Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya:
III. Khandhā Vagga:
23: Rādha Saɱyuttaɱ

Suttas 1-46

Adapted from the 1995 edition of the digital version of the Sri Lanka Buddha Jayanti Tripitaka Series.

 


[188]

Sutta 1

Māra Suttaɱ

[1.1][pts][bodh][olds] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Atha kho āyasmā Rādho yena Bhagavā ten'upasankami,||
upasaɱ- [189] kamitvā Bhagavantaɱ abhivādetvā eka-m-antaɱ nisīdi|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

"'Māro! Māro!' ti vuccati||
kittāvatā nu kho bhante, Māro" tī?|| ||

"Rūpe kho Rādha sati Māro vā||
assa māretā vā||
so vā pana miyati.|| ||

Tasmā ti ha tvaɱ Rādha, rūpaɱ||
'Māro' ti passa,||
'māretā' ti passa,||
'miyatī' ti passa,||
'rogo' ti passa,||
'gaṇḍo' ti passa,||
'sallan' ti passa,||
'aghan' ti passa,||
'agha-bhūtan' ti passa.|| ||

Ye naɱ evaɱ passanti te sammā passanti.|| ||

Vedanāya sati Māro vā||
assa māretā vā||
yo vā pana mīyati.|| ||

Tasmā ti ha tvaɱ Rādha, vedanaɱ||
'Māro' ti passa,||
'māretā' ti passa,||
'miyatī' ti passa,||
'rogo' ti passa,||
'gaṇḍo' ti passa,||
'sallan' ti passa,||
'aghan' ti passa,||
'agha-bhūtan' ti passa.|| ||

Ye naɱ evaɱ passanti te sammā passanti.|| ||

Saññāya sati Māro vā||
assa māretā vā||
yo vā pana mīyati.|| ||

Tasmā ti ha tvaɱ Rādha, saññaɱ||
'Māro' ti passa,||
'māretā' ti passa,||
'miyatī' ti passa,||
'rogo' ti passa,||
'gaṇḍo' ti passa,||
'sallan' ti passa,||
'aghan' ti passa,||
'agha-bhūtan' ti passa.|| ||

Ye naɱ evaɱ passanti te sammā passanti.|| ||

Sankhāresu sati||
assa māretā vā||
yo vā pana mīyati.|| ||

Tasmā ti ha tvaɱ Rādha, sankhāre||
'Māro' ti passa,||
'māretā' ti passa,||
'miyatī' ti passa,||
'rogo' ti passa,||
'gaṇḍo' ti passa,||
'sallan' ti passa,||
'aghan' ti passa,||
'agha-bhūtan' ti passa.|| ||

Ye naɱ evaɱ passanti te sammā passanti.|| ||

Viññāṇe sati||
assa māretā vā||
yo vā pana mīyati.|| ||

Tasmā ti ha tvaɱ Rādha, viññāṇaɱ||
'Māro' ti passa,||
'māretā' ti passa,||
'miyatī' ti passa,||
'rogo' ti passa,||
'gaṇḍo' ti passa,||
'sallan' ti passa,||
'aghan' ti passa,||
'agha-bhūtan' ti passa.|| ||

Ye naɱ evaɱ passanti te te sammā passantī" ti.|| ||

"Sammā-dassanaɱ pana bhante, kim atthiyan" ti?|| ||

"Sammā-dassakaɱ kho Rādha, nibbidatthaɱ" ti.|| ||

"Nibbidā pana bhante, kim atthiyā" ti?|| ||

"Nibbidā kho Rādha, virāgatthā" ti.|| ||

"Virāgo pana bhante kim atthiyo" ti?|| ||

"Virāgo kho Rādha, vimutt'attho" ti.|| ||

"Vimutti pana bhante, kim atthiyā" ti?|| ||

"Vimutti kho Rādha, Nibbānatthā" ti.|| ||

"Nibbānaɱ pana bhante, kim atthiyan" ti?|| ||

"Assa Rādha, pañhaɱ nāsakkhi pañhassa pariyan taɱ gahetuɱ.|| ||

Nibbān'ogadhaɱ hi Rādha, Brahma-cariyaɱ vussati||
Nibbāna-parāyanaɱ||
Nibbāna-pariyosānan" ti.|| ||

 

§

 

Sutta 2

Satta Suttaɱ

[2.1][pts][bodh][than][olds] Sāvatthī|| ||

Eka-m-antaɱ nisinno kho āyasmā Rādho Bhagavantaɱ [190] etad avoca:|| ||

"'Satto satto' ti vuccati||
kittāvatā nu kho bhante, 'satto' ti vuccati" ti?|| ||

"Rūpe kho Rādha,||
yo chando||
yo rāgo||
yā nandi||
yā taṇhā||
tatra satto||
tatra visatto tasmā 'satto' ti vuccati.|| ||

Vedanāya,||
yo chando||
yo rāgo||
yā nandi||
yā taṇhā||
tatra satto||
tatra visatto tasmā 'satto' ti vuccati.|| ||

Saññāya,||
yo chando||
yo rāgo||
yā nandi||
yā taṇhā||
tatra satto||
tatra visatto tasmā 'satto' ti vuccati.|| ||

Sankhāresu,||
yo chando||
yo rāgo||
yā nandi||
yā taṇhā||
tatra satto||
tatra visatto tasmā 'satto' ti vuccati.|| ||

Viññāṇe,||
yo chando||
yo rāgo||
yā nandi||
yā taṇhā||
tatra satto||
tatra visatto tasmā 'satto' ti vuccati.|| ||

Seyyathā pi Rādha,||
kumārakā vā kumārikāyo vā||
paɱsv-āgārakehi kīḷanti||
yāva kīvañ ca tesu paɱsv-āgārakesu||
avigata-rāgā honti,||
avigata-c-chandā,||
avigata-pemā,||
avigata-pipāsā,||
avigata-pariḷāhā,||
avigata-taṇahā||
tāva tāni paɱsv-āgārakāni||
allīyanti||
keḷāyanti||
manāyanti||
mamāyanti.|| ||

Yato ca kho Rādha,||
kumārakā vā kumārikāyo vā||
tesu paɱsv-āgārakesu||
vigata-rāgā honti,||
vigata-chandā,||
vigata-pemā,||
vigata-pipāsā,||
vigata-pariḷāhā,||
vigata-taṇhā,||
atha kho tāni paɱsv-āgārakāni
hatthehi ca||
pādehi ca
vikiranti||
vidhamanti||
viddhaɱsenti||
vikīḷanikaɱ karontī.|| ||

Evam eva kho Rādha, tumhe rūpaɱ||
vikiratha||
vidhamatha||
viddhaɱsetha||
vikīḷanikaɱ karotha||
taṇha-k-khayāya paṭipajjatha.|| ||

Vedanaɱ||
vikiratha||
vidhamatha||
viddhaɱsetha||
vikīḷanikaɱ karotha||
taṇha-k-khayāya paṭipajjatha.|| ||

Saññaɱ||
vikiratha||
vidhamatha||
viddhaɱsetha||
vikīḷanikaɱ karotha||
taṇha-k-khayāya paṭipajjatha.|| ||

Sankhāre||
vikiratha||
vidhamatha||
viddhaɱsetha||
vikīḷanikaɱ karotha||
taṇha-k-khayāya paṭipajjatha.|| ||

Viññāṇaɱ||
vikiratha||
vidhamatha||
viddhaɱsetha||
vikīḷanikaɱ karotha||
taṇha-k-khayāya paṭipajjatha.|| ||

Taṇha-k-khayo hi Rādha, Nibbānan" ti.|| ||

 

§

 

Sutta 3

Bhava-Netti Suttaɱ

[3.1][pts][bodh][olds] Sāvatthī|| ||

Eka-m-antaɱ nisinno kho||
āyasmā Rādho Bhagavantaɱ etad avoca:|| ||

"'Bhava-nettī||
bhava-nettī-nirodho' ti||
bhante vuccati.|| ||

Katamā nu kho bhante, bhava-nettī.|| ||

Katamo bhava-nettī-nirodho" ti?|| ||

[191] "Rūpe kho Rādha,||
yo chando||
yo rāgo||
yā nandi||
yā taṇhā||
ya upay-ū-pādānā cetaso adhiṭṭh-ā-nābhinives-ā-nusayā,||
ayaɱ vuccati bhava-nettī.|| ||

Tesaɱ nirodhā bhava-nettī-nirodho.|| ||

Vedanāya,||
yo chando||
yo rāgo||
yā nandi||
yā taṇhā||
ya upay-ū-pādānā cetaso adhiṭṭh-ā-nābhinives-ā-nusayā,||
ayaɱ vuccati bhava-nettī.|| ||

Tesaɱ nirodhā bhava-nettī-nirodho.|| ||

Saññāya,||
yo chando||
yo rāgo||
yā nandi||
yā taṇhā||
ya upay-ū-pādānā cetaso adhiṭṭh-ā-nābhinives-ā-nusayā,||
ayaɱ vuccati bhava-nettī.|| ||

Tesaɱ nirodhā bhava-nettī-nirodho.|| ||

Sankhāresu,||
yo chando||
yo rāgo||
yā nandi||
yā taṇhā||
ya upay-ū-pādānā cetaso adhiṭṭh-ā-nābhinives-ā-nusayā,||
ayaɱ vuccati bhava-nettī.|| ||

Tesaɱ nirodhā bhava-nettī-nirodho.|| ||

Viññāṇe,||
yo chando||
yo rāgo||
yā nandi||
yā taṇhā||
ya upay-ū-pādānā cetaso adhiṭṭh-ā-nābhinives-ā-nusayā,||
ayaɱ vuccati bhava-nettī.|| ||

Tesaɱ nirodhā bhava-nettī-nirodho" ti.|| ||

 

§

 

Sutta 4

Pariññeyya Suttaɱ

[4.1][pts][bodh][olds] Sāvatthī|| ||

Eka-m-antaɱ nisinnaɱ kho||
āyasmantaɱ Rādhaɱ Bhagavā etad avoca:|| ||

"Pariññeye ca Rādha dhamme desessāmi||
pariññañ ca||
pariññātāvim puggalaɱ ca

Taɱ suṇāhi||
sādhukaɱ manasi karohi||
bhāsissāmī" ti.|| ||

"Evaɱ bhante" ti kho te bhikkhu Bhagavato paccassosi:|| ||

Bhagavā etad avoca.|| ||

"Katame ca Rādha, pariññeyyā dhammā?|| ||

Rūpaɱ kho Rādha, pariññeyyo dhammo.|| ||

Vedanā pariññeyyo dhammo.|| ||

Saññā pariññeyyo dhammo.|| ||

Sankhārā pariññeyyo dhammo.|| ||

Viññāṇaɱ pariññeyyo dhammo.|| ||

Ime vuccati Rādha, pariññeyyā dhammā.|| ||

Katamā ca Rādha, pariññā?|| ||

Yo kho Rādha, rāga-k-khayo||
dosa-k-khayo||
moha-k-khayo||
ayaɱ vuccati Rādha, pariññā.|| ||

Katamo ca Rādha pariññātāvī puggalo?|| ||

Arahātissa vacanīyaɱ||
yoyaɱ āyasmā||
evaɱ nāmo||
evaɱ-gotto.|| ||

Ayaɱ vuccati Rādha, pariññātāvī puggalo" ti.|| ||

 

§

 

Sutta 5

Paṭhama Samaṇa Suttaɱ

[5.1][pts][bodh][olds] Sāvatthī|| ||

Eka-m-antaɱ nisinnaɱ kho āyasmantaɱ Rādhaɱ Bhagavā etad avoca:|| ||

"Pañc'ime Rādha, upādāna-k-khandhā.|| ||

Katame pañca?|| ||

Seyyath'īdaɱ:

Rūp'ūpādāna-k-khandho,||
vedan'ūpādāna-k-khandho,||
saññ'ūpādāna-k-khandho,||
sankhār'ūpādāna-k-khandho,||
viññāṇ'ūpādāna-k-khandho.|| ||

Ye hi keci Rādha, samaṇā vā brahmaṇā vā||
imesaɱ [192] pañcannaɱ upādāna-k-khandhānaɱ||
assādañ ca||
ādīnavañ ca||
nissaraṇañ ca||
yathā-bhūtaɱ na-p-pajānanti||
na me te Rādha,||
samaṇā vā brāhmaṇā vā||
samaṇesu vā||
samaṇa-sammatā||
brāhmaṇesu vā||
brahmaṇa-sammatā||
na ca pana te āyasmanto||
sāmaññ'atthaɱ vā||
brahmaññ'atthaɱ vā||
diṭṭhe'va dhamme sayaɱ abhiññā sacchi-katvā||
upasampajja viharanti.|| ||

Ye ca kho keci Rādha,||
samaṇā vā brāhmaṇā vā||
imesaɱ pañcannaɱ upādāna-k-khandhānaɱ||
assādañ ca||
ādīnavañ ca||
nissaraṇañ ca||
yathā-bhūtaɱ pajānanti||
te kho Rādha, samaṇā vā brāhmaṇā vā||
samaṇesu c'eva samaṇa-sammatā,||
brāhmaṇesu ca brāhmaṇa sammatā||
te ca pan'āyasmanto sāmaññ'atthañ ca||
brāhmaññ'atthañ ca||
diṭṭhe'va dhamme sayaɱ abhiññā sacchi-katvā upasampajja viharantī" ti.|| ||

 

§

 

Sutta 6

Dutiya Samaṇa Suttaɱ

[6.1][pts][bodh][olds] Sāvatthī|| ||

Eka-m-antaɱ nisinnaɱ kho āyasmantaɱ Rādhaɱ Bhagavā etad avoca:|| ||

"Pañc'ime Rādha, upādāna-k-khandhā.|| ||

Katame pañca?|| ||

Seyyath'īdaɱ rūp'ūpādāna-k-khandho,||
vedan'ūpādāna-k-khandho,||
saññ'ūpādāna-k-khandho,||
sankhār'ūpādāna-k-khandho,||
viññāṇ'ūpādāna-k-khandho.|| ||

Ye hi keci Rādha, samaṇā vā brāhmaṇā vā||
imesaɱ pañcannaɱ upādāna-k-khandhānaɱ||
samudayañ ca||
atthaɱ-gamañ ca||
assadañ ca||
ādīnavañ ca||
nissaraṇañ ca||
yathā-bhūtaɱ na pajānanti||
na me te Rādha,||
samaṇā vā brāhmaṇā vā||
samaṇesu vā samaṇa-sammatā||
brāhmaṇesu vā brāhmaṇa-sammatā||
na ca pana te āyasmanto||
sāmaññ'atthaɱ vā||
brahmaññ'atthaɱ vā||
diṭṭhe'va dhamme sayaɱ abhiññā sacchi-katvā||
upasampajja viharanti.|| ||

Ye ca kho keci Rādha, samaṇā vā brāhmaṇā vā||
imesaɱ pañcannaɱ upādāna-k-khandhānaɱ||
samudayañ ca||
atthagamañ ca||
assādañ ca||
ādīnavañ ca||
nissaraṇañ ca||
yathā-bhūtaɱ pajānāti||
te kho Rādha,||
samaṇā vā brahmaṇā vā||
samaṇesu c'eva samaṇa-sammatā,||
brāhmaṇesu ca brāhmaṇa-sammatā||
te ca pan'āyasmanto sāmaññ'atthañ ca||
brāhmaññatthañ ca||
diṭṭhe'va dhamme sayaɱ abhiññā sacchi-katvā||
upasampajja viharantī" ti.|| ||

 

§

 

Sutta 7

Sot'Āpanna Suttaɱ

[7.1][pts][bodh][olds] Sāvatthī|| ||

Eka-m-antaɱ nisinnaɱ kho āyasmantaɱ Rādhaɱ Bhagavā etad avoca:|| ||

"Pañc'ime Rādha, upādāna-k-khandhā.|| ||

Katame pañca?|| ||

Seyyath'īdaɱ rūp'ūpādāna-k-khandho,||
vedan'ūpādāna-k-khandho,||
saññ'ūpādāna-k-khandho,||
sankhār'ūpādāna-k-khandho,||
viññāṇ'ūpādāna-k-khandho.|| ||

[193] Yato ca kho Rādha,||
ariya-sāvako imesaɱ pañcannaɱ upādāna-k-khandhānaɱ||
samudayañ ca||
atthaɱ-gamañ ca||
assadañ ca||
ādīnavañ ca||
nissaraṇañ ca||
yathā-bhūtaɱ pajānāti||
ayaɱ vuccati Rādha,||
ariya-sāvako Sot'āpanno||
avinipāta-dhammo||
niyato sambodhi-parāyano" ti.|| ||

 

§

 

Sutta 8

Arahanta Suttaɱ

[8.1][pts][bodh][olds] Sāvatthī|| ||

Eka-m-antaɱ nisinnaɱ kho āyasmantaɱ Rādhaɱ Bhagavā etad avoca:|| ||

"Pañc'ime Rādha, upādāna-k-khandhā.|| ||

Katame pañca?|| ||

Seyyath'īdaɱ rūp'ūpādāna-k-khandho,||
vedan'ūpādāna-k-khandho,||
saññ'ūpādāna-k-khandho,||
sankhār'ūpādāna-k-khandho,||
viññāṇ'ūpādāna-k-khandho.|| ||

Yato kho Rādha, bhikkhu||
imesaɱ pañcannaɱ upādāna-k-khandhānaɱ||
samudayañ ca||
atthaɱ-gamañ ca||
assādañ ca||
ādīnavañ ca||
nissaraṇañ ca||
yathā-bhūtaɱ viditvā anupādā vimutto hoti,||
ayaɱ vuccati Rādha, bhikkhu Arahaɱ||
khīṇ'āsavo||
vusitvā kata-karaṇīyo ohita-bhāro||
anuppatta-sadattho||
parikkhīṇa bhava saŋyojano||
sammad aññā vimutto" ti.|| ||

 

§

 

Sutta 9

Paṭhama Chanda-Rāga Suttaɱ

[9.1][pts][bodh][olds] Sāvatthī|| ||

Eka-m-antaɱ nisinnaɱ kho āyasmantaɱ Rādhaɱ Bhagavā etad avoca:|| ||

"Rūpe kho Rādha,||
yo chando||
yo rāgo||
yā nandi||
yā taṇhā||
taɱ pajahatha.|| ||

Evaɱ taɱ rūpaɱ pahīnaɱ||
bhavissati ucchinna-mūlaɱ||
tāl-ā-vatthu-kataɱ||
anabhāva-kataɱ||
āyatiɱ anuppāda-dhammaɱ.|| ||

Vedanāya kho Rādha,||
yo chando||
yo rāgo||
yā nandi||
yā taṇhā||
taɱ pajahatha.|| ||

Evaɱ sā vedanā||
bhavissati ucchinna-mūlaɱ||
tāl-ā-vatthu-kataɱ||
anabhāva-kataɱ||
āyatiɱ anuppāda-dhammaɱ.|| ||

Saññāya kho Rādha,||
yo chando||
yo rāgo||
yā nandi||
yā taṇhā||
taɱ pajahatha.|| ||

Evaɱ sā saññā||
bhavissati ucchinna-mūlaɱ||
tāl-ā-vatthu-kataɱ||
anabhāva-kataɱ||
āyatiɱ anuppāda-dhammaɱ.|| ||

Sankhāresu kho Rādha,||
yo chando||
yo rāgo||
yā nandi||
yā taṇhā||
taɱ pajahatha.|| ||

Evaɱ te sankhārā||
bhavissati ucchinna-mūlaɱ||
tāl-ā-vatthu-kataɱ||
anabhāva-kataɱ||
āyatiɱ anuppāda-dhammaɱ.|| ||

[194] Viññāṇe kho Rādha,||
yo chando||
yo rāgo||
yā nandi||
yā taṇhā||
taɱ pajahatha.|| ||

Evaɱ taɱ viññāṇaɱ||
bhavissati ucchinna-mūlaɱ||
tāl-ā-vatthu-kataɱ||
anabhāva-kataɱ||
āyatiɱ anuppāda-dhammaɱ" ti.|| ||

 

§

 

Sutta 10

Dutiya Chanda-rāga Suttaɱ

[10.1][pts][bodh][olds] Sāvatthī|| ||

Eka-m-antaɱ nisinnaɱ kho āyasmantaɱ Rādhaɱ Bhagavā etad avoca:|| ||

"Rūpe kho Rādha,||
yo chando||
yo rāgo||
yā nandi||
yā taṇhā||
ye upay-ū-pādānā||
cetaso adhiṭṭh-ā-nābhinives-ā-nusayā||
te pajahatha.

Evaɱ taɱ rūpaɱ||
bhavissati ucchinna-mūlaɱ||
tāl-ā-vatthu-kataɱ||
anabhāva-kataɱ||
āyatiɱ anuppāda-dhammaɱ.|| ||

Vedanāya kho Rādha,||
yo chando||
yo rāgo||
yā nandi||
yā taṇhā||
ye upay-ū-pādānā||
cetaso adhiṭṭh-ā-nābhinives-ā-nusayā||
te pajahatha.

Evaɱ sā vedanā||
bhavissati ucchinna-mūlaɱ||
tāl-ā-vatthu-kataɱ||
anabhāva-kataɱ||
āyatiɱ anuppāda-dhammaɱ.|| ||

Saññāya kho Rādha,||
yo chando||
yo rāgo||
yā nandi||
yā taṇhā||
ye upay-ū-pādānā||
cetaso adhiṭṭh-ā-nābhinives-ā-nusayā||
te pajahatha.

Evaɱ sā saññā||
bhavissati ucchinna-mūlaɱ||
tāl-ā-vatthu-kataɱ||
anabhāva-kataɱ||
āyatiɱ anuppāda-dhammaɱ.|| ||

Sankhāresu kho Rādha,||
yo chando||
yo rāgo||
yā nandi||
yā taṇhā||
ye upay-ū-pādānā||
cetaso adhiṭṭh-ā-nābhinives-ā-nusayā||
te pajahatha.

Evaɱ te sankhārā||
bhavissati ucchinna-mūlaɱ||
tāl-ā-vatthu-kataɱ||
anabhāva-kataɱ||
āyatiɱ anuppāda-dhammaɱ.|| ||

kho Rādha,||
yo chando||
yo rāgo||
yā nandi||
yā taṇhā||
ye upay-ū-pādānā||
cetaso adhiṭṭh-ā-nābhinives-ā-nusayā||
te pajahatha.

Evaɱ taɱ viññāṇaɱ||
bhavissati ucchinna-mūlaɱ||
tāl-ā-vatthu-kataɱ||
anabhāva-kataɱ||
āyatiɱ anuppāda-dhammaɱ" ti.|| ||

[195]


II. Dutiya Māra Vagga


 

Sutta 11

Māra Suttaɱ

[11.1][pts][bodh][olds] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

"'Māro! Māro!' ti bhante vuccati|| ||

Katamo nu kho bhante Māro" tī?|| ||

"Rūpaɱ kho Rādha Māro,||
vedanā Māro,||
saññā Māro,||
sankhārā Māro||
viññāṇaɱ Māro.|| ||

Evaɱ passaɱ Rādha sutavā ariya-sāvako||
rūpasmim pi nibbindati,||
vedanāya pi nibbindati,||
saññāya pi nibbindati,||
sankhāresu pi nibbindati,||
viññāṇasmim pi nibbindati.|| ||

Nibbindaɱ virajjati,||
virāgā vimuccati,||
vimuttasmiɱ||
'vimuttami' ti||
ñāṇaɱ hoti:|| ||

'Khīṇā jāti||
vusitaɱ Brahma-cariyaɱ||
kataɱ karaṇīyaɱ||
nāparaɱ itthattāyā' ti pajānātī" ti.|| ||

 

§

 

Sutta 12

Māra-Dhamma Suttaɱ

[12.1][pts][bodh][olds] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

"'Māra-dhammo Māra-dhammo' ti bhante, vuccati.|| ||

Katamo nu kho bhante Māra-dhammo" tī?|| ||

Rūpaɱ kho Rādha Māra-dhammo,||
vedanā Māra-dhammo,||
saññā Māra-dhammo,||
sankhārā Māra-dhammo||
viññāṇaɱ Māra-dhammo.|| ||

Evaɱ passaɱ Rādha sutavā ariya-sāvako||
rūpasmim pi nibbindati,||
vedanāya pi nibbindati,||
saññāya pi nibbindati,||
sankhāresu pi nibbindati,||
viññāṇasmim pi nibbindati.|| ||

Nibbindaɱ virajjati,||
virāgā vimuccati,||
vimuttasmiɱ vimuttamiti ñāṇaɱ hoti:|| ||

'Khīṇā jāti||
vusitaɱ Brahma-cariyaɱ||
kataɱ karaṇīyaɱ||
nāparaɱ itthattāyā' ti pajānātī" ti.|| ||

 

§

 

Sutta 13

Anicca Suttaɱ

[13.1][pts][bodh][olds] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

"'Aniccaɱ aniccan' ti bhante, vuccati.|| ||

Kataman nu kho bhante aniccan" tī?|| ||

"Rūpaɱ kho Rādha aniccaɱ,||
vedanā aniccā,||
saññā aniccā,||
sankhārā aniccā||
viññāṇaɱ aniccaɱ.|| ||

Evaɱ passaɱ Rādha sutavā ariya-sāvako||
rūpasmim pi nibbindati,||
vedanāya pi nibbindati,||
saññāya pi nibbindati,||
sankhāresu pi nibbindati,||
viññāṇasmim pi nibbindati.|| ||

Nibbindaɱ virajjati,||
virāgā vimuccati,||
vimuttasmiɱ vimuttamiti ñāṇaɱ hoti:|| ||

'Khīṇā jāti||
vusitaɱ Brahma-cariyaɱ||
kataɱ karaṇīyaɱ||
nāparaɱ itthattāyā' ti pajānātī" ti.|| ||

 

§

 

Sutta 14

Anicca-Dhamma Suttaɱ

[14.1][pts][bodh][olds] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

"'Anicca-dhammo anicca-dhammo' ti bhante, vuccati.|| ||

Katamo nu kho bhante anicca-dhammo" ti?|| ||

"Rūpaɱ kho Rādha anicca-dhammo,||
vedanā anicca- [196] dhammo,||
saññā anicca-dhammo,||
sankhārā anicca-dhammo,||
viññāṇaɱ anicca-dhammo.|| ||

Evaɱ passaɱ Rādha sutavā ariya-sāvako||
rūpasmim pi nibbindati,||
vedanāya pi nibbindati,||
saññāya pi nibbindati,||
sankhāresu pi nibbindati,||
viññāṇasmim pi nibbindati.|| ||

Nibbindaɱ virajjati,||
virāgā vimuccati,||
vimuttasmiɱ vimuttamiti ñāṇaɱ hoti:|| ||

'Khīṇā jāti||
vusitaɱ Brahma-cariyaɱ||
kataɱ karaṇīyaɱ||
nāparaɱ itthattāyā' ti pajānātī" ti.|| ||

 

§

 

Sutta 15

Dukkha Suttaɱ

[15.1][pts][bodh][olds] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

"'Dukkhaɱ dukkhan' ti bhante, vuccati.|| ||

Kataman nu kho bhante dukkhan" ti?|| ||

"Rūpaɱ kho Rādha dukkhaɱ,||
vedanā dukkhā,||
saññā dukkhā,||
sankhārā dukkhā||
viññāṇaɱ dukkhaɱ.|| ||

Evaɱ passaɱ Rādha sutavā ariya-sāvako||
rūpasmim pi nibbindati,||
vedanāya pi nibbindati,||
saññāya pi nibbindati,||
sankhāresu pi nibbindati,||
viññāṇasmim pi nibbindati.|| ||

Nibbindaɱ virajjati,||
virāgā vimuccati,||
vimuttasmiɱ vimuttamiti ñāṇaɱ hoti:|| ||

'Khīṇā jāti||
vusitaɱ Brahma-cariyaɱ||
kataɱ karaṇīyaɱ||
nāparaɱ itthattāyā' ti pajānātī" ti.|| ||

 

§

 

Sutta 16

Dukkha-Dhamma Suttaɱ

[16.1][bodh][olds] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

"'Dukkha-dhammo dukkha-dhammo' ti bhante, vuccati.|| ||

Katamo nu kho bhante dukkha-dhammo" ti?|| ||

"Rūpaɱ kho Rādha dukkha-dhammo,||
vedanā dukkha-dhammo,||
saññā dukkha-dhammo,||
sankhārā dukkha-dhammo||
viññāṇaɱ dukkha-dhammo.|| ||

Evaɱ passaɱ Rādha sutavā ariya-sāvako||
rūpasmim pi nibbindati,||
vedanāya pi nibbindati,||
saññāya pi nibbindati,||
sankhāresu pi nibbindati,||
viññāṇasmim pi nibbindati.|| ||

Nibbindaɱ virajjati,||
virāgā vimuccati,||
vimuttasmiɱ vimuttamiti ñāṇaɱ hoti:|| ||

'Khīṇā jāti||
vusitaɱ Brahma-cariyaɱ||
kataɱ karaṇīyaɱ||
nāparaɱ itthattāyā' ti pajānātī" ti.|| ||

 

§

 

Sutta 17

Anatta Suttaɱ

[17.1][pts][bodh][olds] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

"'Anattā anattā' ti bhante, vuccati.|| ||

Katamo nu kho bhante anattā" ti?|| ||

Rūpaɱ kho Rādha, anattā,||
vedanā anattā,||
saññā anattā,||
sankhārā anattā||
viññāṇaɱ anattā.|| ||

Evaɱ passaɱ Rādha sutavā ariya-sāvako||
rūpasmim pi nibbindati,||
vedanāya pi nibbindati,||
saññāya pi nibbindati,||
sankhāresu pi nibbindati,||
viññāṇasmim pi nibbindati.|| ||

Nibbindaɱ virajjati,||
virāgā vimuccati,||
vimuttasmiɱ vimuttamiti ñāṇaɱ hoti:|| ||

'Khīṇā jāti||
vusitaɱ Brahma-cariyaɱ||
kataɱ karaṇīyaɱ||
nāparaɱ itthattāyā' ti pajānātī" ti.|| ||

 

§

 

Sutta 18

Anatta-Dhamma Suttaɱ

[18.1][pts][bodh][olds] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

"'Anatta-dhammo anatta-dhammo' ti bhante, vuccati.|| ||

Katamo nu kho bhante anatta-dhammo" ti?|| ||

"Rūpaɱ kho Rādha anatta-dhammo,||
vedanā anatta- [197] dhammo,||
saññā anatta-dhammo,||
sankhārā anatta-dhammo||
viññāṇaɱ anatta-dhammo.|| ||

Evaɱ passaɱ Rādha sutavā ariya-sāvako||
rūpasmim pi nibbindati,||
vedanāya pi nibbindati,||
saññāya pi nibbindati,||
sankhāresu pi nibbindati,||
viññāṇasmim pi nibbindati.|| ||

Nibbindaɱ virajjati,||
virāgā vimuccati,||
vimuttasmiɱ vimuttamiti ñāṇaɱ hoti:|| ||

'Khīṇā jāti||
vusitaɱ Brahma-cariyaɱ||
kataɱ karaṇīyaɱ||
nāparaɱ itthattāyā' ti pajānātī" ti.|| ||

 

§

 

Sutta 19

Khaya-Dhamma Suttaɱ

[19.1][pts][bodh][olds] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

"'Khaya-dhammo khaya-dhammo' ti bhante, vuccati.|| ||

Katamo nu kho bhante khaya-dhammo" ti?|| ||

"Rūpaɱ kho Rādha khaya-dhammo,||
vedanā khaya-dhammo,||
saññā khaya-dhammo,||
sankhārā khaya-dhammo,||
viññāṇaɱ khaya-dhammo.|| ||

Evaɱ passaɱ Rādha sutavā ariya-sāvako||
rūpasmim pi nibbindati,||
vedanāya pi nibbindati,||
saññāya pi nibbindati,||
sankhāresu pi nibbindati,||
viññāṇasmim pi nibbindati.|| ||

Nibbindaɱ virajjati,||
virāgā vimuccati,||
vimuttasmiɱ vimuttamiti ñāṇaɱ hoti:|| ||

'Khīṇā jāti||
vusitaɱ Brahma-cariyaɱ||
kataɱ karaṇīyaɱ||
nāparaɱ itthattāyā' ti pajānātī" ti.|| ||

 

§

 

Sutta 20

Vaya-Dhamma Suttaɱ

[20.1][pts][bodh][olds] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

"'Vaya-dhammo vaya-dhammo' ti bhante, vuccati.|| ||

Katamo nu kho bhante vaya-dhammo" ti?|| ||

"Rūpaɱ kho Rādha, vaya-dhammo,||
vedanā vaya-dhammo,||
saññā vaya-dhammo,||
sankhārā vaya-dhammo||
viññāṇaɱ vaya-dhammo.|| ||

Evaɱ passaɱ Rādha sutavā ariya-sāvako||
rūpasmim pi nibbindati,||
vedanāya pi nibbindati,||
saññāya pi nibbindati,||
sankhāresu pi nibbindati,||
viññāṇasmim pi nibbindati.|| ||

Nibbindaɱ virajjati,||
virāgā vimuccati,||
vimuttasmiɱ vimuttamiti ñāṇaɱ hoti:|| ||

'Khīṇā jāti||
vusitaɱ Brahma-cariyaɱ||
kataɱ karaṇīyaɱ||
nāparaɱ itthattāyā' ti pajānātī" ti.|| ||

 

§

 

Sutta 21

Samudaya-Dhamma Suttaɱ

[21.1][pts][bodh][olds] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

"'Samudaya-dhammo samudaya-dhammo' ti bhante, vuccati.|| ||

Katamo nu kho bhante samudaya-dhammo" ti?|| ||

"Rūpaɱ kho Rādha samudaya-dhammo,||
vedanā samudaya-dhammo,||
saññā samudaya-dhammo,||
sankhārā samudaya-dhammo||
viññāṇaɱ samudaya-dhammo.|| ||

Evaɱ passaɱ Rādha sutavā ariya-sāvako||
rūpasmim pi nibbindati,||
vedanāya pi nibbindati,||
saññāya pi nibbindati,||
sankhāresu pi nibbindati,||
viññāṇasmim pi nibbindati.|| ||

Nibbindaɱ virajjati,||
virāgā vimuccati,||
vimuttasmiɱ vimuttamiti ñāṇaɱ hoti:|| ||

'Khīṇā jāti||
vusitaɱ Brahma-cariyaɱ||
kataɱ karaṇīyaɱ||
nāparaɱ itthattāyā' ti pajānātī" ti.|| ||

 

§

 

Sutta 22

Nirodha-Dhamma Suttaɱ

[22.1][pts][bodh][olds] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

"'Nirodha-dhammo [198] nirodha-dhammo' ti bhante, vuccati, katamo nu kho bhante nirodha-dhammo" ti?|| ||

"Rūpaɱ kho Rādha nirodha-dhammo,||
vedanā nirodha-dhammo,||
saññā nirodha-dhammo,||
sankhārā nirodha-dhammo||
viññāṇaɱ nirodha-dhammo.|| ||

Evaɱ passaɱ Rādha sutavā ariya-sāvako||
rūpasmimpi nibbindati,||
vedanāyapi nibbindati,||
saññāyapi nibbindati,||
sankhāresupi nibbindati,||
viññāṇasmimpi nibbindati.|| ||

Nibbindaɱ virajjati,||
virāgā vimuccati,||
vimuttasmiɱ vimuttamiti ñāṇaɱ hoti:|| ||

'Khīṇā jāti||
vusitaɱ Brahma-cariyaɱ||
kataɱ karaṇīyaɱ||
nāparaɱ itthattāyā' ti pajānātī" ti.|| ||

 


III. Āyācana Vagga


 

Sutta 23

Māra Suttaɱ

[23.1][pts][bodh][olds] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

"Sādhu me bhante, Bhagavā saɱkhittena Dhammaɱ desetu||
yam ahaɱ Bhagavato Dhammaɱ sutvā||
eko vūpakaṭṭho||
appamatto||
ātāpi||
pahit'atto vihareyyan" ti.|| ||

"Yo kho Rādha, Māro tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Ko ca Rādha, Māro?|| ||

Rūpaɱ kho Rādha, Māro||
tatra te chando pahātabbo,||
rāgo pahātabbo,||
chanda-rāgo pahātabbo.|| ||

Vedanā Māro||
tatra te chando pahātabbo,||
rāgo pahātabbo,||
chanda-rāgo pahātabbo.|| ||

Saññā Māro||
tatra te chando pahātabbo,||
rāgo pahātabbo,||
chanda-rāgo pahātabbo.|| ||

Sankhārā Māro||
tatra te chando pahātabbo,||
rāgo pahātabbo,||
chanda-rāgo pahātabbo.|| ||

Viññāṇaɱ Māro||
tatra te chando pahātabbo,||
rāgo pahātabbo,||
chanda-rāgo pahātabbo.|| ||

Yo kho Rādha, Māro||
tatra te chando pahātabbo,||
rāgo pahātabbo,||
chanda-rāgo pahātabbo" ti.|| ||

 

§

 

Sutta 24

Māra-Dhamma Suttaɱ

[24.1][pts][bodh][olds] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

"Sādhu me bhante, Bhagavā saɱkhittena dhammaɱ desetu yam ahaɱ Bhagavato dhammaɱ sutvā eko vūpakaṭṭho appamatto ātāpi pahit'atto vihareyyan" ti.|| ||

"Yo kho Rādha, Māra-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Ko ca Rādha, Māra-dhammo:|| ||

Rūpaɱ kho Rādha, Māra-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Vedanā Māra-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Saññā Māra-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Sankhārā Māra-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Viññāṇaɱ Māra-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Yo kho Rādha, Māra-dhammo tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||

 

§

[199]

Sutta 25

Anicca Suttaɱ

[25.1][pts][olds] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

"Sādhu me bhante, Bhagavā saɱkhittena dhammaɱ desetu yam ahaɱ Bhagavato dhammaɱ sutvā eko vūpakaṭṭho appamatto ātāpi pahit'atto vihareyyan" ti.|| ||

"Yaɱ kho Rādha, aniccaɱ tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Kiñci Rādha, aniccaɱ?|| ||

Rūpaɱ kho Rādha, aniccaɱ, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Vedanā aniccā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Saññā aniccā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Sankhārā aniccā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Viññāṇaɱ aniccaɱ tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Yaɱ kho Rādha, aniccaɱ, tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||

 

§

 

Sutta 26

Anicca-Dhamma Suttaɱ

[26.1][pts][olds] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

"Sādhu me bhante, Bhagavā saɱkhittena dhammaɱ desetu yam ahaɱ Bhagavato dhammaɱ sutvā eko vūpakaṭṭho appamatto ātāpi pahit'atto vihareyyan" ti.|| ||

"Yaɱ kho Rādha, anicca-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Kiñci Rādha, anicca-dhammo?|| ||

Rūpaɱ kho Rādha, anicca-dhammo, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Vedanā anicca-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Saññā anicca-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Sankhārā anicca-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Viññāṇaɱ anicca-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Yaɱ kho Rādha, anicca-dhammo, tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||

 

§

 

Sutta 27

Dukkha Suttaɱ

[27.1][pts][olds] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

"Sādhu me bhante, Bhagavā saɱkhittena dhammaɱ desetu yam ahaɱ Bhagavato dhammaɱ sutvā eko vūpakaṭṭho appamatto ātāpi pahit'atto vihareyyan" ti.|| ||

"Yaɱ kho Rādha, dukkhaɱ tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Kiɱ ca Rādha, dukkhaɱ?|| ||

Rūpaɱ kho Rādha, dukkhaɱ, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Vedanā dukkhā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Saññā dukkhā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Sankhārā dukkhā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Viññāṇaɱ dukkhaɱ tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Yaɱ kho Rādha, dukkhaɱ, tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||

 

§

 

Sutta 28

Dukkha-Dhamma Suttaɱ

[28.1][olds] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

"Sādhu me bhante, Bhagavā saɱkhittena dhammaɱ desetu yam ahaɱ Bhagavato dhammaɱ sutvā eko vūpakaṭṭho appamatto ātāpi pahit'atto vihareyyan" ti.|| ||

"Yaɱ kho Rādha, dukkha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Kiɱ ca Rādha, dukkhaɱ?|| ||

Rūpaɱ kho Rādha, dukkha-dhammo, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Vedanā dukkha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Saññā dukkha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Sankhārā dukkha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Viññāṇaɱ dukkha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Yaɱ kho Rādha, dukkha-dhammo, tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||

 

§

 

Sutta 29

Anatta Suttaɱ

[29.1][pts][olds] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

"Sādhu me bhante, Bhagavā saɱkhittena dhammaɱ desetu yam ahaɱ Bhagavato dhammaɱ sutvā eko vūpakaṭṭho appamatto ātāpi pahit'atto vihareyyan" ti.|| ||

"Yo kho Rādha, anattā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Ko ca Rādha, anattā?|| ||

Rūpaɱ kho Rādha, anattā, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Vedanā anattā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Saññā anattā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Sankhārā anattā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Viññāṇaɱ anattā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Yo kho Rādha, anattā, tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||

 

§

 

Sutta 30

Anatta-Dhamma Suttaɱ

[30.1][pts][olds] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

"Sādhu me bhante, Bhagavā saɱkhittena dhammaɱ desetu yam ahaɱ Bhagavato dhammaɱ sutvā eko vūpakaṭṭho appamatto ātāpi pahit'atto vihareyyan" ti.|| ||

"Yo kho Rādha, anatta-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Ko ca Rādha, anatta-dhammo?|| ||

Rūpaɱ kho Rādha, anatta-dhammo, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Vedanā anatta-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Saññā anatta-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Sankhārā anatta-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Viññāṇaɱ anatta-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Yo kho Rādha, anatta-dhammo, tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||

 

§

 

Sutta 31

Khaya-Dhamma Suttaɱ

[31.1][pts][olds] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

"Sādhu me bhante, Bhagavā saɱkhittena dhammaɱ desetu yam ahaɱ Bhagavato dhammaɱ sutvā eko vūpakaṭṭho appamatto ātāpi pahit'atto vihareyyan" ti.|| ||

"Yo kho Rādha, khaya-dhammo tatra||
chando pahātabbo,||
rāgo pahātabbo,||
chanda-rāgo pahātabbo.|| ||

Ko ca Rādha, khaya-dhammo?|| ||

Rūpaɱ kho Rādha, dukkhaɱ, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Vedanā khaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Saññā khaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Sankhārā khaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Viññāṇaɱ khaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Yo kho Rādha, khaya-dhammo, tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||

 

§

 

Sutta 32

Vaya-Dhamma Suttaɱ

[32.1][olds] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

"Sādhu me bhante, Bhagavā saɱkhittena dhammaɱ desetu yam ahaɱ Bhagavato dhammaɱ sutvā eko vūpakaṭṭho appamatto ātāpi pahit'atto vihareyyan" ti.|| ||

"Yo kho Rādha, vaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Ko ca Rādha, vaya-dhammo?|| ||

Rūpaɱ kho Rādha, vaya-dhammo, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Vedanā vaya-dhammo tatra te chando pahātabbo rāgo pahātabbo, chanda-rāgo pahātabbo.||
chando pahātabbo,||
rāgo pahātabbo,||
chanda-rāgo pahātabbo.|| ||

Saññā vaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Sankhārā vaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Viññāṇaɱ vaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Yo kho Rādha, vaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||

 

§

 

Sutta 33

Samudaya Dhamma Suttaɱ

[33.1][pts][olds] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

"Sādhu me bhante, Bhagavā saɱkhittena dhammaɱ desetu yam ahaɱ Bhagavato dhammaɱ sutvā eko vūpakaṭṭho appamatto ātāpi pahit'atto vihareyyan" ti.|| ||

"Yo kho Rādha, samudaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Ko ca Rādha, samudaya-dhammo?|| ||

Rūpaɱ kho Rādha, samudaya-dhammo, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Vedanā samudaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Saññā samudaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Sankhārā samudaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Viññāṇaɱ samudaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Yo kho Rādha, samudaya-dhammo tatra||
chando pahātabbo,||
rāgo pahātabbo,||
chanda-rāgo pahātabbo" ti.|| ||

 

§

 

Sutta 34

Nirodha-Dhamma Suttaɱ

[34.1][pts][olds] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

"Sādhu me bhante, Bhagavā saɱkhittena dhammaɱ desetu yam ahaɱ Bhagavato dhammaɱ sutvā eko vūpakaṭṭho appamatto ātāpi pahit'atto vihareyyan" ti.|| ||

"Yo kho Rādha, nirodha-dhammo tatra||
chando pahātabbo,||
rāgo pahātabbo,||
chanda-rāgo pahātabbo.|| ||

Ko ca Rādha, nirodha-dhammo?|| ||

Rūpaɱ kho Rādha, nirodha-dhammo, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Vedanā nirodha-dhammā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Saññā nirodha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Sankhārā nirodha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Viññāṇaɱ nirodha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Yo kho Rādha, nirodha-dhammo tatra||
chando pahātabbo,||
rāgo pahātabbo,||
chanda-rāgo pahātabbo" ti.|| ||

 


[200]

IV. Upanisinna Vagga


 

Sutta 35

Māra Suttaɱ

[35.1][pts][bodh][olds] Sāvatthī|| ||

Atha kho āyasmā Rādho yena Bhagavā ten'upasankami.|| ||

Upasaɱkamitvā Bhagavantaɱ abhivādetvā Eka-m-antaɱ nisīdi.|| ||

Eka-m-antaɱ nisinnaɱ kho āyasmantaɱ Rādhaɱ Bhagavā etad avoca:|| ||

"Yo kho Rādha, Māro tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Ko ca Rādha, Māro?|| ||

Rūpaɱ kho Rādha, Māro, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Vedanā Māro tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Saññā Māro tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Sankhārā Māro tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Viññāṇaɱ Māro tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Yo kho Rādha, Māro, tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||

 

§

 

Sutta 36

Māra-Dhamma Suttaɱ

[36.1][bodh][olds] Sāvatthī|| ||

Eka-m-antaɱ nisinnaɱ kho āyasmantaɱ Rādhaɱ Bhagavā etad avoca:|| ||

"Yo kho Rādha, Māra-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Ko ca Rādha, Māra-dhammo?|| ||

Rūpaɱ kho Rādha, Māra-dhammo, tatra te ||
chando pahātabbo,||
rāgo pahātabbo,||
chanda-rāgo pahātabbo.|| ||

Vedanā Māra-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Saññā Māra-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Sankhārā Māra-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Viññāṇaɱ Māra-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Yo kho Rādha, Māra-dhammo, tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||

 

§

 

Sutta 37

Anicca Suttaɱ

[37.1][pts][olds] Sāvatthī|| ||

Eka-m-antaɱ nisinnaɱ kho āyasmantaɱ Rādhaɱ Bhagavā etad avoca:|| ||

"Yaɱ kho Rādha, aniccaɱ tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Ko ca Rādha, aniccaɱ?|| ||

Rūpaɱ kho Rādha, aniccaṇ, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Vedanā aniccā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Saññā aniccā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Sankhārā aniccā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Viññāṇaɱ aniccaɱ tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Yo kho Rādha, aniccaɱ tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||

 

§

 

Sutta 38

Anicca-Dhamma Suttaɱ

[38.1][pts][olds] Sāvatthī|| ||

Eka-m-antaɱ nisinnaɱ kho āyasmantaɱ Rādhaɱ Bhagavā etad avoca:|| ||

"Yaɱ kho Rādha, anicca-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Ko ca Rādha, aniccaɱ?|| ||

Rūpaɱ kho Rādha, anicca-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Vedanā anicca-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Saññā anicca-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Sankhārā anicca-dhammo, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Viññāṇaɱ anicca-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Yo kho Rādha, anicca-dhammo tatra||
chando pahātabbo,||
rāgo pahātabbo,||
chanda-rāgo pahātabbo" ti.|| ||

 

§

[201]

Sutta 39

Dukkha Suttaɱ

[39.1][pts][olds] Sāvatthī|| ||

Eka-m-antaɱ nisinnaɱ kho āyasmantaɱ Rādhaɱ Bhagavā etad avoca:|| ||

"Yaɱ kho Rādha, dukkhaɱ tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Ko ca Rādha, dukkhaɱ?|| ||

Rūpaɱ kho Rādha, dukkhaɱ, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Vedanā dukkhā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Saññā dukkhā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Sankhārā dukkhā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Viññāṇaɱ dukkhaɱ tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Yo kho Rādha, dukkhaɱ tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||

 

§

 

Sutta 40

Dukkha-Dhamma Suttaɱ

[40.1][pts][olds] Sāvatthī|| ||

Eka-m-antaɱ nisinnaɱ kho āyasmantaɱ Rādhaɱ Bhagavā etad avoca:|| ||

"Yo kho Rādha, dukkha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Ko ca Rādha, dukkha-dhammo?|| ||

Rūpaɱ kho Rādha dukkha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Vedanā dukkha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Saññā dukkha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Sankhārā dukkha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Viññāṇaɱ dukkha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Yo kho Rādha, dukkha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||

 

§

 

Sutta 41

Anatta Suttaɱ

[41.1][pts][olds] Sāvatthī|| ||

Eka-m-antaɱ nisinnaɱ kho āyasmantaɱ Rādhaɱ Bhagavā etad avoca:|| ||

"Yo kho Rādha, anattā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Ko ca Rādha, anattā?|| ||

Rūpaɱ kho Rādha anattā, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Vedanā anattā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Saññā anattā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Sankhārā anattā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Viññāṇaɱ anattā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Yo kho Rādha, anattā tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||

 

§

 

Sutta 42

Anatta-Dhamma Suttaɱ

[42.1][pts][olds] Sāvatthī|| ||

Eka-m-antaɱ nisinnaɱ kho āyasmantaɱ Rādhaɱ Bhagavā etad avoca:|| ||

"Yo kho Rādha, anatta-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Ko ca Rādha, anatta-dhammo?|| ||

Rūpaɱ kho Rādha anatta-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Vedanā anatta-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Saññā anatta-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Sankhārā anatta-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Viññāṇaɱ anatta-dhammo, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Yo kho Rādha, anatta-dhammo tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||

 

§

 

Sutta 43

Khaya-Dhamma Suttaɱ

[43.1][pts][olds] Sāvatthī|| ||

Eka-m-antaɱ nisinnaɱ kho āyasmantaɱ Rādhaɱ Bhagavā etad avoca:|| ||

"Yo kho Rādha, khaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Ko ca Rādha, khaya-dhammo?|| ||

Rūpaɱ kho Rādha khaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Vedanā khaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Saññā khaya-dhammo, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Sankhārā khaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Viññāṇaɱ khaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Yo kho Rādha, khaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||

 

§

 

Sutta 44

Vaya-Dhamma Suttaɱ

[44.1][pts][olds] Sāvatthī|| ||

Eka-m-antaɱ nisinnaɱ kho āyasmantaɱ Rādhaɱ Bhagavā etad avoca:|| ||

"Yo kho Rādha, vaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Ko ca Rādha, vaya-dhammo?|| ||

Rūpaɱ kho Rādha vaya-dhammo, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Vedanā vaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Saññā vaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Sankhārā vaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Viññāṇaɱ vaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Yo kho Rādha, vaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||

 

§

 

Sutta 45

Samudaya-Dhamma Suttaɱ

[45.1][pts][olds] Sāvatthī|| ||

Eka-m-antaɱ nisinnaɱ kho āyasmantaɱ Rādhaɱ Bhagavā etad avoca:|| ||

Yo kho Rādha, samudaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Ko ca Rādha, samudaya-dhammo?|| ||

Rūpaɱ kho Rādha samudaya-dhammo, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Vedanā samudaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Saññā samudaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Sankhārā samudaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Viññāṇaɱ samudaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Yo kho Rādha, samudaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||

 

§

 

Sutta 46

Nirodha-Dhamma Suttaɱ

[46.1][pts][olds] Sāvatthī|| ||

Eka-m-antaɱ nisinnaɱ kho āyasmantaɱ Rādhaɱ Bhagavā etad avoca:|| ||

"Yo kho Rādha, nirodha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Ko ca Rādha, nirodha-dhammo?|| ||

Rūpaɱ kho Rādha, nirodha-dhammo, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Vedanā nirodha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Saññā nirodha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Sankhārā nirodha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Viññāṇaɱ nirodha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||

Yo kho Rādha, nirodha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||

 


Contact:
E-mail
Copyright Statement