Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya:
IV. Saḷāyatana Vagga
35: Saḷāyatana Saɱyutta
Paññāsaɱ Catutthaɱ
1. Nandi-k-khaya Vagga

Sutta 166

Attanu-Diṭṭhi Pahāna Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[148]

[1][pts] Evaɱ me sutaɱ:|| ||

Ekaɱ samayaɱ Bhagavā Rājagahe viharati Jīvakambavane.|| ||

Atha kho aññataro bhikkhu yena Bhagavā ten'upasankami.|| ||

Upasaŋkamitvā eka-m-antaɱ nisīdi.|| ||

Eka-m-antaɱ nisinno kho so bhikkhū Bhagavantaɱ etad avoca:|| ||

"Kathannu kho bhante jānato||
kathaɱ passato||
attānu-diṭṭhi pahīyatī" ti?|| ||

 

§

 

"Cakkhuɱ kho bhikkhū anattā jānato passato attānu-diṭṭhi pahīyati.|| ||

Rūpe anattā jānato passato attānu-diṭṭhi pahīyati.|| ||

Cakkhu-viññāṇaɱ anattā jānato passato attānu-diṭṭhi pahīyati.|| ||

Cakkhu-samphassaɱ anattā jānato passato attānu-diṭṭhi pahīyati.|| ||

Yam pidaɱ cakkhu-samphassa-paccayā uppajjati vedayitaɱ||
sukhaɱ vā dukkhaɱ vā adukkha-m-asukhaɱ vā||
tam pi anattā jānato passato attānu-diṭṭhi pahīyati.|| ||

Sotaɱ anattā jānato passato attānu-diṭṭhi pahīyati.|| ||

Sadde anattā jānato passato attānu-diṭṭhi pahīyati.|| ||

Sota-viññāṇaɱ anattā jānato passato attānu-diṭṭhi pahīyati.|| ||

Sota-samphassaɱ anattā jānato passato attānu-diṭṭhi pahīyati.|| ||

Yam pidaɱ sota-samphassa-paccayā uppajjati vedayitaɱ||
sukhaɱ vā dukkhaɱ vā adukkha-m-asukhaɱ vā||
tam pi anattā jānato passato attānu-diṭṭhi pahīyati.|| ||

Ghānaɱ anattā jānato passato attānu-diṭṭhi pahīyati.|| ||

Gandhe anattā jānato passato attānu-diṭṭhi pahīyati.|| ||

Ghāna-viññāṇaɱ anattā jānato passato attānu-diṭṭhi pahīyati.|| ||

Ghāna-samphassaɱ anattā jānato passato attānu-diṭṭhi pahīyati.|| ||

Yam pidaɱ ghāna-samphassa-paccayā uppajjati vedayitaɱ||
sukhaɱ vā dukkhaɱ vā adukkha-m-asukhaɱ vā||
tam pi anattā jānato passato attānu-diṭṭhi pahīyati.|| ||

Jivhaɱ anattā jānato passato attānu-diṭṭhi pahīyati.|| ||

Rase anattā jānato passato attānu-diṭṭhi pahīyati.|| ||

Jivhā-viññāṇaɱ anattā jānato passato attānu-diṭṭhi pahīyati.|| ||

Jivhā-samphassaɱ anattā jānato passato attānu-diṭṭhi pahīyati.|| ||

Yam pidaɱ jivhā-samphassa-paccayā uppajjati vedayitaɱ||
sukhaɱ vā dukkhaɱ vā adukkha-m-asukhaɱ vā||
tam pi anattā jānato passato attānu-diṭṭhi pahīyati.|| ||

Kāyaɱ anattā jānato passato attānu-diṭṭhi pahīyati.|| ||

Phoṭṭhabbe anattā jānato passato attānu-diṭṭhi pahīyati.|| ||

Kāya-viññāṇaɱ anattā jānato passato attānu-diṭṭhi pahīyati.|| ||

Kāya-samphassaɱ anattā jānato passato attānu-diṭṭhi pahīyati.|| ||

Yam kāya-samphassa-paccayā uppajjati vedayitaɱ||
sukhaɱ vā dukkhaɱ vā adukkha-m-asukhaɱ vā||
tam pi anattā jānato passato attānu-diṭṭhi pahīyati.|| ||

Manaɱ anattā jānato passato attānu-diṭṭhi pahīyati.|| ||

Dhamme anattā jānato passato attānu-diṭṭhi pahīyati.|| ||

Mano-viññāṇaɱ anattā jānato passato attānu-diṭṭhi pahīyati.|| ||

Mano-samphassaɱ anattā jānato passato attānu-diṭṭhi pahīyati.|| ||

Yam pidaɱ mano-samphassa-paccayā uppajjati vedayitaɱ||
sukhaɱ vā dukkhaɱ vā adukkha-m-asukhaɱ vā||
tam pi anattā jānato passato attānu-diṭṭhi pahīyati.|| ||

Evaɱ kho bhikkhu jānato evaɱ passato attānu-diṭṭhi pahīyatī" ti.|| ||

 


Contact:
E-mail
Copyright Statement