Timbaruka Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

[22]

[1][pts][bodh][than] Evaṃ me sutaṃ.|| ||

Ekaṃ samayaṃ Bhagavā Sāvatthiyaṃ viharati Jetavane Anāthapiṇḍikassa ārāme.|| ||

2. Atha kho Timbaruko paribbājako yena Bhagavā ten'upasaṅkami.|| ||

Upasaṅkamitvā Bhagavatā saddhiṃ sammodi.|| ||

Sammodanīyaṃ kataṃ sārāṇīyaṃ vīti-sāretvā eka-m-antaṃ nisīdi.|| ||

3. Eka-m-antaṃ nisinno kho Timbaruko paribbājako Bhagavantaṃ etad avoca:|| ||

4. "Kin nu kho bho Gotama||
sayaṃ kataṃ dukkha-sukhanti" ti?|| ||

"Mā hevaṃ Timbaruka" ti Bhagavā avoca.|| ||

5. "Kim pana bho Gotama||
parakataṃ dukkha-sukhanti" ti?|| ||

"Mā hevaṃ Timbaruka" ti Bhagavā avoca.|| ||

6. "Kin nu kho bho Gotama||
sayaṃ katañ ca parakatañ ca dukkha-sukhanti" ti?|| ||

"Mā hevaṃ Timbaruka" ti Bhagavā avoca.|| ||

7. "Kim pana bho Gotama||
asayaṃ-kāraṃ apara-kāraṃ adhicca-samuppannaṃ dukkha-sukhanti" ti?|| ||

"Mā hevaṃ Timbaruka" ti Bhagavā avoca.|| ||

8. "Kin nu kho bho Gotama||
n'atthi dukkha-sukhanti" ti?|| ||

"Na kho Timbaruka||
n'atthi dukkhaṃ.|| ||

Atthi kho Timbaruka||
dukkha-sukhanti" ti.|| ||

9. "Tena hi bhavaṃ Gotamo dukkhaṃ||
na jānāti||
na passatī" ti?|| ||

"Na khv'āhaṃ Timbaruka dukkhaṃ||
na jānāmi||
na passāmi.|| ||

Jānāmi khv'āhaṃ Timbaruka dukkhaṃ||
passāmi khv'āhaṃ Timbaruka dukkha-sukhanti" ti.|| ||

10. "'Kin nu kho bho Gotama||
sayaṃ-kataṃ dukkha-sukhanti' ti||
iti puṭṭho samāno||
'mā hevaṃ Timbaruka' ti vadesi.|| ||

[23] 'Kim pana bho Gotama parakataṃ dukkha-sukhanti' ti||
iti puṭṭho samāno||
'mā hevaṃ Timbaruka' ti vadesi.|| ||

'Kin nu kho bho Gotama||
sayaṃ-katañ ca parakatañ ca dukkha-sukhanti' ti||
iti puṭṭho samāno||
'mā hevaṃ Timbaruka' ti vadesi.|| ||

'Kim pana bho Gotama asayaṃ-kāraṃ apara-kāraṃ adhicca-samuppannaṃ dukkha-sukhanti' ti||
iti puṭṭho samāno||
'mā hevaṃ Timbaruka' ti vadesi.|| ||

'Kin nu kho bho Gotama n'atthi dukkha-sukhanti' ti||
iti puṭṭho samāno||
'na kho Timbaruka n'atthi dukkhaṃ||
atthi kho Timbaruka dukkha-sukhanti' ti vadesi.|| ||

'Tena hi bhavaṃ Gotamo dukkhaṃ na jānāti||
na passatī' ti||
iti puṭṭho samāno||
'na khv'āhaṃ Timbaruka dukkhaṃ||
na jānāmi||
na passāmi.|| ||

Jānāmi khv'āhaṃ Timbaruka dukkhaṃ||
passāmi khv'āhaṃ Timbaruka dukkha-sukhanti' ti vadesi.|| ||

Ācikkhatu me bhante Bhagavā dukkhaṃ||
desetu me bhante Bhagavā dukkha-sukhanti" ti.|| ||

11. "'Sā vedanā, so vediyatī' ti||
kho Timbaruka,||
ādito sato||
'sayaṃ kataṃ sukha-dukkha-sukhanti' ti||
evam pahaṃ na vadāmi.|| ||

12. 'Aññā vedanā añño vediyatī' ti||
kho Timbaruka,||
vedanā-bhitunnassa sato||
"paraṃ kataṃ sukha-dukkha-sukhanti' ti,||
evam pahaṃ na vadāmi.|| ||

18. Ete te Timbaruka||
ubho ante anupagamma majjhena Tathāgato dhammaṃ deseti:|| ||

Avijjā-paccayā saṅkhārā,||
saṅkāra-paccayā viññāṇaṃ,||
viññāṇa-paccayā nāma-rūpaṃ,||
nāma-rūpa-paccayā saḷāyatanaṃ,||
saḷāyatana-paccayā phasso,||
phassa-paccayā vedanā,||
vedanā-paccayā taṇhā,||
taṇhā-paccayā upādānaṃ,||
upādāna-paccayā bhavo,||
bhava-paccayā jāti,||
jāti-paccayā jarā-maraṇaṃ||
soka-parideva-dukkha-domanass'ūpāyāsā sambhavanti.|| ||

Evam etassa kevalassa dukkha-k-khandhassa samudayo hoti.|| ||

Avijjāya tv'eva [21] asesa-virāga-nirodhā saṅkhāra-nirodho,||
saṅkhāra-nirodhā viññāṇa-nirodho||
viññāṇa-nirodhā nāma-rūpa-nirodho||
nāma-rūpa-nirodhā saḷāyatana-nirodho||
saḷāyata-nanirodhā phassa-nirodho||
phassa-nirodhā vedanā-nirodho||
vedanā-nirodhā taṇhā-nirodho||
taṇhā-nirodhā upādāna-nirodho||
upādāna-nirodhā bhava-nirodho||
bhava-nirodhā jāti-nirodho||
jāti-nirodhā jarā-maraṇaṃ||
soka-parideva-dukkha-domanass'ūpāyāsā nirujjhanti.|| ||

Evam etassa kevalassa dukkha-k-khandhassa nirodho hotī" ti.|| ||

14. Evaṃ vutte acelo Timbaruka Bhagavantaṃ etad avoca:|| ||

"Abhikkantaṃ bhante!|| ||

Abhikkantaṃ bhante!|| ||

Seyyathā pi bhante||
nikkujjitaṃ vā ukkujjeyya||
paṭi-c-channaṃ vā vivareyya||
mūlhassa vā Maggaṃ ācikkheyya||
andha-kāre vā tela-pajjotaṃ dhāreyya||
cakkhu-manto 'rūpāni dakkhintī' ti.|| ||

Evam evaṃ Bhagavatā aneka-pariyāyena Dhammo pakāsito||
es'āhaṃ bhante Bhagavantaṃ saraṇaṃ gacchāmi||
Dhammañ ca||
bhikkhu-saṅghañ ca" ti|| ||

Upāsakaṃ maṃ bhavaṃ Gotamo dhāretu ajja-t-agge pāṇupetaṃ saraṇaṃ gatanti.|| ||