Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya
4. Saḷāyatana Vagga
35. Saḷāyatana Saɱyutta
§ I: Mūla-Paññāsa
1. Anicca Vagga Paṭhama

Sutta 12

Dutiya Bāhira Anatta Suttaɱ (Anattā 4; Bāhiram)

Adapted from the 1995 edition of the digital version of the Sri Lanka Buddha Jayanti Tripitaka Series.

 


[6]

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

2. Tatra kho bhagavā bhikkhū āmantesi|| ||

"Bhikkhavo" ti.|| ||

"Bhadante" ti||
te bhikkhū bhagavato paccassosuɱ.|| ||

3. Bhagavā etad avoca:|| ||

"Rūpā bhikkhave anattā atīt-ā-nāgataɱ,||
ko pana vādo pacc'uppannassa.|| ||

Evaɱ passaɱ bhikkhave sutavā ariya-sāvako atītesu rūpesu anapekho hoti,||
anāgataɱ rūpe n'ābhinandati,||
pacc'uppannānaɱ rūpānaɱ||
nibbidāya||
virāgāya||
nirodhāya paṭipanno hoti.|| ||

Saddā anattā atīt-ā-nāgataɱ,||
ko pana vādo pacc'uppannassa.|| ||

Evaɱ passaɱ bhikkhave sutavā ariya-sāvako atītesu saddesu anapekho hoti,||
anāgate sadde n'ābhinandati,||
pacc'uppannānaɱ saddānaɱ||
nibbidāya||
virāgāya||
nirodhāya paṭipanno hoti.|| ||

Gandhā anattā atīt-ā-nāgataɱ,||
ko pana vādo pacc'uppannassa.|| ||

Evaɱ passaɱ bhikkhave sutavā ariya-sāvako atītesu gandhesu anapekho hoti,||
anāgate gandhe n'ābhinandati,||
pacc'uppannānaɱ gandhānaɱ||
nibbidāya||
virāgāya||
nirodhāya paṭipanno hoti.|| ||

Rasā anattā atīt-ā-nāgatā,||
ko pana vādo pacc'uppannāya.|| ||

Evaɱ passaɱ bhikkhave sutavā ariya-sāvako atītesu rasesu anapekho hoti,||
anāgate rase n'ābhinandati,||
pacc'uppannānaɱ rasānaɱ||
nibbidāya||
virāgāya||
nirodhāya paṭipanno hoti.|| ||

Phoṭṭhabbā anattā atīt-ā-nāgato,||
ko pana vādo pacc'uppannassa.|| ||

Evaɱ passaɱ bhikkhave sutavā ariya-sāvako atītesu phoṭṭhabbesu anapekho hoti,||
anāgate phoṭṭhabbe n'ābhinandati,||
pacc'uppannānaɱ phoṭṭhabbānaɱ||
nibbidāya||
virāgāya||
nirodhāya paṭipanno hoti.|| ||

Dhammā anattā atīt-ā-nāgato,||
ko pana vādo pacc'uppannassa.|| ||

Evaɱ passaɱ bhikkhave sutavā ariya-sāvako atītesu dhammesu anapekho hoti,||
anāgate dhamme n'ābhinandati,||
pacc'uppannānaɱ dhammānaɱ||
nibbidāya||
virāgāya||
nirodhāya paṭipanno hoti" ti.|| ||

 


Contact:
E-mail
Copyright Statement