Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya
3. Khandha Vagga
22. Khandha Saɱyutta
12. Dhamma-Kathika Vagga

Sutta 113

Paṭhama Avijjā (or Bhikkhu) Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[162]

[1][pts][olds] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Atha kho aññataro bhikkhu yena Bhagavā ten'upasankami.|| ||

Upasaɱkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho so bhikkhu Bhagavantaɱ etad avoca:|| ||

"'Avijjā avijjā' ti Bhante vuccati.|| ||

Katamā nu kho bhante, avijjā kittāvatā ca avijjā-gato hotī" ti?|| ||

"Idha bhikkhu a-s-sutavā puthujjano||
rūpaɱ na-p-pajānāti,||
rūpa-samudayaɱ na-p-pajānāti,||
rūpa-nirodhaɱ na-p-pajānāti,||
rūpa-nirodha-gāminiɱ paṭipadaɱ na-p-pajānāti;||

vedanaɱ na-p-pajānāti,||
vedanā samudayaɱ na-p-pajānāti,||
vedanā-nirodhaɱ na-p-pajānāti,||
vedanā-nirodha-gāminiɱ paṭipadaɱ na-p-pajānāti;||

saññaɱ na-p-pajānāti,||
saññā samudayaɱ na-p-pajānāti,||
saññā-nirodhaɱ na-p-pajānāti,||
saññā-nirodha-gāminiɱ paṭipadaɱ na-p-pajānāti;||

sankhāre na-p-pajānāti,||
sankhāre samudayaɱ na-p-pajānāti,||
sankhāra-nirodhaɱ na-p-pajānāti,||
sankhāra-nirodha-gāminiɱ paṭipadaɱ na-p-pajānāti;||

viññāṇaɱ na-p-pajānāti,||
viññāṇa samudayaɱ na-p-pajānāti,||
viññāṇa-nirodhaɱ na-p-pajānāti,||
viññāṇa-nirodha-gāminiɱ paṭipadaɱ na-p-pajānāti.|| ||

[163] Ayaɱ vuccati bhikkhave, avijjā ettāvatā ca avijjā-gato hotī" ti.|| ||

 


Contact:
E-mail
Copyright Statement