Saṃyutta Nikāya
4. Saḷāyatana Vagga
44. Avyākata Saṃyutta
Sutta 11
Sabhiya Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][than][bodh] Evaṃ me sutaṃ:|| ||
Ekaṃ samayaṃ āyasmā sabhiyo kaccāno ñātike viharati giñjakāvasathe.|| ||
Atha kho Vacchagotto paribbājako yen'āyasmā sabhiyo kaccāno ten'upasaṅkami.|| ||
Upasaṅkamitvā āyasmatā sabhiyena Kaccānena saddhiṃ sammodi.|| ||
Sammodanīyaṃ kathaṃ sārāṇīyaṃ vīti-sāretvā eka-m-antaṃ nisīdi.|| ||
Eka-m-antaṃ nisinno kho||
Vacchagotto paribbājako āyasmantaṃ sabhiyaṃ Kaccānaṃ etad avoca:|| ||
"Kin nu kho bho Kaccāna||
hoti Tathāgato param maraṇā" ti?|| ||
"Avyākataṃ kho etaṃ Vaccha, Bhagavatā||
'hoti Tathāgato param maraṇā' ti.|| ||
■
"Kiṃ pana bho Kaccāna||
na hoti Tathāgato param maraṇā" ti?|| ||
"Etam pi ko Vaccha avyākataṃ Bhagavatā||
'na hoti Tathāgato param maraṇā" ti.|| ||
■
"Kin nu kho bho Kaccāna||
hoti ca na ca hoti Tathāgato param maraṇā" ti?|| ||
"Avyākataṃ kho etaṃ Vaccha Bhagavatā||
'hoti ca na ca hoti Tathāgato param maraṇā' ti.|| ||
[402] "Kiṃ pana bho Kaccāna||
n'eva hoti na na hoti Tathāgato param maraṇā" ti?|| ||
"Etam pi kho Vaccha avyākataṃ Bhagavatā||
'n'eva hoti na na hoti Tathāgato param maraṇā' ti.|| ||
§
"Kin nu kho bho Kaccāna,||
'hoti Tathāgato param maraṇā' ti?||
iti puṭṭho samāno avyākataṃ kho etaṃ Vaccha Bhagavatā||
'hoti Tathāgato param maraṇā' ti vadesi?|| ||
■
Kiṃ pana bho Kaccāna||
'na hoti Tathāgato param maraṇā' ti?||
iti puṭṭho samāno etam pi kho Vaccha avyākataṃ Bhagavatā||
'na hoti Tathāgato param maraṇā' ti vadesi?|| ||
■
Kin nu kho bho Kaccāna,||
'hoti ca na ca hoti Tathāgato param maraṇā' ti?||
iti puṭṭho samāno avyākataṃ kho etaṃ Vaccha Bhagavatā||
'hoti ca na ca hoti Tathāgato param maraṇā' ti vadesi?|| ||
■
Kiṃ pana bho Kaccāna,||
'n'eva hoti na na hoti Tathāgato param maraṇā' ti?||
iti puṭṭho samāno etam pi kho Vaccha avyākataṃ Bhagavatā:||
'n'eva hoti na na hoti Tathāgato param maraṇā' ti vadesi?"|| ||
§
"Ko nu kho bho Kaccāna hetu||
ko paccayo||
yena taṃ avyākataṃ samaṇena Gotamenā" ti?|| ||
"Yo ca Vaccha hetu||
yo ca paccayo||
paññā-panāya:||
'rūpī' ti vā||
'arūpī' ti vā||
'saññī' ti vā||
'asaññī' ti vā||
'n'evasaññīnāsaññī' ti vā,||
so ca hetu||
so ca paccayo||
sabbena||
sabbaṃ||
sabbathā||
sabbaṃ||
aparisesaṃ nirujjheyya,||
kena naṃ paññā-payamāno paññāpeyya,||
'rūpī' ti vā||
'arūpī' ti vā||
'saññī' ti vā||
'asaññī' ti vā||
'n'evasaññī' ti nā||
'saññī' ti vā" ti?|| ||
"Kīva ciraṃ pabba-jito si bho kaccānā" ti?|| ||
"Na ciraṃ āvuso, tīṇi vassānī" ti.|| ||
"Yassa passa āvuso,||
ettakena,||
ettakam eva tam passa bahu||
ko pana vādo eva abhikkante" ti.|| ||
Avyākata Vagga Paṭhamo
