Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya
5. Mahā-Vagga
48. Indriya Saɱyutta
5. Jarā Vagga

Sutta 49

Piṇḍola Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[224]

[1][pts] Evam me sutaɱ:|| ||

Ekaɱ samayaɱ Bhagavā Kosambīyaɱ viharati Ghositārāme.|| ||

Tena kho pana samayen'āyasmatā Piṇḍola-Bhāradvājena aññā vyākatā hoti:|| ||

"Khīṇā jāti,||
vusitaɱ Brahma-cariyaɱ,||
kataɱ karaṇīyaɱ,||
nāparaɱ itthattāyā ti pajānāmī" ti.

Atha kho sambahulā bhikkhū yena Bhagavā ten'upasankamiɱsu.|| ||

Upasaŋkamitvā Bhagavantaɱ abhivādetvā eka-m-antaɱ nisīdiɱsu.|| ||

Eka-m-antaɱ nisinnā kho te bhikkhū Bhagavantaɱ etad avocuɱ:|| ||

"Āyasmatā bhante Piṇḍola-Bhāradvājena aññā vyākatā:|| ||

'Khīṇā jāti,||
vusitaɱ Brahma-cariyaɱ,||
kataɱ karaṇīyaɱ,||
nāparaɱ itthattāyā ti pajānāmī' ti.

Kin nu kho bhante, attha-vasaŋ sampassa mānena āyasmatā Piṇḍola-Bhāradvājena aññā vyākatā:|| ||

'Khīṇā jāti,||
vusitaɱ Brahma-cariyaɱ,||
kataɱ karaṇīyaɱ,||
nāparaɱ itthattāyā ti pajānāmī'" ti?

Tiṇṇaɱ kho pana bhikkhave, indriyānaɱ||
bhāvitattā||
bahulī-katattā||
Piṇḍola-Bhāradvājena bhikkhunā aññā vyākatā:|| ||

'Khīṇā jāti,||
vusitaɱ Brahma-cariyaɱ,||
kataɱ karaṇīyaɱ,||
nāparaɱ itthattāyā ti pajānāmī' ti.

Katamesaŋ tiṇṇannaɱ?|| ||

Sat'indriyassa||
samādh'indriyassa||
paññ'indriyassa.|| ||

Imesaɱ kho bhikkhave, tiṇṇannaɱ indriyānaɱ||
bhāvitattā||
bahulī-katattā||
Piṇḍola-Bhāradvājena bhikkhunā aññā vyākatā:|| ||

'Khīṇā jāti,||
vusitaɱ Brahma-cariyaɱ,||
kataɱ karaṇīyaɱ,||
nāparaɱ itthattāyā ti pajānāmī' ti.

Imāni ca bhikkhave, tīṇi indriyāni.|| ||

Kimantāni?|| ||

Khayantāni.|| ||

Kissa khayantāni?|| ||

Jāti-jarā-māraṇassa.|| ||

Jāti-jarā-māraṇaɱ khayan taɱ kho bhikkhave,||
sampassamānena [225] Piṇḍola-Bhāradvājena bhikkhunā aññā vyākatā:|| ||

'Khīṇā jāti,||
vusitaɱ Brahma-cariyaɱ,||
kataɱ karaṇīyaɱ,||
nāparaɱ itthattāyā' ti pajānāmī" ti.

 


Contact:
E-mail
Copyright Statement