Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya
5. Mahā-Vagga
48. Indriya Saɱyutta
6. Sūkara-Khata Vagga

Sutta 54

Pada Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[231]

[1][pts] Evam me sutaɱ:|| ||

Ekaɱ samayaɱ Bhagavā Kosambīyaɱ viharati Ghositārāme.|| ||

Tatra kho Bhagavā bhikkhū āmantesi:|| ||

"Seyyathā pi bhikkhave, yāni kānici jaŋgamānaɱ pāṇānaɱ pada-jātāni,||
sabbāni tāni hatthi-pade samodhānaɱ gacchanti,||
hatthi-padaɱ tesaŋ aggamakkhāyati||
yad idaɱ mahantattena.|| ||

Evam eva kho bhikkhave,||
yāni kānici padāni bodhāya saŋvaṭṭanti,||
paññ'indriyaɱ padaɱ tesaŋ aggamakkhāyati||
yad idaɱ bodhāya.|| ||

Katamāni ca bhikkhave, padāni bodhāya saŋvaṭṭanti?|| ||

Saddh'indriyaɱ bhikkhave padaɱ,||
taɱ bodhāya saŋvaṭṭati.|| ||

Viriy'indriyaɱ padaɱ,||
taɱ bodhāya saŋvaṭṭati.|| ||

Sat'indriyaɱ padaɱ,||
taɱ bodhāya saŋvaṭṭati.|| ||

Samādh'indriyaɱ padaɱ,||
taɱ bodhāya saŋvaṭṭati.|| ||

Paññ'indriyaɱ padaɱ,||
taɱ bodhāya saŋvaṭṭati.|| ||

"Seyyathā pi bhikkhave, yāni kānici jaŋgamānaɱ pāṇānaɱ pada-jātāni,||
sabbāni tāni hatthi-pade samodhānaɱ gacchanti,||
hatthi-padaɱ tesaŋ aggamakkhāyati||
yad idaɱ mahantattena.|| ||

Evam eva kho bhikkhave,||
yāni kānici padāni bodhāya saŋvaṭṭanti,||
paññ'indriyaɱ padaɱ tesaŋ aggamakkhāyati||
yad idaɱ bodhāya" ti.|| ||

 


Contact:
E-mail
Copyright Statement