Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya
4. Saḷāyatana Vagga
35. Saḷāyatana Saɱyutta
§ I: Mūla-Paññāsa
2. Yamaka Vagga

Sutta 17

No Ve Assāda (No Cetena 1) Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[10]

[1][pts][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

2. Tatra kho bhagavā bhikkhū āmantesi|| ||

"Bhikkhavo" ti.|| ||

"Bhadante" ti||
te bhikkhū bhagavato paccassosuɱ.|| ||

3. Bhagavā etad avoca:|| ||

"No cedaɱ bhikkhave cakkhussa assādo abhavissa,||
na-y-idaɱ sattā cakkhusmiɱ sārajjeyyuɱ,||
yasmā ca kho bhikkhave atthi cakkhussa assādo,||
tasmā sattā cakkhusmiɱ sārajjanti.|| ||

No cedaɱ bhikkhave cakkhussa ādīnavo abhavissa,||
na-y-idaɱ sattā cakkhusmiɱ nibbindeyyuɱ,||
yasmā ca kho bhikkhave atthi cakkhussa ādīnavo||
tasmā sattā cakkhusmiɱ nibbindanti.|| ||

No cedaɱ bhikkhave cakkhussa nissaraṇaɱ abhavissa,||
na-y-idaɱ sattā cakkhusmā nissareyyuɱ||
yasmā ca kho bhikkhave atthi cakkhussa nissaraṇaɱ,||
tasmā sattā cakkhusmā nissaranti. || ||

No cedaɱ bhikkhave sotassa assādo abhavissa,||
na-y-idaɱ sattā sotasmiɱ sārajjeyuɱ,||
yasmā ca kho bhikkhave atthī sotassa assādo,||
tasmā sattā sotasmiɱ sārajjanti.|| ||

No cedaɱ bhikkhave sotassa ādīnavo abhavissa,||
na-y-idaɱ sattā sotasmiɱ nibbindeyyuɱ,||
yasmā ca kho bhikkhave atthi sotassa ādīnavo,||
tasmā sattā sotasmiɱ nibbindanti.|| ||

No cedaɱ bhikkhave sotassa nissaraṇaɱ abhavissa,||
na-y-idaɱ sattā sotasmā nissareyyuɱ||
yasmā ca kho bhikkhave atthi sotassa nissaraṇaɱ,||
tasmā sattā sotasmā nissaranti.|| ||

[11] No cedaɱ bhikkhave ghānassa assādo abhavissa,||
na-y-idaɱ sattā ghānasmiɱ sārajjeyyuɱ,||
yasmā ca kho bhikkhave atthi ghānassa assādo,||
tasmā sattā ghānasmiɱ sārajjanti.|| ||

No cedaɱ bhikkhave ghānassa ādīnavo abhavissa,||
na-y-idaɱ sattā ghānasmiɱ nibbindeyyuɱ,||
yasmā ca kho bhikkhave atthī ghānassa ādīnavo,||
Tasmā sattā ghānasmiɱ nibbindanti.|| ||

No cedaɱ bhikkhave ghānassa nissaraṇaɱ abhavissa,||
na-y-idaɱ sattā ghānasmā nissareyyuɱ,||
yasmā ca kho bhikkhave atthi ghānassa nissaraṇaɱ,||
tasmā sattā ghānasmā nissaranti.|| ||

No cedaɱ bhikkhave jivhāya assādo abhavissa,||
na-y-idaɱ sattā jivhāya sārajjeyuɱ,||
yasmā ca kho bhikkhave atthi jivhāya assādo,||
tasmā sattā jivhāya sārajjanti.|| ||

No cedaɱ bhikkhave jivhāya ādīnavo abhavissa,||
na-y-idaɱ sattā jivhāya nibbindeyyuɱ,||
yasmā ca kho bhikkhave atthi jivhāya ādīnavo,||
tasmā sattā jivhāya nibbindanti.|| ||

No cedaɱ bhikkhave jivhāya nissaraṇaɱ abhavissa,||
na-y-idaɱ sattā jivhāya nissareyyuɱ,||
yasmā ca kho bhikkhave atthi jivhāya nissaraṇaɱ,||
tasmā sattā jivhāya nissaranti.|| ||

No cedaɱ bhikkhave kāyassa assādo abhavissa,||
na-y-idaɱ sattā kāyaɱ sārajjeyuɱ,||
yasmā ca kho bhikkhave atthi kāyassa assādo,||
tasmā sattā kāyasmiɱ sārajjanti.|| ||

No cedaɱ bhikkhave kāyassa ādīnavo abhavissa,||
na-y-idaɱ sattā kāyasmiɱ nibbindeyyuɱ,||
yasmā ca kho bhikkhave atthi kāyassa ādīnavo,||
tasmā sattā kāyasmiɱ nibbindanti.|| ||

No cedaɱ bhikkhave kāyassa nissaraṇaɱ abhavissa,||
na-y-idaɱ sattā kāyasmā nissareyyuɱ,||
yasmā ca kho bhikkhave atthi kāyassa nissaraṇaɱ,||
tasmā sattā kāyasmā nissaranti.|| ||

No cedaɱ bhikkhave manassa assādo abhavissa,||
na-y-idaɱ sattā manasmiɱ sārajjeyyuɱ,||
yasmā ca kho bhikkhave atthi manassa assādo,||
tasmā sattā cakkhusmiɱ sārajjanti.|| ||

No cedaɱ bhikkhave manassa ādīnavo abhavissa,||
na-y-idaɱ sattā manasmiɱ nibbindeyyuɱ,||
yasmā ca kho bhikkhave atthi manassa ādīnavo,||
tasmā sattā manasmiɱ nibbindanti.|| ||

No cedaɱ bhikkhave cakkhussa nissaraṇaɱ abhavissa,||
na-y-idaɱ sattā cakkhusmā nissareyyuɱ,||
yasmā ca kho bhikkhave atthi manassa nissaraṇaɱ,||
tasmā sattā manasmā nissaranti. || ||

 

§

 

Yāva kīvañ ca bhikkhave sattā imesaɱ channaɱ ajjhattikānaɱ āyatanānaɱ assādañ ca assādato ādīnavañ ca ādīnavato nissaraṇañ ca nissaraṇato yathā-bhūtaɱ nābbhaññāsuɱ,||
n'eva tāva bhikkhave sattā sa-devakā lokā sa-Mārakā sabrahmakā sa-s-samaṇa-brāhmaṇiyā pajāya sadeva-manussāya nissaṭā visaɱyuttā vippamuttā vimariyādī-katena cetasā vihariɱsu.|| ||

Yato ca kho bhikkhave sattā imesaɱ channaɱ ajjhattikānaɱ āyatanānaɱ assādañ ca assādato ādīnavañ ca ādīnavato nissaraṇañ ca nissaraṇato yathā-bhūtaɱ abbhaññā- [12] suɱ;||
atha bhikkhave sattā sa-devakā lokā sa-Mārakā sabrahmakā sa-s-samaṇa-brāhmaṇiyā pajāya sadeva-manussāya nissaṭā visaɱyuttā vippamuttā vimariyādī-katena cetasā viharantī" ti.|| ||

 


Contact:
E-mail
Copyright Statement