Saṃyutta Nikāya
3. Khandha Vagga
22. Khandha Saṃyutta
12. Dhamma-Kathika Vagga
Sutta 117
Bandhanā Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
Ekaṃ samayaṃ Bhagavā Sāvatthiyaṃ viharati Jetavane Anāthapiṇḍikassa ārāme.|| ||
Tatra kho Bhagavā bhikkhu āmantesi:|| ||
"Bhikkhavo" ti.|| ||
"Bhadante" ti||
te bhikkh Bhagavato paccassosuṃ|| ||
Bhagavā etad avoca:|| ||
"A-s-sutavā bhikkhave, puthujjano||
ariyānaṃ adassāvī||
ariya-Dhammassa||
akovido ariya-Dhamme avinīto,||
sappurisānaṃ adassāvī||
sappurisa-Dhammassa||
akovido sappurisa-Dhamme avinīto||
rūpaṃ attato samanupassati||
rūpa-vantaṃ vā attāṇaṃ,||
attani vā rūpaṃ,||
rūpassamiṃ vā attāṇaṃ;|| ||
Ayaṃ vuccati bhikkhave, a-s-sutavā puthujjano||
rūpa-bandhana-baddho||
santara-bāhira-bandhana-baddho||
a-tīra-dassi||
a-pāra-dassī,||
baddho jāyati,||
baddho mīyati,||
baddho asmā lokā||
paraṃ lokaṃ gacchati.|| ||
■
[165] Vedanaṃ attato samanupassati||
vedanā-vantaṃ vā attāṇaṃ,||
attani vā vedanā,||
vedanāssamiṃ vā attāṇaṃ.|| ||
Ayaṃ vuccati bhikkhave, a-s-sutavā puthujjano||
vedanā-bandhana-baddho||
santara-bāhira-bandhana-baddho||
a-tīra-dassi||
a-pāra-dassī,||
baddho jāyati,||
baddho mīyati,||
baddho asmā lokā||
paraṃ lokaṃ gacchati.|| ||
■
Saññaṃ attato samanupassati||
saññā-vantaṃ vā attāṇaṃ,||
attani vā saññaṃ,||
saññasmiṃ vā attāṇaṃ.|| ||
Ayaṃ vuccati bhikkhave, a-s-sutavā puthujjano||
saññā-bandhana-baddho||
santara-bāhira-bandhana-baddho||
a-tīra-dassi||
a-pāra-dassī,||
baddho jāyati,||
baddho mīyati,||
baddho asmā lokā||
paraṃ lokaṃ gacchati.|| ||
■
Saṅkhāre attato samanupassati||
saṅkhārāvantaṃ vā attāṇaṃ,||
attani vā saṅkhāraṃ,||
saṅkhārasmiṃ vā attāṇaṃ.|| ||
Ayaṃ vuccati bhikkhave, a-s-sutavā puthujjano||
saṅkhāra-bandhana-baddho||
santara-bāhira-bandhana-baddho||
a-tīra-dassi||
a-pāra-dassī,||
baddho jāyati,||
baddho mīyati,||
baddho asmā lokā||
paraṃ lokaṃ gacchati.|| ||
■
Viññāṇaṃ attato samanupassati||
viññāṇa-vantaṃ vā attāṇaṃ,||
attani vāviññāṇaṃ,||
viññāṇasmiṃ vā attāṇaṃ.|| ||
Ayaṃ vuccati bhikkhave, a-s-sutavā puthujjano||
viññāṇa-bandhana-baddho||
santara-bāhira-bandhana-baddho||
a-tīra-dassi||
a-pāra-dassī,||
baddho jāyati,||
baddho mīyati,||
baddho asmā lokā||
paraṃ lokaṃ gacchati.|| ||
§
Sutvā bhikkhave, ariya-sāvako, ariya-sāvako||
ariyānaṃ dsasāvi||
ariya-Dhammassa kovido||
ariya-Dhamme suvinīko||
sappurisānaṃ dassāvī||
sappurisa-Dhammassa kovido||
sappurisa-Dhamme suvinīto||
na rūpaṃ attato samanupassati,||
na rūpa-vantaṃ vā attāṇaṃ,||
na attani vā rūpaṃ,||
na rūpasmiṃ vā attāṇaṃ.|| ||
Ayaṃ vuccati bhikkhave, 'sutavā ariya-sāvako||
na rūpa-bandhana-baddho||
na santara-bāhira-bandhana-baddho||
tīra-dassi||
pāra-dassī,||
parimutto so dukkhasmā' ti vadāmi.|| ||
■
Na vedanā attato samanupassati,||
na vedanā vantaṃ vā attāṇaṃ,||
na attani vā vedanaṃ,||
na vedanasmiṃ vā attāṇaṃ;|| ||
Ayaṃ vuccati bhikkhave, 'sutavā ariya-sāvako||
na vedanā-bandhana-baddho||
na santara-bāhira-bandhana-baddho||
tīra-dassi||
pāra-dassī,||
parimutto so dukkhasmā' ti vadāmi.|| ||
■
Na saññaṃ attato samanupassati,||
na saññā vantaṃ vā attāṇaṃ,||
na attani vā sañña,||
na saññasmiṃ vā attāṇaṃ;|| ||
Ayaṃ vuccati bhikkhave, 'sutavā ariya-sāvako||
na saññā-bandhana-baddho||
na santara-bāhira-bandhana-baddho||
tīra-dassi||
pāra-dassī,||
parimutto so dukkhasmā' ti vadāmi.|| ||
■
Na saṅkhāre attato samanupassati,||
na saṅkhāra vantaṃ vā attāṇaṃ,||
na attani vā saṅkhāraṃ,||
na saṅkhārasmiṃ vā attāṇaṃ;|| ||
Ayaṃ vuccati bhikkhave, 'sutavā ariya-sāvako||
na saṅkhāra-bandhana-baddho||
na santara-bāhira-bandhana-baddho||
tīra-dassi||
pāra-dassī,||
parimutto so dukkhasmā' ti vadāmi.|| ||
■
Na viññāṇaṃ attato samanupassati,||
na viññāṇa vantaṃ vā attāṇaṃ,||
na attani vā viññāṇaṃ,||
na viññāṇasmiṃ vā attāṇaṃ.|| ||
Ayaṃ vuccati bhikkhave, 'sutavā ariya-sāvako||
na viññāṇa-bandhana-baddho||
na santara-bāhira-bandhana-baddho||
tīra-dassi||
pāra-dassī,||
parimutto so dukkhasmā' ti vadāmi" ti.|| ||
