Saṃyutta Nikāya
I. Sagātha Vagga
1. Devatā-Saṃyutta
VIII. Chetvā Vagga
Adapted from the 1995 edition of the digital version of the
Sri Lanka Buddha Jayanti Tripitaka Series.
Sutta 71
Chetvā [Jhatvā] Suttaṃ
[71.1][rhyc][than][bodh] Evam me sutaṃ ekaṃ samayaṃ Bhagavā Sāvatthiyaṃ viharati Jetavane Anāthapiṇḍikassa ārāme.|| ||
Eka-m-antaṃ ṭhitā kho sā devatā Bhagavantaṃ gāthāya ajjhabhāsi.|| ||
"Kiṃ su jhatvā sukhaṃ seti||
kiṃ su jhatvā na socati,||
Kissassa eka-dhammassa||
vadhaṃ rocesi gotamā" ti?|| ||
(Bhagavā:)|| ||
"Kodhaṃ jhatvā sukhaṃ seti||
kodhaṃ jhatvā1 na socati,||
Kodhassa visamūlassa||
madhura-g-gassa devate,||
Vadhaṃ ariyā pasaṃ-santi||
taṃ hi jhatvā na socatī" ti.|| ||
Sutta 72
Ratha Suttaṃ
[72.1][rhyc][bodh] Evam me sutaṃ ekaṃ samayaṃ Bhagavā Sāvatthiyaṃ viharati Jetavane Anāthapiṇḍikassa ārāme.|| ||
(Devatā:)|| ||
"Kiṃ su rathassa paññāṇaṃ||
kiṃ su paññāṇamaggino,||
Kiṃ su raṭṭhassa paññāṇaṃ||
kiṃ su paññāṇamitthiyā" ti?|| ||
(Bhagavā:)|| ||
"Dhajo rathassa paññāṇaṃ||
dhūmo paññāṇamaggino,||
Rājā raṭṭhassa paññāṇaṃ||
bhattā paññāṇamitthiyā" ti.|| ||
Sutta 73
Vitta Suttaṃ
[73.1][rhyc][bodh] Evam me sutaṃ ekaṃ samayaṃ Bhagavā Sāvatthiyaṃ viharati Jetavane Anāthapiṇḍikassa ārāme.|| ||
(Devatā:)|| ||
"Kiṃ sūdha vittaṃ purisassa seṭṭhaṃ||
kiṃ su suciṇṇo sukham āvahāti,||
kiṃ su have sādutaraṃ rasānaṃ||
kathaṃ jīvitam āhu seṭṭhan" ti?|| ||
(Bhagavā:)|| ||
"Saddhīdha vittaṃ purisassa seṭṭham||
Dhammo suciṇṇo sukham āvahāti||
Saccaṃ have sādutaraṃ rasānaṃ||
paññājīviṃ jīvitam āhu seṭṭhan" ti.|| ||
Sutta 74
Vuṭṭhi Suttaṃ
[74.1][rhyc][bodh] Evam me sutaṃ ekaṃ samayaṃ Bhagavā Sāvatthiyaṃ viharati Jetavane Anāthapiṇḍikassa ārāme.|| ||
(Devatā:)|| ||
"Kiṃ su uppatataṃ seṭṭhaṃ||
kiṃ su nipatataṃ varaṃ,||
Kiṃ su pavajamānānaṃ||
kiṃ su pavadataṃ varan" ti?|| ||
(Aparā devatā:)|| ||
"Bījaṃ uppatataṃ seṭṭhaṃ||
vuṭṭhi nipatataṃ varā,||
Gāvo pavajamānānaṃ||
putto pavadataṃ varo" ti.|| ||
"(Bhagavā:)|| ||
"Vijjā uppatataṃ seṭṭhā||
avijjā nipatataṃ varā,||
Saṅgho pavajamānānaṃ||
Buddho pavadataṃ varo" ti.|| ||
Sutta 75
Bhīta Suttaṃ
[75.1][rhyc][bodh] Evam me sutaṃ ekaṃ samayaṃ Bhagavā Sāvatthiyaṃ viharati Jetavane Anāthapiṇḍikassa ārāme.|| ||
(Devatā:)|| ||
"Kiṃ sūdha bhītā janatā anekā||
Maggo ca nekāyatanaṃ pavutto,||
Pucchāmi taṃ Gotama bhūripañña||
kismiṃ ṭhito paralokaṃ na bhāye" ti?|| ||
(Bhagavā:)|| ||
"Vācaṃ manañca paṇidhāya sammā||
kāyena pāpāni akubbamāno,||
Bavhannapānaṃ gharamāvasanto||
[43] Saddho mudū saṃvibhāgī vadaññū,||
Etesu dhammesu ṭhito catūsu||
dhamme ṭhito paralokaṃ na bhāye" ti.|| ||
Sutta 76
Na Jīrati Suttaṃ
[76.1][rhyc][bodh] Evam me sutaṃ ekaṃ samayaṃ Bhagavā Sāvatthiyaṃ viharati Jetavane Anāthapiṇḍikassa ārāme.|| ||
(Devatā:)|| ||
"Kiṃ jīrati kiṃ na jīrati||
kiṃ su uppathoti vuccati,||
Kiṃ su dhammānaṃ paripantho||
kiṃ su rattin-divakkhayo,||
Kiṃ malaṃ Brahma-cariyassa||
kiṃ sinānamanodakaṃ.||
Kati lokasmiṃ chiddāni||
yattha cittaṃ na tiṭṭhati,||
Bhagavantaṃ puṭṭhum āgamma||
kathaṃ jānemu taṃ mayan" ti?|| ||
(Bhagavā:)|| ||
"Rūpaṃ jīrati maccānaṃ||
nāmagottaṃ na jīrati,||
Rāgo uppathoti vuccati||
lobho dhammānaṃ paripantho,||
Vayo rattin-divakkhayo||
itthi malaṃ Brahma-cariyassa||
etthāyaṃ sajjate pajā||
Tapo ca Brahma-cariyañ ca||
taṃ sinānam anodakaṃ.|| ||
Cha lokasmiṃ chiddāni||
yattha cittaṃ na tiṭṭhati,||
Ālassaṃ ca pamādo ca||
anuṭṭhānaṃ asaṃyamo,||
Niddā tandi ca te chidde||
sabbaso taṃ vivajjaye" ti.|| ||
Sutta 77
Issara Suttaṃ
[77.1][rhyc][bodh] Evam me sutaṃ ekaṃ samayaṃ Bhagavā Sāvatthiyaṃ viharati Jetavane Anāthapiṇḍikassa ārāme.|| ||
(Devatā:)|| ||
"Kiṃ su issariyaṃ loke||
kiṃ su bhaṇḍānamuttamaṃ,||
Kiṃ su satthamalaṃ loke||
kiṃ su lokasmiṃ abbudaṃ.||
Kiṃ su harantaṃ vārenti||
haranto pana ko piyo,||
Kiṃ su punappunāyan taṃ||
abhinandanti paṇḍitā" ti.|| ||
(Bhagavā:)|| ||
"Vaso issariyaṃ loke||
itthi bhaṇḍānam uttamaṃ,||
Kodho satthamalaṃ loke||
corā lokasmiṃ abbudaṃ||
Coraṃ harantaṃ vārenti||
haranto samaṇo piyo,||
Samaṇaṃ punappunāyan taṃ||
abhinandanti paṇḍitā" ti.|| ||
Sutta 78
Kāma Suttaṃ
[44][78.1][rhyc][bodh] Evam me sutaṃ ekaṃ samayaṃ Bhagavā Sāvatthiyaṃ viharati Jetavane Anāthapiṇḍikassa ārāme.|| ||
(Devatā:)|| ||
"Kim atthakāmo na dade||
kiṃ macco na pariccaje,||
Kiṃ su muñceyya kalyāṇaṃ||
pāpikañ ca na mocaye" ti?|| ||
(Bhagavā:)|| ||
"Attānaṃ na dado poso||
attāṇaṃ na pariccaje,||
Vācaṃ muñceyya kalyāṇaṃ||
pāpikañ ca na mocaye" ti.|| ||
Sutta 79
Pātheyya Suttaṃ
[79.1][rhyc][bodh] Evam me sutaṃ ekaṃ samayaṃ Bhagavā Sāvatthiyaṃ viharati Jetavane Anāthapiṇḍikassa ārāme.|| ||
(Devatā:)|| ||
"Kiṃ su bandhati pātheyyaṃ||
kiṃ su bhogānamāsayo,||
Kiṃ su naraṃ parikassati||
kiṃ su lokasmiṃ dujjahaṃ,||
Kismiṃ baddhā puthusattā||
pāsena sakuṇī yathā" ti?|| ||
(Bhagavā:)|| ||
"Saddhā bandhati pātheyyaṃ||
siri bhogānam āsayo,||
Icchā naraṃ parikassati||
icchā lokasmiṃ dujjahā,||
Icchābaddhā puthusattā||
pāsena sakuṇī yathā" ti.|| ||
Sutta 80
Pajjota Suttaṃ
[80.1][rhyc][bodh] Evam me sutaṃ ekaṃ samayaṃ Bhagavā Sāvatthiyaṃ viharati Jetavane Anāthapiṇḍikassa ārāme.|| ||
(Devatā:)|| ||
"Kiṃ su lokasmiṃ pajjoto||
kiṃ su lokasmiṃ jāgaro,||
Kiṃ su kamme sajīvānaṃ||
kimassa iriyāpatho.||
Kiṃ su alasaṃ analasañ ca||
mātā puttaṃva posati,||
Kiṃ su bhūtūpajīvanti||
ye pāṇā paṭhaviṃsitā" ti?|| ||
(Bhagavā:)|| ||
"Paññā lokasmiṃ pajjoto||
sati lokasmiṃ1 jāgaro,||
Gāvo kamme sajīvānaṃ||
sītassa iriyāpatho.||
Vuṭṭhi alasaṃ analasañ ca||
mātā puttaṃva posati,||
Vuṭṭhiṃ bhūtūpajīvanti||
ye pāṇā paṭhaviṃsitā" ti.|| ||
Sutta 81
Araṇa Suttaṃ
[81.1][rhyc][bodh] Evam me sutaṃ ekaṃ samayaṃ Bhagavā Sāvatthiyaṃ viharati Jetavane Anāthapiṇḍikassa ārāme.|| ||
(Devatā:)|| ||
"Ke sūdha araṇā loke||
kesaṃ vusitaṃ na nassati,||
Kedha icchaṃ parijānanti||
kesaṃ bhojissiyaṃ sadā||
[45] Kiṃ su mātā pitā bhātā||
vandantī naṃ pati-ṭ-ṭhitaṃ,||
Kiṃ su idha jātihīnaṃ||
abhivādenti khattiyā" ti?|| ||
(Bhagavā:)|| ||
"Samaṇīdha araṇā loke||
samaṇānaṃ vusitaṃ na nassati.||
Samaṇā icchaṃ parijānanti||
samaṇānaṃ bhojissiyaṃ sadā.|| ||
Samaṇaṃ mātā pitā bhātā||
vandanti naṃ pati-ṭ-ṭhitaṃ,||
Samaṇīdha jātihīnaṃ||
abhivādenti khattiyā" ti.|| ||
Jhatvā Vagga Aṭṭhama
