Saṃyutta Nikāya
5. Mahā-Vagga
51. Iddhi-Pāda Saṃyutta
2. Pāsāda-Kampana Vagga
Sutta 19
Desanā or Bhāvanā Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][olds] Evam me sutaṃ:|| ||
2. "Iddhiñ vo bhikkhave, desessāmi iddhi-pādañ ca||
iddhi-pādabhāvanañ ca||
iddhi-pāda-bhāvanā-gāminiñ ca paṭipadaṃ.|| ||
Taṃ suṇātha.|| ||
§
3. Katamā ca bhikkhave, iddhi?|| ||
Idha, bhikkhave, bhikkhu aneka-vihitaṃ iddhi-vidhaṃ pacc'anubhoti:|| ||
Eko pi hutvā bahudhā ahesuṃ.|| ||
Bahudhā hutvā eko ahesuṃ.|| ||
Āvībhāvaṃ tiro-bhāvaṃ tiro-kuḍḍaṃ tiro-pākāraṃ tiro-pabbataṃ asajja-mānā agamaṃsu seyyathā pi ākāse.|| ||
Paṭhaviyaṃ pi ummujjani-mujjaṃ akaṃsu||
seyyathā pi udake.|| ||
Udake pi abhijjamānā agamaṃsu||
seyyathā pi paṭhaviyaṃ.|| ||
Ākāse pi pallaṅkena agamiṃsu||
seyyathā pi pakkhī sakuṇo.|| ||
Ime pi candima-suriye evaṃ mahiddhike evaṃ mah-ā-nubhāve pāṇinā parāmasiṃsu parimajjiṃsu.|| ||
Yāva Brahma-lokā pi kāyena vasaṅ vatteti.|| ||
Ayaṃ vuccati bhikkhave iddhi.|| ||
§
4. Katamo ca bhikkhave, iddhi-pādo?|| ||
Yo bhikkhave, Maggo yā paṭipadā iddhi-lābhāya iddhi-paṭi-lābhāya saṃvaṭṭati.|| ||
Ayaṃ vuccati bhikkhave, iddhi-pādo.|| ||
§
5. Katamā ca bhikkhave, iddhi-pāda-bhāvanā?|| ||
Idha bhikkhave, bhikkhu||
chanda-samādhi-padhāna-saṅkhāra-samannāgataṃ iddhi-pādaṃ bhāveti,||
viriya-samādhi-padhāna-saṅkhāra-samannāgataṃ iddhi-pādaṃ bhāveti,||
citta-samādhi-padhāna-saṅkhāra-samannāgataṃ iddhi-pādaṃ bhāveti,||
vīmaṃsā-samādhi-padhāna-saṅkhāra-samannāgataṃ iddhi-pādaṃ bhāveti.|| ||
Ayaṃ vuccati bhikkhave, iddhi-pādabhāvanā.|| ||
§
6. Katamā ca bhikkhave, iddhi-pāda-bhāvanā-gāminī paṭipadā?|| ||
Ayam eva Ariyo Aṭṭhaṅgiko Maggo.|| ||
Seyyath'īdaṃ:||
sammā-diṭṭhi||
sammā-saṅkappo||
sammā-vācā||
sammā-kammanto||
sammā ājīvo||
sammā-vāyāmo||
sammā-sati||
sammā-samādhi.|| ||
Ayaṃ vuccati bhikkhave, iddhi-pāda-bhāvanā-gāminī paṭipadā" ti.|| ||
