Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya
4. Saḷāyatana Vagga
35. Saḷāyatana Saɱyutta
§ I: Mūla-Paññāsa
3. Sabba Vagga

Sutta 24

Paṭhama Pahāna Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[15]

[1][pts][than][olds][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Tatra kho Bhagavā bhikkhū āmantesi:|| ||

"Bhikkhave" ti.|| ||

"Bhadante" ti te bhikkhū Bhagavato paccassosuɱ.|| ||

"Sabba-p-pahānāya vo bhikkhave dhammaɱ desissāmi:||
taɱ suṇātha.|| ||

Katamo ca bhikkhave sabba-p-pahānāya dhammo?|| ||

Cakkhuɱ bhikkhave pahātabbaɱ,||
rūpā pahātabbā,||
cakkhu-viññāṇaɱ pahātabbaɱ,||
cakkhu-samphasso pahātabbo.|| ||

[16] Yam pidaɱ cakkhu-samphassa-paccayā uppajjati vedayitaɱ||
sukhaɱ vā||
dukkhaɱ vā||
adukkha-m-asukhaɱ vā,||
tam pi pahātabbaɱ.|| ||

Sotaɱ bhikkhave pahātabbaɱ,||
saddā pahātabbā,||
sota-viññāṇaɱ pahātabbaɱ,||
sota-samphasso pahātabbo.|| ||

Yam pidaɱ sota-samphassa-paccayā uppajjati vedayitaɱ||
sukhaɱ vā||
dukkhaɱ vā||
adukkha-m-asukhaɱ vā,||
tam pi pahātabbaɱ.|| ||

Ghānaɱ bhikkhave pahātabbaɱ,||
ghāndhā pahātabbā,||
ghāna-viññāṇaɱ pahātabbaɱ,||
ghāna-samphasso pahātabbo.|| ||

Yam pidaɱ ghāna-samphassa-paccayā uppajjati vedayitaɱ||
sukhaɱ vā||
dukkhaɱ vā||
adukkha-m-asukhaɱ vā,||
tam pi pahātabbaɱ.|| ||

Jivhā pahātabbā,||
rasā pahātabbā,||
jivhā-viññāṇaɱ pahātabbaɱ,||
jivhā-samphasso pahātabbo.|| ||

Yam pidaɱ jivhā-samphassa-paccayā uppajjati vedayitaɱ||
sukhaɱ vā||
dukkhaɱ vā||
adukkha-m-asukhaɱ vā,||
tam pi pahātabbaɱ.|| ||

Kāya bhikkhave pahātabbaɱ,||
phoṭṭhabbā pahātabbā,||
kāya-viññāṇaɱ pahātabbaɱ,||
kāya-samphasso pahātabbo.|| ||

Yam pidaɱ kāya-samphassa-paccayā uppajjati vedayitaɱ||
sukhaɱ vā||
dukkhaɱ vā||
adukkha-m-asukhaɱ vā,||
tam pi pahātabbaɱ.|| ||

Mano pahātabbo,||
dhammā pahātabbā,||
mano-viññāṇaɱ pahātabbaɱ,||
mano-samphasso pahātabbo.|| ||

Yam pidaɱ mano-samphassa-paccayā uppajjati vedayitaɱ||
sukhaɱ vā||
dukkhaɱ vā||
adukkha-m-asukhaɱ vā,||
tam pi pahātabbaɱ.|| ||

Ayaɱ kho bhikkhave sabba-p-pahānāya Dhammo" ti.|| ||

 


Contact:
E-mail
Copyright Statement