Dīgha Nikāya


[Home]  [Sutta Indexes]  [Glossology]  [Site Sub-Sections]


 

Dīgha Nikāya

Sutta 28

Sampasādaniya Suttantaɱ

Adapted from the digital version of the Sri Lanka Buddha Jayanti Tripitaka Series

 


 

[1][pts] EVAṂ ME SUTAṂ|| ||

Ekaɱ samayaɱ Bhagavā Nāḷandāyaɱ viharati PāvārikAmbavane.|| ||

Atha kho āyasmā Sāriputto yena Bhagavā ten'upasankami,||
upasankamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho āyasmā Sāriputto Bhagavantaɱ etad avoca:|| ||

"Evaɱ pasanno ahaɱ bhante Bhagavati,||
na cāhu na ca bhavissati na c'etarahi vijjati añño samaṇo vā brāhmaṇo vā Bhagavatā bhiyyo'bhiññataro yad idaɱ sambodhiyan" ti.|| ||

"Uḷārā kho te ayaɱ Sāriputta āsabhī vācā bhāsitā,||
ekaɱso gahito,||
sīha-nādo nadito:|| ||

'Evaɱ pasanno ahaɱ bhante Bhagavati,||
na cāhu na ca bhavissati na c'etarahi vijjati añño samaṇo vā brāhmaṇo vā Bhagavatā bhiyyo'bhiññataro yad idaɱ samambodhiyan' ti.|| ||

Kiɱ nu Sāriputta ye te ahesuɱ atītam addhānaɱ arahanto Sammā-Sam-Buddhā,||
sabbe te Bhagavanto cetasā ceto paricca viditā,||
evaɱ-sīlā te Bhagavanto ahesuɱ iti pi,||
evaɱ-dhammā [100] te Bhagavanto ahesuɱ iti pi,||
evaɱ-paññā te Bhagavanto ahesuɱ iti pi,||
evaɱ-vihārī te Bhagavanto ahesuɱ iti pi,||
evaɱ-vimuttā te Bhagavanto ahesuɱ iti pī" ti?

"No h'etaɱ bhante".|| ||

"Kiɱ pana Sāriputta ye te bhavissanti anāgatam addhānaɱ arahanto Sammā-Sam-Buddhā,||
sabbe te Bhagavanto cetasā ceto paricca viditā,||
evaɱ-sīlā te Bhagavanto ahesuɱ iti pi,||
evaɱ-dhammā te Bhagavanto ahesuɱ iti pi,||
evaɱ-paññā te Bhagavanto ahesuɱ iti pi,||
evaɱ-vihārī te Bhagavanto ahesuɱ iti pi,||
evaɱ-vimuttā te Bhagavanto ahesuɱ iti pī" ti?

"No h'etaɱ bhante".|| ||

"Kiɱ pana Sāriputta ahaɱ te etarahi arahaɱ Sammā-Sam-Buddho cetasā ceto paricca vidito||
evaɱ-sīlā te Bhagavanto ahesuɱ iti pi,||
evaɱ-dhammā te Bhagavanto ahesuɱ iti pi,||
evaɱ-paññā te Bhagavanto ahesuɱ iti pi,||
evaɱ-vihārī te Bhagavanto ahesuɱ iti pi,||
evaɱ-vimuttā te Bhagavanto ahesuɱ iti pī" ti?

"No h'etaɱ bhante".|| ||

"Ettha carahi te Sāriputta atīt-ā-nāgata-pacc'uppannesu arahantesu Sammā-Sam-Buddhesu ceto-pariya-ñāṇaɱ n'atthi.|| ||

Atha kiñ carahi te ayaɱ Sāriputta uḷārā āsabhī vācā bhāsitā,||
ekaɱso gahito,||
sīha-nādo nadito:|| ||

'Evaɱ pasanno ahaɱ bhante Bhagavati,||
na cāhu na ca bhavissati na c'etarahi vijjati añño samaṇo vā brāhmaṇo vā Bhagavatā bhiyyo'bhiññataro yad idaɱ samambodhiyan' ti.?

2. "Na kho me bhante atīt-ā-nāgata-pacc'uppannesu aharantesu Sammā-Sam-Buddhesu ceto-pariya-ñāṇaɱ atthi.|| ||

Api ca me bhante dhammanvayo vidito.|| ||

Seyyathā pi [101] bhante rañño paccantimaɱ nagaraɱ daḷahuddāpaɱ daḷhapākāra-toraṇaɱ eka-dvāraɱ,||
tatr'assa dovāriko paṇḍito viyatto medhāvī aññātānaɱ nivāretā,||
ñātānaɱ pavesetā.|| ||

So tassa nagarassa samantā anupariyāya pathaɱ anukkamaante na passeyya pākāra-sadhiɱ vā pākāra-vivaraɱ vā antamaso bilāla-nissakkana-mattam pi.|| ||

Tassa evam assa, — ||
ye kho keci oḷārikā pāṇā imaɱ nagaraɱ pavisanti vā ni-k-khamanti vā,||
sabbe te iminā va dvārena pavisanti vā ni-k-khamanti vā' ti.|| ||

Evam eva kho me bhante dhammanvayo vidito.|| ||

Ye te ahesuɱ atītam addhānaɱ aharanto Sammā sambuddhā,||
sabbe te Bhagavanto pañca nīvaraṇe pahāya,||
cetaso upakkilese paññāya dubbalī-karaṇe,||
catusu sati-paṭṭhānesu suppati-ṭ-ṭhita-cittā,||
satta bojjhaŋge yathā-bhūtaɱ bhāvetvā,||
anuttaraɱ Sammā-sambodhiɱ abhisambujjhiɱsu.|| ||

Ye pi te bhante bhavissanti anāgatam addhānaɱ arahanto Sammā-Sam-Buddhe,||
sabbe te Bhagavanto pañca nīvaraṇe pahāya cetaso upakkilese paññāya dubbalī-karaṇe,||
catusu sati-paṭṭhānesu suppati-ṭ-ṭhita-cittā,||
satta bojjhaŋge yathā-bhūtaɱ bhāvetvā,||
anuttaraɱ Sammā-sambodhiɱ abhisambujjhi'ssanti.|| ||

Bhagavā pi bhante etarahi arahaɱ Sammā-Sam-Buddho pañca nīvaraṇe pahāya cetaso upakkilese paññāya dubbalī-karaṇe,||
catusu sati-paṭṭhanesu suppati-ṭ-ṭhita-citto,||
satta bojjhaŋge yathā-bhūtaɱ bhāvetvā,||
anuttaraɱ Sammā-sabbodhiɱ abhisambuddho.|| ||

Idāhaɱ bhante yena [102] Bhagavā ten'upasankamiɱ dhamma-savaṇāya.|| ||

Tissa me bhante Bhagavā dhammaɱ desesi uttar-uttariɱ paṇīta-paṇītaɱ kaṇha-sukka-sappaṭi-bhāgaɱ,||
yathā yathā me bhante Bhagavā dhammaɱ desesi uttar-uttariɱ paṇīta-paṇītaɱ kaṇha-sukka-sappaṭi-bhāgaɱ,||
tathā tathā'haɱ tasmiɱ dhamme abhiññā idh'ekaccaɱ dhammaɱ dhammesu niṭṭham agamaɱ,||
satthari pasīdiɱ, —||
'Sammā-Sam-Buddho Bhagavā,||
svākkhāto Bhagava dhammo,||
su-paṭi-panno sāɱgho' ti.|| ||

3. Aparaɱ pana bhante etad ānuttariyaɱ,||
yathā Bhagavā dhammaɱ deseti kusalesu dhammesu.|| ||

Tatr'ime kusalā dhammā,||
seyyath'īdaɱ:|| ||

cattāro sati-paṭṭhānā,||
cattāro samma-p-padhānā,||
cattāro iddhi-pādā,||
pañc'indriyāni,||
pañca balāni,||
satta bojjhaŋgā,||
Ariyo Aṭṭhaŋgiko Maggo.|| ||

Idha bhante bhikkhu āsavānaɱ khayā anāsavaɱ ceto-vimuttiɱ paññā-vimuttiɱ diṭṭhe'va dhamme sayaɱ abhiññā sacchi-katvā upasampajja viharati.|| ||

Etad ānuttariyaɱ bhante kusalesu dhammesu.|| ||

Taɱ Bhagavā asesam abhijānāti,||
taɱ Bhagavato asesam abhijānato uttariɱ abhiññeyyaɱ n'atthi,||
yad abhijānaɱ añño samaṇo vā brāhmaṇo vā Bhagavatā bhiyyo'bhiññataro assa yad idaɱ kusalesu dhammesu.|| ||

 

§

 

4. Aparaɱ pana bhante etad ānuttariyaɱ,||
yathā Bhagavā dhammā deseti āyatana-paṇṇattīsu.|| ||

Cha-y-imāni bhante ajjhattika-bāhirāni āyatanāni:|| ||

cakkhuñ ca rūpāni ca||
sotañ ca saddā ca,||
ghāṇañ ca gandhā ca||
jivhā ca rasā ca,||
kāyo ca phoṭṭhabbā ca||
mano ca dhammā ca.|| ||

Etad ānuttariyaɱ bhante āyatana-paṇṇattīsu.|| ||

Taɱ Bhagavā asesam abhijānāti,||
taɱ Bhagavato asesam abhijānato uttariɱ abhiññeyyaɱ n'atthi,||
[103] yad abhijānaɱ añño samaṇo vā brāhmaṇo vā Bhagavatā bhiyyo'bhiññataro assa yad idaɱ āyatana-paṇṇattīsu.|| ||

 

§

 

5. Aparaɱ pana bhante etad ānuttariyaɱ,||
yathā Bhagavā dhammaɱ deseti gabbhāvakkantīsu.|| ||

Catasso imā bhante gabbhāvakkantiyo.|| ||

Idha bhante ekacco asampajāno c'eva mātu kucchiɱ okkamati,||
asampajāno mātu kucchismiɱ ṭhāti,||
asampajāno mātu kucchimhā ni-k-khamati.|| ||

Ayaɱ paṭhamā gabbhāvakkanti.|| ||

Puna ca paraɱ bhante idh'ekacco sampajāne mātu kucchiɱ okkamati,||
asampajāno mātu kucchismiɱ ṭhāti,||
asampajāno mātu kucchīmhā ni-k-khamati.|| ||

Ayaɱ dutiyā gabbhāvakkanti.|| ||

Puna ca paraɱ bhante idh'ekacco sampajāno mātu kucchiɱ okkamati,||
sampajāno mātu kucchismiɱ ṭhāti,||
asampajāno mātu kucchimbhā ni-k-khamati.|| ||

Ayaɱ tatiyā gabbhāvakkanti.|| ||

Puna ca paraɱ bhante idh'ekacco sampajāno c'eva mātu kucchiɱ okkamati,||
sampajāno mātu kucchismiɱ ṭhāti,||
sampajāno mātu kucchimhā ni-k-khamati.|| ||

Ayaɱ catutthā gabbhāvakkanti.|| ||

Etad ānuttariyaɱ bhante gabbhāvakkantīsu.|| ||

Taɱ Bhagavā asesam abhijānāti,||
taɱ Bhagavato asesam abhijānato uttariɱ abhiññeyyaɱ n'atthi,||
yad abhijānaɱ añño samaṇo vā brāhmaṇo vā Bhagavatā bhiyyo'bhiññataro assa yad idaɱ gabbhāvakkantīsu.

 

§

 

6. Aparaɱ pana bhante etad ānuttariyaɱ,||
yathā Bhagavā dhammaɱ deseti ādesana-vidhāsu.|| ||

Catasso imā bhante ādesana-vidhā.|| ||

Idha bhante ekacco nimittena ādisati —||
'evam pi te mano,||
ittham pi te mano,||
iti pi te cittan' ti.|| ||

So bahuɱ ce pi ādisati —||
tath'eva taɱ hoti,||
no aññathā.|| ||

Ayaɱ paṭhamā ādesana-vidhā.|| ||

Puna ca paraɱ bhante idh'ekacco||
na h'eva kho nimittena ādisati,||
api ca kho manussānaɱ vā||
amanussānaɱ vā||
devatānaɱ vā saddaɱ sutvā ādisati —||
'evam pi te mano,||
ittham pi te mano,||
iti pi te cittan' ti.|| ||

So bahuɱ ce pi ādisati —||
tath'eva taɱ hoti,||
no aññathā.|| ||

Ayaɱ dutiyā ādasanavidhā.|| ||

Puna ca paraɱ bhante idh'ekacco||
na h'eva kho nimittena ādisati,||
nā pi manussānaɱ vā||
amanussānaɱ vā||
devatānaɱ vā saddaɱ sutvā ādisati,||
[104] api ca kho vitakkayato vicārayato vitakka-vipphāra-saddaɱ sutvā ādisati —||
'evam pi te mano,||
ittham pi te mano,||
iti pi te cittan' ti.|| ||

So bahuɱ ce pi ādisati —||
tath'eva taɱ hoti,||
no aññathā.|| ||

Ayaɱ tatiyā ādesanavidhā.|| ||

Puna ca paraɱ bhante idh'ekacco||
na h'eva kho nimittena ādisati,||
nā pi manussānaɱ vā||
amanussānaɱ vā||
devatānaɱ vā saddaɱ sutvā ādisati,||
nā pi vitakkayato vicārayato vitakka-vipphāra-saddaɱ sutvā ādisati,||
api ca kho avitakkaɱ avicāraɱ samādhiɱ samāpannassa cetasā ceto paricca pajānāti -||
yathā imassa bhoto mano-sankhārā paṇihitā,||
tathā imassa cittassa anantarā amuɱ nāma vitakkaɱ vitakkessatī' ti.|| ||

So bahuñ ce pi ādisati,||
tath'eva taɱ hoti,||
no aññathā.|| ||

Ayaɱ catutthā ādesanavidhā.|| ||

Etad ānuttariyaɱ bhante ādesana-vidhāsu.|| ||

Taɱ Bhagavā asesam abhijānāti,||
taɱ Bhagavato asesam abhijānato uttariɱ abhiññeyyaɱ n'atthi,||
yad abhijānaɱ añño samaṇo vā brāhmaṇo vā Bhagavatā bhiyyo'bhiññataro assa yad idaɱ ādesana-vidhāsu.|| ||

 

§

 

7. Aparaɱ pana bhante etad ānuttariyaɱ yathā Bhagavā dhammaɱ deseti dassana-samāpattisu.|| ||

Catasso imā bhante dassanasamāpattiyo:|| ||

Idha bhante ekacco samaṇo vā brāhmaṇo vā,||
ātappam anvāya,||
padhānam anvāya,||
anuyogam anvāya,||
appamādam anvāya,||
sammā-manasi-kāram anvāya,||
tathā rūpaɱ ceto-samādhiɱ phusati yathā samāhite citte imam eva kāyaɱ uddhaɱ pāda-talā adho kesa-matthakā taca-pariyan pūraɱ nāna-p-pakārassa asucino pacc-a-vekkhati:|| ||

Atthī imasmiɱ kāye,||
kesā,||
lomā,||
nakhā,||
dantā,||
taco,||
maɱsaɱ,||
nahāra,||
aṭṭhi,||
aṭṭhimiñjā,||
vakkaɱ,||
hadayaɱ,||
yakanaɱ,||
kilomakaɱ,||
pihakaɱ,||
pa-p-phāsaɱ,||
antaɱ,||
antaguṇaɱ,||
udariyaɱ,||
karīsaɱ,||
pittaɱ,||
semhaɱ,||
pubbo,||
lohitaɱ,||
sedo,||
medo,||
assu,||
vasā,||
kheḷo,||
siŋghānikā,||
lasikā,||
muttan ti.|| ||

Ayaɱ paṭhamā dassana-samāpattī.|| ||

Puna [105] ca paraɱ bhante idh'ekacco samaṇo vā brāhmaṇo vā,||
ātappam anvāya,||
padhānam anvāya,||
anuyogam anvāya,||
appamādam anvāya,||
sammā-manasi-kāram anvāya,||
tathā rūpaɱ ceto-samādhiɱ phusati yathā samāhite citte imam eva kāyaɱ uddhaɱ pāda-talā adho kesa-matthakā taca-pariyan pūraɱ nāna-p-pakārassa asucino pacc-a-vekkhati:|| ||

Atthī imasmiɱ kāye,||
kesā,||
lomā,||
nakhā,||
dantā,||
taco,||
maɱsaɱ,||
nahāra,||
aṭṭhi,||
aṭṭhimiñjā,||
vakkaɱ,||
hadayaɱ,||
yakanaɱ,||
kilomakaɱ,||
pihakaɱ,||
pa-p-phāsaɱ,||
antaɱ,||
antaguṇaɱ,||
udariyaɱ,||
karīsaɱ,||
pittaɱ,||
semhaɱ,||
pubbo,||
lohitaɱ,||
sedo,||
medo,||
assu,||
vasā,||
kheḷo,||
siŋghānikā,||
lasikā,||
muttan|| ||

Atikkamma ca purisassa chavi-maɱsa-lohitaɱ aṭṭhiɱ pacc-a-vekkhati.|| ||

Ayaɱ dutiyā dassana-samāpatti.|| ||

Puna ca paraɱ bhante idh'ekacco samaṇo vā brāhmaṇo vā,||
ātappam anvāya,||
padhānam anvāya,||
anuyogam anvāya,||
appamādam anvāya,||
sammā-manasi-kāram anvāya,||
tathā rūpaɱ ceto-samādhiɱ phusati yathā samāhite citte imam eva kāyaɱ uddhaɱ pāda-talā adho kesa-matthakā taca-pariyan pūraɱ nāna-p-pakārassa asucino pacc-a-vekkhati:|| ||

Atthī imasmiɱ kāye,||
kesā,||
lomā,||
nakhā,||
dantā,||
taco,||
maɱsaɱ,||
nahāra,||
aṭṭhi,||
aṭṭhimiñjā,||
vakkaɱ,||
hadayaɱ,||
yakanaɱ,||
kilomakaɱ,||
pihakaɱ,||
pa-p-phāsaɱ,||
antaɱ,||
antaguṇaɱ,||
udariyaɱ,||
karīsaɱ,||
pittaɱ,||
semhaɱ,||
pubbo,||
lohitaɱ,||
sedo,||
medo,||
assu,||
vasā,||
kheḷo,||
siŋghānikā,||
lasikā,||
muttan,||
ati-k-kamma ca purisassa chavi-maɱsa-lohitaɱ aṭṭhiɱ pacc-a-vekkhati,||
purisassa ca viññāṇa-sotaɱ pajānāti ubhayato labbocchinnaɱ idha-loke patiṭṭhitaɱ ca para-loke patiṭṭhitaɱ ca.|| ||

Ayaɱ tatiyā dassanasamāpatti.|| ||

Puna ca paraɱ bhante idh'ekacco samaṇo vā brāhmaṇo vā,||
ātappam anvāya,||
padhānam anvāya,||
anuyogam anvāya,||
appamādam anvāya,||
sammā-manasi-kāram anvāya,||
tathā rūpaɱ ceto-samādhiɱ phusati yathā samāhite citte imam eva kāyaɱ uddhaɱ pāda-talā adho kesa-matthakā taca-pariyan pūraɱ nāna-p-pakārassa asucino pacc-a-vekkhati:|| ||

Atthī imasmiɱ kāye,||
kesā,||
lomā,||
nakhā,||
dantā,||
taco,||
maɱsaɱ,||
nahāra,||
aṭṭhi,||
aṭṭhimiñjā,||
vakkaɱ,||
hadayaɱ,||
yakanaɱ,||
kilomakaɱ,||
pihakaɱ,||
pa-p-phāsaɱ,||
antaɱ,||
antaguṇaɱ,||
udariyaɱ,||
karīsaɱ,||
pittaɱ,||
semhaɱ,||
pubbo,||
lohitaɱ,||
sedo,||
medo,||
assu,||
vasā,||
kheḷo,||
siŋghānikā,||
lasikā,||
muttan,||
ati-k-kamma ca purisassa chavi-maɱsa-lohitaɱ aṭṭhiɱ pacc-a-vekkhati,||
purisassa ca viññāṇa-sotaɱ pajānāti ubhayato abbocchinnaɱ idha-loke apatiṭṭhitaɱ ca para-loke apatiṭṭhitaɱ ca.|| ||

Ayaɱ catutthā dassana-samāpatti.|| ||

Etad ānuttariyaɱ bhante dassana-samāpattisu.|| ||

Taɱ Bhagavā asesam abhijānāti,||
taɱ Bhagavato asesam abhijānato uttariɱ abhiññeyyaɱ n'atthi,||
yad abhijānaɱ añño samaṇo vā brāhmaṇo vā Bhagavatā bhiyyo'bhiññataro assa yad idaɱ dassana-samāpattisu.|| ||

 

§

 

8. Aparaɱ pana bhante etad ānuttariyaɱ,||
yathā Bhagavā dhammaɱ deseti puggala-paṇṇattīsu.|| ||

Satt'ime bhante puggalā:|| ||

Ubhato-bhāga-vimutto,||
paññā-vimutto,||
kāya-sakkhi,||
diṭṭhi-ppatto,||
saddhā-vimutto,||
dhamm'ānusārī,||
saddh'ānusārī.|| ||

Etad ānuttariyaɱ bhante puggala-paññattīsu.|| ||

Taɱ Bhagavā asesam abhijānāti,||
taɱ Bhagavato asesam abhijānato uttariɱ abhiññeyyaɱ n'atthi,||
yad abhijānaɱ añño samaṇo vā brāhmaṇo vā Bhagavatā bhiyyo'bhiññataro assa yad idaɱ puggala-paññattīsu.|| ||

 

§

 

9. Aparaɱ pana bhante etad ānuttariyaɱ yathā Bhagavā [106] dhammaɱ deseti padhānesu.|| ||

Satt'ime bhante bojjhaŋgā:|| ||

Sati-sambojjhaŋgo,||
dhamma-vicaya-sambojjhaŋgo,||
viriya-sambojjhaŋgo,||
pīti-sambojjhaŋgo,||
passaddhi-sambojjhaŋgo,||
samādhi-sambojjhaŋgo,||
upekkhā-sambojjhaŋgo.|| ||

Etad ānuttariyaɱ bhante padhānesu.|| ||

Taɱ Bhagavā asesam abhijānāti,||
taɱ Bhagavato asesam abhijānato uttariɱ abhiññeyyaɱ n'atthi,||
yad abhijānaɱ añño samaṇo vā brāhmaṇo vā Bhagavatā bhiyyo'bhiññataro assa yad idaɱ padhānesu.|| ||

 

§

 

10. Aparaɱ pana bhante etad ānuttariyaɱ yathā Bhagavā dhammaɱ deseti paṭipadāsu.|| ||

Catasso imā bhante paṭipadā:|| ||

Dukkhā paṭipadā dandhābhiññā,||
dukkhā paṭipadā khippābhiññā,||
sukhā paṭipadā dandhābhiññā,||
sukhā paṭipadā khippābhiññā.|| ||

Tatra bhante yā'yaɱ paṭipadā dukkhā dandhābhiññā,||
ayaɱ bhante paṭipadā ubhayen'eva hīnā akkhāyati dukkhattā ca dandhattā ca.|| ||

Tatra bhante yā'yaɱ paṭipadā dukkhā khippābhiññā,||
ayaɱ pana bhante paṭipadā dukkhattā hīnā akkhāyati.|| ||

Tatra bhante yā'yaɱ paṭipadā sukhā dandhābhiññā,||
ayaɱ bhante paṭipadā dandhattā hīnā akkhāyati.|| ||

Tatra bhante yā'yaɱ paṭipadā sukhā khippābhiññā,||
ayaɱ pana bhante paṭipadā ubhayen'eva paṇītā akkhāyati sukhattā ca khīppattā ca.|| ||

Etad ānuttariyaɱ bhante paṭipadāsu.|| ||

Taɱ Bhagavā asesam abhijānāti,||
taɱ Bhagavato asesam abhijānato uttariɱ abhiññeyyaɱ n'atthi,||
yad abhijānaɱ añño samaṇo vā brāhmaṇo vā Bhagavatā bhiyyo'bhiññataro assa yad idaɱ paṭipadāsu.|| ||

 

§

 

11. Aparaɱ pana bhante etad ānuttariyaɱ yathā Bhagavā dhammaɱ deseti bhassa-samā-cāre.|| ||

Idha bhante ekacco na c'eva musā-vādūpasaɱhitaɱ vācaɱ bhāsati,||
na ca vebhūtiyaɱ,||
na ca pesuṇiyaɱ,||
na ca sārambhajaɱ jayāpekkho,||
mantā mantā vācaɱ bhāsati nidhāna-vatiɱ kālena.|| ||

Etad ānuntariyaɱ bhante bhassa-samā-cāre.|| ||

Taɱ Bhagavā asesam abhijānāti,||
taɱ Bhagavato asesam abhijānato uttariɱ abhiññeyyaɱ n'atthi,||
yad abhijānaɱ añño samaṇo vā brāhmaṇo vā Bhagavatā bhiyyo'bhiññataro assa yad idaɱ bhassa-samā-cāre.|| ||

 

§

 

12. Aparaɱ pana bhante etad ānuttariyaɱ,||
yathā Bhagavā dhammaɱ deseti purisa-sīla-samā-cāre.|| ||

Idha bhante ekacco c'assa saddho ca||
na ca kuhako,||
na ca lapako,||
na ca nemittiko,||
na ca nippesiko,||
na ca [107] lābhena lābhaɱ nijiɱsitā,||
indriyesu gutta-dvāro,||
bhojane mattaññu,||
sama-kārī,||
jāgariyānuyogam anuyutto,||
atandito āraddha-viriyo,||
ñāyī,||
satimā,||
kalyāṇa-paṭibhāno,||
gatimā,||
dhitimā,||
mutimā,||
na ca kāmesu giddho,||
sato ca nipako ca.|| ||

Etad ānuttariyaɱ bhante purisa-sīla-samā-cāre.|| ||

Taɱ Bhagavā asesam abhijānāti,||
taɱ Bhagavato asesam abhijānato uttariɱ abhiññeyyaɱ n'atthi,||
yad abhijānaɱ añño samaṇo vā brāhmaṇo vā Bhagavatā bhiyyo'bhiññataro assa yad idaɱ purisa-sīla-samā-cāre.|| ||

 

§

 

13. Aparaɱ pana bhante etad ānuttariyaɱ yathā Bhagavā dhammaɱ deseti anusāsana-vidhāsu.|| ||

Catasso imā bhante anusāsana-vidhā.|| ||

Jānāti bhante Bhagavā para-puggalaɱ paccattaɱ yoniso mana-sikārā, —|| ||

'Ayaɱ puggalo yathānusiṭṭhaɱ tathā paṭipajjamāno,||
tiṇṇaɱ saɱojanānaɱ parikkhayā sotāpanto bhavissati avinipāta-dhammo niyato sambodhi-parāyaṇo' ti.|| ||

Jānāti bhante Bhagavā para-puggalaɱ paccattaɱ yoniso-mana-sikārā, —|| ||

'Ayaɱ puggalo yathānusiṭṭhaɱ tathā paṭipajjamāno,||
tiṇṇaɱ saɱojanānaɱ parikkhayā rāga-dosa-mohānaɱ tanuttā sakad-āgāmī bhavissati,||
sakid eva imaɱ lokaɱ [āgantvā dukkhass'antaɱ karissatī' ti.|| ||

Jānāti bhante][ed1] Bhagavā para-puggalaɱ paccattaɱ yoniso mana-sikārā, —|| ||

'Ayaɱ puggalo yathānusiṭṭhaɱ tathā paṭipajjamāno,||
pañcannaɱ ora-m-bhāgiyānaɱ saɱojanānaɱ parikkhayā opapātiko bhavissati,||
tattha parinibbāyī anāvatti-dhammā tasmā lokā' ti.|| ||

Jānāti bhante Bhagavā para-puggalaɱ paccattaɱ yoniso mana-sikārā, —|| ||

'Ayaɱ puggalo yathānusiṭṭhaɱ tathā paṭipajjamāno,||
āsavānaɱ khayā anāsavaɱ ceto-vimuttiɱ paññā-vimuttiɱ diṭṭhe'va dhamme sayaɱ abhiññā sacchi-katṭā upasampajja viharissatī' ti.|| ||

Etad ānuttariyaɱ bhante anusāsana-vidhāsu.|| ||

Taɱ Bhagavā asesam abhijānāti,||
taɱ Bhagavato asesam abhijānato uttariɱ abhiññeyyaɱ n'atthi,||
yad abhijānaɱ añño samaṇo vā brāhmaṇo vā Bhagavatā bhiyyo'bhiññataro assa yad idaɱ anusāsana-vidhāsu.|| ||

 

§

 

14. [108] Aparaɱ pana bhante etad ānuttariyaɱ yathā Bhagavā dhammaɱ deseti para-puggala-vimutti-ñāṇe.|| ||

Jānāti bhante Bhagavā para-puggalaɱ paccattaɱ yoniso-mana-sikārā, —|| ||

'Ayaɱ puggalo tiṇṇaɱ saɱojanānaɱ parikkhayā Sot'āpanno bhavissati avinipāta-dhammo niyato sambodhi-parāyaṇo' ti.|| ||

Jānāti bhante Bhagavā para-puggalaɱ paccattaɱ yoniso mana-sikārā, —|| ||

'Ayaɱ puggalo tiṇṇaɱ saɱojanānaɱ parikkhayā rāga-dosa-mohānaɱ tanuttā sakādāgimī bhavissati sakid eva imaɱ lokaɱ āgantvā dukkhass'antaɱ karissatī' ti.|| ||

Jānāti bhante Bhagavā para-puggalaɱ paccattaɱ yoniso mana-sikārā, —|| ||

'Ayaɱ puggalo pañcannaɱ ora-m-bhāgiyānaɱ saɱojanānaɱ parikkhayā opapātiko tattha parinibbāyī anāvatti-dhammā tasmā lokā' ti.|| ||

Jānāti bhante Bhagavā para-puggalaɱ paccattaɱ yoniso mana-sikārā, —|| ||

'Ayaɱ puggalo āsavānaɱ khayā anāsavaɱ ceto-vimuttiɱ paññā-vimuttiɱ diṭṭhe'va dhamme sayaɱ abhiññā sacchi-katvā upasampajja viharissatī' ti.|| ||

Etad ānuttariyaɱ bhante para-puggala-vimutti-ñāṇe.|| ||

Taɱ Bhagavā asesam abhijānāti,||
taɱ Bhagavato asesam abhijānato uttariɱ abhiññeyyaɱ n'atthi,||
yad abhijānaɱ añño samaṇo vā brāhmaṇo vā Bhagavatā bhiyyo'bhiññataro assa yad idaɱ para-puggala-vimutti-ñāṇe.|| ||

 

§

 

15. Aparaɱ pana bhante etad ānuttariyaɱ yathā Bhagavā dhammāɱ deseti sassata-vādesu.|| ||

Tayo me bhante sassata-vādā.|| ||

Idha bhante ekacco samaṇo vā brāhmaṇo vā||
ātappam anvāya,||
padhānam anvāya,||
anuyogam anvāya,||
appamādam anvāya,||
sammā-mana-sikāram anvāya,||
tathā-rūpaɱ ceto-samādhiɱ phusati,||
yathā samāhite citte aneka-vihitaɱ pubbe-nivāsaɱ anussarati —||
seyyath'īdaɱ:|| ||

Ekam pi jātiɱ,||
dve pi jātiyo,||
tisso pi jātiyo,||
catasso pi jātiyo,||
pañca pi jātiyo,||
dasa pi jātiyo,||
vīsam pi jātiyo,||
tiɱsam pi jātiyo,||
cattāsso pi jātiyo,||
pañcā pi jātiyo,||
dasa pi jātiyo, vīsatim pi jātiyo, tiɱsam pi jātiyo, cattārīsam pi jātiyo, jāti-satam pi,||
jāti-sahassam pi,||
jāti-sata-sahassam pi,||
anekāni pi jāti-satāni,||
anekāni pi jāti-sahassāni,||
anekāni pi jāti-sata-sahassāni,||
amutrāsiɱ evaɱ-nāmo,||
evaɱ-gotto evaɱ-vaṇṇo,||
evam-āhāro,||
evaɱ-sukha-dukkha-paṭisaŋvedī,||
[109] evam-āyu-pariyanto.|| ||

So tato cuto amutra udapādiɱ.|| ||

Tatrāpāsiɱ||
evaɱ-nāmo,||
evaɱ-gotto,||
evaɱ-vaṇṇo,||
evam-āhāro,||
evaɱ-sukha-dukkha-paṭisaŋvedī,||
evam-āyu-pariyanto.|| ||

So tato cuto idh'ūpapanno" ti.|| ||

Iti sākāraɱ sa-uddesaɱ aneka-vihitaɱ pubbe-nivāsaɱ anussarati.|| ||

So evam āha.|| ||

Atītam p'āhaɱ addhānaɱ jānāmi,||
'saɱvaṭṭi vā loko vivaṭṭi vā' ti, —||
anāgatam p'āhaɱ addhānaɱ jānāmi,||
'saɱvaṭṭissati vā loko vivaṭṭissati vā' ti.|| ||

Sassato attā ca loko ca vañjho kuṭaṭṭho esika-ṭṭhāyī-ṭṭhito te ca sattā sandhāvanti saɱsaranti cavanti upapajjanti,||
atthi tv'eva sassati-saman' ti.|| ||

Ayaɱ paṭhamo sassata-vādo.|| ||

Puna ca paraɱ bhante idh'ekacco samaṇo vā brāhmaṇo vā||
ātappam anvāya,||
padhānam anvāya,||
anuyogam anvāya,||
appamādam anvāya,||
sammā-mana-sikāram anvāya,||
tathā-rūpaɱ ceto-samādhiɱ phusati,||
yathā samāhite citte aneka-vihitaɱ pubbe-nivāsaɱ anussarati —||
seyyath'īdaɱ:|| ||

Ekam pi saɱvaṭṭa-vivaṭṭaɱ,||
dve pi saɱvaṭṭa-vivaṭṭāni,||
tiīṇi pi saɱvaṭṭa-vivaṭṭāni,||
catari pi saɱvaṭṭa-vivaṭṭāni,||
pañca pi saɱvaṭṭa-vivaṭṭāni,||
dasa pi saɱvaṭṭa-vivaṭṭāni,||
vīsam pi saɱvaṭṭa-vivaṭṭāni:||
amutrāsiɱ evaɱ-nāmo,||
evaɱ-gotto evaɱ-vaṇṇo,||
evam-āhāro,||
evaɱ-sukha-dukkha-paṭisaŋvedī,||
evam-āyu-pariyanto.|| ||

So tato cuto amutra udapādiɱ.|| ||

Tatrā pāsiɱ||
evaɱ-nāmo,||
evaɱ-gotto,||
evaɱ-vaṇṇo,||
evam-āhāro,||
evaɱ-sukha-dukkha-paṭisaŋvedī,||
evam-āyu-pariyanto.|| ||

So tato cuto idh'ūpapanno" ti.|| ||

Iti sākāraɱ sa-uddesaɱ aneka-vihitaɱ pubbe-nivāsaɱ anussarati.|| ||

So evam āha:||
atītam kho āhaɱ addhānaɱ jānāmi,||
'saɱvaṭṭi pi loko||
vivaṭṭī pi loko,||
anāgataɱ ca kho āhaɱ addhānaɱ [110] jānāmi saɱvaṭṭissati vā loko vivaṭṭissati vā ti.|| ||

Sassato attā ca loko ca vañjho kuṭaṭṭho esikaṭṭhāyīṭṭhito,||
te ca sattā sandhāvanti saɱsaranti cavanti upapajjanti,||
Atthi tv'eva sassati-saman' ti.|| ||

Ayaɱ bhante dutiyo sassata-vādo.|| ||

Puna ca paraɱ bhante idh'ekacco samaṇo vā brāhmaṇo vā||
ātappam anvāya,||
padhānam anvāya,||
anuyogam anvāya,||
appamādam anvāya,||
sammā-mana-sikāram anvāya,||
tathā-rūpaɱ ceto-samādhiɱ phusati,||
yathā samāhite citte aneka-vihitaɱ pubbe-nivāsaɱ anussarati —||
seyyath'īdaɱ:|| ||

Dasa pi saɱvaṭṭa-vivaṭṭāni,||
vīsam pi saɱvaṭṭa-vivaṭṭāni,||
tiɱsam pi saɱvaṭṭa-vivaṭṭāni,||
cattārīsam pi saɱvaṭṭa-vivaṭṭāni:||
amutrāsiɱ evaɱ-nāmo,||
evaɱ-gotto evaɱ-vaṇṇo,||
evam-āhāro,||
evaɱ-sukha-dukkha-paṭisaŋvedī,||
evam-āyu-pariyanto.|| ||

So tato cuto amutra udapādiɱ.|| ||

Tatrā pāsiɱ||
evaɱ-nāmo,||
evaɱ-gotto,||
evaɱ-vaṇṇo,||
evam-āhāro,||
evaɱ-sukha-dukkha-paṭisaŋvedī,||
evam-āyu-pariyanto.|| ||

So tato cuto idh'ūpapanno" ti.|| ||

Iti sākāraɱ sa-uddesaɱ aneka-vihitaɱ pubbe-nivāsaɱ anussarati.|| ||

So evam āha:||
atītam kho āhaɱ addhānaɱ jānāmi,||
'saɱvaṭṭi pi loko||
vivaṭṭī pi loko,||
anāgataɱ ca kho āhaɱ addhānaɱ jānāmi saɱvaṭṭissati vā loko vivaṭṭissati vā ti.|| ||

Sassato attā ca loko ca vañjho kuṭaṭṭho esikaṭṭhāyīṭṭhito,||
te ca sattā sandhāvanti saɱsaranti cavanti upapajjanti,||
Atthi tv'eva sassati-saman' ti.|| ||

Ayaɱ bhante tatiyo sassatavādo|| ||

Etad ānuttariyaɱ bhante sassata-vādesu.|| ||

Taɱ Bhagavā asesam abhijānāti,||
taɱ Bhagavato asesam abhijānato uttariɱ abhiññeyyaɱ n'atthi,||
yad abhijānaɱ añño samaṇo vā brāhmaṇo vā Bhagavatā bhiyyo'bhiññataro assa yad idaɱ sassata-vādesu.|| ||

 

§

 

16. Aparaɱ pana bhante etad ānuttariyaɱ,||
yathā Bhagavā dhammaɱ deseti pubbe-nivāsānussati-ñāṇe.|| ||

Idha bhante ekacco samaṇo vā brāhmaṇo vā||
ātappam anvāya,||
padhānam anvāya,||
anuyogam anvāya,||
appamādam anvāya,||
sammā-mana-sikāram anvāya,||
tathā-rūpaɱ ceto-samādhiɱ phusati,||
yathā samāhite citte aneka-vihitaɱ pubbe-nivāsaɱ anussarati —||
seyyath'īdaɱ:|| ||

Ekam pi jātiɱ,||
dve pi jātiyo,||
tisso pi jātiyo,||
catasso pi jātiyo,||
pañca pi jātiyo,||
dasa pi jātiyo,||
vīsam pi jātiyo,||
tiɱsam pi jātiyo,||
cattārīsam pi jātiyo,||
paññāsam pi jātiyo,||
jāti-satam pi,||
jāti-sahassam pi,||
jāti-sata-sahassam pi,||
aneke pi saɱvaṭṭa-kappe,||
aneke pi [111] vivaṭṭa-kappe,||
aneke pi saɱvaṭṭa-vivaṭṭa-kappe:||
amutrāsiɱ evaɱ-nāmo,||
evaɱ-gotto evaɱ-vaṇṇo,||
evam-āhāro,||
evaɱ-sukha-dukkha-paṭisaŋvedī,||
evam-āyu-pariyanto.|| ||

So tato cuto amutra udapādiɱ.|| ||

Tatrā pāsiɱ||
evaɱ-nāmo,||
evaɱ-gotto,||
evaɱ-vaṇṇo,||
evam-āhāro,||
evaɱ-sukha-dukkha-paṭisaŋvedī,||
evam-āyu-pariyanto.|| ||

So tato cuto idh'ūpapanno ti.|| ||

Iti sākāraɱ sa-uddesaɱ aneka-vihitaɱ pubbe-nivāsaɱ anussarati.|| ||

Santi bhante devā yesaɱ na sakkā gaṇanāya vā saŋkhāto vā āyuɱ saŋkhātuɱ,||
api ca yasmiɱ yasmiɱ atta-bhāve abhinivuttha-pubbaɱ hoti,||
yadi vā rūpīsu,||
yadi vā arūpīsu,||
yadi vā saññīsu,||
yadi vā asaññisu,||
yadi vā n'eva-saññi-nāsaññisu.|| ||

Iti sākāraɱ sa-uddesaɱ aneka-vihitaɱ pubbe-nivāsaɱ anussarati.|| ||

Etad ānuttariyaɱ bhante pubbe-nivāsānussati-ñāṇe.|| ||

Taɱ Bhagavā asesam abhijānāti,||
taɱ Bhagavato asesam abhijānato uttariɱ abhiññeyyaɱ n'atthi,||
yad abhijānaɱ añño samaṇo vā brāhmaṇo vā Bhagavatā bhiyyo'bhiññataro assa yad idaɱ pubbe-nivāsānussati-ñāṇe.|| ||

 

§

 

17. Aparaɱ pana bhante etad ānuttariyaɱ yathā Bhagavā dhammaɱ deseti sattānaɱ cūtupapāta-ñāṇe.|| ||

Idha bhante ekacco samaṇo vā brāhmaṇo vā||
ātappam anvāya,||
padhānam anvāya,||
anuyogam anvāya,||
appamādam anvāya,||
sammā-mana-sikāram anvāya,||
tathā-rūpaɱ ceto-samādhiɱ phusati||
yathā samāhite citte dibbena cakkhunā visuddhena atikkanta-mānusa-kena satte passati cavamāne upapajjamāne,||
hīne paṇīte suvaṇṇe dubbaṇṇe sugate duggate yathā-kammūpage satte pajānāti:|| ||

'Ime vata bhonto sattā||
kāya-du-c-caritena samannāgatā,||
vacī-du-c-caritena samannāgatā,||
mano-du-c-caritena samannāgatā,||
ariyānaɱ upavādakā,||
micchā-diṭṭhikā,||
micchā-diṭṭhi-kamma-samādānā,||
te kāyassa bhedā param maraṇā apāyaɱ duggatiɱ vinipātaɱ Nirayaɱ upapannā.|| ||

Ime vā pana bhonto sattā,||
kāya-sucaritena samannāgatā,||
vacī-sucaritena samannāgatā,||
mano-sucaritena samannāgatā,||
ariyānaɱ anupavādakā,||
sammā-diṭṭhikā,||
sammā-diṭṭhi-kamma-samādānā,||
te kāyassa bhedā [112] param maraṇā sugatiɱ saggaɱ lokaɱ upapannā' ti.|| ||

Iti dibbena cakkhunā visuddhena atikkanta-mānusa-kena satte passati cavamāne upapajjamāne,||
hīne paṇīte suvaṇṇe dubbaṇṇe sugate duggate yathā-kammūpage satte pajānāti.|| ||

Etad ānuttariyaɱ bhante sattānaɱ cut'upapāta-ñāṇe.|| ||

Taɱ Bhagavā asesam abhijānāti,||
taɱ Bhagavato asesam abhijānato uttariɱ abhiññeyyaɱ n'atthi,||
yad abhijānaɱ añño samaṇo vā brāhmaṇo vā Bhagavatā bhiyyo'bhiññataro assa yad idaɱ sattānaɱ cut'upapāta-ñāṇe.|| ||

 

§

 

18. Aparaɱ pana bhante etad ānuttariyaɱ yathā Bhagavā dhammaɱ deseti iddhi-vidhāsu.|| ||

Dve'mā bhante iddhiyo.|| ||

Atthi bhante iddhi yā sāsavā sa-upadhikā no ariyā' ti vuccati.|| ||

Atthi bhante iddhi yā anāsavā anupadhikā ariyā' ti vuccati.|| ||

Katamā ca bhante iddhi yā sāsavā sa-upadhikā no ariyā' ti vuccati?|| ||

Idha bhante ekacco samaṇo vā brāhmaṇo vā||
ātappam anvāya,||
padhānam anvāya,||
anuyogam anvāya,||
appamādam anvāya,||
sammā-mana-sikāram anvāya,||
tathā-rūpaɱ ceto-samādhiɱ phusati yathā-samāhite citte aneka-vihitaɱ iddhi-vidhaɱ pacc'anubhoti:|| ||

eko pi hutvā bahudhā hoti,||
bahudhā pi hutvā eko hoti,||
āvibhāvaɱ tiro-bhavaɱ tiro-kuḍḍaɱ tiro-pākāraɱ tiro-pabbataɱ asajja-māno gacchati seyyathā pi ākāse.|| ||

Paṭhaviyā pi ummujja-nimujjaɱ karoti seyyathā pi udake,||
udake pi abhijjamāno gacchati seyyathā pi paṭhaviyaɱ,||
ākāse si pallaŋkena kamati seyyathā pi pakkhi sakuṇo.|| ||

Ime pi candima-suriye evaɱ mahiddhike evaɱ mah-ā-nubhāve pāṇinā parimasati parimajjati.|| ||

Yāva Brahma-lokā pi kāyena vasaɱ vatteti.|| ||

Ayaɱ bhante iddhi yā sāsavā sa-upadhikā no ariyā ti vuccati.|| ||

Katamā ca bhante iddhi yā anāsavā anupadhikā ariyā ti vuccati?|| ||

Idha bhante bhikkhu sace ākankhati —||
paṭikule appaṭikūla-saññi vihareyyan ti,||
appaṭikūla-saññi tattha viharati.|| ||

Sace ākankhati —||
appaṭikūle [113] paṭikūla-saññi vihareyyan ti,||
paṭikūla-saññi tattha viharati.|| ||

Sace ākankhati —||
paṭikūle ca appaṭikūle ca appaṭikūla-saññi vihareyyan ti appaṭikūla-saññi tattha viharati.|| ||

Sace ākankhati —
apaṭikūle ca paṭikūle ca paṭikūla-saññi vihareyyan ti,||
paṭikūla-saññi tattha viharati.|| ||

Sace ākankhati —||
paṭikūlañ ca appaṭikūlañ ca tad ubhayaɱ abhini-vajchetvā upekkhako vihareyyaɱ sato sampajāno' ti,||
upekkhako tattha viharati sato sampajāno.|| ||

Ayaɱ pana bhante iddhi anāsavā anupadhikā ariyā ti vuccati.|| ||

Etad ānuttariyaɱ bhante iddhividhāsu.|| ||

Taɱ Bhagavā asesamabhijānāti.|| ||

Taɱ Bhagavato asesamabhijānato uttariɱ abhiññeyyaɱ n'atthi,||
yadabhijānaɱ añño samaṇo vā brāhmaṇo vā Bhagavatā bhiyyo'bhiññataro assa yad idaɱ iddhi-vidhāsu.|| ||

19. Yan taɱ bhante saddhena kula-puttena pattabbaɱ āraddha-viriyena thāmavatā purisa-thāmena purisa-viriyena purisa-parakkamena purisa-dhorayhena,||
anuppattaɱ taɱ Bhagavatā.|| ||

Na ca bhante Bhagavā kāmesu kāma-sukhallikānuyoga-yutto hīnaɱ gammaɱ pothujjanikaɱ anariyaɱ anattha-saɱhitaɱ,||
na ca atta-kilamathānuyoga anuyutto dukkhaɱ anariyaɱ anattha-saɱhitaɱ,||
catunnaɱ Bhagavā jhānānaɱ ābhiceta-sikānaɱ diṭṭha-dhamma-sukha-vihārānaɱ nikāma-lābhī akiccha-lābhī akasira-lābhī.|| ||

 

§

 

Sace maɱ bhante evaɱ puccheyya —|| ||

'Kin nu kho āvuso Sāriputta,||
ahesuɱ atītam addhānaɱ aññe samaṇo vā brāhmaṇā vā Bhagavatā bhiyyo'bhiññatarā sambodhiyan' ti?|| ||

Evaɱ puṭṭho ahaɱ bhante 'no' ti vadeyyaɱ.|| ||

Sace pana maɱ bhante evaɱ puccheyya —|| ||

'Kiɱ pan'āvuso Sāriputta bhavissanti anāgatam addhānaɱ aññe samaṇā vā brāhmaṇā vā Bhagavatā bhiyyo'bhiññatarā sabbodhiyan' ti?|| ||

Evaɱ puṭṭho ahaɱ bhante 'no' ti [114] vadeyyaɱ.|| ||

'Kiɱ pan'āvuso Sāriputta atth'etarahi añño samaṇo vā brāhmaṇo vā Bhagavatā bhiyyo'bhiññataro sambodhiyan' ti?|| ||

Evaɱ puṭṭho ahaɱ bhante 'no' ti vadeyyaɱ.|| ||

Sace pana maɱ bhante evaɱ puccheyya —|| ||

"Kin nu kho āvuso Sāriputta ahesuɱ atītam addhānaɱ aññe samaṇo vā brāhmaṇā vā Bhagavatā samasamā sambodhiyan' ti?|| ||

Evaɱ puṭṭho ahaɱ bhante 'evan' ti vadeyyaɱ.|| ||

Sace pana maɱ bhante evaɱ puccheyya —|| ||

'Kiɱ pan'āvuso Sāriputta,||
bhavissanti anāgatam addhānaɱ aññe samaṇo vā brāhmaṇā vā Bhagavatā samasamā sambodhiyan' ti?|| ||

Evaɱ puṭṭho ahaɱ bhante 'evan' ti vadeyyaɱ.|| ||

Sace pana maɱ bhante evaɱ puccheyya —|| ||

'Kiɱ pan'āvuso Sāriputta atth'etarahi aññe samaṇo vā brāhmaṇā vā Bhagavatā samasamā sambodhiyan' ti?|| ||

Evaɱ puṭṭho ahaɱ bhante 'no' ti vadeyyaɱ.|| ||

Sace pana maɱ bhante evaɱ puccheyya —|| ||

'Kasmā pan'āyasmā Sāriputto ekaccaɱ abbhanujānāti ekaccaɱ nābbhanujānātī' ti?|| ||

Evaɱ puṭṭho ahaɱ bhante evaɱ vyākareyyaɱ —|| ||

'Sammukhā me taɱ āvuso Bhagavato sutaɱ,||
sammukhā paṭiggahitaɱ.'|| ||

Ahesuɱ atītam addhānaɱ arahanto Sammā-Sam-Buddhā mayā samasamā sambodhiyan ti.|| ||

Sammukhā me taɱ āvuso Bhagavato sutaɱ,||
sammukhā paṭiggahitaɱ:||
bhavissanti anāgatam addhānaɱ arahanto Sammā-Sam-Buddhā mayā samasamā sambodhiyan ti.|| ||

Sammukhā me taɱ āvuso Bhagavato sutaɱ sammukhā paṭiggahitaɱ:

"Aṭṭhānam etaɱ anavakāso yaɱ ekissā loka-dhātuyā dve arahanto Sammā-Sam-Buddhā apubbaɱ acarimaɱ uppajeyyuɱ||
n'etaɱ ṭhānaɱ vijjatī" ti.|| ||

Kacc'āhaɱ bhante [115] evaɱ puṭṭho evaɱ vyākaramāno vutta-vādī c'eva Bhagavato homi.|| ||

Na ca Bhagavantaɱ abhutena abbh'ācikkhāmi,||
dhammassa c'ānudhammaɱ vyākaromi,||
na ca koci saha-dhammiko||
vād'ānuvādo gārayhaɱ ṭhānaɱ āga-c-chatī" ti?

17. "Taggha tvaɱ Sāriputta evaɱ puṭṭho evaɱ vyākaramāno vutta-vādi c'eva mama hosi,||
na ca maɱ abhutena abbh'ācikkhasi,||
dhammassa c'ānudhammaɱ vyākarosi,||
na ca koci saha-dhammiko vād'ānuvādo gārayhaɱ ṭhānaɱ āga-c-chati" ti.|| ||

 

§

 

21. Evaɱ vutte āyasmā Udāyī Bhagavantaɱ etad avoca:|| ||

"Acchariyaɱ bhante||
abbhūtaɱ bhante||
Tathāgatassa apapicchatā santuṭṭhitā sallekhatā,||
yatra hī nāma Tathāgato evaɱ mahiddhiko evaɱ mah-ā-nubhāvo,||
atha ca pana na attānaɱ pātu-karissati.|| ||

Ekam ekaɱ ce pi ito bhante dhammaɱ añña-titthiyā paribbājakā attani samanupasseyyuɱ,||
te tāvataken'eva paṭākaɱ parihareyyuɱ.|| ||

Acchariyaɱ bhante||
abbhūtaɱ bhante||
Tathāgatassa appicchatā santuṭṭhitā sallekhatā,||
yatra hi nāma Tathāgato evaɱ mahiddhiko evaɱ mahānubhavo,||
atha ca pana na attānaɱ pātu-karissatī" ti.|| ||

"Passa kho tvaɱ Udāyi:|| ||

Tathāgatassa appicchatā santuṭṭhitā sallekhatā,||
yatra hi nāma Tathāgato evaɱ mahiddhiko evaɱ mah-ā-nubhāvo,||
atha ca pana na attānaɱ pātu-karissatī ti.|| ||

Ekam ekaɱ ce pi ito Udāyi dhammaɱ añña-titthiyā paribbājakā attani samanupasseyyuɱ,||
te tāvataken'eva paṭākaɱ parihareyyuɱ.|| ||

Passa kho tvaɱ udāyi:|| ||

Tathāgatassa apapicchatā santuṭṭhitā sallekhatā,||
yatra hi nāma Tathāgato evaɱ mahiddhiko evaɱ mah-ā-nubhāvo,||
atha ca pana na attānaɱ pātu-karissatī" ti.|| ||

[116] 22.Atha kho Bhagavā āyasmantaɱ Sāriputtaɱ āmantesi:|| ||

"Tasmā-t-iha tvaɱ Sāriputta imaɱ dhamma-pariyāyaɱ abhikkhaṇaɱ bhāseyyāsi bhikkhunaɱ bhikkhunīnaɱ upāsakānaɱ upāsikānaɱ.|| ||

Yesam pi hi Sāriputta mogha-purisānaɱ bhavissati Tathāgate kaŋkhā vā vimati vā tesam imaɱ dhamma-pariyāyaɱ sutvā yā Tathāgate kaŋkhā vā vimati vā sā pahiyyissatī" ti.|| ||

Iti h'idaɱ āyasmā Sāriputto Bhagavato sammukhā sampasādaɱ pavedesi.|| ||

Tasmā imassa veyyā-karaṇassa Sampasādaniyan t'eva adhivacanan ti.|| ||

Sampasādaniya Suttaɱ
pañcamaɱ|| ||

 


[ed1] Missing in PTS.


Contact:
E-mail
Copyright Statement