Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya
5. Mahā-Vagga
48. Indriya Saɱyutta
10. Bala-Karaṇīya Vagga

Suttas 93-104

Adapted from the 1995 edition of the digital version of the Sri Lanka Buddha Jayanti Tripitaka Series.

 


[240]

Sutta 93

Bala Suttaɱ

i. Viveka

[93.1][pts Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuɱ.|| ||

Bhagavā etad avoca:|| ||

"Seyyathā pi bhikkhave, ye keci bala-karaṇīyā||
kammantā karīyanti,||
sabbe te paṭhaviɱ nissāya||
paṭhaviyaɱ patiṭṭhāya||
evam eva te bala-karaṇīyā||
kammantā karīyanti.|| ||

Evam eva kho bhikkhave, bhikkhu||
sīlaɱ nissāya||
sīle patiṭṭhāya||
pañc'indriyāni bhāveti,||
pañc'indriyāni bahulī-karoti.|| ||

Kathañ ca Bhikkhave, bhikkhu sīlaɱ nissāya||
sīle patiṭṭhāya||
pañc'indriyāni bhāveti,||
pañc'indriyāni bahulī-karoti?|| ||

Idha bhikkhave, bhikkhu saddh'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

viriy'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

sat'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

samādh'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

paññ'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Evaɱ kho bhikkhave, bhikkhu sīlaɱ nissāya sīle patiṭṭhāya pañc'indriyāni bhāveti,||
pañc'indriyāni bahulī-karotī" ti.|| ||

 

§

 

ii. Rāga-vinaya

"Seyyathā pi bhikkhave, ye keci bala-karaṇīyā||
kammantā karīyanti,||
sabbe te paṭhaviɱ nissāya||
paṭhaviyaɱ patiṭṭhāya||
evam eva te bala-karaṇīyā||
kammantā karīyanti.|| ||

Evam eva kho bhikkhave, bhikkhu||
sīlaɱ nissāya||
sīle patiṭṭhāya||
pañc'indriyāni bhāveti,||
pañc'indriyāni bahulī-karoti.|| ||

Kathañ ca Bhikkhave, bhikkhu sīlaɱ nissāya||
sīle patiṭṭhāya||
pañc'indriyāni bhāveti,||
pañc'indriyāni bahulī-karoti?|| ||

Idha bhikkhave, bhikkhu saddh'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu viriy'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu sat'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu samādh'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu paññ'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Evaɱ kho bhikkhave, bhikkhu sīlaɱ nissāya sīle patiṭṭhāya pañc'indriyāni bhāveti,||
pañc'indriyāni bahulī-karotī" ti.|| ||

 

§

 

iii. Amata

"Seyyathā pi bhikkhave, ye keci bala-karaṇīyā||
kammantā karīyanti,||
sabbe te paṭhaviɱ nissāya||
paṭhaviyaɱ patiṭṭhāya||
evam eva te bala-karaṇīyā||
kammantā karīyanti.|| ||

Evam eva kho bhikkhave, bhikkhu||
sīlaɱ nissāya||
sīle patiṭṭhāya||
pañc'indriyāni bhāveti,||
pañc'indriyāni bahulī-karoti.|| ||

Kathañ ca Bhikkhave, bhikkhu sīlaɱ nissāya||
sīle patiṭṭhāya||
pañc'indriyāni bhāveti,||
pañc'indriyāni bahulī-karoti?|| ||

Idha bhikkhave, bhikkhu saddh'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu viriy'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu sat'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu samādh'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu paññ'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Evaɱ kho bhikkhave, bhikkhu sīlaɱ nissāya sīle patiṭṭhāya pañc'indriyāni bhāveti,||
pañc'indriyāni bahulī-karotī" ti.|| ||

 

§

 

iv. Nibbāna

"Seyyathā pi bhikkhave, ye keci bala-karaṇīyā||
kammantā karīyanti,||
sabbe te paṭhaviɱ nissāya||
paṭhaviyaɱ patiṭṭhāya||
evam eva te bala-karaṇīyā||
kammantā karīyanti.|| ||

Evam eva kho bhikkhave, bhikkhu||
sīlaɱ nissāya||
sīle patiṭṭhāya||
pañc'indriyāni bhāveti,||
pañc'indriyāni bahulī-karoti.|| ||

Kathañ ca Bhikkhave, bhikkhu sīlaɱ nissāya||
sīle patiṭṭhāya||
pañc'indriyāni bhāveti,||
pañc'indriyāni bahulī-karoti?|| ||

Idha bhikkhave, bhikkhu saddh'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu viriy'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu sat'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu samādh'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu paññ'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Evaɱ kho bhikkhave, bhikkhu sīlaɱ nissāya sīle patiṭṭhāya pañc'indriyāni bhāveti,||
pañc'indriyāni bahulī-karotī" ti.|| ||

 


 

Sutta 94

Bīja Suttaɱ

i. Viveka

[94.1][pts] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuɱ.|| ||

Bhagavā etad avoca:|| ||

"Seyyathā pi bhikkhave,||
ye keci bīja-gāma||
bhuta-gāmā||
vuddhiɱ viruḷhiɱ||
vepullaɱ āpajjanti.|| ||

Sabb'ete paṭhaviɱ nissāya||
paṭhaviyāɱ patiṭṭhāya||
evam ete bīja-gāma||
bhūta-gāmā||
vuddhiɱ virūḷhiɱ||
vepullaɱ āpajjanti.|| ||

Evam eva kho bhikkhave, bhikkhu||
sīlaɱ nissāya||
sīle patiṭṭhāya||
pañc'indriyāni bhāvento||
pañc'indriyāni bahulī-karontā||
vuddhiɱ virūḷhiɱ||
vepullaɱ pāpuṇāti dhammesu.|| ||

Kathañ ca bhikkhave, bhikkhu sīlaɱ nissāya||
sīle patiṭṭhāya||
pañc'indriyāni bhāvento||
pañc'indriyāni bahulī-karonto?|| ||

Idha bhikkhave, bhikkhu saddh'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

viriy'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

sat'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

samādh'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

paññ'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Evaɱ kho bhikkhave, bhikkhu sīlaɱ nissāya sīle patiṭṭhāya pañc'indriyāni bhāveti,||
pañc'indriyāni bahulī-karonto||
mahantaɱ vepullattaɱ pāpuṇāti dhammesū" ti.|| ||

 

§

 

ii. Rāga-vinaya

"Seyyathā pi bhikkhave,||
ye keci bīja-gāma||
bhuta-gāmā||
vuddhiɱ viruḷhiɱ||
vepullaɱ āpajjanti.|| ||

Sabb'ete paṭhaviɱ nissāya||
paṭhaviyāɱ patiṭṭhāya||
evam ete bīja-gāma||
bhūta-gāmā||
vuddhiɱ virūḷhiɱ||
vepullaɱ āpajjanti.|| ||

Evam eva kho bhikkhave, bhikkhu||
sīlaɱ nissāya||
sīle patiṭṭhāya||
pañc'indriyāni bhāvento||
pañc'indriyāni bahulī-karontā||
vuddhiɱ virūḷhiɱ||
vepullaɱ pāpuṇāti dhammesu.|| ||

Kathañ ca bhikkhave, bhikkhu sīlaɱ nissāya||
sīle patiṭṭhāya||
pañc'indriyāni bhāvento||
pañc'indriyāni bahulī-karonto?|| ||

Idha bhikkhave, bhikkhu saddh'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu viriy'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu sat'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu samādh'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu paññ'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Evaɱ kho bhikkhave, bhikkhu sīlaɱ nissāya sīle patiṭṭhāya pañc'indriyāni bhāveti,||
pañc'indriyāni bahulī-karonto||
mahantaɱ vepullattaɱ pāpuṇāti dhammesū" ti.|| ||

 

§

 

iii. Amata

"Seyyathā pi bhikkhave,||
ye keci bīja-gāma||
bhuta-gāmā||
vuddhiɱ viruḷhiɱ||
vepullaɱ āpajjanti.|| ||

Sabb'ete paṭhaviɱ nissāya||
paṭhaviyāɱ patiṭṭhāya||
evam ete bīja-gāma||
bhūta-gāmā||
vuddhiɱ virūḷhiɱ||
vepullaɱ āpajjanti.|| ||

Evam eva kho bhikkhave, bhikkhu||
sīlaɱ nissāya||
sīle patiṭṭhāya||
pañc'indriyāni bhāvento||
pañc'indriyāni bahulī-karontā||
vuddhiɱ virūḷhiɱ||
vepullaɱ pāpuṇāti dhammesu.|| ||

Kathañ ca bhikkhave, bhikkhu sīlaɱ nissāya||
sīle patiṭṭhāya||
pañc'indriyāni bhāvento||
pañc'indriyāni bahulī-karonto?|| ||

Idha bhikkhave, bhikkhu saddh'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu viriy'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu sat'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu samādh'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu paññ'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Evaɱ kho bhikkhave, bhikkhu sīlaɱ nissāya sīle patiṭṭhāya pañc'indriyāni bhāveti,||
pañc'indriyāni bahulī-karonto||
mahantaɱ vepullattaɱ pāpuṇāti dhammesū" ti.|| ||

 

§

 

iv. Nibbāna

"Seyyathā pi bhikkhave,||
ye keci bīja-gāma||
bhuta-gāmā||
vuddhiɱ viruḷhiɱ||
vepullaɱ āpajjanti.|| ||

Sabb'ete paṭhaviɱ nissāya||
paṭhaviyāɱ patiṭṭhāya||
evam ete bīja-gāma||
bhūta-gāmā||
vuddhiɱ virūḷhiɱ||
vepullaɱ āpajjanti.|| ||

Evam eva kho bhikkhave, bhikkhu||
sīlaɱ nissāya||
sīle patiṭṭhāya||
pañc'indriyāni bhāvento||
pañc'indriyāni bahulī-karontā||
vuddhiɱ virūḷhiɱ||
vepullaɱ pāpuṇāti dhammesu.|| ||

Kathañ ca bhikkhave, bhikkhu sīlaɱ nissāya||
sīle patiṭṭhāya||
pañc'indriyāni bhāvento||
pañc'indriyāni bahulī-karonto?|| ||

Idha bhikkhave, bhikkhu saddh'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu viriy'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu sat'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu samādh'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu paññ'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Evaɱ kho bhikkhave, bhikkhu sīlaɱ nissāya sīle patiṭṭhāya pañc'indriyāni bhāveti,||
pañc'indriyāni bahulī-karonto||
mahantaɱ vepullattaɱ pāpuṇāti dhammesū" ti.|| ||

 


 

Sutta 95

Nāga Suttaɱ

i. Viveka

[95.1][pts] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuɱ.|| ||

Bhagavā etad avoca:|| ||

"Seyyathā pi bhikkhave, himavantaɱ pabba-tarājaɱ nissāya||
nāgā kāyaɱ vaḍḍhanti,||
balaɱ gāhenti.|| ||

Te tattha kāyaɱ vaḍḍhetvā||
balaɱ gāhetvā kussubbhe otaranti.|| ||

Kussubbhe otaritvā mahā-sobbhe otaranti.|| ||

Mahāsobbhe otaritvā kunnadiyo otaranti|| ||

Kunnadiyo otaritvā mahā-nadiyo otaranti.|| ||

Mahānadiyo otaritvā mahā-samuddaɱ sāgaraɱ otaranti.|| ||

Te tattha mahantatthaɱ vepullantaɱ āpajjanti kāyena.|| ||

Evam eva kho bhikkhave, bhikkhu sīlaɱ nissāya||
sīle patiṭṭhāya||
pañc'indriyāni bhāvento||
pañc'indriyāni bahulī-karonto||
mahantaɱ vepullattaɱ pāpuṇāti dhammesu.|| ||

Kathañ ca bhikkhave, bhikkhu sīlaɱ nissāya||
sīle patiṭṭhāya||
pañc'indriyāni bhāvento||
pañc'indriyāni bahulī-karonto||
mahantaɱ vepullattaɱ pāpuṇāti dhammesu?|| ||

Idha bhikkhave, bhikkhu saddh'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

viriy'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

sat'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

samādh'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

paññ'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Evaɱ kho bhikkhave, bhikkhu sīlaɱ nissāya sīle patiṭṭhāya pañc'indriyāni bhāveti,||
pañc'indriyāni bahulī-karonto||
mahantaɱ vepullattaɱ pāpuṇāti dhammesū" ti.|| ||

 

§

 

ii. Rāga-vinaya

"Seyyathā pi bhikkhave, himavantaɱ pabba-tarājaɱ nissāya||
nāgā kāyaɱ vaḍḍhanti,||
balaɱ gāhenti.|| ||

Te tattha kāyaɱ vaḍḍhetvā||
balaɱ gāhetvā kussubbhe otaranti.|| ||

Kussubbhe otaritvā mahā-sobbhe otaranti.|| ||

Mahāsobbhe otaritvā kunnadiyo otaranti|| ||

Kunnadiyo otaritvā mahā-nadiyo otaranti.|| ||

Mahānadiyo otaritvā mahā-samuddaɱ sāgaraɱ otaranti.|| ||

Te tattha mahantatthaɱ vepullantaɱ āpajjanti kāyena.|| ||

Evam eva kho bhikkhave, bhikkhu sīlaɱ nissāya||
sīle patiṭṭhāya||
pañc'indriyāni bhāvento||
pañc'indriyāni bahulī-karonto||
mahantaɱ vepullattaɱ pāpuṇāti dhammesu.|| ||

Kathañ ca bhikkhave, bhikkhu sīlaɱ nissāya||
sīle patiṭṭhāya||
pañc'indriyāni bhāvento||
pañc'indriyāni bahulī-karonto||
mahantaɱ vepullattaɱ pāpuṇāti dhammesu?|| ||

Idha bhikkhave, bhikkhu saddh'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu viriy'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu sat'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu samādh'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu paññ'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Evaɱ kho bhikkhave, bhikkhu sīlaɱ nissāya sīle patiṭṭhāya pañc'indriyāni bhāveti,||
pañc'indriyāni bahulī-karonto||
mahantaɱ vepullattaɱ pāpuṇāti dhammesū" ti.|| ||

 

§

 

iii. Amata

"Seyyathā pi bhikkhave, himavantaɱ pabba-tarājaɱ nissāya||
nāgā kāyaɱ vaḍḍhanti,||
balaɱ gāhenti.|| ||

Te tattha kāyaɱ vaḍḍhetvā||
balaɱ gāhetvā kussubbhe otaranti.|| ||

Kussubbhe otaritvā mahā-sobbhe otaranti.|| ||

Mahāsobbhe otaritvā kunnadiyo otaranti|| ||

Kunnadiyo otaritvā mahā-nadiyo otaranti.|| ||

Mahānadiyo otaritvā mahā-samuddaɱ sāgaraɱ otaranti.|| ||

Te tattha mahantatthaɱ vepullantaɱ āpajjanti kāyena.|| ||

Evam eva kho bhikkhave, bhikkhu sīlaɱ nissāya||
sīle patiṭṭhāya||
pañc'indriyāni bhāvento||
pañc'indriyāni bahulī-karonto||
mahantaɱ vepullattaɱ pāpuṇāti dhammesu.|| ||

Kathañ ca bhikkhave, bhikkhu sīlaɱ nissāya||
sīle patiṭṭhāya||
pañc'indriyāni bhāvento||
pañc'indriyāni bahulī-karonto||
mahantaɱ vepullattaɱ pāpuṇāti dhammesu?|| ||

Idha bhikkhave, bhikkhu saddh'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu viriy'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu sat'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu samādh'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu paññ'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Evaɱ kho bhikkhave, bhikkhu sīlaɱ nissāya sīle patiṭṭhāya pañc'indriyāni bhāveti,||
pañc'indriyāni bahulī-karonto||
mahantaɱ vepullattaɱ pāpuṇāti dhammesū" ti.|| ||

 

§

 

iv. Nibbāna

"Seyyathā pi bhikkhave, himavantaɱ pabba-tarājaɱ nissāya||
nāgā kāyaɱ vaḍḍhanti,||
balaɱ gāhenti.|| ||

Te tattha kāyaɱ vaḍḍhetvā||
balaɱ gāhetvā kussubbhe otaranti.|| ||

Kussubbhe otaritvā mahā-sobbhe otaranti.|| ||

Mahāsobbhe otaritvā kunnadiyo otaranti|| ||

Kunnadiyo otaritvā mahā-nadiyo otaranti.|| ||

Mahānadiyo otaritvā mahā-samuddaɱ sāgaraɱ otaranti.|| ||

Te tattha mahantatthaɱ vepullantaɱ āpajjanti kāyena.|| ||

Evam eva kho bhikkhave, bhikkhu sīlaɱ nissāya||
sīle patiṭṭhāya||
pañc'indriyāni bhāvento||
pañc'indriyāni bahulī-karonto||
mahantaɱ vepullattaɱ pāpuṇāti dhammesu.|| ||

Kathañ ca bhikkhave, bhikkhu sīlaɱ nissāya||
sīle patiṭṭhāya||
pañc'indriyāni bhāvento||
pañc'indriyāni bahulī-karonto||
mahantaɱ vepullattaɱ pāpuṇāti dhammesu?|| ||

Idha bhikkhave, bhikkhu saddh'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu viriy'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu sat'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu samādh'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu paññ'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Evaɱ kho bhikkhave, bhikkhu sīlaɱ nissāya sīle patiṭṭhāya pañc'indriyāni bhāveti,||
pañc'indriyāni bahulī-karonto||
mahantaɱ vepullattaɱ pāpuṇāti dhammesū" ti.|| ||

 


 

Sutta 96

Rukkha Suttaɱ

i. Viveka

[96.1][pts] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuɱ.|| ||

Bhagavā etad avoca:|| ||

"Seyyathā pi bhikkhave, rukkho||
pācīna-ninno||
pācīna poṇo||
pācīna-pabbhāro.|| ||

So mūle chinno katamena papātena papateyyā" ti?|| ||

"Yena bhante, ninno yena poṇo||
yena pabbhāro" ti.|| ||

"Evam eva kho bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
Nibbāna-ninno hoti||
Nibbāna-poṇo Nibbāna-pabbhāro.|| ||

Kathañ ca bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
Nibbāna-ninno hoti||
Nibbāna-poṇo Nibbāna-pabbhāro?|| ||

Idha bhikkhave, bhikkhu saddh'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

viriy'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

sat'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

samādh'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

paññ'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Evaɱ kho bhikkhave, bhikkhu pañc'indriyāni bhāvento||
pañc'indriyāni bahulī-karonto,||
Nibbāna-ninno hoti||
Nibbāna-poṇo Nibbāna-pabbhāro" ti.|| ||

 

§

 

ii. Rāga-vinaya

"Seyyathā pi bhikkhave, rukkho||
pācīna-ninno||
pācīna poṇo||
pācīna-pabbhāro.|| ||

So mūle chinno katamena papātena papateyyā" ti?|| ||

"Yena bhante, ninno yena poṇo||
yena pabbhāro" ti.|| ||

"Evam eva kho bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
Nibbāna-ninno hoti||
Nibbāna-poṇo Nibbāna-pabbhāro.|| ||

Kathañ ca bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
Nibbāna-ninno hoti||
Nibbāna-poṇo Nibbāna-pabbhāro?|| ||

Idha bhikkhave, bhikkhu saddh'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu viriy'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu sat'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu samādh'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu paññ'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Evaɱ kho bhikkhave, bhikkhu pañc'indriyāni bhāvento||
pañc'indriyāni bahulī-karonto,||
Nibbāna-ninno hoti||
Nibbāna-poṇo Nibbāna-pabbhāro" ti.|| ||

 

§

 

iii. Amata

"Seyyathā pi bhikkhave, rukkho||
pācīna-ninno||
pācīna poṇo||
pācīna-pabbhāro.|| ||

So mūle chinno katamena papātena papateyyā" ti?|| ||

"Yena bhante, ninno yena poṇo||
yena pabbhāro" ti.|| ||

"Evam eva kho bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
Nibbāna-ninno hoti||
Nibbāna-poṇo Nibbāna-pabbhāro.|| ||

Kathañ ca bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
Nibbāna-ninno hoti||
Nibbāna-poṇo Nibbāna-pabbhāro?|| ||

Idha bhikkhave, bhikkhu saddh'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu viriy'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu sat'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu samādh'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu paññ'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Evaɱ kho bhikkhave, bhikkhu pañc'indriyāni bhāvento||
pañc'indriyāni bahulī-karonto,||
Nibbāna-ninno hoti||
Nibbāna-poṇo Nibbāna-pabbhāro" ti.|| ||

 

§

 

iv. Nibbāna

"Seyyathā pi bhikkhave, rukkho||
pācīna-ninno||
pācīna poṇo||
pācīna-pabbhāro.|| ||

So mūle chinno katamena papātena papateyyā" ti?|| ||

"Yena bhante, ninno yena poṇo||
yena pabbhāro" ti.|| ||

"Evam eva kho bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
Nibbāna-ninno hoti||
Nibbāna-poṇo Nibbāna-pabbhāro.|| ||

Kathañ ca bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
Nibbāna-ninno hoti||
Nibbāna-poṇo Nibbāna-pabbhāro?|| ||

Idha bhikkhave, bhikkhu saddh'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu viriy'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu sat'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu samādh'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu paññ'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Evaɱ kho bhikkhave, bhikkhu pañc'indriyāni bhāvento||
pañc'indriyāni bahulī-karonto,||
Nibbāna-ninno hoti||
Nibbāna-poṇo Nibbāna-pabbhāro" ti.|| ||

 


 

Sutta 97

Kumbha Suttaɱ

i. Viveka

[97.1][pts] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuɱ.|| ||

Bhagavā etad avoca:|| ||

"Seyyathā pi bhikkhave, kumbho nikkujjo||
vamat'eva udakaɱ||
no paccāvamati.|| ||

Evam eva kho bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
vamat'eva pāpake akusale dhamme||
no paccāvamati.|| ||

Kathañ ca Bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
vamat'eva pāpake akusale dhamme||
no paccāvamati?|| ||

Idha bhikkhave, bhikkhu saddh'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

viriy'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

sat'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

samādh'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

paññ'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Evaɱ kho bhikkhave, bhikkhu pañc'indriyāni bhāvento||
pañc'indriyāni bahulī-karonto,||
vāmateva pāpake akusale dhamme||
no paccāvamatī ti.|| ||

 

§

 

ii. Rāga-vinaya

"Seyyathā pi bhikkhave, kumbho nikkujjo||
vamat'eva udakaɱ||
no paccāvamati.|| ||

Evam eva kho bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
vamat'eva pāpake akusale dhamme||
no paccāvamati.|| ||

Kathañ ca Bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
vamat'eva pāpake akusale dhamme||
no paccāvamati?|| ||

Idha bhikkhave, bhikkhu saddh'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu viriy'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu sat'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu samādh'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu paññ'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Evaɱ kho bhikkhave, bhikkhu pañc'indriyāni bhāvento||
pañc'indriyāni bahulī-karonto,||
vāmateva pāpake akusale dhamme||
no paccāvamatī ti.|| ||

 

§

 

iii. Amata

"Seyyathā pi bhikkhave, kumbho nikkujjo||
vamat'eva udakaɱ||
no paccāvamati.|| ||

Evam eva kho bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
vamat'eva pāpake akusale dhamme||
no paccāvamati.|| ||

Kathañ ca Bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
vamat'eva pāpake akusale dhamme||
no paccāvamati?|| ||

Idha bhikkhave, bhikkhu saddh'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu viriy'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu sat'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu samādh'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu paññ'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Evaɱ kho bhikkhave, bhikkhu pañc'indriyāni bhāvento||
pañc'indriyāni bahulī-karonto,||
vāmateva pāpake akusale dhamme||
no paccāvamatī ti.|| ||

 

§

 

iv. Nibbāna

"Seyyathā pi bhikkhave, kumbho nikkujjo||
vamat'eva udakaɱ||
no paccāvamati.|| ||

Evam eva kho bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
vamat'eva pāpake akusale dhamme||
no paccāvamati.|| ||

Kathañ ca Bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
vamat'eva pāpake akusale dhamme||
no paccāvamati?|| ||

Idha bhikkhave, bhikkhu saddh'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu viriy'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu sat'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu samādh'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu paññ'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Evaɱ kho bhikkhave, bhikkhu pañc'indriyāni bhāvento||
pañc'indriyāni bahulī-karonto,||
vāmateva pāpake akusale dhamme||
no paccāvamatī ti.|| ||

 


 

Sutta 98

Sūka Suttaɱ

i. Viveka

[98.1][pts] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuɱ.|| ||

Bhagavā etad avoca:|| ||

"Seyyathā pi bhikkhave, sālisūkaɱ vā||
yavasūkaɱ vā||
sammā paṇihitaɱ hatthena vā||
pāpadena vā||
akkantaɱ hatthaɱ vā||
pādaɱ vā||
chijjhati lohitaɱ vā||
uppādessatī ti.|| ||

Ṭhānam etaɱ vijjati.|| ||

Taɱ kissa hetu?|| ||

Sammā paṇihittatā bhikkhave, sūkassa.|| ||

Evam eva kho so vata bhikkhu sammā paṇihitāya diṭṭhiyā||
sammā paṇihitāya Maggabhāvanāya||
avijjaɱ chijjhati||
vijjaɱ uppādessati||
Nibbānaɱ sacchi-karissatī.|| ||

Ṭhānam etaɱ vijjati.|| ||

Taɱ kissa hetu?|| ||

Sammā paṇihittatā bhikkhave diṭṭhiyā.|| ||

Kathañ ca Bhikkhave, bhikkhu sammā paṇihitāya diṭṭhiyā||
sammā paṇihitāya Maggabhāvanāya||
avijjaɱ bhindati||
vijjaɱ uppādeti||
Nibbānaɱ sacchi-karoti?|| ||

Idha bhikkhave, bhikkhu saddh'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

viriy'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

sat'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

samādh'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

paññ'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Evaɱ kho bhikkhave, bhikkhu sammā paṇihitāya diṭṭhiyā||
sammā paṇihitāya Maggabhāvanāya||
avijjaɱ bhindati||
vijjaɱ uppādeti||
Nibbānaɱ sacchi-karotī" ti.|| ||

 

§

 

ii. Rāga-vinaya

"Seyyathā pi bhikkhave, sālisūkaɱ vā||
yavasūkaɱ vā||
sammā paṇihitaɱ hatthena vā||
pāpadena vā||
akkantaɱ hatthaɱ vā||
pādaɱ vā||
chijjhati lohitaɱ vā||
uppādessatī ti.|| ||

Ṭhānam etaɱ vijjati.|| ||

Taɱ kissa hetu?|| ||

Sammā paṇihittatā bhikkhave, sūkassa.|| ||

Evam eva kho so vata bhikkhu sammā paṇihitāya diṭṭhiyā||
sammā paṇihitāya Maggabhāvanāya||
avijjaɱ chijjhati||
vijjaɱ uppādessati||
Nibbānaɱ sacchi-karissatī.|| ||

Ṭhānam etaɱ vijjati.|| ||

Taɱ kissa hetu?|| ||

Sammā paṇihittatā bhikkhave diṭṭhiyā.|| ||

Kathañ ca Bhikkhave, bhikkhu sammā paṇihitāya diṭṭhiyā||
sammā paṇihitāya Maggabhāvanāya||
avijjaɱ bhindati||
vijjaɱ uppādeti||
Nibbānaɱ sacchi-karoti?|| ||

Idha bhikkhave, bhikkhu saddh'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu viriy'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu sat'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu samādh'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu paññ'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Evaɱ kho bhikkhave, bhikkhu sammā paṇihitāya diṭṭhiyā||
sammā paṇihitāya Maggabhāvanāya||
avijjaɱ bhindati||
vijjaɱ uppādeti||
Nibbānaɱ sacchi-karotī" ti.|| ||

 

§

 

iii. Amata

"Seyyathā pi bhikkhave, sālisūkaɱ vā||
yavasūkaɱ vā||
sammā paṇihitaɱ hatthena vā||
pāpadena vā||
akkantaɱ hatthaɱ vā||
pādaɱ vā||
chijjhati lohitaɱ vā||
uppādessatī ti.|| ||

Ṭhānam etaɱ vijjati.|| ||

Taɱ kissa hetu?|| ||

Sammā paṇihittatā bhikkhave, sūkassa.|| ||

Evam eva kho so vata bhikkhu sammā paṇihitāya diṭṭhiyā||
sammā paṇihitāya Maggabhāvanāya||
avijjaɱ chijjhati||
vijjaɱ uppādessati||
Nibbānaɱ sacchi-karissatī.|| ||

Ṭhānam etaɱ vijjati.|| ||

Taɱ kissa hetu?|| ||

Sammā paṇihittatā bhikkhave diṭṭhiyā.|| ||

Kathañ ca Bhikkhave, bhikkhu sammā paṇihitāya diṭṭhiyā||
sammā paṇihitāya Maggabhāvanāya||
avijjaɱ bhindati||
vijjaɱ uppādeti||
Nibbānaɱ sacchi-karoti?|| ||

Idha bhikkhave, bhikkhu saddh'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu viriy'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu sat'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu samādh'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu paññ'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Evaɱ kho bhikkhave, bhikkhu sammā paṇihitāya diṭṭhiyā||
sammā paṇihitāya Maggabhāvanāya||
avijjaɱ bhindati||
vijjaɱ uppādeti||
Nibbānaɱ sacchi-karotī" ti.|| ||

 

§

 

iv. Nibbāna

"Seyyathā pi bhikkhave, sālisūkaɱ vā||
yavasūkaɱ vā||
sammā paṇihitaɱ hatthena vā||
pāpadena vā||
akkantaɱ hatthaɱ vā||
pādaɱ vā||
chijjhati lohitaɱ vā||
uppādessatī ti.|| ||

Ṭhānam etaɱ vijjati.|| ||

Taɱ kissa hetu?|| ||

Sammā paṇihittatā bhikkhave, sūkassa.|| ||

Evam eva kho so vata bhikkhu sammā paṇihitāya diṭṭhiyā||
sammā paṇihitāya Maggabhāvanāya||
avijjaɱ chijjhati||
vijjaɱ uppādessati||
Nibbānaɱ sacchi-karissatī.|| ||

Ṭhānam etaɱ vijjati.|| ||

Taɱ kissa hetu?|| ||

Sammā paṇihittatā bhikkhave diṭṭhiyā.|| ||

Kathañ ca Bhikkhave, bhikkhu sammā paṇihitāya diṭṭhiyā||
sammā paṇihitāya Maggabhāvanāya||
avijjaɱ bhindati||
vijjaɱ uppādeti||
Nibbānaɱ sacchi-karoti?|| ||

Idha bhikkhave, bhikkhu saddh'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu viriy'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu sat'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu samādh'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu paññ'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Evaɱ kho bhikkhave, bhikkhu sammā paṇihitāya diṭṭhiyā||
sammā paṇihitāya Maggabhāvanāya||
avijjaɱ bhindati||
vijjaɱ uppādeti||
Nibbānaɱ sacchi-karotī" ti.|| ||

 


 

Sutta 99

Ākāsa Suttaɱ

i. Viveka

[99.1][pts] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuɱ.|| ||

Bhagavā etad avoca:|| ||

"Seyyathā pi bhikkhave, ākāse vividhā vātā vāyanti.|| ||

Puratthimā pi vātā vāyanti.|| ||

Pacchimā pi vātā vāyanti.|| ||

Uttarā pi vātā vāyanti.|| ||

Dakkhiṇā pi vātā vāyanti.|| ||

Sarajā pi vātā vāyanti.|| ||

Arajā pi vātā vāyanti.|| ||

Sītā pi vātā vāyanti.|| ||

Uṇhā pi vātā vāyanti.|| ||

Parittā pi vātā vāyanti.|| ||

Adhimattā pi vātā vāyanti.|| ||

Evam eva kho bhikkhave, bhikkhuno||
pañc'indriyāni bhāvayato||
pañc'indriyāni bahulī-karoto||
cattāro pi sati-paṭṭhānā bhāvanā pāripuriɱ gacchanti;||
cattāro pi samma-p-padhānā bhāvanā pāripūriɱ gacchanti;||
cattāro pi iddhi-pādā bhāvatā pāripūriɱ gacchanti;||
pañca pi indriyāni bhāvanā pāripūriɱ gacchanti;||
pañca pi balāni bhāvanā pāripūriɱ gacchanti;||
sattapi bojjh'aŋgā bhāvanā pāripūriɱ gacchanti.|| ||

Kathañ ca bhikkhave, bhikkhuno||
pañc'indriyāni bhāvayato||
pañc'indriyāni bahulī-karoto||
cattāro pi sati-paṭṭhānā bhāvanā pāripuriɱ gacchanti;||
cattāro pi samma-p-padhānā bhāvanā pāripūriɱ gacchanti;||
cattāro pi iddhi-pādā bhāvatā pāripūriɱ gacchanti;||
pañca pi indriyāni bhāvanā pāripūriɱ gacchanti;||
pañca pi balāni bhāvanā pāripūriɱ gacchanti;||
sattapi bojjh'aŋgā bhāvanā pāripūriɱ gacchanti?|| ||

Idha bhikkhave, bhikkhu saddh'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

viriy'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

sat'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

samādh'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

paññ'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Evaɱ kho bhikkhave, bhikkhuno pañc'indriyāni bhāvayato||
pañc'indriyāni bahulī-karoto||
cattāro pi sati-paṭṭhānā bhāvanā pāripuriɱ gacchanti;||
cattāro pi samma-p-padhānā bhāvanā pāripūriɱ gacchanti;||
cattāro pi iddhi-pādā bhāvatā pāripūriɱ gacchanti;||
pañca pi indriyāni bhāvanā pāripūriɱ gacchanti;||
pañca pi balāni bhāvanā pāripūriɱ gacchanti;||
sattapi bojjh'aŋgā bhāvanā pāripūriɱ gacchanti" ti.|| ||

 

§

 

ii. Rāga-vinaya

"Seyyathā pi bhikkhave, ākāse vividhā vātā vāyanti.|| ||

Puratthimā pi vātā vāyanti.|| ||

Pacchimā pi vātā vāyanti.|| ||

Uttarā pi vātā vāyanti.|| ||

Dakkhiṇā pi vātā vāyanti.|| ||

Sarajā pi vātā vāyanti.|| ||

Arajā pi vātā vāyanti.|| ||

Sītā pi vātā vāyanti.|| ||

Uṇhā pi vātā vāyanti.|| ||

Parittā pi vātā vāyanti.|| ||

Adhimattā pi vātā vāyanti.|| ||

Evam eva kho bhikkhave, bhikkhuno||
pañc'indriyāni bhāvayato||
pañc'indriyāni bahulī-karoto||
cattāro pi sati-paṭṭhānā bhāvanā pāripuriɱ gacchanti;||
cattāro pi samma-p-padhānā bhāvanā pāripūriɱ gacchanti;||
cattāro pi iddhi-pādā bhāvatā pāripūriɱ gacchanti;||
pañca pi indriyāni bhāvanā pāripūriɱ gacchanti;||
pañca pi balāni bhāvanā pāripūriɱ gacchanti;||
sattapi bojjh'aŋgā bhāvanā pāripūriɱ gacchanti.|| ||

Kathañ ca bhikkhave, bhikkhuno||
pañc'indriyāni bhāvayato||
pañc'indriyāni bahulī-karoto||
cattāro pi sati-paṭṭhānā bhāvanā pāripuriɱ gacchanti;||
cattāro pi samma-p-padhānā bhāvanā pāripūriɱ gacchanti;||
cattāro pi iddhi-pādā bhāvatā pāripūriɱ gacchanti;||
pañca pi indriyāni bhāvanā pāripūriɱ gacchanti;||
pañca pi balāni bhāvanā pāripūriɱ gacchanti;||
sattapi bojjh'aŋgā bhāvanā pāripūriɱ gacchanti?|| ||

Idha bhikkhave, bhikkhu saddh'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu viriy'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu sat'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu samādh'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu paññ'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Evaɱ kho bhikkhave, bhikkhuno pañc'indriyāni bhāvayato||
pañc'indriyāni bahulī-karoto||
cattāro pi sati-paṭṭhānā bhāvanā pāripuriɱ gacchanti;||
cattāro pi samma-p-padhānā bhāvanā pāripūriɱ gacchanti;||
cattāro pi iddhi-pādā bhāvatā pāripūriɱ gacchanti;||
pañca pi indriyāni bhāvanā pāripūriɱ gacchanti;||
pañca pi balāni bhāvanā pāripūriɱ gacchanti;||
sattapi bojjh'aŋgā bhāvanā pāripūriɱ gacchanti" ti.|| ||

 

§

 

iii. Amata

"Seyyathā pi bhikkhave, ākāse vividhā vātā vāyanti.|| ||

Puratthimā pi vātā vāyanti.|| ||

Pacchimā pi vātā vāyanti.|| ||

Uttarā pi vātā vāyanti.|| ||

Dakkhiṇā pi vātā vāyanti.|| ||

Sarajā pi vātā vāyanti.|| ||

Arajā pi vātā vāyanti.|| ||

Sītā pi vātā vāyanti.|| ||

Uṇhā pi vātā vāyanti.|| ||

Parittā pi vātā vāyanti.|| ||

Adhimattā pi vātā vāyanti.|| ||

Evam eva kho bhikkhave, bhikkhuno||
pañc'indriyāni bhāvayato||
pañc'indriyāni bahulī-karoto||
cattāro pi sati-paṭṭhānā bhāvanā pāripuriɱ gacchanti;||
cattāro pi samma-p-padhānā bhāvanā pāripūriɱ gacchanti;||
cattāro pi iddhi-pādā bhāvatā pāripūriɱ gacchanti;||
pañca pi indriyāni bhāvanā pāripūriɱ gacchanti;||
pañca pi balāni bhāvanā pāripūriɱ gacchanti;||
sattapi bojjh'aŋgā bhāvanā pāripūriɱ gacchanti.|| ||

Kathañ ca bhikkhave, bhikkhuno||
pañc'indriyāni bhāvayato||
pañc'indriyāni bahulī-karoto||
cattāro pi sati-paṭṭhānā bhāvanā pāripuriɱ gacchanti;||
cattāro pi samma-p-padhānā bhāvanā pāripūriɱ gacchanti;||
cattāro pi iddhi-pādā bhāvatā pāripūriɱ gacchanti;||
pañca pi indriyāni bhāvanā pāripūriɱ gacchanti;||
pañca pi balāni bhāvanā pāripūriɱ gacchanti;||
sattapi bojjh'aŋgā bhāvanā pāripūriɱ gacchanti?|| ||

Idha bhikkhave, bhikkhu saddh'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu viriy'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu sat'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu samādh'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu paññ'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Evaɱ kho bhikkhave, bhikkhuno pañc'indriyāni bhāvayato||
pañc'indriyāni bahulī-karoto||
cattāro pi sati-paṭṭhānā bhāvanā pāripuriɱ gacchanti;||
cattāro pi samma-p-padhānā bhāvanā pāripūriɱ gacchanti;||
cattāro pi iddhi-pādā bhāvatā pāripūriɱ gacchanti;||
pañca pi indriyāni bhāvanā pāripūriɱ gacchanti;||
pañca pi balāni bhāvanā pāripūriɱ gacchanti;||
sattapi bojjh'aŋgā bhāvanā pāripūriɱ gacchanti" ti.|| ||

 

§

 

iv. Nibbāna

"Seyyathā pi bhikkhave, ākāse vividhā vātā vāyanti.|| ||

Puratthimā pi vātā vāyanti.|| ||

Pacchimā pi vātā vāyanti.|| ||

Uttarā pi vātā vāyanti.|| ||

Dakkhiṇā pi vātā vāyanti.|| ||

Sarajā pi vātā vāyanti.|| ||

Arajā pi vātā vāyanti.|| ||

Sītā pi vātā vāyanti.|| ||

Uṇhā pi vātā vāyanti.|| ||

Parittā pi vātā vāyanti.|| ||

Adhimattā pi vātā vāyanti.|| ||

Evam eva kho bhikkhave, bhikkhuno||
pañc'indriyāni bhāvayato||
pañc'indriyāni bahulī-karoto||
cattāro pi sati-paṭṭhānā bhāvanā pāripuriɱ gacchanti;||
cattāro pi samma-p-padhānā bhāvanā pāripūriɱ gacchanti;||
cattāro pi iddhi-pādā bhāvatā pāripūriɱ gacchanti;||
pañca pi indriyāni bhāvanā pāripūriɱ gacchanti;||
pañca pi balāni bhāvanā pāripūriɱ gacchanti;||
sattapi bojjh'aŋgā bhāvanā pāripūriɱ gacchanti.|| ||

Kathañ ca bhikkhave, bhikkhuno||
pañc'indriyāni bhāvayato||
pañc'indriyāni bahulī-karoto||
cattāro pi sati-paṭṭhānā bhāvanā pāripuriɱ gacchanti;||
cattāro pi samma-p-padhānā bhāvanā pāripūriɱ gacchanti;||
cattāro pi iddhi-pādā bhāvatā pāripūriɱ gacchanti;||
pañca pi indriyāni bhāvanā pāripūriɱ gacchanti;||
pañca pi balāni bhāvanā pāripūriɱ gacchanti;||
sattapi bojjh'aŋgā bhāvanā pāripūriɱ gacchanti?|| ||

Idha bhikkhave, bhikkhu saddh'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu viriy'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu sat'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu samādh'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu paññ'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Evaɱ kho bhikkhave, bhikkhuno pañc'indriyāni bhāvayato||
pañc'indriyāni bahulī-karoto||
cattāro pi sati-paṭṭhānā bhāvanā pāripuriɱ gacchanti;||
cattāro pi samma-p-padhānā bhāvanā pāripūriɱ gacchanti;||
cattāro pi iddhi-pādā bhāvatā pāripūriɱ gacchanti;||
pañca pi indriyāni bhāvanā pāripūriɱ gacchanti;||
pañca pi balāni bhāvanā pāripūriɱ gacchanti;||
sattapi bojjh'aŋgā bhāvanā pāripūriɱ gacchanti" ti.|| ||

 


 

Sutta 100

Paṭhama Megha Suttaɱ

i. Viveka

[100.1][pts] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuɱ.|| ||

Bhagavā etad avoca:|| ||

"Seyyathā pi bhikkhave, gimhānaɱ pacchime māse uggataɱ rajojallaɱ.|| ||

Tam enaɱ mahā akālamegho ṭhānaso antaradhāpeti vūpasameti.|| ||

Evam eva kho bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
uppannuppanne pāpake akusale dhamme ṭhānaso antaradhāpeti vūpasamapeti.|| ||

Kathañ ca bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
uppannuppanne pāpake akusale dhamme ṭhānaso antaradhāpeti, vūpasamapeti?|| ||

Idha bhikkhave, bhikkhu saddh'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

viriy'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

sat'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

samādh'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

paññ'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Evaɱ kho bhikkhave, bhikkhuno pañc'indriyāni bhāvayato||
pañc'indriyāni bahulī-karoto||
uppannuppanne pāpake akusale dhamme ṭhānaso antaradhāpeti, vūpasametī" ti.|| ||

 

§

 

ii. Rāga-vinaya

"Seyyathā pi bhikkhave, gimhānaɱ pacchime māse uggataɱ rajojallaɱ.|| ||

Tam enaɱ mahā akālamegho ṭhānaso antaradhāpeti vūpasameti.|| ||

Evam eva kho bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
uppannuppanne pāpake akusale dhamme ṭhānaso antaradhāpeti vūpasamapeti.|| ||

Kathañ ca bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
uppannuppanne pāpake akusale dhamme ṭhānaso antaradhāpeti, vūpasamapeti?|| ||

Idha bhikkhave, bhikkhu saddh'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu viriy'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu sat'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu samādh'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu paññ'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Evaɱ kho bhikkhave, bhikkhuno pañc'indriyāni bhāvayato||
pañc'indriyāni bahulī-karoto||
uppannuppanne pāpake akusale dhamme ṭhānaso antaradhāpeti, vūpasametī" ti.|| ||

 

§

 

iii. Amata

"Seyyathā pi bhikkhave, gimhānaɱ pacchime māse uggataɱ rajojallaɱ.|| ||

Tam enaɱ mahā akālamegho ṭhānaso antaradhāpeti vūpasameti.|| ||

Evam eva kho bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
uppannuppanne pāpake akusale dhamme ṭhānaso antaradhāpeti vūpasamapeti.|| ||

Kathañ ca bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
uppannuppanne pāpake akusale dhamme ṭhānaso antaradhāpeti, vūpasamapeti?|| ||

Idha bhikkhave, bhikkhu saddh'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu viriy'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu sat'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu samādh'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu paññ'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Evaɱ kho bhikkhave, bhikkhuno pañc'indriyāni bhāvayato||
pañc'indriyāni bahulī-karoto||
uppannuppanne pāpake akusale dhamme ṭhānaso antaradhāpeti, vūpasametī" ti.|| ||

 

§

 

iv. Nibbāna

"Seyyathā pi bhikkhave, gimhānaɱ pacchime māse uggataɱ rajojallaɱ.|| ||

Tam enaɱ mahā akālamegho ṭhānaso antaradhāpeti vūpasameti.|| ||

Evam eva kho bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
uppannuppanne pāpake akusale dhamme ṭhānaso antaradhāpeti vūpasamapeti.|| ||

Kathañ ca bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
uppannuppanne pāpake akusale dhamme ṭhānaso antaradhāpeti, vūpasamapeti?|| ||

Idha bhikkhave, bhikkhu saddh'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu viriy'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu sat'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu samādh'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu paññ'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Evaɱ kho bhikkhave, bhikkhuno pañc'indriyāni bhāvayato||
pañc'indriyāni bahulī-karoto||
uppannuppanne pāpake akusale dhamme ṭhānaso antaradhāpeti, vūpasametī" ti.|| ||

 


 

Sutta 101

Dutiya Megha Suttaɱ

i. Viveka

[101.1][pts] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuɱ.|| ||

Bhagavā etad avoca:|| ||

"Seyyathā pi bhikkhave, uppannaɱ mahā-meghaɱ,||
tam enaɱ mahāvāto antarāy'eva antaradhāpeti vūpasameti.|| ||

Evam eva kho bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
uppannuppanne pāpake akusale dhamme||
antarāy'eva antaradhāpeti,||
vūpasameti.|| ||

Kathañ ca Bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
uppannuppanne pāpake akusale dhamme||
antarāy'eva antaradhāpeti,||
vūpasameti?|| ||

Idha bhikkhave, bhikkhu saddh'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

viriy'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

sat'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

samādh'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

paññ'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Evaɱ kho bhikkhave, bhikkhuno pañc'indriyāni bhāvayato||
pañc'indriyāni bahulī-karoto||
uppannuppanne pāpake akusale dhamme antarāyeva antaradhāpeti vūpasametī" ti.|| ||

 

§

 

ii. Rāga-vinaya

"Seyyathā pi bhikkhave, uppannaɱ mahā-meghaɱ,||
tam enaɱ mahāvāto antarāy'eva antaradhāpeti vūpasameti.|| ||

Evam eva kho bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
uppannuppanne pāpake akusale dhamme||
antarāy'eva antaradhāpeti,||
vūpasameti.|| ||

Kathañ ca Bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
uppannuppanne pāpake akusale dhamme||
antarāy'eva antaradhāpeti,||
vūpasameti?|| ||

Idha bhikkhave, bhikkhu saddh'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu viriy'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu sat'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu samādh'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu paññ'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Evaɱ kho bhikkhave, bhikkhuno pañc'indriyāni bhāvayato||
pañc'indriyāni bahulī-karoto||
uppannuppanne pāpake akusale dhamme antarāyeva antaradhāpeti vūpasametī" ti.|| ||

 

§

 

iii. Amata

"Seyyathā pi bhikkhave, uppannaɱ mahā-meghaɱ,||
tam enaɱ mahāvāto antarāy'eva antaradhāpeti vūpasameti.|| ||

Evam eva kho bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
uppannuppanne pāpake akusale dhamme||
antarāy'eva antaradhāpeti,||
vūpasameti.|| ||

Kathañ ca Bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
uppannuppanne pāpake akusale dhamme||
antarāy'eva antaradhāpeti,||
vūpasameti?|| ||

Idha bhikkhave, bhikkhu saddh'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu viriy'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu sat'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu samādh'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu paññ'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Evaɱ kho bhikkhave, bhikkhuno pañc'indriyāni bhāvayato||
pañc'indriyāni bahulī-karoto||
uppannuppanne pāpake akusale dhamme antarāyeva antaradhāpeti vūpasametī" ti.|| ||

 

§

 

iv. Nibbāna

"Seyyathā pi bhikkhave, uppannaɱ mahā-meghaɱ,||
tam enaɱ mahāvāto antarāy'eva antaradhāpeti vūpasameti.|| ||

Evam eva kho bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
uppannuppanne pāpake akusale dhamme||
antarāy'eva antaradhāpeti,||
vūpasameti.|| ||

Kathañ ca Bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
uppannuppanne pāpake akusale dhamme||
antarāy'eva antaradhāpeti,||
vūpasameti?|| ||

Idha bhikkhave, bhikkhu saddh'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu viriy'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu sat'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu samādh'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu paññ'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Evaɱ kho bhikkhave, bhikkhuno pañc'indriyāni bhāvayato||
pañc'indriyāni bahulī-karoto||
uppannuppanne pāpake akusale dhamme antarāyeva antaradhāpeti vūpasametī" ti.|| ||

 


 

Sutta 102

Nāvā Suttaɱ

i. Viveka

[102.1][pts] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuɱ.|| ||

Bhagavā etad avoca:|| ||

"Seyyathā pi bhikkhave, sāmuddikāya nāvāya vetta-bandhana-bandhāya chammāsāni udake pariyātāya hemanatikena thalaɱ ukkhitāya vāt'ātapaparetāni bandhanāni tāni pāvussakena meghena abhippavuṭṭhāni||
appakasirena paṭippassambhanti pūtikāni bhavanti.|| ||

Evam eva kho bhikkhave, bhikkhuno||
pañc'indriyāni bhāvayato||
pañc'indriyāni bahulī-karoto||
appakasiren'eva saŋyojanāni paṭippassambhanti pūtikāni bhavanti.|| ||

Kathañ ca Bhikkhave, bhikkhuno||
pañc'indriyāni bhāvayato||
pañc'indriyāni bahulī-karoto||
appakasiren'eva saŋyejanāni paṭippassambhanti pūtikāni bhavanti?|| ||

Idha bhikkhave, bhikkhu saddh'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

viriy'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

sat'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

samādh'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

paññ'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Evaɱ kho bhikkhave, bhikkhuno pañc'indriyāni bhāvayato||
pañc'indriyāni bahulī-karoto||
appakasiren'eva saŋyojanāni paṭippassambhanti pūtikāni bhavantī" ti.|| ||

 

§

 

ii. Rāga-vinaya

"Seyyathā pi bhikkhave, sāmuddikāya nāvāya vetta-bandhana-bandhāya chammāsāni udake pariyātāya hemanatikena thalaɱ ukkhitāya vāt'ātapaparetāni bandhanāni tāni pāvussakena meghena abhippavuṭṭhāni||
appakasirena paṭippassambhanti pūtikāni bhavanti.|| ||

Evam eva kho bhikkhave, bhikkhuno||
pañc'indriyāni bhāvayato||
pañc'indriyāni bahulī-karoto||
appakasiren'eva saŋyojanāni paṭippassambhanti pūtikāni bhavanti.|| ||

Kathañ ca Bhikkhave, bhikkhuno||
pañc'indriyāni bhāvayato||
pañc'indriyāni bahulī-karoto||
appakasiren'eva saŋyejanāni paṭippassambhanti pūtikāni bhavanti?|| ||

Idha bhikkhave, bhikkhu saddh'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu viriy'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu sat'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu samādh'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu paññ'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Evaɱ kho bhikkhave, bhikkhuno pañc'indriyāni bhāvayato||
pañc'indriyāni bahulī-karoto||
appakasiren'eva saŋyojanāni paṭippassambhanti pūtikāni bhavantī" ti.|| ||

 

§

 

iii. Amata

"Seyyathā pi bhikkhave, sāmuddikāya nāvāya vetta-bandhana-bandhāya chammāsāni udake pariyātāya hemanatikena thalaɱ ukkhitāya vāt'ātapaparetāni bandhanāni tāni pāvussakena meghena abhippavuṭṭhāni||
appakasirena paṭippassambhanti pūtikāni bhavanti.|| ||

Evam eva kho bhikkhave, bhikkhuno||
pañc'indriyāni bhāvayato||
pañc'indriyāni bahulī-karoto||
appakasiren'eva saŋyojanāni paṭippassambhanti pūtikāni bhavanti.|| ||

Kathañ ca Bhikkhave, bhikkhuno||
pañc'indriyāni bhāvayato||
pañc'indriyāni bahulī-karoto||
appakasiren'eva saŋyejanāni paṭippassambhanti pūtikāni bhavanti?|| ||

Idha bhikkhave, bhikkhu saddh'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu viriy'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu sat'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu samādh'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu paññ'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Evaɱ kho bhikkhave, bhikkhuno pañc'indriyāni bhāvayato||
pañc'indriyāni bahulī-karoto||
appakasiren'eva saŋyojanāni paṭippassambhanti pūtikāni bhavantī" ti.|| ||

 

§

 

iv. Nibbāna

"Seyyathā pi bhikkhave, sāmuddikāya nāvāya vetta-bandhana-bandhāya chammāsāni udake pariyātāya hemanatikena thalaɱ ukkhitāya vāt'ātapaparetāni bandhanāni tāni pāvussakena meghena abhippavuṭṭhāni||
appakasirena paṭippassambhanti pūtikāni bhavanti.|| ||

Evam eva kho bhikkhave, bhikkhuno||
pañc'indriyāni bhāvayato||
pañc'indriyāni bahulī-karoto||
appakasiren'eva saŋyojanāni paṭippassambhanti pūtikāni bhavanti.|| ||

Kathañ ca Bhikkhave, bhikkhuno||
pañc'indriyāni bhāvayato||
pañc'indriyāni bahulī-karoto||
appakasiren'eva saŋyejanāni paṭippassambhanti pūtikāni bhavanti?|| ||

Idha bhikkhave, bhikkhu saddh'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu viriy'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu sat'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu samādh'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu paññ'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Evaɱ kho bhikkhave, bhikkhuno pañc'indriyāni bhāvayato||
pañc'indriyāni bahulī-karoto||
appakasiren'eva saŋyojanāni paṭippassambhanti pūtikāni bhavantī" ti.|| ||

 


 

Sutta 103

Āgantuka Suttaɱ

i. Viveka

[103.1][pts] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuɱ.|| ||

Bhagavā etad avoca:|| ||

"Seyyathā pi bhikkhave, āgantukāgāraɱ,||
tattha puratthimāya disāya āgantvā vāsaŋ kappenti.|| ||

Pacchimāya pi disāya āgantā vā vāsaŋ kappenti.|| ||

Uttarāya pi disāya āgantvā vāsaŋ kappenti.|| ||

Dakkhiṇāya pi āgantvā disāya vāsaŋ kappenti.|| ||

Khattiyā pi āgantvā vāsaŋ kappenti.|| ||

Brāhmaṇā pi āgantvā vāsaŋ kappenti.|| ||

Vessā pi āgantvā vāsaŋ kappenti.|| ||

Suddā pi āgantvā vāsaŋ kappenti.|| ||

Evam eva kho bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
ye dhammā abhiññā pariññeyyā||
te dhamme abhiññā parijānāti.|| ||

Ye'dhammā abhiññā pahātabbā,||
te dhamme abhiññā pajahati.|| ||

Ye'dhammā abhiññā sacchi-kātabbā,||
te dhamme abhiññā sacchi-karoti.|| ||

Ye'dhammā abhiññā bhāvetabbā,||
te dhamme abhiññā bhāveti.|| ||

Katame ca bhikkhave, dhammā abhiññā1 pariññeyyā?|| ||

Pañc'upādāna-k-khandhā tissa vacanīyā.|| ||

Katame pañca?|| ||

Seyyath'īdaɱ:|| ||

Rūp'ūpādāna-k-khandho||
vedan'ūpādāna-k-khandho||
saññ'ūpādāna-k-khandho||
sankhār'ūpādāna-k-khandho||
viññāṇ'ūpādāna-k-khandho.|| ||

Ime kho bhikkhave, dhammā abhiññā pariññeyyā.|| ||

Katame ca bhikkhave, dhammā abhiññā pahātabbā?|| ||

Avijjā ca bhava-taṇhā ca.|| ||

Ime bhikkhave, dhammā abhiññā pahātabbā.|| ||

Katame ca bhikkhave, dhammā abhiññā sacchi-kātabbā?|| ||

Vijjā ca vimutti ca.|| ||

Ime bhikkhave, dhammā abhiññā sacchi-kātabbā.|| ||

Katame ca bhikkhave, dhammā abhiññā bhāvetabbā?|| ||

Samatho ca vipassanā ca.|| ||

Ime bhikkhave, dhammā abhiññā bhāvetabbā.|| ||

Kathañ ca bhikkhave, bhikkhu ariyaɱ aṭṭhaŋgikaɱ Maggaɱ bhāvento||
pañc'indriyāni bahulī-karonto||
ye dhammā abhiññā pariññeyyā,||
te dhamme abhiññā parijānāti;||
ye dhammā abhiññā pahātabbā,||
te dhamme abhiññā pajahati;||
ye dhammā abhiññā sacchi-kātabbā,||
te dhamme abhiññā-sacchi-karoti;||
ye dhammā abhiññā bhāvetabbā,||
te dhamme abhiññā bhāveti?|| ||

Idha bhikkhave, bhikkhu saddh'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

viriy'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

sat'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

samādh'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

paññ'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Evaɱ kho bhikkhave, bhikkhuno pañc'indriyāni bhāvayato||
pañc'indriyāni bahulī-karonto,||
ye dhammā abhiññā pariññeyyā,||
te dhamme abhiññā parijānāti;||
ye dhammā abhiññā pahātabbā,||
te dhamme abhiññā pajahati;||
ye dhammā abhiññā sacchi-kātabbā,||
te dhamme abhiññā-sacchi-karoti;||
ye dhammā abhiññā bhāvetabbā,||
te dhamme abhiññā bhāveti" ti.|| ||

 

§

 

ii. Rāga-vinaya

"Seyyathā pi bhikkhave, āgantukāgāraɱ,||
tattha puratthimāya disāya āgantvā vāsaŋ kappenti.|| ||

Pacchimāya pi disāya āgantā vā vāsaŋ kappenti.|| ||

Uttarāya pi disāya āgantvā vāsaŋ kappenti.|| ||

Dakkhiṇāya pi āgantvā disāya vāsaŋ kappenti.|| ||

Khattiyā pi āgantvā vāsaŋ kappenti.|| ||

Brāhmaṇā pi āgantvā vāsaŋ kappenti.|| ||

Vessā pi āgantvā vāsaŋ kappenti.|| ||

Suddā pi āgantvā vāsaŋ kappenti.|| ||

Evam eva kho bhikkhave, bhikkhu pañc'indriyāni bhāvento||
pañc'indriyāni bahulī-karonto||
ye dhammā abhiññā pariññeyyā||
te dhamme abhiññā parijānāti.|| ||

Ye'dhammā abhiññā pahātabbā,||
te dhamme abhiññā pajahati.|| ||

Ye'dhammā abhiññā sacchi-kātabbā,||
te dhamme abhiññā sacchi-karoti.|| ||

Ye'dhammā abhiññā bhāvetabbā,||
te dhamme abhiññā bhāveti.|| ||

Katame ca bhikkhave, dhammā abhiññā1 pariññeyyā?|| ||

Pañc'upādāna-k-khandhā tissa vacanīyā.|| ||

Katame pañca?|| ||

Seyyath'īdaɱ:|| ||

Rūp'ūpādāna-k-khandho||
vedan'ūpādāna-k-khandho||
saññ'ūpādāna-k-khandho||
sankhār'ūpādāna-k-khandho||
viññāṇ'ūpādāna-k-khandho.|| ||

Ime kho bhikkhave, dhammā abhiññā pariññeyyā.|| ||

Katame ca bhikkhave, dhammā abhiññā pahātabbā?|| ||

Avijjā ca bhava-taṇhā ca.|| ||

Ime bhikkhave, dhammā abhiññā pahātabbā.|| ||

Katame ca bhikkhave, dhammā abhiññā sacchi-kātabbā?|| ||

Vijjā ca vimutti ca.|| ||

Ime bhikkhave, dhammā abhiññā sacchi-kātabbā.|| ||

Katame ca bhikkhave, dhammā abhiññā bhāvetabbā?|| ||

Samatho ca vipassanā ca.|| ||

Ime bhikkhave, dhammā abhiññā bhāvetabbā.|| ||

Kathañ ca bhikkhave, bhikkhu ariyaɱ aṭṭhaŋgikaɱ Maggaɱ bhāvento||
pañc'indriyāni bahulī-karonto||
ye dhammā abhiññā pariññeyyā,||
te dhamme abhiññā parijānāti;||
ye dhammā abhiññā pahātabbā,||
te dhamme abhiññā pajahati;||
ye dhammā abhiññā sacchi-kātabbā,||
te dhamme abhiññā-sacchi-karoti;||
ye dhammā abhiññā bhāvetabbā,||
te dhamme abhiññā bhāveti?|| ||

Idha bhikkhave, bhikkhu saddh'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu viriy'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu sat'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu samādh'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu paññ'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Evaɱ kho bhikkhave, bhikkhuno pañc'indriyāni bhāvayato||
pañc'indriyāni bahulī-karonto,||
ye dhammā abhiññā pariññeyyā,||
te dhamme abhiññā parijānāti;||
ye dhammā abhiññā pahātabbā,||
te dhamme abhiññā pajahati;||
ye dhammā abhiññā sacchi-kātabbā,||
te dhamme abhiññā-sacchi-karoti;||
ye dhammā abhiññā bhāvetabbā,||
te dhamme abhiññā bhāveti" ti.|| ||

 

§

 

iii. Amata

"Seyyathā pi bhikkhave, āgantukāgāraɱ,||
tattha puratthimāya disāya āgantvā vāsaŋ kappenti.|| ||

Pacchimāya pi disāya āgantā vā vāsaŋ kappenti.|| ||

Uttarāya pi disāya āgantvā vāsaŋ kappenti.|| ||

Dakkhiṇāya pi āgantvā disāya vāsaŋ kappenti.|| ||

Khattiyā pi āgantvā vāsaŋ kappenti.|| ||

Brāhmaṇā pi āgantvā vāsaŋ kappenti.|| ||

Vessā pi āgantvā vāsaŋ kappenti.|| ||

Suddā pi āgantvā vāsaŋ kappenti.|| ||

Evam eva kho bhikkhave, bhikkhu pañc'indriyāni bhāvento||
pañc'indriyāni bahulī-karonto||
ye dhammā abhiññā pariññeyyā||
te dhamme abhiññā parijānāti.|| ||

Ye'dhammā abhiññā pahātabbā,||
te dhamme abhiññā pajahati.|| ||

Ye'dhammā abhiññā sacchi-kātabbā,||
te dhamme abhiññā sacchi-karoti.|| ||

Ye'dhammā abhiññā bhāvetabbā,||
te dhamme abhiññā bhāveti.|| ||

Katame ca bhikkhave, dhammā abhiññā1 pariññeyyā?|| ||

Pañc'upādāna-k-khandhā tissa vacanīyā.|| ||

Katame pañca?|| ||

Seyyath'īdaɱ:|| ||

Rūp'ūpādāna-k-khandho||
vedan'ūpādāna-k-khandho||
saññ'ūpādāna-k-khandho||
sankhār'ūpādāna-k-khandho||
viññāṇ'ūpādāna-k-khandho.|| ||

Ime kho bhikkhave, dhammā abhiññā pariññeyyā.|| ||

Katame ca bhikkhave, dhammā abhiññā pahātabbā?|| ||

Avijjā ca bhava-taṇhā ca.|| ||

Ime bhikkhave, dhammā abhiññā pahātabbā.|| ||

Katame ca bhikkhave, dhammā abhiññā sacchi-kātabbā?|| ||

Vijjā ca vimutti ca.|| ||

Ime bhikkhave, dhammā abhiññā sacchi-kātabbā.|| ||

Katame ca bhikkhave, dhammā abhiññā bhāvetabbā?|| ||

Samatho ca vipassanā ca.|| ||

Ime bhikkhave, dhammā abhiññā bhāvetabbā.|| ||

Kathañ ca bhikkhave, bhikkhu ariyaɱ aṭṭhaŋgikaɱ Maggaɱ bhāvento||
pañc'indriyāni bahulī-karonto||
ye dhammā abhiññā pariññeyyā,||
te dhamme abhiññā parijānāti;||
ye dhammā abhiññā pahātabbā,||
te dhamme abhiññā pajahati;||
ye dhammā abhiññā sacchi-kātabbā,||
te dhamme abhiññā-sacchi-karoti;||
ye dhammā abhiññā bhāvetabbā,||
te dhamme abhiññā bhāveti?|| ||

Idha bhikkhave, bhikkhu saddh'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu viriy'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu sat'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu samādh'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu paññ'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Evaɱ kho bhikkhave, bhikkhuno pañc'indriyāni bhāvayato||
pañc'indriyāni bahulī-karonto,||
ye dhammā abhiññā pariññeyyā,||
te dhamme abhiññā parijānāti;||
ye dhammā abhiññā pahātabbā,||
te dhamme abhiññā pajahati;||
ye dhammā abhiññā sacchi-kātabbā,||
te dhamme abhiññā-sacchi-karoti;||
ye dhammā abhiññā bhāvetabbā,||
te dhamme abhiññā bhāveti" ti.|| ||

 

§

 

iv. Nibbāna

"Seyyathā pi bhikkhave, āgantukāgāraɱ,||
tattha puratthimāya disāya āgantvā vāsaŋ kappenti.|| ||

Pacchimāya pi disāya āgantā vā vāsaŋ kappenti.|| ||

Uttarāya pi disāya āgantvā vāsaŋ kappenti.|| ||

Dakkhiṇāya pi āgantvā disāya vāsaŋ kappenti.|| ||

Khattiyā pi āgantvā vāsaŋ kappenti.|| ||

Brāhmaṇā pi āgantvā vāsaŋ kappenti.|| ||

Vessā pi āgantvā vāsaŋ kappenti.|| ||

Suddā pi āgantvā vāsaŋ kappenti.|| ||

Evam eva kho bhikkhave, bhikkhu pañc'indriyāni bhāvento||
pañc'indriyāni bahulī-karonto||
ye dhammā abhiññā pariññeyyā||
te dhamme abhiññā parijānāti.|| ||

Ye'dhammā abhiññā pahātabbā,||
te dhamme abhiññā pajahati.|| ||

Ye'dhammā abhiññā sacchi-kātabbā,||
te dhamme abhiññā sacchi-karoti.|| ||

Ye'dhammā abhiññā bhāvetabbā,||
te dhamme abhiññā bhāveti.|| ||

Katame ca bhikkhave, dhammā abhiññā1 pariññeyyā?|| ||

Pañc'upādāna-k-khandhā tissa vacanīyā.|| ||

Katame pañca?|| ||

Seyyath'īdaɱ:|| ||

Rūp'ūpādāna-k-khandho||
vedan'ūpādāna-k-khandho||
saññ'ūpādāna-k-khandho||
sankhār'ūpādāna-k-khandho||
viññāṇ'ūpādāna-k-khandho.|| ||

Ime kho bhikkhave, dhammā abhiññā pariññeyyā.|| ||

Katame ca bhikkhave, dhammā abhiññā pahātabbā?|| ||

Avijjā ca bhava-taṇhā ca.|| ||

Ime bhikkhave, dhammā abhiññā pahātabbā.|| ||

Katame ca bhikkhave, dhammā abhiññā sacchi-kātabbā?|| ||

Vijjā ca vimutti ca.|| ||

Ime bhikkhave, dhammā abhiññā sacchi-kātabbā.|| ||

Katame ca bhikkhave, dhammā abhiññā bhāvetabbā?|| ||

Samatho ca vipassanā ca.|| ||

Ime bhikkhave, dhammā abhiññā bhāvetabbā.|| ||

Kathañ ca bhikkhave, bhikkhu ariyaɱ aṭṭhaŋgikaɱ Maggaɱ bhāvento||
pañc'indriyāni bahulī-karonto||
ye dhammā abhiññā pariññeyyā,||
te dhamme abhiññā parijānāti;||
ye dhammā abhiññā pahātabbā,||
te dhamme abhiññā pajahati;||
ye dhammā abhiññā sacchi-kātabbā,||
te dhamme abhiññā-sacchi-karoti;||
ye dhammā abhiññā bhāvetabbā,||
te dhamme abhiññā bhāveti?|| ||

Idha bhikkhave, bhikkhu saddh'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu viriy'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu sat'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu samādh'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu paññ'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Evaɱ kho bhikkhave, bhikkhuno pañc'indriyāni bhāvayato||
pañc'indriyāni bahulī-karonto,||
ye dhammā abhiññā pariññeyyā,||
te dhamme abhiññā parijānāti;||
ye dhammā abhiññā pahātabbā,||
te dhamme abhiññā pajahati;||
ye dhammā abhiññā sacchi-kātabbā,||
te dhamme abhiññā-sacchi-karoti;||
ye dhammā abhiññā bhāvetabbā,||
te dhamme abhiññā bhāveti" ti.|| ||

 


 

Sutta 104

Nadī Suttaɱ

i. Viveka

[104.1][pts] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuɱ.|| ||

Bhagavā etad avoca:|| ||

"Seyyathā pi, bhikkhave, Gaŋgā nadī||
pācīna-ninnā||
pācīna-poṇā||
pācīna-pabbhārā.|| ||

Atha mahā janakāyo āgaccheyya,||
kuddāla-piṭakaɱ ādāya mayaɱ imaɱ Gaŋgānadiɱ||
pacchā-ninnaɱ karissāma||
pacchā-poṇaɱ||
pacchā-pabbhāran ti.|| ||

Taɱ kim maññatha bhikkhave?|| ||

Api nu so mahā janakāyo taɱ Gaŋgānadiɱ pacchā-ninnaɱ kareyya||
pacchā-poṇaɱ pacchā-pabbhāran" ti?|| ||

"No h'etaɱ bhante.|| ||

Taɱ kissa hetu?|| ||

Gaŋgā bhante, nadī||
pācīna-ninnā||
pācīna-poṇā||
pācīna-pabbhārā.|| ||

Na sukarā pacchā-ninnaɱ kātuɱ||
pacchā-poṇaɱ||
pacchā-pabbhāraɱ.|| ||

Yāvadeva ca pana so mahā janakāyo kilamathassa||
vighātassa||
bhāgī assā" ti.|| ||

Evam eva kho bhikkhave, bhikkhuɱ pañc'indriyāni bhāventaɱ||
pañc'indriyāni bahulī-karontaɱ||
rājāno vā||
rāja-mahāmattā vā||
mittā vā||
amaccā vā||
ñātī vā||
sālohitā vā||
bhogehi abhihaṭṭhuɱ pavāreyyuɱ.|| ||

Ehambho purisa, kiɱ te ime kāsāvā anudahanti.|| ||

Kiɱ muṇḍo kapālam anusañcarasi.|| ||

'Ehi hīnā-yāvattitvā bhoge ca bhuñjassu,||
puññāni ca karohī' ti.|| ||

So vata bhikkhave, bhikkhu pañc'indriyāni bhāvento||
pañc'indriyāni bahulī-karonto||
sikkhaɱ pacca-k-khāya hīnāy-āvatteyyāti.|| ||

Netaɱ ṭhānaɱ vijjati.|| ||

Taɱ kissa hetu?|| ||

Yaɱ hi taɱ bhikkhave, cittaɱ dīgha-rattaɱ viveka-ninnaɱ||
viveka-poṇaɱ||
viveka-pabbhāraɱ.|| ||

Taɱ vata hīnāyā-vattissatī ti n'etaɱ ṭhānaɱ vijjati.|| ||

Kathañ ca bhikkhave, bhikkhu pañc'indriyāni bhāveti||
pañc'indriyāni bahulī-karoti?|| ||

Idha bhikkhave, bhikkhu saddh'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

viriy'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

sat'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

samādh'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

paññ'indriyam bhāveti||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Evaɱ kho bhikkhave, bhikkhu||
pañc'indriyāni bhāveti||
pañc'indriyāni bahulī-karoti" ti.|| ||

 

§

 

ii. Rāga-vinaya

"Seyyathā pi, bhikkhave, Gaŋgā nadī||
pācīna-ninnā||
pācīna-poṇā||
pācīna-pabbhārā.|| ||

Atha mahā janakāyo āgaccheyya,||
kuddāla-piṭakaɱ ādāya mayaɱ imaɱ Gaŋgānadiɱ||
pacchā-ninnaɱ karissāma||
pacchā-poṇaɱ||
pacchā-pabbhāran ti.|| ||

Taɱ kim maññatha bhikkhave?|| ||

Api nu so mahā janakāyo taɱ Gaŋgānadiɱ pacchā-ninnaɱ kareyya||
pacchā-poṇaɱ pacchā-pabbhāran" ti?|| ||

"No h'etaɱ bhante.|| ||

Taɱ kissa hetu?|| ||

Gaŋgā bhante, nadī||
pācīna-ninnā||
pācīna-poṇā||
pācīna-pabbhārā.|| ||

Na sukarā pacchā-ninnaɱ kātuɱ||
pacchā-poṇaɱ||
pacchā-pabbhāraɱ.|| ||

Yāvadeva ca pana so mahā janakāyo kilamathassa||
vighātassa||
bhāgī assā" ti.|| ||

Evam eva kho bhikkhave, bhikkhuɱ pañc'indriyāni bhāventaɱ||
pañc'indriyāni bahulī-karontaɱ||
rājāno vā||
rāja-mahāmattā vā||
mittā vā||
amaccā vā||
ñātī vā||
sālohitā vā||
bhogehi abhihaṭṭhuɱ pavāreyyuɱ.|| ||

Ehambho purisa, kiɱ te ime kāsāvā anudahanti.|| ||

Kiɱ muṇḍo kapālam anusañcarasi.|| ||

'Ehi hīnā-yāvattitvā bhoge ca bhuñjassu,||
puññāni ca karohī' ti.|| ||

So vata bhikkhave, bhikkhu pañc'indriyāni bhāvento||
pañc'indriyāni bahulī-karonto||
sikkhaɱ pacca-k-khāya hīnāy-āvatteyyāti.|| ||

Netaɱ ṭhānaɱ vijjati.|| ||

Taɱ kissa hetu?|| ||

Yaɱ hi taɱ bhikkhave, cittaɱ dīgha-rattaɱ viveka-ninnaɱ||
viveka-poṇaɱ||
viveka-pabbhāraɱ.|| ||

Taɱ vata hīnāyā-vattissatī ti n'etaɱ ṭhānaɱ vijjati.|| ||

Kathañ ca bhikkhave, bhikkhu pañc'indriyāni bhāveti||
pañc'indriyāni bahulī-karoti?|| ||

Idha bhikkhave, bhikkhu saddh'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu viriy'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu sat'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu samādh'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Idha bhikkhave, bhikkhu paññ'indriyam bhāveti||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Evaɱ kho bhikkhave, bhikkhu||
pañc'indriyāni bhāveti||
pañc'indriyāni bahulī-karoti" ti.|| ||

 

§

 

iii. Amata

"Seyyathā pi, bhikkhave, Gaŋgā nadī||
pācīna-ninnā||
pācīna-poṇā||
pācīna-pabbhārā.|| ||

Atha mahā janakāyo āgaccheyya,||
kuddāla-piṭakaɱ ādāya mayaɱ imaɱ Gaŋgānadiɱ||
pacchā-ninnaɱ karissāma||
pacchā-poṇaɱ||
pacchā-pabbhāran ti.|| ||

Taɱ kim maññatha bhikkhave?|| ||

Api nu so mahā janakāyo taɱ Gaŋgānadiɱ pacchā-ninnaɱ kareyya||
pacchā-poṇaɱ pacchā-pabbhāran" ti?|| ||

"No h'etaɱ bhante.|| ||

Taɱ kissa hetu?|| ||

Gaŋgā bhante, nadī||
pācīna-ninnā||
pācīna-poṇā||
pācīna-pabbhārā.|| ||

Na sukarā pacchā-ninnaɱ kātuɱ||
pacchā-poṇaɱ||
pacchā-pabbhāraɱ.|| ||

Yāvadeva ca pana so mahā janakāyo kilamathassa||
vighātassa||
bhāgī assā" ti.|| ||

Evam eva kho bhikkhave, bhikkhuɱ pañc'indriyāni bhāventaɱ||
pañc'indriyāni bahulī-karontaɱ||
rājāno vā||
rāja-mahāmattā vā||
mittā vā||
amaccā vā||
ñātī vā||
sālohitā vā||
bhogehi abhihaṭṭhuɱ pavāreyyuɱ.|| ||

Ehambho purisa, kiɱ te ime kāsāvā anudahanti.|| ||

Kiɱ muṇḍo kapālam anusañcarasi.|| ||

'Ehi hīnā-yāvattitvā bhoge ca bhuñjassu,||
puññāni ca karohī' ti.|| ||

So vata bhikkhave, bhikkhu pañc'indriyāni bhāvento||
pañc'indriyāni bahulī-karonto||
sikkhaɱ pacca-k-khāya hīnāy-āvatteyyāti.|| ||

Netaɱ ṭhānaɱ vijjati.|| ||

Taɱ kissa hetu?|| ||

Yaɱ hi taɱ bhikkhave, cittaɱ dīgha-rattaɱ viveka-ninnaɱ||
viveka-poṇaɱ||
viveka-pabbhāraɱ.|| ||

Taɱ vata hīnāyā-vattissatī ti n'etaɱ ṭhānaɱ vijjati.|| ||

Kathañ ca bhikkhave, bhikkhu pañc'indriyāni bhāveti||
pañc'indriyāni bahulī-karoti?|| ||

Idha bhikkhave, bhikkhu saddh'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu viriy'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu sat'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu samādh'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Idha bhikkhave, bhikkhu paññ'indriyam bhāveti||
amato-gadhaɱ||
amata-parāyaṇaɱ||
amata-pariyosānaɱ.|| ||

Evaɱ kho bhikkhave, bhikkhu||
pañc'indriyāni bhāveti||
pañc'indriyāni bahulī-karoti" ti.|| ||

 

§

 

iv. Nibbāna

"Seyyathā pi, bhikkhave, Gaŋgā nadī||
pācīna-ninnā||
pācīna-poṇā||
pācīna-pabbhārā.|| ||

Atha mahā janakāyo āgaccheyya,||
kuddāla-piṭakaɱ ādāya mayaɱ imaɱ Gaŋgānadiɱ||
pacchā-ninnaɱ karissāma||
pacchā-poṇaɱ||
pacchā-pabbhāran ti.|| ||

Taɱ kim maññatha bhikkhave?|| ||

Api nu so mahā janakāyo taɱ Gaŋgānadiɱ pacchā-ninnaɱ kareyya||
pacchā-poṇaɱ pacchā-pabbhāran" ti?|| ||

"No h'etaɱ bhante.|| ||

Taɱ kissa hetu?|| ||

Gaŋgā bhante, nadī||
pācīna-ninnā||
pācīna-poṇā||
pācīna-pabbhārā.|| ||

Na sukarā pacchā-ninnaɱ kātuɱ||
pacchā-poṇaɱ||
pacchā-pabbhāraɱ.|| ||

Yāvadeva ca pana so mahā janakāyo kilamathassa||
vighātassa||
bhāgī assā" ti.|| ||

Evam eva kho bhikkhave, bhikkhuɱ pañc'indriyāni bhāventaɱ||
pañc'indriyāni bahulī-karontaɱ||
rājāno vā||
rāja-mahāmattā vā||
mittā vā||
amaccā vā||
ñātī vā||
sālohitā vā||
bhogehi abhihaṭṭhuɱ pavāreyyuɱ.|| ||

Ehambho purisa, kiɱ te ime kāsāvā anudahanti.|| ||

Kiɱ muṇḍo kapālam anusañcarasi.|| ||

'Ehi hīnā-yāvattitvā bhoge ca bhuñjassu,||
puññāni ca karohī' ti.|| ||

So vata bhikkhave, bhikkhu pañc'indriyāni bhāvento||
pañc'indriyāni bahulī-karonto||
sikkhaɱ pacca-k-khāya hīnāy-āvatteyyāti.|| ||

Netaɱ ṭhānaɱ vijjati.|| ||

Taɱ kissa hetu?|| ||

Yaɱ hi taɱ bhikkhave, cittaɱ dīgha-rattaɱ viveka-ninnaɱ||
viveka-poṇaɱ||
viveka-pabbhāraɱ.|| ||

Taɱ vata hīnāyā-vattissatī ti n'etaɱ ṭhānaɱ vijjati.|| ||

Kathañ ca bhikkhave, bhikkhu pañc'indriyāni bhāveti||
pañc'indriyāni bahulī-karoti?|| ||

Idha bhikkhave, bhikkhu saddh'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu viriy'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu sat'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu samādh'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Idha bhikkhave, bhikkhu paññ'indriyam bhāveti||
Nibbāna-ninnaɱ||
Nibbāna-poṇaɱ||
Nibbāna-pabbhāraɱ.|| ||

Evaɱ kho bhikkhave, bhikkhu||
pañc'indriyāni bhāveti||
pañc'indriyāni bahulī-karoti" ti.|| ||


Contact:
E-mail
Copyright Statement