Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya
4. Saḷāyatana Vagga
35. Saḷāyatana Saɱyutta
§ III: Paññāsaka Tatiya
5. Nava-Purāṇa Vagga

Sutta 147

Dutiya Sappāya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[134]

[1][pts][bodh] Evaɱ me sutaɱ:|| ||

Ekaɱ samayaɱ Bhagavā bhikkhū āmantesi|| ||

"Bhikkhavo" ti.|| ||

"Bhadante" ti||
te bhikkhū bhagavato paccassosuɱ.|| ||

Bhagavā etad avoca:|| ||

"Nibbāna-sappāyaɱ vo bhikkhave paṭipadaɱ desissāmi.|| ||

Taɱ suṇātha,||
sādhukaɱ manasi karotha,||
bhāsissāmī.|| ||

Katamā ca sā bhikkhave Nibbāna-sappāyā paṭipadā?|| ||

Idha bhikkhave bhikkhu cakkhuɱ dukkhānti passati,||
rūpā dukkhāti passati,||
cakkhu-viññāṇaɱ dukkhānti passati,||
cakkhu-samphasso dukkhoti passati,||
yam pidaɱ cakkhu-samphassa-paccayā uppajjati vedayitaɱ sukhaɱ vā dukkhaɱ vā adukkha-m-asukhaɱ vā||
tam pi dukkhānti passati.|| ||

Sotaɱ dukkhānti passati,||
saddā dukkhāti passati,||
sota-viññāṇaɱ dukkhānti passati,||
sota-samphasso dukkhoti passati,||
yam pidaɱ sota-samphassa-paccayā uppajjati vedayitaɱ sukhaɱ vā dukkhaɱ vā adukkha-m-asukhaɱ vā||
tam pi dukkhānti passati.|| ||

Ghānaɱ dukkhānti passati,||
ghandha dukkhāti passati,||
ghāna-viññāṇaɱ dukkhānti passati,||
ghāna-samphasso dukkhoti passati,||
yam pidaɱ ghāna-samphassa-paccayā uppajjati vedayitaɱ sukhaɱ vā dukkhaɱ vā adukkha-m-asukhaɱ vā||
tam pi dukkhāti passati.|| ||

Jivhā dukkhānti passati,||
rasā dukkhāti passati,||
jivhā-viññāṇaɱ dukkhānti passati,||
jivhā-samphasso dukkhoti passati,||
yam pidaɱ jivhā-samphassa-paccayā uppajjati vedayitaɱ sukhaɱ vā dukkhaɱ vā adukkha-m-asukhaɱ vā||
tam pi dukkhānti passati.|| ||

Kāyo dukkhoti passati,||
phoṭṭhabbā dukkhāti passati,||
kāya-viññāṇaɱ dukkhānti passati,||
kāyo-samphasso dukkhoti passati,||
yam pidaɱ kāya-samphassa-paccayā uppajjati vedayitaɱ sukhaɱ vā dukkhaɱ vā adukkha-m-asukhaɱ vā||
tam pi dukkhānti passati.|| ||

Mano dukkhoti passati,||
dhammā dukkhāti passati,||
mano-viññāṇaɱ dukkhāti passati,||
mano-samphasso dukkhoti passati,||
yam pidaɱ mano-samphassa-paccayā uppajjati vedayitaɱ sukhaɱ vā dukkhaɱ vā adukkha-m-asukhaɱ vā||
tam pi dukkhānti passati.|| ||

Ayaɱ kho sā bhikkhave Nibbāna-sappāyā paṭipadā" ti.|| ||

 


Contact:
E-mail
Copyright Statement