Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya
4. Saḷāyatana Vagga
35. Saḷāyatana Saɱyutta
§ III: Paññāsaka Tatiya
1. Yoga-k-Khemi Vagga

Sutta 108

Seyya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[88]

[1][pts][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

2. Tatra kho bhagavā bhikkhū āmantesi|| ||

"Bhikkhavo" ti.|| ||

"Bhadante" ti||
te bhikkhū bhagavato paccassosuɱ.|| ||

3. Bhagavā etad avoca:|| ||

"Kismin nu kho bhikkhave sati||
kiɱ upādāya||
kiɱ abhinivissa||
'Seyyo ham asmī' ti vā hoti,||
'Sadiso ham asmī' ti vā hoti,||
Hīno ham asmī' ti vā hoti" ti?|| ||

"Bhagavam-mūlakā no bhante dhammā,||
Bhagavaɱ-ntettikā||
Bhagavam-paṭisaraṇā,||
sādhu vata bhante,||
Bhagavantaɱ yeva paṭibhātu etassa bhāsitassa attho,||
Bhagavato sutvā bhikkhū dhāressantī" ti.|| ||

"Tena hi bhikkhave suṇātha,||
sādhukaɱ manasi karotha,||
bhāsissāmī" ti.

"Evam bhante" ti kho te bhikkhū Bhagavato paccassosuɱ.|| ||

Bhagavā etad avoca:|| ||

"Cakkhusmiɱ kho bhikkhave sati||
cakkhuɱ upādāya||
cakkhuɱ abhinivissa||
'Seyyo ham asmī' ti vā hoti,||
'Sadiso ham asmī' ti vā hoti,||
Hīno ham asmī' ti vā hoti.|| ||

Sotasmiɱ sati||
sotaɱ upādāya||
sotaɱ abhinivissa||
'Seyyo ham asmī' ti vā hoti,||
'Sadiso ham asmī' ti vā hoti,||
Hīno ham asmī' ti vā hoti.|| ||

Ghānasmiɱ sati||
ghānaɱ upādāya||
ghānaɱ abhinivissa||
'Seyyo ham asmī' ti vā hoti,||
'Sadiso ham asmī' ti vā hoti,||
Hīno ham asmī' ti vā hoti.|| ||

Jivhāya sati||
jivhaɱ upādāya||
jivhāɱ abhinivissa||
'Seyyo ham asmī' ti vā hoti,||
'Sadiso ham asmī' ti vā hoti,||
Hīno ham asmī' ti vā hoti.|| ||

Kāyasmiɱ sati||
kāyaɱ upādāya||
kāyaɱ abhinivissa||
'Seyyo ham asmī' ti vā hoti,||
'Sadiso ham asmī' ti vā hoti,||
Hīno ham asmī' ti vā hoti.|| ||

Manasmiɱ sati||
manaɱ upādāya||
manaɱ abhinivissa||
'Seyyo ham asmī' ti vā hoti,||
'Sadiso ham asmī' ti vā hoti,||
Hīno ham asmī' ti vā hoti.|| ||

 

§

 

Taɱ kim maññatha bhikkhave?|| ||

Cakkhuɱ niccaɱ vā aniccaɱ vā" ti?|| ||

"Aniccaɱ bhante".|| ||

"Yam pan-ā-niccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yam pan-ā-niccaɱ dukkhaɱ||
vipariṇāma-dhammaɱ api nu taɱ anupādāya||
'Seyyo ham asmī' ti vā hoti,||
'Sadiso ham asmī' ti vā hoti,||
Hīno ham asmī' ti vā hoti" ti?|| ||

"No h'etaɱ bhante."|| ||

"Sotaɱ niccaɱ vā aniccaɱ vā" ti?|| ||

"Aniccaɱ bhante".|| ||

"Yam pan-ā-niccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yam pan-ā-niccaɱ dukkhaɱ||
vipariṇāma-dhammaɱ api nu taɱ anupādāya||
'Seyyo ham asmī' ti vā hoti,||
'Sadiso ham asmī' ti vā hoti,||
Hīno ham asmī' ti vā hoti" ti?|| ||

"No h'etaɱ bhante."|| ||

"Ghānaɱ niccaɱ vā aniccaɱ vā" ti?|| ||

"Aniccaɱ bhante".|| ||

"Yam pan-ā-niccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yam pan-ā-niccaɱ dukkhaɱ||
vipariṇāma-dhammaɱ api nu taɱ anupādāya||
'Seyyo ham asmī' ti vā hoti,||
'Sadiso ham asmī' ti vā hoti,||
Hīno ham asmī' ti vā hoti" ti?|| ||

"No h'etaɱ bhante."|| ||

"Jivhā niccaɱ vā aniccaɱ vā" ti?|| ||

"Aniccaɱ bhante".|| ||

"Yam pan-ā-niccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yam pan-ā-niccaɱ dukkhaɱ||
vipariṇāma-dhammaɱ api nu taɱ anupādāya||
'Seyyo ham asmī' ti vā hoti,||
'Sadiso ham asmī' ti vā hoti,||
Hīno ham asmī' ti vā hoti" ti?|| ||

"No h'etaɱ bhante."|| ||

"Kāyo niccaɱ vā aniccaɱ vā" ti?|| ||

"Aniccaɱ bhante".|| ||

"Yam pan-ā-niccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yam pan-ā-niccaɱ dukkhaɱ||
vipariṇāma-dhammaɱ api nu taɱ anupādāya||
'Seyyo ham asmī' ti vā hoti,||
'Sadiso ham asmī' ti vā hoti,||
Hīno ham asmī' ti vā hoti" ti?|| ||

"No h'etaɱ bhante."|| ||

"Mano niccaɱ vā aniccaɱ vā" ti?|| ||

"Aniccaɱ bhante".|| ||

"Yam pan-ā-niccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yam pan-ā-niccaɱ dukkhaɱ||
vipariṇāma-dhammaɱ api nu taɱ anupādāya||
'Seyyo ham asmī' ti vā hoti,||
'Sadiso ham asmī' ti vā hoti,||
Hīno ham asmī' ti vā hoti" ti?|| ||

"No h'etaɱ bhante."|| ||

 

§

 

Evam passaɱ bhikkhave, sutavā ariya-sāvako||
cakkhusmim pi nibbindati,||
sotasmim pi nibbindati,||
ghānasmim pi nibbindati,||
jivhāya pi nibbindati,||
kāyasmim pi nibbindati,||
manasmim pi nibbindati,||
nibbindaɱ virajjati,||
virāgā vimuccati,||
vimuttasmiɱ vimuttam iti ñāṇaɱ hoti:|| ||

'Khīṇā jāti,||
vusitaɱ Brahma-cariyaɱ,||
kataɱ karaṇīyaɱ||
nāparaɱ itthattāyā' ti pajānātī" ti.|| ||

 


Contact:
E-mail
Copyright Statement