Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya
II. Nidāna Vagga
21. Bhikkhu Saɱyutta

Sutta 9

Tissa Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[281]

[1][rhyc][bodh] EVAṂ ME SUTAṂ:|| ||

Ekaɱ samayaɱ Bhagavā Sāvatthiyaɱ viharati,||
Jetavane Anāthapiṇḍikassa ārāme.|| ||

[282] [2][rhyc] Atha kho āyasmā Tisso Bhagavato pitu-c-chā-putto yena Bhagavā ten'upasankami.|| ||

Upasaŋkamitvā Bhagavantaɱ abhivādetvā eka-m-antaɱ nisīdi,||
dukkhī dummano assūni pavattayamāno.|| ||

[3][rhyc] Atha kho Bhagavā āyasmantaɱ Tissaɱ etad avoca:|| ||

"Kiɱ nu kho tvaɱ Tissa,||
eka-m-antaɱ nisinno||
dukkhī dummano assūni pavattayamāno" ti?|| ||

[4][rhyc] "Tathā hi pana maɱ bhante,||
bhikkhū samantā vācāya sannitodakena sañjambhariɱ akaɱsū" ti.|| ||

[5][rhyc] "Tathā hi pana tvaɱ Tissa,||
vattā no ca vacana-k-khamo.|| ||

[6][rhyc] Na kho te taɱ Tissa,||
patirūpaɱ kula-puttassa saddhā agārasmā anagāriyaɱ pabba-jitassa,||
yaɱ tvaɱ vattā no vacana-k-khamo.|| ||

Etaɱ kho te Tissa,||
patirūpaɱ kula-puttassa saddhā agārasmā anagāriyaɱ pabba-jitassa,||
yaɱ tvaɱ vattā assa vacana-k-khamo cā" ti.|| ||

[7][rhyc] Idam avoca Bhagavā.|| ||

 


 

Idaɱ vatvāna Sugato athāparaɱ etad avoca Satthā:|| ||

Kiɱ nu kujjhasi mā kujjhi||
Akodho Tissa te varaɱ,||
Kodhamānamakkha-vinayatthaɱ hi||
Tissa Brahma-cariyaɱ vussatī' ti.|| ||


Contact:
E-mail
Copyright Statement