Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya,
V: Mahā-Vagga
48. Indriya Saɱyutta
III. Chaḷindriya-vaggo

Sutta 24

Ekābhiñña (or Ekabījī) Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuɱ.|| ||

Bhagavā etad avoca:|| ||

"Pañc'imāni bhikkhave, indriyāni.|| ||

Katamāni pañca?|| ||

Saddh'indriyaɱ,||
viriy'indriyaɱ,||
sat'indriyaɱ,||
samādh'indriyaɱ,||
paññ'indriyaɱ.|| ||

Imāni kho bhikkhave, pañc'indriyāni.|| ||

Imesaɱ kho bhikkhave, pañcannaɱ indriyānaɱ samattā paripūrattā arahaɱ hoti.|| ||

Tato mudutarehi antarā parinibbāyī hoti.|| ||

Tato mudutarehi upahacca parinbbāyī hoti.|| ||

Tato mudutarehi asankhāra parinibbāyī hoti.|| ||

Tato [205] mudutarehi sa-sankhāra parinibbāyī hoti.|| ||

Tato mudutarehi uddhaɱ-soto hoti Akaniṭṭha-gāmī.|| ||

Tato mudutarehi Sakad'āgāmī hoti.|| ||

Tato mudutarehi eka-bījī hoti.|| ||

Tato mudutarehi kolaɱkolo hoti.|| ||

Tato mudutarehi satta-k-khatt'uparamo hoti.|| ||

Tato mudutarehi dhamm'ānusārī hoti.|| ||

Tato mudutarehi saddh'ānusārī hotī" ti.|| ||

 


Contact:
E-mail
Copyright Statement