Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya
3. Khandha Vagga
22. Khandha Saɱyutta
5. Atta-Dīpa Vagga

Sutta 46

Dutiya Aniccatā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[45]

[1][pts][bodh] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Rūpaɱ bhikkhave aniccaɱ||
yad aniccaɱ taɱ dukkhaɱ||
yaɱ dukkhaɱ tad anattā||
yad anattā taɱ||
'n'etaɱ mama,||
neso ham asmi,||
na me so attā' ti.|| ||

Evam etaɱ yathā-bhūtaɱ samma-p-paññāya daṭṭhabbaɱ.|| ||

"Vedanā bhikkhave aniccaɱ||
yad aniccaɱ taɱ dukkhaɱ||
yaɱ dukkhaɱ tad anattā||
yad anattā taɱ||
'n'etaɱ mama,||
neso ham asmi,||
na me so attā' ti.|| ||

Evam etaɱ yathā-bhūtaɱ samma-p-paññāya daṭṭhabbaɱ.|| ||

"Saññā bhikkhave aniccaɱ||
yad aniccaɱ taɱ dukkhaɱ||
yaɱ dukkhaɱ tad anattā||
yad anattā taɱ||
'n'etaɱ mama,||
neso ham asmi,||
na me so attā' ti.|| ||

Evam etaɱ yathā-bhūtaɱ samma-p-paññāya daṭṭhabbaɱ.|| ||

"Sankhārā bhikkhave aniccaɱ||
yad aniccaɱ taɱ dukkhaɱ||
yaɱ dukkhaɱ tad anattā||
yad anattā taɱ||
'n'etaɱ mama,||
neso ham asmi,||
na me so attā' ti.|| ||

Evam etaɱ yathā-bhūtaɱ samma-p-paññāya daṭṭhabbaɱ.|| ||

"Viññāṇaɱ bhikkhave aniccaɱ||
yad aniccaɱ taɱ dukkhaɱ||
yaɱ dukkhaɱ tad anattā||
yad anattā taɱ||
'n'etaɱ mama,||
neso ham asmi,||
na me so attā' ti.|| ||

Evam etaɱ yathā-bhūtaɱ samma-p-paññāya daṭṭhabbaɱ.|| ||

 

§

 

Evam etaɱ yathā-bhūtaɱ samma-p-paññāya passato||
pubbant-ā-nudiṭṭhiyo na honti;||
pubbant-ā-nudiṭṭhīnaɱ asati,||
[46] aparant-ā-nudiṭṭhiyo na honti;||
aparant-ā-nudiṭṭhīnaɱ asati||
thāmasā parāmāso na hoti;||
thāmasā parāmāse asati||
rūpasmiɱ||
vedanāya||
saññāya||
sankhāresu||
viññāṇasmiɱ||
cittaɱ virajjati,||
vimuccati anupādāya āsavehi,||
vimutt'attā ṭhitaɱ,||
ṭhitattā santusitaɱ,||
santusitattā na paritassati,||
aparitassaɱ paccattaɱ yeva parinibkhāyati.|| ||

'Khiṇā jāti,||
vusitaɱ Brahma-cariyaɱ,||
kataɱ karaṇīyaɱ,||
nāparaɱ itthattāyā' ti||
pajānātī" ti.|| ||

 


Contact:
E-mail
Copyright Statement