Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya
5. Mahā-Vagga
48. Indriya Saɱyutta
5. Jarā Vagga

Sutta 48

Catuttha Pubb'Ārama Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[223]

[1][pts] Evam me sutaɱ:|| ||

Ekaɱ samayaɱ Bhagavā Sāvatthiyaɱ viharati Pubbārāme Migāra-mātu pāsāde.|| ||

Tatra kho Bhagavā bhikkhū āmantesi "bhikkhavo" ti.|| ||

"Bhadante" ti te bhikkhū Bhagavato pacchassosuɱ Bhagavā etad avoca:|| ||

Katinnaɱ nu kho bhikkhave indriyānaɱ||
bhāvitattā||
bahulī-katattā||
khīṇ'āsavo bhikkhu aññaɱ vyākaroti:|| ||

'Khīṇā jāti||
vusitaɱ Brahma-cariyaɱ||
kataɱ karaṇīyaɱ||
nāparaɱ itthattāyā' ti pajānāmī" ti?"|| ||

"Bhagavaɱ-mūlakā no bhante, dhammā,||
Bhagavaɱ-nettikā||
Bhagavaɱ-paṭisaraṇā.|| ||

Sādhu vata bhante,||
Bhagavantaɱ yeva paṭibhātu etassa bhāsitassa attho.|| ||

Bhagavato sutvā bhikkhū dhāressantī" ti.|| ||

Pañcannaɱ kho bhikkhave, indriyassa||
bhāvitattā||
bahulī-katattā||
khīṇ'āsavo bhikkhu aññaɱ vyākaroti:|| ||

'Khīṇā jāti||
vusitaɱ Brahma-cariyaɱ||
kataɱ karaṇīyaɱ||
nāparaɱ itthattāyā' ti pajānāmī.|| ||

Katamesaŋ pañcannaɱ?|| ||

[224] Saddh'indriyassa,||
viriy'indriyassa,||
sat'indriyassa,||
samādh'indriyassa,||
paññ'indriyassa.|| ||

Imesaɱ kho bhikkhave, pañcannaɱ indriyānaɱ||
bhāvitattā||
bahulī-katattā||
khīṇ'āsavo bhikkhu aññaɱ vyākaroti:|| ||

'Khīṇā jāti||
vusitaɱ Brahma-cariyaɱ||
kataɱ karaṇīyaɱ||
nāparaɱ itthattāyā' ti pajānāmī" ti.|| ||

 


Contact:
E-mail
Copyright Statement