Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya
4. Saḷāyatana Vagga
35. Saḷāyatana Saɱyutta
§ II: Paññāsaka Dutiya
4. Channa Vagga

Sutta 92

Paṭhama Dvaya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[67]

[1][pts][olds][bodh]

Ekaɱ samayaɱ Bhagavā Sāvatthīyaɱ viharati Jetavane Anāthapiṇḍikassa ārāme.|| ||

2. Tatra kho bhagavā bhikkhū āmantesi|| ||

"Bhikkhavo" ti.|| ||

"Bhadante" ti||
te bhikkhū bhagavato paccassosuɱ.|| ||

3. Bhagavā etad avoca:|| ||

"Dvayaɱ vo bhikkhave desissāmi,||
taɱ suṇātha.|| ||

Kiñ ca bhikkhave dvayaɱ?|| ||

Cakkhuñ ca rūpā ca,||
sotañ ca saddā ca,||
ghānañ ca gandhā ca,||
jivhā ca rasā ca,||
kāyo c'eva phoṭṭhabbā ca,||
mano ca dhammā ca.|| ||

Idaɱ vuccati bhikkhave dvayaɱ.|| ||

Yo bhikkhave evaɱ vadeyya:|| ||

'Aham etaɱ dvayaɱ pacca-k-khāya||
aññaɱ dvayaɱ paññāpessāmī' ti.|| ||

Tassa vācā-vatthukam evassa,||
puṭṭho ca na sampāyeyya,||
uttariñ ca vighātaɱ āpajjeyya.|| ||

Taɱ kissa hetu?|| ||

Yathā taɱ bhikkhave avisayasmin" ti.|| ||

.

 


Contact:
E-mail
Copyright Statement