 'mā hevan' ti.su vacanīyā: "sīha-nādañca Samaṇo Gotamo nadati,||
parisāsu ca nadati,||
visārado ca nadati,||
pañhassa ca veyyākaraṇena cittaɱ ārādheti.|| ||

Sotabbañc'assa maññantī" ti.|| ||

Evamassu Kassapo vacanīyā.|| ||

43. Ṭhānaɱ kho pan'etaɱ vijjati yaɱ añña-titthiyā paribbājakā evaɱ vadeyyuɱ: "sīha-nādañca Samaṇo Gotamo nadati.|| ||

Parisāsu ca nadati,||
visārado ca nadati,||
pañhassa ca veyyākaraṇena cittaɱ ārādheti,||
no ca kho sotabbaɱ maññantī" ti.|| ||

Te 'mā hevan' ti.su vacanīyā: "sīha-nādañca Samaṇo Gotamo nadati,||
parisāsu ca nadati,||
visārado ca nadati,||
pañhassa ca veyyākaraṇena cittaɱ ārādheti.|| ||

Sotabbañc'assa maññanti.|| ||

No ca kho sutvā c'assa pasīdanatī" ti.|| ||

Te 'mā hevan' ti.su vacanīyā: "sīha-nādañca Samaṇo Gotamo nadati,||
parisāsu ca nadati,||
visārado ca nadati,||
pañhassa ca veyyākaraṇena cittaɱ ārādheti.|| ||

Sotabbañc'assa maññanti.|| ||

Sutvā c'assa pasīdantī" ti.|| ||

Evamassu Kassapo vacanīyā.|| ||

44. Ṭhānaɱ kho pan'etaɱ Kassapo vijjati yaɱ añña-titthiyā paribbājakā evaɱ vadeyyuɱ: "sīha-nādañca Samaṇo Gotamo nadati.|| ||

Parisāsu ca nadati,||
visārado ca nadati,||
pañhassa ca veyyākaraṇena cittaɱ ārādheti,||
no ca kho sotabbaɱ maññantī" ti.|| ||

Te 'mā hevan' ti.su vacanīyā: "sīha-nādañca Samaṇo Gotamo nadati,||
parisāsu ca nadati,||
visārado ca nadati,||
pañhassa ca veyyākaraṇena cittaɱ ārādheti.|| ||

Sutvā c'assa pasīdanti,||
no ca kho pasannā pasannākāraɱ karontī" ti.|| ||

Te mā' hevan' ti.su vacanīyā.|| ||

"Sīhanādañca Samaṇo Gotamo nadati.|| ||

Parisāsu ca nadati,||
visārado ca nadati,||
pañhassa ca veyyākaraṇena cittaɱ ārādheti,||
no ca kho sotabbaɱ maññantī" ti.|| ||

Te 'mā hevan' ti.su vacanīyā: "sīha-nādañca Samaṇo Gotamo nadati,||
parisāsu ca nadati,||
visārado ca nadati,||
pañhassa ca veyyākaraṇena cittaɱ ārādheti.|| ||

Sutvā c'assa pasīdati,||
pasannā ca pasannākāraɱ karontī" ti.evamassu Kassapo vacanīyā.|| ||

45. Ṭhānaɱ kho pan'etaɱ Kassapo vijjati yaɱ añña-titthiyā paribbājakā evaɱ vadeyyuɱ: "sīha-nādaɱ ca Samaṇo Gotamo nadati.|| ||

Parisāsu ca nadati,||
visārado ca nadati,||
pañhassa ca veyyākaraṇena cittaɱ ārādheti,||
no ca kho sotabbaɱ maññantī" ti.|| ||

Te 'mā hevan' ti.su vacanīyā: "sīha-nādañca Samaṇo Gotamo nadati,||
parisāsu ca nadati,||
visārado ca nadati,||
pañhassa ca veyyākaraṇena cittaɱ ārādheti.|| ||

Pasannā ca pasannākāraɱ karoti.|| ||

No ca kho tathattāya paṭipajjantī" ti.|| ||

Te 'mā hevanti"ssu vacanīyā "sīha-nādaɱ ca Samaṇo Gotamo nadati.|| ||

Parisāsu ca nadati,||
visārado ca nadati,||
pañhassa ca veyyākaraṇena cittaɱ ārādheti,||
no ca kho sotabbaɱ maññantī" ti.|| ||

Te 'mā hevan' ti.su vacanīyā: "sīha-nādañca Samaṇo Gotamo nadati,||
parisāsu ca nadati,||
visārado ca nadati,||
pañhassa ca veyyākaraṇena cittaɱ ārādheti.|| ||

Pasannā ca pasannākāraɱ karonti.|| ||

Tathattāya ca paṭipajjantī" ti.evamassu Kassapo vacanīyā.|| ||

46. Ṭhānaɱ kho pan'etaɱ Kassapo vijjati yaɱ añña-titthiyā paribbājakā evaɱ vadeyyuɱ: "sīha-nādaɱ ca Samaṇo Gotamo nadati.|| ||

Parisāsu ca nadati,||
visārado ca nadati,||
pañhassa ca veyyākaraṇena cittaɱ ārādheti,||
sotabbaɱ ca maññanti,||
tathattāya ca paṭipajjanti,||
no ca kho paṭipannā ārādhentī" ti.|| ||

Te 'mā hevan' ti.su vacanīyā.|| ||

"Sīhanādañca Samaṇo Gotamo nadati.|| ||

Parisāsu ca nadati,||
visārado ca nadati,||
pañhañca taɱ pucchanti,||
pañhañca n'esaɱ puṭṭho vyākaroti,||
pañhassa ca veyyākaraṇena cittaɱ ārādheti,||
sotabbañc'assa maññanti,||
sutvā c'assa pasīdanti,||
pasannā ca pasannākāraɱ karonti,||
tathattāya ca paṭipajjanti paṭipannā ca ārādhentī" ti.|| ||

Evamassu Kassapo vacanīyā.|| ||

47. Ekam idāhaɱ Kassapo samayaɱ Rājagahe viharāmi Gijjhakūṭe pabbate.|| ||

Tatra maɱ aññataro tapabrahma-cārī [176] nigrodho nāma adhijegucche pañhaɱ pucchi.|| ||

Tassāhaɱ adhijegucche pañhaɱ puṭṭho vyākāsiɱ.|| ||

Byākato ca pana me atta-mano ahosi. Paraɱ viya mattāyāti.|| ||

48. "Ko hi bhante Bhagavato dhammaɱ sutvā na atta-mano assa paraɱ viya mattāya?|| ||

Bhante Bhagavato dhammaɱ sutvā atta-mano paraɱ viya mattāya,||
abhikkantaɱ bhante,||
abhikkantaɱ bhante.|| ||

Seyyathā pi bhante nikkujjitaɱ vā ukkujjeyya,||
paṭi-c-channaɱ vā vivareyya,||
mūḷhassa vā Maggaɱ ācikkheyya,||
andha-kāre vā tela-pajjotaɱ dhāreyya cakkhu-manto rūpāni dakkhintīti,||
evam eva Bhagavatā aneka-pariyāyena dhammo pakāsito.|| ||

Es'āhaɱ bhante Bhagavantaɱ saraṇaɱ gacchāmi Dhammañ ca bhikkhu-sanghañ ca.|| ||

Labheyyāhaɱ bhante Bhagavato santike pabbajjaɱ,||
labheyyaɱ upasampadanti".|| ||

49. "Yo kho Kassapo añña-titthiyapubbo imasmiɱ Dhamma-Vinaye ākankhati pabbajjaɱ,||
ākankhati upasampadaɱ,||
so cattāro māse parivasati.|| ||

Catunnaɱ māsānaɱ accayena āraddha-cittā bhikkhū taɱ pabbā-jenti,||
upasampādenti bhikkhu-bhāvāya.|| ||

Api ca mettha puggalavemattatā viditā" ti.|| ||

50. "Sace bhante añña-titthiya-pubbā imasmiɱ Dhamma-Vinaye ākankhantā pabbajjaɱ ākankhantā upasampadaɱ cattāro māse parivasanti,||
catunnaɱ māsānaɱ accayena āraddha-cittā bhikkhū taɱ pabbā-jenti,||
upasampādenti bhikkhu-bhāvāya.|| ||

Ahaɱ cattāri vassāni parivasissāmi.|| ||

Catunnaɱ vassānaɱ accayena āraddha-cittā bhikkhū maɱ pabbājentu,||
upasampādentu bhikkhu-bhāvāyā' ti.|| ||

51. Alattha kho acelo Kassapo Bhagavato santike pabbajjaɱ [177] al'atth'upasampadaɱ.|| ||

Acir'ūpasampanno kho pan'āyasmā Kassapo eko vūpakaṭṭho appamatto ātāpī pahit'atto viharanto,||
na cirass'eva yass'atthāya kula-puttā samma-d-eva agārasmā anagāriyaɱ pabbajanti,||
tad anuttaraɱ Brahma-cariya-pariyosānaɱ diṭṭhe'va dhamme sayaɱ abhiññā sacchi-katvā upasampajja vihāsi.|| ||

"Khīṇā jāti.|| ||

Vusitaɱ Brahma-cariyaɱ.|| ||

Kataɱ karaṇīyaɱ.|| ||

Nāparaɱ itthattāyā" ti.abbhaññāsi.|| ||

Aññataro ca kho pan'āyasmā Kassapo arahataɱ ahosīti.|| ||

Sīhanādasuttaɱ Niṭṭhitaɱ Aṭṭhamaɱ.|| ||


Contact:
E-mail
Copyright Statement