Majjhima Nikaya


[Home]  [Sutta Indexes]  [Glossology]  [Site Sub-Sections]


 

Majjhima Nikāya
III. Upari Paṇṇāsa
2. Anupada Vagga

Sutta 114

Sevitabba-Asevitabba Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][chlm][pts][upal] Evaɱ me sutaɱ:|| ||

Ekaɱ samayaɱ Bhagavā Sāvatthīyaɱ viharati Jetavane anāthapiṇkassa ārāme.|| ||

Tatra kho Bhagavā bhikkhu āmantesi Bhikkhavo ti: bhadanteti te bhikkhu Bhagavato paccassosuɱ,||
Bhagavā etad avoca:|| ||

Sevitabbāsevitabbaɱ vo bhikkhave,||
dhamma-pariyā'yaɱ desissāmi.|| ||

Taɱ sunātha sādhukaɱ manasi karotha.|| ||

Bhāsissāmīti.|| ||

"Evaɱ bhante" ti kho te bhikkhū Bhagavato paccassosuɱ,||
Bhagavā etad avoca:|| ||

Kāyasamā-cāraɱ p'ahaɱ1 bhikkhave du-vidhena vadāmi: sevitabbam pi asevitabbam pi.|| ||

Tañ ca añña-maññaɱ kāya-samā-cāraɱ.|| ||

Vacī-samā-cāraɱ p'ahaɱ bhikkhave,||
du-vidhena vadāmi: sevitabbam pi asevitabbam pi.|| ||

Tañ ca añña-maññaɱ vacī-samā-cāraɱ.|| ||

Manosamā-cāraɱ p'ahaɱ bhikkhave,||
du-vidhena vadāmi:sevitabbam pi asevitabbam pi.|| ||

Tañ ca añña-maññaɱ manosamā-cāraɱ.|| ||

Cittuppādaɱ p'ahaɱ bhikkhave,||
du-vidhena vadāmi: sevitabbam pi asevitabbam pi.|| ||

Tañ ca [46] añña-maññaɱ cittuppādaɱ.|| ||

Saññāpaṭilābhaɱ p'ahaɱ bhikkhave,||
du-vidhena vadāmi: sevitabbam pi asevitabbam pi.|| ||

Tañ ca añña-maññaɱ saññāpaṭilābhaɱ.|| ||

Diṭṭhipaṭilābhaɱ p'ahaɱ bhikkhave du-vidhena vadāmi: sevitabbam pi asevitabbam pi.|| ||

Tañ ca añña-maññaɱ diṭṭhipaṭilābhaɱ.|| ||

Attabhāvapaṭilābhaɱ p'ahaɱ bhikkhave,||
du-vidhena vadāmi: sevitabbam pi asevitabbam pi.|| ||

Tañ ca añña-maññaɱ atta-bhāva-paṭilābhan' ti.|| ||

Evaɱ vutte āyasmā Sāriputto Bhagavantaɱ etad avoca: imassa kho ahaɱ bhante Bhagavatā saŋkhittena bhāsitassa vitthārena atthaɱ avibhattassa evaɱ vitthārena atthaɱ ājānāmi.

''Kāyasamā-cāraɱ p'ahaɱ bhikkhave,||
du-vidhena vadāmi: sevitabbam pi asevitabbam pi.|| ||

Tañ ca añña-maññaɱ kāya-samā-cāra'n' ti.|| ||

Iti kho pan'etaɱ vuttaɱ Bhagavatā.|| ||

Kiñ c'etaɱ paṭicca vuttaɱ: yathā-rūpaɱ bhante,||
kāya-samā-cāraɱ sevato akusalā dhammā abhivaḍḍhanti kusalā dhammā parihāyanti.|| ||

Eva-rūpo kāya-samā-cāro na sevitabbo.|| ||

Yathā-rūpañ ca kho bhante,||
kāya-samā-cāraɱ sevato akusalā dhammā parihāyanti kusalā dhammā abhivaḍḍhanti.|| ||

Eva-rūpo kāya-samā-cāro sevitabbo.|| ||

Kathaɱ-rūpaɱ bhante,||
kāya-samā-cāraɱ sevato akusalā dhammā abhivaḍḍhanti.|| ||

Kusalā dhammā parihāyanti.|| ||

Idha bhante,||
ekacco pāṇāti-pātī hoti,||
luddo lohitapāṇī hatapahate niviṭṭho adayā-panno pāṇa-bhutesu.|| ||

Adinn'ādāyī kho pana hoti,||
yaɱ taɱ parassa paravittupakaraṇaɱ gāmagataɱ vā arañña-gataɱ vā taɱ adinnaɱ theyya-saŋkhātaɱ ādātā hoti.|| ||

Kāmesu micchā-cārī kho pana hoti,||
yā tā māturakkhitā piturakkhitā mātā-piturakkhitā bhāturakkhitā bhaginī rakkhitā ñātirakkhitā gottarakkhitā dhammarakkhitā sassāmikā saparidaṇḍā antamaso mālāgu'aparikkhittāpi.|| ||

Tathārūpāsu cārittaɱ āpajjitā hoti.|| ||

Eva-rūpaɱ bhante [47] kāya-samā-cāraɱ sevato akusalā dhammā abhivaḍḍhanti.|| ||

Kusalā dhammā parihāyanti.|| ||

Kathaɱ-rūpaɱ bhante,||
kāya-samā-cāraɱ sevato akusalā dhammā parihāyanti.|| ||

Kusalā dhammā abhivaḍḍhanti: idha bhante ekacco pāṇāti-pātaɱ pahāya pāṇāti-pātā paṭivirato hoti.|| ||

Nihitadaṇḍo nihita-sattho lajji dayā-panno sabba-pāṇa-bhūta-hitānukampī viharati.|| ||

Adinn'ādānaɱ pahāya adinn'ādānā paṭivirato hoti,||
yaɱ taɱ parassa paravittupakaraṇaɱ gāmagataɱ vā arañña-gataɱ vā,||
taɱ adinnaɱ theyya-saŋkhātaɱ na ādātā hoti kāmesu micchā-cāraɱ pahāya kāmesu micchā-cārā paṭivirato hoti,||
yā tā māturakkhitā piturakkhitā mātā-pitu rakkhitā bhāturakkhitā bhaginīrakkhitā ñātirakkhitā gottarakkhitā dhammarakkhitā sassāmikā saparidaṇḍā antamaso mālāgu'aparikkhittāpi.|| ||

Tathārūpāsu cārittaɱ na āpajjitā hoti.|| ||

Eva-rūpaɱ bhante kāya-samā-cāraɱ sevato akusalā dhammā parihāyanti.|| ||

Kusalā dhammā abhivaḍḍhanti.|| ||

''Kāyasamā-cāraɱ p'ahaɱ bhikkhave,||
du-vidhena vadāmi: sevitabbam pi asevitabbam pi.|| ||

Tañ ca añña-maññaɱ kāya-samā-cāra''nti iti yaɱ taɱ vuttaɱ Bhagavatā.|| ||

Idam etaɱ paṭicca vuttaɱ.|| ||

''Vacī-samā-cāraɱ p'ahaɱ bhikkhave,||
du-vidhena vadāmi: sevitabbam pi asevitabbam pi.|| ||

Tañ ca añña-maññaɱ vacī-samā-cāra''nti iti kho pan'etaɱ vuttaɱ Bhagavatā.|| ||

Kiñ c'etaɱ paṭicca vuttaɱ: yathā-rūpaɱ bhante,||
vacī-samā-cāraɱ sevato akusalā dhammā abhivaḍḍhanti,||
kusalā dhammā parihāyanti.|| ||

Eva-rūpo vacī-samā-cāro na sevitabbo.|| ||

Yathā-rūpañ ca kho bhante vacī-samā-cāraɱ sevato akusalā dhammā parihāyanti.|| ||

Kusalā dhammā abhivaḍḍhanti.|| ||

Eva-rūpo vacī-samā-cāro sevitabbo.|| ||

Kathaɱ-rūpaɱ bhante,||
vacī-samā-cāraɱ sevato akusalā dhammā abhivaḍḍhanti.|| ||

Kusalā dhammā parihāyanti.|| ||

Idha bhante ekacco musā-vādī hoti.|| ||

Sahaggato1 vā parisaggato2 [48] vā ñātimajjhagato vā pūgamajjhagato vā rājakulamajjhagato vā abhinīto sakkhipuṭṭho 'ehambho purisa,||
yaɱ jānāsi taɱ vadehī' ti.|| ||

So ajānaɱ vā āha 'jānāmī'ti,||
jānaɱ vā āha 'na jānāmī'ti,||
apassaɱ vā āha 'passāmīti,||
passaɱ vā āha 'na passāmī' ti.|| ||

Iti attahetu vā parahetu vā āmisa-kiñcikkha-hetu vā sampajānamusā bhāsitā hoti.|| ||

Pisunā-vāco kho pana hoti ito sutvā amutra akkhātā imesaɱ bhedāya,||
amutra vā sutvā imesaɱ akkhātā amūsaɱ bhedāya,||
iti samaggānaɱ vā bhettā4,||
bhinnānaɱ vā anuppadātā,||
vaggārāmo vaggarato vagganadī vaggakaraṇiɱ vācaɱ bhāsitā hoti.|| ||

Pharusa-vāco kho pana hoti,||
yā sā vācā aṇḍakā6 kakkasā pharusā parakaṭukā parābhisajjanī kodhasāmantā asamādhi-saŋvatta-nikā,||
tathā-rūpiɱ vācaɱ bhāsitā hoti.|| ||

Samphappalāpī kho pana hoti akāla-vādī abhūta-vādī anattha-vādī adhamma-vādī avinaya-vādī anidhānavatiɱ vācaɱ bhāsitā hoti akālena anapadesaɱ apariyanta-vatiɱ anattha-saɱhitaɱ.|| ||

Eva-rūpaɱ bhante,||
vacī-samā-cāraɱ sevato akusalā dhammā abhivaḍḍhanti,||
kusalā dhammā parihāyanti.|| ||

Kathaɱ-rūpa bhante,||
vacī-samācaraɱ sevato akusalā dhammā parihāyanti,||
kusalā dhammā abhivaḍḍhanti: idha bhante,||
ekacco musā-vādaɱ pahāya musā-vādā paṭivirato hoti.|| ||

Sahaggato vā parisaggato vā ñātimajjhagato vā pūgamajjhagato vā rājakulamajjhagato vā abhinīto sakkhipuṭṭho 'ehambho purisa,||
yaɱ jānāsi taɱ 'vadehī'ti,||
so ajānaɱ vā āha 'na jānāmī'ti,||
apassaɱ vā āha [49] na passāmī'ti iti attahetu vā parahetu vā āmisa-kiñcikkha-hetu vā na sampajānamusā bhāsitā hoti.|| ||

Pisunaɱ vācaɱ pahāya pisunāya vācāya paṭivirato hoti ito sutvā na amutra akkhātā imesaɱ bhedāya amutra vā sutvā na imesaɱ akkhātā amūsaɱ bhedāya,||
iti bhinnānaɱ vā sandhātā sahitānaɱ vā anuppadātā,||
samagg'ārāmo samagga-rato samagganadī samagga-karaṇiɱ vācaɱ bhāsitā hoti.|| ||

Pharusaɱ vācaɱ pahāya pharusāya vācāya paṭivirato hoti.|| ||

Yā sā vācā neḷā kaṇṇa-sukhā pemaṇīyā hadayaŋ-gamā porī bahu-jana-kantā bahu-jana-manāpā,||
tathā-rūpiɱ vācaɱ bhāsitā hoti.|| ||

Sampha-p-palāpaɱ pahāya samphappalāpā paṭivirato hoti.|| ||

Kālavādī bhūta-vādī attha-vādī dhamma-vādī vinaya-vādī nidhānavatiɱ vācaɱ bhāsitā hoti kālena sāpadesaɱ pariyanta-vatiɱ attha-saɱhitaɱ eva-rūpaɱ bhante,||
vacī-samā-cāraɱ sevato akusalā dhammā parihāyanti,||
kusalā dhammā abhivaḍḍhanti.|| ||

Vacī-samā-cāraɱ p'ahaɱ bhikkhave,||
du-vidhena vadāmi: sevitabbam pi asevitabbam pi.|| ||

Tañ ca añña-maññaɱ vacī-samā-cāra''nti iti yaɱ taɱ vuttaɱ Bhagavatā,||
idam etaɱ paṭicca vuttaɱ.|| ||

Manosamā-cāraɱ p'ahaɱ bhikkhave,||
du-vidhena vadāmi: sevitabbam pi asevitabbam pi.|| ||

Taɱ ca añña-maññaɱ manosamā-cāranti iti kho pan'etaɱ vuttaɱ Bhagavatā.|| ||

Kiñ c'etaɱ paṭicca vuttaɱ: yathā-rūpaɱ bhante,||
manosamā-cāraɱ sevato akusalā dhammā abhivaḍḍhanti,||
kusalā dhammā parihāyanti,||
eva-rūpo manosamācaro na sevitabbo.|| ||

Yathā-rūpañ ca kho bhante,||
manosamā-cāraɱ sevato akusalā dhammā parihāyanti kusalā dhammā abhivaḍḍhanti,||
eva-rūpo manosamācaro sevitabbo.|| ||

Kathaɱ-rūpaɱ bhante,||
manosamācaraɱ sevato akusalā dhammā abhivaḍḍhanti,||
kusalā dhammā parihāyanti: idha bhante ekacco abhijjhālu hoti,||
yaɱ taɱ parassa paravittupakaraṇaɱ,||
taɱ abhijjhātā1 hoti: 'aho vata yaɱ parassa,||
taɱ mama assā' ti.|| ||

Vyāpannavitto kho pana hoti paduṭṭhamanasaɱkappo: [50] ime sattā haññantu vā vajjhantu vā ucchijjantu vā,||
vinassantu vā,||
mā vā ahesunti.|| ||

Eva-rūpaɱ bhante,||
manosamā-cāraɱ sevato akusalā dhammā abhivaḍḍhanti,||
kusalā dhammā parihāyanti.|| ||

Kathaɱ-rūpaɱ bhante,||
manosamā-cāraɱ sevato akusalā dhammā parihāyanti,||
kusalā dhammā abhivaḍḍhanti: idha bhante,||
ekacco anabhijjhālu hoti: yaɱ taɱ parassa paravittupakaraṇaɱ,||
taɱ nābhijjhātā hoti: aho vata yaɱ parassa,||
taɱ mama assā' ti.|| ||

Avyāpanna-citto kho pana hoti.|| ||

Appaduṭṭhamanasaɱkappo 'ime sattā averā avyāpajjhā anīghā sukhino attānaɱ3 pariharantu' ti.|| ||

Eva-rūpaɱ bhante,||
manosamā-cāraɱ sevato akusalā dhammā parihāyanti kusalā dhammā abhivaḍḍhanti.|| ||

''Manosamā-cāraɱ p'ahaɱ bhikkhave,||
du-vidhena vadāmi: sevitabbam pi asevitabbam pi.|| ||

Tañ ca añña-maññaɱ manosamā-cāra''nti iti yaɱ taɱ vuttaɱ Bhagavatā,||
idam etaɱ paṭicca vuttaɱ.|| ||

Cittuppādaɱ p'ahaɱ bhikkhave,||
du-vidhena vadāmi: sevitabbam pi asevitabbam pi.|| ||

Tañ ca añña-maññaɱ cittuppādaḷ'nti iti kho pan'etaɱ vuttaɱ Bhagavatā,||
Kiñ c'etaɱ paṭicca vuttaɱ: yathā-rūpaɱ bhante,||
cittuppādaɱ sevato akusalā dhammā abhivaḍḍhanti,||
kusalā dhammā parihāyanti,||
eva-rūpo vittuppādo na sevitabbo.|| ||

Yathā-rūpañ ca kho bhante,||
cittuppādaɱ sevato akusalā dhammā parihāyanti.|| ||

Kusalā dhammā abhivaḍḍhanti,||
eva-rūpo cittuppādo sevitabbo.|| ||

Kathaɱ-rūpaɱ bhante,||
cittuppādaɱ sevato akusalā dhammā abhivaḍḍhanti.|| ||

Kusalā dhammā parihāyanti: idha bhante,||
ekacco abhijjhālu hoti,||
abhijjhāsaha-gatena cetasā viharati.|| ||

Vyāpādavā hoti,||
vyāpādasaha-gatena cetasā viharati.|| ||

Vihesavā hoti.|| ||

Vihesā saha-gatena cetasā viharati.|| ||

Eva-rūpaɱ bhante,||
cittuppādaɱ sevato akusalā dhammā abhivaḍḍhanti.|| ||

Kusalā dhammā parihāyanti.|| ||

Kathaɱ-rūpaɱ bhante,||
cittuppādaɱ sevato akusalā dhammā parihāyanti,||
[51] kusalā dhammā abhivaḍḍhanti: idha bhante ekacco anabhijjhālu hoti,||
abhijjhāsaha-gatena cetasā viharati.|| ||

Avyāpādavā hoti,||
avyādapādasaha-gatena cetasā viharati.|| ||

Avihesavā hoti,||
avihesāsaha-gatena cetasā viharati.|| ||

Eva-rūpaɱ bhante cittuppādaɱ sevato akusalā dhammā parihāyanti.|| ||

Kusalā dhammā abhivaḍḍhanti.|| ||

'Cittuppādaɱ p'ahaɱ bhikkhave,||
du-vidhena vadāmi: sevitabbam pi asevitabbam pi,||
tañ ca añña-maññaɱ cittupādaḷnti iti yaɱ taɱ vuttaɱ Bhagavatā,||
idam etaɱ paṭicca vuttaɱ.|| ||

'Saññāpaṭilābhaɱ p'ahaɱ bhikkhave,||
du-vidhena vadāmi: sevitabbam pi asevitabbam pi,||
tañ ca añña-maññaɱ saññāpaṭilābhan' ti.|| ||

iti kho pan'etaɱ vuttaɱ Bhagavatā,||
Kiñ c'etaɱ paṭicca vuttaɱ: yathā-rūpaɱ bhante,||
saññāpaṭilābhaɱ sevato akusalā dhammā abhivaḍḍhanti,||
kusalā dhammā parihāyanti,||
eva-rūpo saññāpaṭilābho na sevitabbo,||
yathā-rūpaɱ ca kho bhante saññāpaṭilābhaɱ sevato akusalā dhammā parihāyanti,||
kusalā dhammā abhivaḍḍhanti.|| ||

Eva-rūpo saññāpaṭilābho sevitabbo.|| ||

Kathaɱ-rūpaɱ bhante,||
saññāpaṭilābhaɱ sevato akusalā dhammā abhivaḍḍhanti,||
kusalā dhammā parihāyanti: idha bhante,||
ekacco abhijjhālu hoti.|| ||

Abhijjhāsahagatāya saññāya viharati.|| ||

Vyāpādavā hoti.|| ||

Vyāpādasahagatāya saññāya viharati.|| ||

Vihesavā hoti.|| ||

Vihesāsahagatāya saññāya viharati.|| ||

Eva-rūpaɱ bhante,||
saññāpaṭilābhaɱ sevato akusalā dhammā abhivaḍḍhanti,||
kusalā dhammā parihāyanti,||
kathaɱ-rūpaɱ bhante saññā paṭilābhaɱ sevato akusalā dhammā parihāyanti,||
kusalā dhammā abhivaḍḍhanti: idha bhante ekacco anabhijjhālū hoti,||
anabhijjhāsahagatāya saññāya viharati.|| ||

Avyāpādavā hoti,||
avyāpādasahagatāya saññāya viharati.|| ||

Avihesavā avihesāsahagatāya saññāya viharati.|| ||

Avihesavā hoti,||
avihesāsahagatāya saññāya viharati.|| ||

Eva-rūpaɱ bhante saññāpaṭilābhaɱ sevato akusalā dhammā parihāyanti,||
kusalā dhammā abhivaḍḍhanti.|| ||

''Saññāpaṭilābhaɱ p'ahaɱ bhikkhave,||
du-vidhena vadāmi: sevitabmpi asevitabbam pi,||
taɱ ca añña-maññaɱ saññāpaṭilābhan' ti.|| ||

iti yaɱ taɱ vuttaɱ Bhagavatā,||
idam etaɱ paṭicca vuttaɱ.|| ||

[52] 'Diṭṭhipaṭilābhaɱ p'ahaɱ bhikkhave,||
du-vidhena vadāmi: sevitabbam pi asevitabbam pi,||
taɱ ca añña-maññaɱ diṭṭhipaṭilābhan' ti.|| ||

iti kho pan'etaɱ vuttaɱ Bhagavatā,||
Kiñ c'etaɱ paṭicca vuttaɱ,||
yathā-rūpaɱ bhante diṭṭhipaṭilābhaɱ sevato akusalā dhammā abhivaḍḍhanti,||
kusalā dhammā parihāyanti.|| ||

Eva-rūpo diṭṭhipaṭilābho na sevitabbo,||
yathā-rūpañca kho bhante,||
diṭṭhipaṭilābhaɱ sevato akusalā dhammā parihāyanti,||
kusalā dhammā abhivaḍḍhanti eva-rūpo diṭṭhipaṭilābho sevitabbo.|| ||

Kathaɱ-rūpaɱ bhante,||
diṭṭhipaṭilābhaɱ sevato akusalā dhammā abhivaḍḍhanti,||
kusalā dhammā parihāyanti: idha bhante,||
ekacco evaɱ-diṭṭhiko hoti: 'n'atthi dinnaɱ,||
n'atthi yiṭṭhaɱ,||
n'atthi hutaɱ,||
n'atthi sukaṭa-dukkaṭānaɱ kammānaɱ phalaɱ vipāko,||
n'atthi ayaɱ loko,||
n'atthi paro loko,||
n'atthi mātā ,||
n'atthi pitā,||
n'atthi sattā opapātikā,||
n'atthi loke samaṇa-brāhmaṇā sammaggatā sammā-paṭipannā,||
ye imañ ca lokaɱ parañca lokaɱ sayaɱ abhiññā sacchi-katvā pavedentī' ti.|| ||

Eva-rūpaɱ bhante diṭṭhipaṭilābhaɱ sevato akusalā dhammā abhivaḍḍhanti,||
kusalā dhammā parihāyanti.|| ||

Kathaɱ-rūpaɱ bhante,||
diṭṭhipaṭilābhaɱ sevato akusalā dhammā parihāyanti,||
kusalā dhammā abhivaḍḍhanti?|| ||

Idha bhante,||
ekacco evaɱ diṭṭhiko hoti: 'atthi dinnaɱ.|| ||

Atthi yiṭṭhaɱ,||
atthi hutaɱ,||
atthi sukaṭa-dukkaṭānaɱ kammānaɱ phalaɱ vipāko,||
atthi ayaɱ loko,||
atthi paro loko,||
atthi mātā,||
atthi pitā,||
atthi sattā opapātikā,||
atthi loke samaṇa-brāhmaṇā sammaggatā sammā-paṭipannā,||
ye imañ ca lokaɱ parañca lokaɱ sayaɱ abhiññā sacchi-katvā pavedentī' ti.|| ||

Eva-rūpaɱ bhante,||
diṭṭhipaṭilābhaɱ sevato akusalā dhammā parihāyanti.|| ||

Kusalā dhammā abhivaḍḍhanti.|| ||

''Diṭṭhipaṭilābhaɱ p'ahaɱ bhikkhave,||
du-vidhena vadāmi: sevitabbpi asevitabbam pi.|| ||

Tañ ca añña-maññaɱ diṭṭhipaṭilābha'n' ti.|| ||

Iti yaɱ taɱ vuttaɱ Bhagavatā,idam etaɱ paṭicca vuttaɱ.|| ||

'Attabhāvapaṭilābhaɱ p'ahaɱ bhikkhave,||
du-vidhena vadāmi: sevitabbam pi asevitabbam pi.|| ||

Tañ ca añña-maññaɱ atta-bhāva-paṭilābha'nti iti kho pan'etaɱ vuttaɱ Bhagavatā Kiñ c'etaɱ paṭicca vuttaɱ: yathā-rūpaɱ bhante,||
[53] atta-bhāva-paṭilābhaɱ sevato akusalā dhammā abhivaḍḍhanti,||
kusalā dhammā parihāyanti eva-rūpo atta-bhāva-paṭilābho na sevitabbo.|| ||

Yathā-rūpaɱ ca kho bhante,||
atta-bhāva-paṭilābhaɱ sevato akusalā dhammā parihāyanti.|| ||

Kusalā dhammā abhivaḍḍhanti,||
eva-rūpo atta-bhāva-paṭilābho sevitabbo.|| ||

Kathaɱ-rūpaɱ bhante,||
atta-bhāva-paṭilābhaɱ sevato akusalā dhammā abhivaḍḍhanti,||
kusalā dhammā parihāyanti: savyāpajjhaɱ bhante,||
atta-bhāva-paṭilābhaɱ abhinibbattayato apariniṭṭhitabhāvāya akusalā dhammā abhivaḍḍhanti,||
kusalā dhammā parihāyanti.|| ||

Kathaɱ-rūpaɱ bhante,||
atta-bhāva-paṭilābhaɱ sevato akusalā dhammā parihāyanti,||
kusalā dhammā abhivaḍḍhanti.|| ||

Avyāpajjhaɱ bhante,||
atta-bhāva-paṭilābhaɱ abhinibbattayato pariniṭṭhitabhāvāya akusalā dhammā parihāyanti,||
kusalā dhammā abhivaḍḍhanti,|| ||

''Attabhāvapaṭilābhaɱ p'ahaɱ bhikkhave,||
du-vidhena vadāmi: sevitabbam pi asevitabbam pi.|| ||

Tañ ca añña-maññaɱ atta-bhāva-paṭilābha'nti iti yaɱ taɱ vuttaɱ Bhagavatā,||
idam etaɱ paṭicca vuttaɱ.|| ||

Imassa kho ahaɱ bhante Bhagavatā saŋkhittena bhāsitassa vitthārena atthaɱ avibhattassa evaɱ vitthārena atthaɱ ajānāmīti.|| ||

Sādhu sādhu Sāriputta,||
sādhu kho tvaɱ Sāriputta,||
imassa mayā saŋkhittena bhāsitassa vitthārena atthaɱ avibhattassa evaɱ vitthārena atthaɱ ājānāsi.|| ||

''Kāyasamā-cāraɱ p'ahaɱ bhikkhave,||
du-vidhena vadāmi: sevitabbam pi asevitabbam pi.|| ||

Tañ ca añña-maññaɱ kāya-samā-cāra'nti iti kho pan'etaɱ vuttaɱ mayā,||
Kiñ c'etaɱ paṭicca vuttaɱ.|| ||

Yathā-rūpaɱ Sāriputta,||
kāya-samā-cāraɱ sevato akusalā dhammā abhivaḍḍhanti,||
kusalā dhammā parihāyanti.|| ||

Eva-rūpo kāya-samā-cāro na sevitabbo.|| ||

Yathā-rūpañ ca kho sāritta,||
kāya-samā-cāraɱ sevato akusalā dhammā parihāyanti,||
kusalā dhammā abhivaḍḍhanti.|| ||

Eva-rūpo kāya-samā-cāro sevitabbo.|| ||

[54] Kathaɱ-rūpaɱ Sāriputta,||
kāya-samā-cāraɱ sevato akusalā dhammā abhivaḍḍhanti,||
kusalā dhammā parihāyanti: idha Sāriputta,||
ekacco pāṇāti-pātī hoti luddo lohitapāṇī hatapahate niviṭṭho adayā-panno pāṇa-bhutesu.|| ||

Adinn'ādāyī kho pana hoti,||
yaɱ taɱ parassa paravittupakaraṇaɱ gāmagataɱ vā arañña-gataɱ vā taɱ adinnaɱ theyya-saŋkhātaɱ ādātā hoti.|| ||

Kāmesu micchā-cārī kho pana hoti,||
yā tā māturakkhitā piturakkhitā mātā-piturakkhitā bhāturakkhitā bhaginī rakkhitā ñātirakkhitā gottarakkhitā dhammarakkhitā sassāmikā saparidaṇḍā antamaso mālāgu'aparikkhittāpi.|| ||

Tathārūpāsu cārittaɱ āpajjitā hoti.|| ||

Eva-rūpaɱ Sāriputta,||
kāya-samā-cāraɱ sevato akusalā dhammā abhivaḍḍhanti.|| ||

Kusalā dhammā parihāyanti.|| ||

Kathaɱ-rūpaɱ Sāriputta,||
kāya-samā-cāraɱ sevato akusalā dhammā parihāyanti,||
kusalā dhammā abhivaḍḍhanti.|| ||

Idha Sāriputta,||
ekacco pāṇāti-pātaɱ pahāya pāṇāti-pātā paṭivirato hoti.|| ||

Nihitadaṇḍo nihita-sattho lajjī dayā-panno sabba-pāṇa-bhūta-hitānukampī viharati.|| ||

Adinn'ādānaɱ pahāya adinn'ādānā paṭivirato hoti,||
yaɱ taɱ parassa paravittupakaraṇaɱ gāmagataɱ vā arañña-gataɱ vā,||
taɱ adinnaɱ theyya-saŋkhātaɱ na ādātā hoti kāmesu micchā-cāraɱ pahāya kāmesu micchā-cārā paṭivirato hoti,||
yā tā māturakkhitā piturakkhitā mātā-piturakkhitā bhāturakkhitā bhaginīrakkhitā ñātirakkhitā gottarakkhitā dhammarakkhitā sassāmikā saparidaṇḍā antamaso mālāgu'aparikkhittāpi.|| ||

Tathārūpāsu cārittaɱ na āpajjitā hoti.|| ||

Eva-rūpaɱ Sāriputta kāya-samā-cāraɱ sevato akusalā dhammā parihāyanti,||
kusalā dhammā abhivaḍḍhanti.|| ||

''Kāyasamā-cāraɱ p'ahaɱ Sāriputta,||
du-vidhena vadāmi: sevitabbam pi asevitabbam pi,||
taɱ ca añña-maññaɱ kāya-samā-cāranti iti yaɱ taɱ vuttaɱ mayā,||
idam etaɱ paṭicca vuttaɱ.|| ||

'Vacī-samā-cāraɱ p'ahaɱ Sāriputta,||
du-vidhena [55] vadāmi: sevitabbam pi asevitabbam pi.|| ||

Taɱ ca añña-maññaɱ vacī-samā-cāra'nti iti kho pan'etaɱ vuttaɱ mayā.|| ||

Kiñ c'etaɱ paṭicca vuttaɱ.|| ||

Yathā-rūpaɱ Sāriputta,||
vacī samā-cāraɱ sevato akusalā dhammā abhivaḍḍhanti,||
kusalā dhammā parihāyanti.|| ||

Eva-rūpo vacī-samā-cāro na sevitabbo,||
yathā-rūpaɱ ca kho Sāriputta,||
vacī-samācaraɱ sevato akusalā dhammā parihāyanti.|| ||

Kusalā dhammā abhivaḍḍhanti.|| ||

Eva-rūpo vacī-samā-cāro sevitabbo.|| ||

Kathaɱ-rūpaɱ Sāriputta,||
vacī-samācaraɱ sevato akusalā dhammā abhivaḍḍhanti,||
kusalā dhammā parihāyanti.|| ||

Idha Sāriputta,||
ekacco musā-vādī hoti.|| ||

Sabhaggato1 vā parisaggato vā ñātimajjhagato vā pūgamajjhagato vā rājakulamajjhagato vā abhinīto sakkhipuṭṭho 'ehambho purisa,||
yaɱ jānāsi taɱ vadehī' ti.|| ||

So ajānaɱ vā āha 'jānāmī' ti.|| ||

Jānaɱ vā āha 'na jānāmī'ti,||
apassaɱ vā āha 'passāmīti,||
passaɱ vā āha 'na passāmi' ti.|| ||

Iti attahetu vā parahetu vā āmisa-kiñcikkha-hetu vā sampajānamusā bhāsitā hoti.|| ||

Pisunā-vāco kho pana hoti ito sutvā amutra akkhātā imesaɱ bhedāya,||
amutra vā sutvā imesaɱ akkhātā amūsaɱ bhedāya,||
iti samaggānaɱ vā bhettā,||
bhinnānaɱ vā anuppadātā,||
vaggārāmo vaggarato vagganandī vaggakaraṇiɱ vācaɱ bhāsitā hoti.|| ||

Pharusa-vāco5 kho pana hoti,||
yā sā vācā aṇḍakā6 kakkasā pharusā parakaṭukā parābhisajjanī kodhasāmantā asamādhisaɱvattikā,||
tathā-rūpiɱ vācaɱ bhāsitā hoti.|| ||

Samphappalāpī kho pana hoti akāla-vādī abhūta-vādī anattha-vādī adhamma-vādī avinaya-vādī anidhānavatiɱ vācaɱ bhāsitā hoti akālena anapadesaɱ apariyanta-vatiɱ anattha-saɱhitaɱ.|| ||

Evaɱrūpaɱ Sāriputta,||
vacī-samā-cāraɱ sevato akusalā dhammā abhivaḍḍhanti,||
kusalā dhammā parihāyanti.|| ||

Kathaɱ-rūpaɱ Sāriputta,||
vacī-samā-cāraɱ sevato akusalā dhammā parihāyanti,||
kusalā dhammā abhivaḍḍhanti.|| ||

Idha Sāriputta,||
ekacco musā-vādaɱ pahāya musā-vādā paṭivirato hoti sahaggato vā parisaggato vā ñātimajjhagato vā pūgamajjhagato vā rājakulamajjhagato vā abhinito sakkhipuṭṭho 'ehambho purisa,||
yaɱ jānāsi taɱ 'vadehī'ti,||
so ajānaɱ vā āha 'na jānāmī'ti,||
apassaɱ vā āha 'na passāmī'ti iti attahetu vā parahetu vā āmisa-kiñcikkha-hetu vā na sampajānamusā bhāsitā hoti.Pisunaɱ vācaɱ pahāya pisunāya vācāya paṭivirato hoti ito sutvā na imesaɱ akkhātā amūsaɱ bhedāya,||
iti bhinnānaɱ vā sandhātā sahitānaɱ vā anuppadātā,||
samagg'ārāmo samagga-rato samagga-nandī samagga-karaṇiɱ vācaɱ bhāsitā hoti.|| ||

Pharusaɱ vācaɱ pahāya pharusāya vācāya paṭivirato hoti.|| ||

Yā sā vācā neḷā kaṇṇa-sukhā pemaṇiyā hadayaŋ-gamā porī bahu-jana-kantā bahu-jana-manāpā,||
tathā-rūpiɱ vācaɱ bhāsitā hoti.|| ||

Sampha-p-palāpaɱ pahāya samphappalāpā paṭivirato hoti.|| ||

Kālavādī bhūta-vādī attha-vādī dhamma-vādī vinaya-vādī nidhānavatiɱ vācaɱ bhāsitā hoti kālena sāpadesaɱ pariyanta-vatiɱ attha-saɱhitaɱ eva-rūpaɱ Sāriputta,||
vacī-samā-cāraɱ sevato akusalā dhammā parihāyanti.|| ||

Kusalā dhammā abhivaḍḍhanti.|| ||

''Vacī-samā-cāraɱ p'ahaɱ Sāriputta,||
du-vidhena vadāmi: sevitabbam pi asevitabbam pi.|| ||

Tañ ca añña-maññaɱ vacī-samā-cāra'nti iti yaɱ taɱ vuttaɱ mayā,||
idam etaɱ paṭicca vuttaɱ.|| ||

''Manosamā-cāraɱ p'ahaɱ Sāriputta,||
du-vidhena vadāmi: sevitabbam pi asevitabbam pi.|| ||

Taɱ ca añña-maññaɱ manosamā-cāra'nti iti kho pan'etaɱ vuttaɱ mayā,||
Kiñ c'etaɱ paṭicca vuttaɱ.|| ||

Yathā-rūpaɱ Sāriputta,||
manosamā-cāraɱ sevato akusalā dhammā abhivaḍḍhanti,||
kusalā dhammā parihāyanti.|| ||

Eva-rūpo manosamā-cāro na sevitabbo.|| ||

Yathā-rūpañ ca kho Sāriputta,||
manosamā-cāraɱ sevato akusalā dhammā parihāyanti,||
kusalā dhammā abhivaḍḍhanti,||
eva-rūpo manosamā-cāro sevitabbo.|| ||

Kathaɱ-rūpaɱ Sāriputta,||
manosamā-cāraɱ sevato akusalā dhammā abhivaḍḍhanti,||
kusalā dhammā parihāyanti: idha Sāriputta,||
ekacco abhijjhālū hoti yaɱ taɱ parassa paravittupakaraṇaɱ,||
taɱ abhijjhātā1 hoti: 'aho vata yaɱ parassa,||
taɱ mama assā' ti.|| ||

Vyāpanna-citto kho hoti paduṭṭhamanasaɱkappo: 'ime sattā haññantu vā vajjhantu vā ucchijjantu vā,||
vinassantu vā ,||
mā vā ahesunti.|| ||

Evaɱrūpaɱ Sāriputta,||
manosamā-cāraɱ sevato akusalā dhammā abhivaḍḍhanti,||
kusalā dhammā parihāyanti.|| ||

Kathaɱ-rūpaɱ Sāriputta,||
manosamā-cāraɱ sevato akusalā dhammā parihāyanti,||
kusalā dhammā abhivaḍḍhanti: idha Sāriputta,||
ekacco anabhijjhālū hoti yaɱ taɱ parassa paravittupakaraṇaɱ,||
taɱ nābhijjhātā1 hoti: 'aho vata yaɱ parassa,||
taɱ mama assā'' ti.|| ||

Avyāpanna-citto kho hoti appa-duṭṭhamana-saɱkappo: 'ime sattā averā anīghā sukhino attānaɱ pariharantū' ti.|| ||

Evaɱrūpaɱ Sāriputta,||
manosamā-cāraɱ sevato akusalā dhammā parihāyanti,||
kusalā dhammā abhivaḍḍhanti.|| ||

''Manosamā-cāraɱ p'ahaɱ Sāriputta,||
du-vidhena vadāmi: sevitabbam pi asevitabbam pi.|| ||

Tañ ca añña-maññaɱ manosamā-cāra''nti iti yaɱ taɱ vuttaɱ mayā idam etaɱ paṭicca vuttaɱ.|| ||

'Cittuppādaɱ p'ahaɱ Sāriputta,||
du-vidhena vadāmi: sevitabbam pi asevitabbam pi.|| ||

Tañ ca añña-maññaɱ cittuppādanti iti kho pan'etaɱ vuttaɱ mayā,||
Kiñ c'etaɱ paṭicca vuttaɱ: yathā-rūpaɱ Sāriputta,||
cittuppādaɱ sevato akusalā dhammā abhivaḍḍhanti.|| ||

Kusalā dhammā parihāyanti,||
eva-rūpo cittuppādo na sevitabbo.|| ||

Yathā-rūpañ ca kho Sāriputta,||
cittuppādaɱ sevato akusalā dhammā parihāyanti,||
kusalā dhammā abhivaḍḍhanti,||
eva-rūpo cittuppādo sevitabbo.|| ||

Kathaɱ-rūpaɱ Sāriputta,||
cittuppādaɱ sevato akusalā dhammā abhivaḍḍhanti,||
kusalā dhammā parihāyanti: idha Sāriputta,||
ekacco abhijjhālu hoti,||
abhijjhāsaha-gatena cetasā viharati.|| ||

Vyāpādavā hoti,||
vyāpādasaha-gatena cetasā viharati.|| ||

Vihesavā hoti,||
vihesā saha-gatena cetasā viharati.|| ||

Eva-rūpaɱ Sāriputta,||
cittuppādaɱ sevato akusalā dhammā abhivaḍḍhanti,||
kusalā dhammā parihāyanti.|| ||

Kathaɱ-rūpaɱ Sāriputta,||
cittuppādaɱ sevato akusalā dhammā parihāyanti,||
kusalā dhammā abhivaḍḍhanti: idha sāritta,||
ekacco anabhijjhālū hoti,||
anabhijjhāsaha-gatena cetasā viharati.|| ||

Avyāpādavā hoti,||
avyāpādasaha-gatena cetasā viharati.Avihesavā hoti,||
avihesāsaha-gatena cetasā viharati eva-rūpaɱ Sāriputta cittuppādaɱ sevato akusalā dhammā parihāyanti,||
kusalā dhammā abhivaḍḍhanti.|| ||

'Cittuppādaɱ p'ahaɱ Sāriputta,||
du-vidhena vadāmi: sevitabbam pi asevitabbam pi.|| ||

Taɱ ca añña-maññaɱ cittuppādaḷnti iti yaɱ taɱ vuttaɱ mayā,||
idam etaɱ paṭicca vuttaɱ.|| ||

'Saññāpaṭilābhaɱ p'ahaɱ Sāriputta,||
du-vidhena vadāmi: sevitabbam pi asevitabbam pi.|| ||

Tañ ca añña-maññaɱ saññā paṭilābhan' ti.|| ||

iti kho pan'etaɱ vuttaɱ mayā,||
Kiñ c'etaɱ paṭicca vuttaɱ: yathā-rūpaɱ Sāriputta,||
saññāpaṭilābhaɱ sevato akusalā dhammā abhivaḍḍhanti,||
kusalā dhammā parihāyanti,||
eva-rūpo saññāpaṭilābho na sevitabbo.|| ||

Yathā-rūpaɱ ca kho Sāriputta,||
saññāpaṭilābhaɱ sevato akusalā dhammā parihāyanti,||
kusalā dhammā abhivaḍḍhanti,||
eva-rūpo saññāpaṭilābho sevitabbo.|| ||

Kathaɱ-rūpaɱ Sāriputta,||
saññāpaṭilābhaɱ sevato akusalā dhammā abhivaḍḍhanti,||
kusalā dhammā parihāyanti: idha Sāriputta,||
ekacco abhijjhālū hoti,||
abhijjhāsahagatāya saññāya viharati.|| ||

Vyāpādavā hoti,||
vyāpādasahagatāya saññāya viharati.|| ||

Vihesavā hoti vihesā sahagatāya saññāya viharati.|| ||

Eva-rūpaɱ Sāriputta,||
saññāpaṭilābhaɱ sevato akusalā dhammā abhivaḍḍhanti.|| ||

Kusalā dhammā parihāyanti.|| ||

Kathaɱ-rūpaɱ Sāriputta,||
saññāpaṭilābhaɱ sevato akusalā dhammā parihāyanti,||
kusalā dhammā abhivaḍḍhanti: idha Sāriputta,||
ekacco anabhijjhālū hoti,||
anabhijjhā sahagatāya saññāya viharati.|| ||

Avyāpādavā hoti,||
avyāpādasahagatāya saññāya viharati.|| ||

Avihesavā hoti,||
avihesāsahagatāya saññāya viharati.|| ||

Eva-rūpaɱ Sāriputta,||
saññāpaṭilābhaɱ sevato akusalā dhammā parihāyanti kusalā dhammā abhivaḍḍhanti.|| ||

'Saññāpaṭilābhaɱ p'ahaɱ Sāriputta,||
du-vidhena vadāmi: sevitabbam pi asevitabbam pi,||
tañ ca añña-maññaɱ saññāpaṭilābhan' ti.|| ||

iti yaɱ taɱ vuttaɱ mayā,||
idam etaɱ paṭicca vuttaɱ.|| ||

'Diṭṭhipaṭilābhaɱ p'ahaɱ Sāriputta,||
du-vidhena vadāmi: sevitabbam pi asevitabbam pi.|| ||

Tañ ca añña-maññaɱ diṭṭhipaṭilābhan' ti.iti kho pan'etaɱ vuttaɱ mayā,||
Kiñ c'etaɱ vuttaɱ?|| ||

Yathā-rūpaɱ Sāriputta,||
diṭṭhipaṭilābhaɱ sevato akusalā dhammā abhivaḍḍhanti.|| ||

Kusalā dhammā parihāyanti.|| ||

Eva-rūpo diṭṭhipaṭilābho na sevitabbo.|| ||

Yathā-rūpañ ca kho Sāriputta,||
diṭṭhipaṭilābhaɱ sevato akusalā dhammā parihāyanti.|| ||

Kusalā dhammā abhivaḍḍhanti.|| ||

Eva-rūpo diṭṭhipaṭipalābho sevitabbo.|| ||

Kathaɱ-rūpaɱ Sāriputta,||
diṭṭhipaṭilābhaɱ sevato akusalā dhammā abhivaḍḍhanti,||
kusalā dhammā parihāyanti: idha Sāriputta,||
ekacco evaɱ-diṭṭhiko hoti: n'atthi dinnaɱ,||
n'atthi yiṭṭhaɱ,||
n'atthi hutaɱ,||
n'atthi sukaṭa-dukkaṭānaɱ kammānaɱ phalaɱ vipāko,||
n'atthi ayaɱ loko,||
n'atthi paro loko,||
n'atthi mātā,||
n'atthi pitā,||
n'atthi sattā opapātikā,||
n'atthi loke samaṇa-brāhmaṇā sammaggatā sammā-paṭipannā,||
ye imañ ca lokaɱ parañca lokaɱ sayaɱ abhiññā sacchi-katvā pavedentī ti.|| ||

Eva-rūpaɱ Sāriputta,||
diṭṭhipaṭilābhaɱ sevato akusalā dhammā abhivaḍḍhanti,||
kusalā dhammā parihāyanti.|| ||

Kathaɱ-rūpaɱ Sāriputta,||
diṭṭhipaṭilābhaɱ sevato akusalā dhammā parihāyanti,||
kusalā dhammā abhivaḍḍhanti: idha Sāriputta,||
ekacco evaɱ-diṭṭhiko hoti: atthi dinnaɱ,||
atthi yiṭṭhaɱ,||
atthi hutaɱ,||
atthi sukaṭa-dukkaṭānaɱ kammānaɱ phalaɱ vipāko,||
atthi ayaɱ loko,||
atthi paro loko,||
atthi mātā,||
atthi pitā,||
atthi sattā opapātikā,||
atthi loke samaṇa-brāhmaṇā sammaggatā sammā-paṭipannā,||
ye imañ ca lokaɱ parañca lokaɱ sayaɱ abhiññā sacchi-katvā pavedentī ti.|| ||

Eva-rūpaɱ Sāriputta,||
diṭṭhipaṭilābhaɱ sevato akusalā dhammā parihāyanti.|| ||

Kusalā dhammā abhivaḍḍhanti.|| ||

'Diṭṭhipaṭilābhaɱ p'ahaɱ Sāriputta,||
du-vidhena vadāmi: sevitabbam pi asevitabbam pi.|| ||

Tañ ca añña-maññaɱ diṭṭhipaṭilābhan' ti.|| ||

iti yaɱ taɱ vuttaɱ mayā,||
idam etaɱ paṭicca vuttaɱ.|| ||

Attabhāvapaṭilābhaɱ p'ahaɱ Sāriputta,||
du-vidhena vadāmi: sevitabbam pi asevitabbam pi,||
tañ ca añña-maññaɱ atta-bhāva-paṭilābha''nti iti kho pan'etaɱ vuttaɱ mayā,||
Kiñ c'etaɱ paṭicca vuttaɱ: yathā-rūpaɱ Sāriputta,||
atta-bhāva-paṭilābhaɱ sevato akusalā dhammā abhivaḍḍhanti,||
kusalā dhammā parihāyanti eva-rūpo atta-bhāva-paṭilābho na sevitabbo,||
yatharūpañca kho Sāriputta,||
atta-bhāva-paṭilābhaɱ sevato akusalā dhammā parihāyanti.|| ||

Kusalā dhammā abhivaḍḍhanti.|| ||

Eva-rūpo atta-bhāva-paṭilābho sevitabbo.|| ||

Kathaɱ-rūpaɱ Sāriputta,||
atta-bhāva-paṭilābhaɱ sevato akusalā dhammā abhivaḍḍhanti,||
kusalā dhammā parihāyanti: savyāpajjhaɱ Sāriputta,||
atta-bhāva-paṭilābhaɱ abhinibbattayato apariniṭṭhitabhāvāya akusalā dhammā abhivaḍḍhanti,||
kusalā dhammā parihāyanti.|| ||

Kathaɱ-rūpaɱ Sāriputta,||
atta-bhāva-paṭilābhaɱ sevato akusalā dhammā parihāyanti,||
kusalā dhammā abhivaḍḍhanti?|| ||

Avyāpajjhaɱ Sāriputta,||
atta-bhāva-paṭilābhaɱ abhinibbattayato parinaṭṭhitabhāvāya akusalā dhammā parihāyanti,||
kusalā dhammā abhivaḍḍhanti.|| ||

''Attabhāvapaṭilābhaɱ p'ahaɱ Sāriputta,||
du-vidhena vadāmi: sevitabbam pi asevitabbam pi,||
tañ ca añña-maññaɱ attābhāvapaṭilābhan' ti.|| ||

iti yaɱ taɱ vuttaɱ mayā,||
idam etaɱ paṭicca vuttaɱ.|| ||

Imassa kho Sāriputta,||
mayā saŋkhittena bhāsitassa evaɱ vitthārena attho daṭṭhabbo.|| ||

Cakkhu-viññeyyaɱ rūpaɱ p'ahaɱ Sāriputta,||
du-vidhena vadāmi: sevitabbam pi asevitabbam pi.|| ||

Sota-viññeyyaɱ saddaɱ p'ahaɱ Sāriputta,||
du-vidhena vadāmi: sevitabbam pi asevitabbam pi.|| ||

Ghāna-viññeyyaɱ gandhaɱ p'ahaɱ Sāriputta,||
du-vidhena vadāmi: sevitbampi asevitabbam pi.|| ||

Kāya-viññeyyaɱ phoṭṭhabbaɱ p'ahaɱ Sāriputta,||
du-vidhena vadāmi: sevitabbam pi asevitabbam pi.|| ||

Mano-viññeyyaɱ dhammaɱ p'ahaɱ Sāriputta,||
du-vidhena vadāmi: sevitabbam pi asevitabbam pi.|| ||

Evaɱ vutte āyasmā Sāriputto Bhagavantaɱ etad avoca: imassa kho ahaɱ bhante,||
Bhagavatā saŋkhittena bhāsitassa vitthārena atthaɱ avibhattassa evaɱ vitthārena atthaɱ ājānāmi:|| ||

'Cakkhu-viññeyyaɱ rūpaɱ p'ahaɱ Sāriputta,||
[56] du-vidhena vadāmi: sevitabbam pi asevitabbam pi' iti kho pan'etaɱ vuttaɱ Bhagavatā.|| ||

Kiñ c'etaɱ paṭicca vuttaɱ: yathā-rūpaɱ bhante,||
cakkhu-viññeyyaɱ rūpaɱ sevato akusalā dhammā abhivaḍḍhanti,||
kusalā dhammā parihāyanti.|| ||

Eva-rūpaɱ cakkhu-viññeyyaɱ rūpaɱ na sevitabbaɱ.|| ||

Yathā-rūpañ ca kho bhante,||
cakkhu-viññeyyaɱ rūpaɱ sevato akusalā dhammā parihāyanti.|| ||

Kusalā dhammā abhivaḍḍhanti.|| ||

Eva-rūpaɱ cakkhu-viññeyyaɱ rūpaɱ sevitabbaɱ.|| ||

Cakkhu-viññeyyaɱ rūpaɱ p'ahaɱ Sāriputta,||
du-vidhena vadāmi: sevitabbam pi asevitabbampī' ti.iti yaɱ taɱ vuttaɱ Bhagavatā,||
idam etaɱ paṭicca vuttaɱ.|| ||

'Sota-viññeyyaɱ saddaɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti kho pan'etaɱ vuttaɱ Bhagavatā.|| ||

Kiñ c'etaɱ paṭicca vuttaɱ: yathā-rūpaɱ bhante,||
sota-viññeyyaɱ saddaɱ sevato akusalā dhammā abhivaḍḍhanti.|| ||

Kusalā dhammā parihāyanti.|| ||

Eva-rūpo sota-viññeyyo saddo na sevitabbo.|| ||

Yathā-rūpañ ca kho bhante,||
sota-viññeyyaɱ saddaɱ sevato akusalā dhammā parihāyanti,||
kusalā dhammā abhivaḍḍhanti eva-rūpo sota-viññeyyo saddo sevitabbo.|| ||

'Sota-viññeyyaɱ saddaɱ p'ahaɱ Sāriputta.|| ||

Duvidhena vadāmi: sevitabbam pi asevitabbampī'ti iti yaɱ taɱ vuttaɱ Bhagavatā,||
idam etaɱ paṭicca vuttaɱ.|| ||

'Ghāna-viññeyyaɱ gandhaɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti kho pan'etaɱ vuttaɱ Bhagavatā.|| ||

Kiñce taɱ paṭicca vuttaɱ yathā-rūpaɱ bhante,||
ghāna-viññeyyaɱ gandhaɱ sevato akusalā dhammā abhivaḍḍhanti.|| ||

Kusalā dhammā parihāyanti.|| ||

[57] eva-rūpo ghāna-viññeyyo gandho na sevitabbo.|| ||

Yathā-rūpañ ca kho bhante,||
ghāna-viññeyyaɱ gandhaɱ sevato akusalā dhammā parihāyanti,||
kusalā dhammā abhivaḍḍhanti.|| ||

Eva-rūpo ghāna-viññeyyo gandho sevitabbo 'ghāna-viññeyyaɱ gandhaɱ p'ahaɱ Sāriputta.|| ||

Duvidhena vadāmi: sevitabbam pi asevitabbampī'ti iti yaɱ taɱ vuttaɱ Bhagavatā,||
idam etaɱ paṭicca vuttaɱ.|| ||

Jivhā-viññeyyaɱ rasaɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti kho pan'etaɱ vuttaɱ Bhagavatā,||
Kiñ c'etaɱ paṭicca vuttaɱ.|| ||

Yathā-rūpaɱ bhante,||
jivhā-viññeyyaɱ rasaɱ sevato akusalā dhammā abhivaḍḍhanti,||
kusalā dhammā parihāyanti.|| ||

Eva-rūpo jivhā-viññeyyo raso na sevitabbo.|| ||

Yathā-rūpañ ca kho bhante,||
jivhā-viññeyyaɱ rasaɱ sevato akusalā dhammā parihāyanti.|| ||

Kusalā dhammā abhivaḍḍhanti.|| ||

Eva-rūpo jivhā-viññeyyo raso sevitabbo jivhā-viññeyyaɱ rasaɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti yaɱ taɱ vuttaɱ Bhagavatā,idam etaɱ paṭicca vuttaɱ.|| ||

'Kāya-viññeyyaɱ phoṭṭhabbaɱ p'ahaɱ Sāriputta,||
du-vidhena vadāmi: sevitabbam pi asevitabbampī' ti piti kho pan'etaɱ vuttaɱ Bhagavatā Kiñ c'etaɱ paṭicca vuttaɱ: yathā-rūpaɱ bhante,||
kāya-viññeyyaɱ phoṭṭhabbaɱ sevato akusalā dhammā abhivaḍḍhanti,||
kusalā dhammā parihāyanti.|| ||

Eva-rūpo kāya-viññeyyo phoṭṭhabbo na sevitabbo yathā-rūpañca kho bhante,||
kāya-viññeyyaɱ phoṭṭhabbaɱ sevato akusalā dhammā parihāyanti,||
kusalā dhammā abhivaḍḍhanti,||
eva-rūpo kāya-viññeyyo phoṭṭhabbo sevitabbo.|| ||

'Kāya-viññeyyaɱ phoṭṭhabbaɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti yaɱ taɱ vuttaɱ Bhagavatā,||
idam etaɱ paṭicca vuttaɱ.|| ||

'Mano-viññeyyaɱ dhammaɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti kho pan'etaɱ vuttaɱ Bhagavatā,||
Kiñ c'etaɱ paṭicca vuttaɱ: yathā-rūpaɱ bhante,||
mano-viññeyyaɱ dhammaɱ sevato akusalā dhammā abhivaḍḍhanti,||
kusalā dhammā parihāyanti,||
[58] eva-rūpo mano-viññeyyo dhammo na sevitabbo.|| ||

Yathā-rūpañ ca kho bhante,||
mano-viññeyyaɱ dhammaɱ sevato akusalā dhammā parihāyanti,||
kusalā dhammā abhivaḍḍhanti.|| ||

Eva-rūpo mano-viññeyyo dhammo sevitabbo.|| ||

Mano-viññeyyaɱ dhammaɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti yaɱ taɱ vuttaɱ Bhagavatā,||
idam etaɱ paṭicca vuttaɱ.|| ||

Imassa kho ahaɱ bhante,||
Bhagavatā saŋkhittena bhāsitassa vitthārena atthaɱ avibhattassa evaɱ vitthārena atthaɱ ājānāmīti|| ||

Sādhu sādhu Sāriputta,||
sādhu kho tvaɱ Sāriputta,||
imassa mayā saŋkhittena bhāsitatsa vitthārena atthaɱ avibhattassa evaɱ vitthārena atthaɱ ajānāsi.|| ||

'Cakkhu-viññeyyaɱ rūpaɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti kho pan'etaɱ vuttaɱ mayā.|| ||

Kiñ c'etaɱ paṭicca vuttaɱ: yathā-rūpaɱ Sāriputta,||
cakkhu-viññayyaɱ rūpaɱ sevato akusalā dhammā abhivaḍḍhanti,||
kusalā dhammā parihāyanti.|| ||

Eva-rūpaɱ cakkhu-viññeyyaɱ rūpaɱ na sevitabbaɱ.|| ||

Yathā-rūpañ ca kho Sāriputta,||
cakkhu-viññeyyaɱ rūpaɱ sevato akusalā dhammā parihāyanti.|| ||

Kusalā dhammā abhivaḍḍhanti.|| ||

Eva-rūpaɱ cakkhu-viññeyyaɱ rūpaɱ sevitabbaɱ.|| ||

Cakkhuviññeyaɱ rūpaɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti yaɱ taɱ vuttaɱ mayā,||
idam etaɱ paṭicca vuttanti.|| ||

'Sota-viññeyyaɱ saddaɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti kho pan'etaɱ vuttaɱ mayā,||
Kiñ c'etaɱ paṭicca vuttaɱ.|| ||

Yathā-rūpaɱ Sāriputta,||
sota-viññeyyaɱ saddaɱ sevato akusalā dhammā abhivaḍḍhanti.|| ||

Kusalā dhammā parihāyanti.|| ||

Eva-rūpo sota-viñañeyyo saddo na sevitabbo.|| ||

Yathā-rūpañ ca kho bhante,||
sota-viññeyyā saddaɱ sevato akusalā dhammā parihāyanti,||
kusalā dhammā abhivaḍḍhanti,||
eva-rūpo sota-viññeyyo saddo sevitabbo.|| ||

Sota-viññeyyaɱ saddaɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti yaɱ taɱ vuttaɱ mayā.|| ||

Idam etaɱ paṭicca vuttaɱ.|| ||

Eva-rūpo ghāna-viññeyyo gandho na sevitabbo yathā-rūpañca kho mayā,||
ghāna-viññeyyaɱ gandhaɱ sevato akusalā dhammā parihāyanti,kusalā dhammā abhivaḍḍhanti.|| ||

Eva-rūpo ghāna-viññeyyo gandho sevitabbo.|| ||

'Ghāna-viññeyyaɱ gandhaɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti yaɱ taɱ vuttaɱ mayā,||
idam etaɱ paṭicca vuttaɱ.|| ||

Eva-rūpo jivhā-viññeyyo raso na sevitabbo.|| ||

Yathā-rūpañ ca kho mayā,||
jivhā-viññeyyaɱ rasaɱ sevato akusalā dhammā parihāyanti.|| ||

Kusalā dhammā abhivaḍḍhanti.|| ||

Eva-rūpo jivhā-viññeyyo raso sevitabbo.|| ||

Eva-rūpo kāya-viññeyyo phoṭṭhabbo na sevitabbo yathā-rūpañca kho mayā,||
kāya-viññyeɱ phoṭṭhabbaɱ sevato akusalā dhammā parihāyanti,||
kusalā dhammā abhivaḍḍhanti,||
eva-rūpo kāya-viññeyyo phoṭṭhabbo sevitabbo.|| ||

'Kāya-viññeyyaɱ phoṭṭhabbaɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti yaɱ taɱ vuttaɱ mayā,||
idam etaɱ paṭicca vuttaɱ.|| ||

Mano-viññeyyaɱ dhammaɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti kho pan'etaɱ vuttaɱ mayā,||
Kiñ c'etaɱ paṭicca vuttaɱ yathā-rūpaɱ bhante,||
mano-viññeyyaɱ dhammaɱ sevato akusalā dhammā abhivaḍḍhanti,||
kusalā dhammā parihāyanti,||
eva-rūpo mano-viññeyyo dhammo na sevitabbo.|| ||

Yathā-rūpañ ca kho mayā,||
mano-viññeyyaɱ dhammaɱ sevato akusalā dhammā parihāyanti,||
kusalā dhammā abhivaḍḍhanti.|| ||

Eva-rūpo mano-viññeyyo dhammo sevitabbo.|| ||

'Mano-viññeyyaɱ dhammaɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti yaɱ taɱ vuttaɱ mayā idam etaɱ paṭicca vuttaɱ.|| ||

Imassa kho Sāriputta,||
mayā saŋkhittena bhāsitassa vitthārena atthaɱ avibhattassa evaɱ vitthārena attho daṭṭhabbo.|| ||

Cīvaraɱ p'ahaɱ Sāriputta,||
du-vidhena vadāmi: sevitabbam pi asevitabbam pi.|| ||

Piṇḍapātaɱ p'ahaɱ Sāriputta,||
du-vidhena vadāmi: sevitabbam pi asevitabbam pi.|| ||

Senāsanaɱ p'ahaɱ Sāriputta,||
du-vidhena vadāmi: sevitabbam pi asevitabbam pi.|| ||

Gāmaɱ p'ahaɱ Sāriputta,||
du-vidhena vadāmi: sevitabbam pi asevitabbam pi.|| ||

Nigamaɱ p'ahaɱ Sāriputta,||
du-vidhena vadāmi: sevitabbam pi asevitabbam pi.|| ||

Nagaraɱ p'ahaɱ Sāriputta,||
du-vidhena vadāmi: sevitabbam pi asevitabbam pi.|| ||

Janapadaɱ p'ahaɱ Sāriputta,||
du-vidhena vadāmi: sevitabbam pi asevitabbam pi.|| ||

Puggalaɱ p'ahaɱ Sāriputta,||
du-vidhena vadāmi: sevitabbam pi asevitabbampīti.|| ||

[59]

Evaɱ vutte āyasmā Sāriputto Bhagavantaɱ etad avoca: 'imassa kho ahaɱ bhante,||
Bhagavatā saŋkhittena bhāsitassa vitthārena atthaɱ avibhattassa evaɱ vitthārena atthaɱ ājānāmi:|| ||

Civaraɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti kho pan'etaɱ vuttaɱ Bhagavatā.|| ||

Kiñ c'etaɱ paṭicca vuttaɱ.|| ||

Yathā-rūpaɱ bhante,||
cīvaraɱ sevato akusalā dhammā abhivaḍḍhanti.|| ||

Kusalā dhammā parihāyanti.|| ||

Eva-rūpaɱ cīvaraɱ na sevitabbaɱ.|| ||

Yathā-rūpañ ca kho bhante,||
cīvaraɱ sevato akusalā dhammā parihāyanti,||
kusalā dhammā abhivaḍḍhanti.|| ||

Eva-rūpaɱ cīvaraɱ sevitabbaɱ.|| ||

Cīvaraɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti yaɱ taɱ vuttaɱ Bhagavatā idam etaɱ paṭicca vuttaɱ.|| ||

Piṇḍapātaɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti kho pan'etaɱ vuttaɱ Bhagavatā.|| ||

Kiñ c'etaɱ paṭicca vuttaɱ.|| ||

Yathā-rūpaɱ bhante,||
cīvaraɱ sevato akusalā dhammā abhivaḍḍhanti.|| ||

Kusalā dhammā parihāyanti.|| ||

Eva-rūpaɱ piṇḍa-pātaɱ na sevitabbaɱ.|| ||

Yathā-rūpañ ca kho bhante,||
piṇḍa-pātaɱ sevato akusalā dhammā parihāyanti,||
kusalā Dhammā abhivaḍḍhanti.|| ||

Eva-rūpaɱ piṇḍa-pātaɱ sevitabbaɱ.|| ||

Piṇḍapātaɱ p'ahaɱ Sāriputta,||
du-vidhena vadāmi:sevitabbam pi asevitabbampī'ti iti yaɱ taɱ vuttaɱ Bhagavatā idam etaɱ paṭicca vuttaɱ.|| ||

Senāsanaɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti kho pan'etaɱ vuttaɱ Bhagavatā.|| ||

Kiñ c'etaɱ paṭicca vuttaɱ.|| ||

Yathā-rūpaɱ bhante,||
sen'āsanaɱ sevato akusalā dhammā abhivaḍḍhanti.|| ||

Kusalā dhammā parihāyanti.|| ||

Eva-rūpaɱ sen'āsanaɱ na sevitabbaɱ.|| ||

Yathā-rūpañ ca kho bhante,||
sen'āsanaɱ sevato akusalā dhammā parihāyanti,||
kusalā dhammā abhivaḍḍhanti.|| ||

Eva-rūpaɱ sen'āsanaɱ sevitabbaɱ.|| ||

Senāsanaɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti yaɱ taɱ vuttaɱ Bhagavatā idam etaɱ paṭicca vuttaɱ.|| ||

Gāmaɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti kho pan'etaɱ vuttaɱ Bhagavatā.|| ||

Kiñ c'etaɱ paṭicca vuttaɱ.|| ||

Yathā-rūpaɱ bhante,||
gāmaɱ sevato akusalā dhammā abhivaḍḍhanti.|| ||

Kusalā dhammā parihāyanti.|| ||

Eva-rūpaɱ gāmaɱ na sevitabbaɱ.|| ||

Yathā-rūpañ ca kho bhante,||
gāmaɱ sevato akusalā dhammā parihāyanti,||
kusalā dhammā abhivaḍḍhanti.|| ||

Eva-rūpaɱ gāmaɱ sevitabbaɱ.|| ||

Gāmaɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti yaɱ taɱ vuttaɱ Bhagavatā idam etaɱ paṭicca vuttaɱ.|| ||

Nigamaɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti kho pan'etaɱ vuttaɱ Bhagavatā.|| ||

Kiñ c'etaɱ paṭicca vuttaɱ.|| ||

Yathā-rūpaɱ bhante,||
nigamaɱ sevato akusalā dhammā abhivaḍḍhanti.|| ||

Kusalā dhammā parihāyanti.|| ||

Eva-rūpaɱ nigamaɱ na sevitabbaɱ.|| ||

Yathā-rūpañ ca kho bhante,||
nigamaɱ sevato akusalā dhammā parihāyanti,||
kusalā dhammā abhivaḍḍhanti.|| ||

Eva-rūpaɱ nigamaɱ sevitabbaɱ.|| ||

Nigamaɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti yaɱ taɱ vuttaɱ Bhagavatā idam etaɱ paṭicca vuttaɱ.|| ||

Nagaraɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti kho pan'etaɱ vuttaɱ Bhagavatā.|| ||

Kiñ c'etaɱ paṭicca vuttaɱ.|| ||

Yathā-rūpaɱ bhante,||
nagaraɱ sevato akusalā dhammā abhivaḍḍhanti.|| ||

Kusalā dhammā parihāyanti.|| ||

Eva-rūpaɱ nagaraɱ na sevitabbaɱ.|| ||

Yathā-rūpañ ca kho bhante,||
nagaraɱ sevato akusalā dhammā parihāyanti,||
kusalā dhammā abhivaḍḍhanti.|| ||

Eva-rūpaɱ nagaraɱ sevitabbaɱ.|| ||

Nagaraɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti yaɱ taɱ vuttaɱ Bhagavatā idam etaɱ paṭicca vuttaɱ.|| ||

Janapadaɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti kho pan'etaɱ vuttaɱ Bhagavatā.|| ||

Kiñ c'etaɱ paṭicca vuttaɱ.|| ||

Yathā-rūpaɱ bhante,||
jana-padaɱ sevato akusalā dhammā abhivaḍḍhanti.|| ||

Kusalā dhammā parihāyanti.|| ||

Eva-rūpaɱ jana-padaɱ na sevitabbaɱ.|| ||

Yathā-rūpañ ca kho bhante,||
jana-padaɱ sevato akusalā dhammā parihāyanti,||
kusalā dhammā abhivaḍḍhanti.|| ||

Eva-rūpaɱ jana-padaɱ sevitabbaɱ.|| ||

Janapadaɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti yaɱ taɱ vuttaɱ Bhagavatā idam etaɱ paṭicca vuttaɱ.|| ||

Puggalaɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti kho pan'etaɱ vuttaɱ Bhagavatā.|| ||

Kiñ c'etaɱ paṭicca vuttaɱ.|| ||

Yathā-rūpaɱ bhante,||
puggalaɱ sevato akusalā dhammā abhivaḍḍhanti.|| ||

Kusalā dhammā parihāyanti.|| ||

Eva-rūpaɱ puggalaɱ na sevitabbaɱ.|| ||

Yathā-rūpañ ca kho bhante,||
puggalaɱ sevato akusalā dhammā parihāyanti,||
kusalā dhammā abhivaḍḍhanti.|| ||

Eva-rūpaɱ puggalaɱ sevitabbaɱ.|| ||

Puggalaɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti yaɱ taɱ vuttaɱ Bhagavatā idam etaɱ paṭicca vuttaɱ.|| ||

Imassa kho ahaɱ bhante,||
Bhagavatā saŋkhittena bhāsitassa vitthārena atthaɱ avibhattassa evaɱ atthaɱ ājānāmīti.|| ||

Sādhu sādhu Sāriputta,||
sādhu kho tvaɱ Sāriputta,||
imassa mayā saŋkhittena bhāsitassa vitthārena atthaɱ avibhattassa evaɱ vitthārena atthaɱ ājānāsi.|| ||

'Cīvaraɱ p'ahaɱ Sāriputta,||
du-vidhena vadāmi: [60] sevitabbam pi asevitabbampī' ti iti kho pan'etaɱ vuttaɱ mayā,||
kiñ c'etaɱ paṭicca vuttaɱ: yathā-rūpaɱ Sāriputta,||
cīvaraɱ sevato akusalā dhammā abhivaḍḍhanti eva-rūpaɱ cīvaraɱ na sevitabbaɱ.|| ||

Cīvaraɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti yaɱ taɱ vuttaɱ Bhagavatā idam etaɱ paṭicca vuttaɱ.|| ||

Piṇḍapātaɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti kho pan'etaɱ vuttaɱ mayā,||
Kiñ c'etaɱ paṭicca vuttaɱ.|| ||

Yathā-rūpañ ca Sāriputta,||
piṇḍa-pātaɱ sevato akusalā dhammā abhivaḍḍhanti.|| ||

Eva-rūpaɱ piṇḍa-pātaɱ na sevitabbaɱ.|| ||

Piṇḍapātaɱ p'ahaɱ Sāriputta,||
du-vidhena vadāmi: sevitabbam pi asevitabbapī'ti iti yaɱ taɱ vuttaɱ Bhagavatā idam etaɱ paṭicca vuttaɱ.|| ||

Senāsanaɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti kho pan'etaɱ vuttaɱ mayā,||
Kiñ c'etaɱ paṭicca vuttaɱ.|| ||

Yathā-rūpaɱ Sāriputta,||
sen'āsanaɱ sevato akusalā dhammā abhivaḍḍhanti.|| ||

Eva-rūpaɱ sen'āsanaɱ na sevitabbaɱ yathā-rūpañ ca kho bhante,||
sen'āsanaɱ sevato akusalā dhammā parihāyanti,||
kusalā dhammā abhivaḍḍhanti.|| ||

Eva-rūpaɱ sen'āsanaɱ sevitabbaɱ.|| ||

Senāsanaɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti yaɱ taɱ vuttaɱ Bhagavatā idam etaɱ paṭicca vuttaɱ.|| ||

Yathā-rūpañ ca kho Sāriputta,||
gāmaɱ sevato akusalā dhammā parihāyanti.|| ||

Kusalā dhammā abhivaḍḍhanti.|| ||

Eva-rūpo gāmo sevitabbo.|| ||

Gāmaɱ p'ahaɱ Sāriputta,||
du-vidhena vadāmi: sevitabbam pi asevitabbampī' ti iti yaɱ taɱ vuttaɱ Bhagavatā idam etaɱ paṭicca vuttaɱ.|| ||

Yathā-rūpañ ca kho Sāriputta,||
nigamaɱ sevato akusalā dhammā parihāyanti.|| ||

Kusalā dhammā abhivaḍḍhanti.|| ||

Eva-rūpo nigamo sevitabbo.|| ||

Nagaraɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti yaɱ taɱ vuttaɱ Bhagavatā idam etaɱ paṭicca vuttaɱ.|| ||

Eva-rūpaɱ nagaraɱ na sevitabbaɱ.|| ||

Yathā-rūpañ ca kho bhante,||
nagaraɱ sevato akusalā dhammā parihāyanti,||
kusalā dhammā abhivaḍḍhanti.|| ||

Eva-rūpaɱ nagaraɱ sevitabbaɱ.|| ||

Nagaraɱ p'ahaɱ Sāriputta,du-vidhena vadāmi: sevitabbam pi asevitabbampī'ti iti yaɱ taɱ vuttaɱ Bhagavatā idam etaɱ paṭicca vuttaɱ.|| ||

Eva-rūpo janapado sevitabbo.|| ||

Yathā-rūpañ ca kho bhante,||
jana-padaɱ sevato akusalā dhammā parihāyanti,||
kusalā dhammā abhivaḍḍhanti.|| ||

Eva-rūpo janapado sevitabbo.|| ||

Janapadaɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti yaɱ taɱ vuttaɱ Bhagavatā idam etaɱ paṭicca vuttaɱ.|| ||

'Puggalaɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti kho pan'etaɱ vuttaɱ mayā,||
Kiñ c'etaɱ paṭicca vuttaɱ.|| ||

Yathā-rūpaɱ Sāriputta,||
puggalaɱ sevato akusalā dhammā abhivaḍḍhanti.|| ||

Eva-rūpo puggalaɱ sevitabbo.|| ||

Puggalaɱ p'ahaɱ Sāriputta,||
du-vidhena vadāmi: sevitabbam pi asevitabbampī'ti iti yaɱ taɱ vuttaɱ Bhagavatā idam etaɱ paṭicca vuttaɱ.|| ||

Imassa kho Sāriputta,||
mayā saŋkhittena bhāsitassa vitthārena atthaɱ avibhattassa1 evaɱ vitthārena attho daṭṭhabbo.|| ||

Sabbe pi ce Sāriputta,||
khattiyā imassa mayā saŋkhittena bhāsitassa evaɱ vitthārena atthaɱ ājāneyyuɱ sabbesānampa'ssa khattiyānaɱ dīgha-rattaɱ hitāya sukhāya.|| ||

Sabbe pi ce Sāriputta,||
brāhmaṇā imassa mayā saŋkhittena bhāsitassa evaɱ vitthārena atthaɱ ājāneyyuɱ sabbesānampa'ssa brāhmaṇāṇaɱ dīgha-rattaɱ hitāya sukhāya.|| ||

Sabbe pi ce Sāriputta,||
vessā imassa mayā saŋkhittena bhāsitassa evaɱ vitthārena atthaɱ ājāneyyuɱ sabbesānampa'ssa vessānaɱ dīgha-rattaɱ hitāya sukhāya.|| ||

Sabbe pi ce Sāriputta,||
suddā imassa mayā saŋkhittena bhāsitassa evaɱ vitthārena atthaɱ ājāneyyuɱ.|| ||

Sabbe sānampa'ssa suddānaɱ dīgha-rattaɱ hitāya sukhāya sa-devako pi ce Sāriputta,||
loko sa-mārako sabrahmako sa-s-samaṇa-brāhmaṇi pajā sadeva-manussā imassa mayā saŋkhittena bhāsitassa evaɱ vitthārena atthaɱ ājāneyya.|| ||

SadevaKassapissa lokassa sa-mārakassa sabrahmakassa sa-s-samaṇa-brāhmaṇīyā pajāya sadeva-manussāya dīgha-rattaɱ hitāya sukhāyāti.|| ||

[61] Idam avoca Bhagavā atta-mano āyasmā Sāriputto Bhagavato bhāsitaɱ abhinandīti.|| ||

Sevitabbāsevitabbasuttaɱ catutthaɱ


 

Contact:
E-mail
Copyright Statement